ורפא ירפא - rapé

[שעפטאל]

דעם אשכול ווערט געפענט יעצט, ס'וועט לכאו' אויפגעפרישט ווערן אין אפאר יאהר ארום.. ס'וועט נאך ווערן די נארמע צו טוהן ראפּע ר"ה ויוה"כ אין ביהמ"ד. [ס'שוין דא היינט צו טאג'ס בשתיקה, אינטערן טלית.] אפשר וועט עס גאר זיין ווי טבק וואס די טבק אידל אין שוהל איז דיך מכבד מיט א שמייכל..
דער וואס האט א רפואה עקספיריענס וועט עס דא קענען מיטטיילן.
---


טבק

טבק קען מען שמעקן, רויכען, און אפי' ניצן אין א פארום פון א ליקוואד [אריין אין די נאז, און ארויס פון די מויל].
הגם רוב רויכערער ניצן דעם ניקטין צו סופרעסן געפיהלן, ביי געוויסע שבטים ווערט עס באניצט להיפוך, ארויסצוברענגן געפיהלן וואס זענען אונטערן סורפעס, [און עס אפי' עקספרעסן מיט די וועג ווי אזוי זיי נעמען אריין און בלאזן ארויס די רויעך.]


ורפא ירפא - ראפּע

אין די דשונגל באקענט מען זיך מיטן גאר אלטן רפואה ראפּע. ס'ווערט גענוצט אלס בארואיג'נגס מיטל, אריינצוברענגן דעם מענטש אין א מעדיטעיטיוו סטעיט אוו מיינד. [ווען מ'איז אויף אייוואסקא טוהט דאס צופייערן דעם אפעקט פונעם אייוואסקא אסאך שטערקער]

מ'גייט נישט צופיהל מסביר זיין דא, ווייל מ'דארף דאס מיטהאלטן צו פארשטיין. [ווי אויכעט איז כדי מ'זאל עס טוהן די ערשטע פאר מאל דורך א שאמאן אדער איינער וואס איז באמת עקספיריענסט.] מ'געט דא א טעימה קלה, כדי זאלסט קענען זיין א חלק פונעם שמועס ווען מ'רעדט פון דעם.. און ווען מ'איז דיך מכבד אין ביהמ"ד מיט ראפּע צום ערשטן מאל זאלסטו שוין וויסן וואס קומט..


אינגרידיענט'ס

אש, טבק, הורבּ'ס, [ס'דא וואס האבן אין זיך דמט, ווי
jurma]


די וועג פון אריין נעמען

ראפּע איז שטויב וואס מ'בלאזט אריין אינעם נאז מיט אזא כמו פּייפּ, ס'שיסט ארויף צום מוח, ס'הייבט אהן שוויצן, און מ'שפייעט עס שפעהטער אויס פון די מויל.
[מ'קען עס טוהן אליין מיט א קליינעם פּייפּ וואס איין עפענונג איז אינעם מויל און די צווייטע ביים נאז. אדער מיט א לענגערע פּייפּ וואס א צווייטער בלאזט אריין פאר דיך.]


וועגן פון בלאזן

ווען מ'טוהט דאס אליין איז די באקאנסטע וועג איין שנעלע שטארקע בלאז, ווי א שברים.
נאך א מהלך איז דעם תקיעה, מ'בלאזט שוואך פאר בערך 5 סעקונדעס, אבער מ'ענדיגט צו מיט א שטארקייט.
[ס'דא נאך מהלכים, כ'מיין אז דעי צוויי זענען די באקאנסטע.]


די רפואה

ס'עפענט דעם פּינאל גלענד. [די חלק המוח פון וויזיעס.]

געבט א שטארקע קלארקייט פארן מוח צו פאוקעסען. געוויסע ניצן עס ווען זיי דארפן עפעס דורך'טראכטן מיט ישוב הדעת מיטן גאנצן שארפקייט און קלארקייט.

ס'דא נאך אסאך זייטיגע בענעפיטן, מ'רעד דא פון די עיקר.


די עקספיריענס..

ווען מ'בלאזט עס אריין, לעשט עס אויס די מחשבות פאר א רגע, מ'שפירט א שארפקייט אינעם קאפ, ווי די מוח ברענט, (ס'קען ברענגן צו ברעכן אויב מ'נעמט אסאך), אבער דערנאך פיהלט מען א מורא'דיגען ראוגקייט, ווי מ'האט פון פריש אויפגעשטאנען צו א נייעם טאג.

לויט די הורבּ'ס פונעם ראפע, (וויפיהל פראצענט איז הורבּ'ס, ווי פריש ס'איז, וכדו') לויט דעם איז די עקספיריענס בשעת מעשה און נאכדעם. [ביי געוויסע קען מען שפירן ווי די גוף ווארפט זיך אביסל, מ'באקומט ענטפער'ס, וויזיעס, וכדו'. ס'דא גראופ'ס פון האונטער'ס וואס טוהן עס פארן ארויסגיין אויף יאגד, צו וויסן ווי די חיות געפינען זיך...]


א אינטרעסאנטע עקספיריענס..

כ'האב גענומען אסאך ראפע, ס'האט מיך געמאכט ברעכן פאר בערך 15 מינוט, ס'האט מיך גענומן אין אזא מעדיטעיטיוו סטעיט, אז כ'האב זיך אראפגעלייגט אויף די ערד פאר בערך א שעה. כ'האב דאן באקומען קלארקייט אין אפאר הינזיכטן, וואס כ'דארף און קען טוהן. די ראוגקייט האט אנגעהאלטן ביז שפעהט ביינאכט.
-----------



כ'שעם זיך צו פרעגן..

טייערע חברים שבבית הקאווע

כ'האב א וויזיע פון אויספראבירן אפאר מינע גראזן, זיך אויסלערנען ביי די שאמאן'ס סודותיהם נקדותיהם ואותיותיהם ותבותיהם, והשמות היוצאים מהם מראשי תיבות וסופי תיבות וחלופי תיבות.. און מגלה זיין סודות התורה.. אבער כ'הייב אהן מורא האבן אז מיינע רפואה ארטיקלן גייען שוין אויף די נערווען.. אפשר איז העלטה עפעס וואס נאר אייוועלט וואלט געוועהן אינטרעסירט?.. אפשר זאלעך גאר מאכן אן אנקעטע איבער דעם?..

אלזא, ביטע זייט מודיע אין אישי, כ'שעץ יעדעם'ס מיינונג און געפיהל. אויב כ'זעה אינטרעסע דערין עמער ממשיך זיין.

אויב נישט, עמער ווייטער פארברענגן מיט די פומא'ס דא אינעם דשונגל, ביים וואסער'ל. צעווישן די געדעכטע גרין באדעקטע ביימער עמער צעהאקן און צעמאלן די אייוואסקא צווייגן, קאכן פאר שעות אויסגעמישט מיט מיין הערצעלע און דמט גראזן. און ווען די לעכטיגע טינקלקייט פונעם שרעקעדיגן ליבליכן נאכט קומט, עלעך טרינקן דעם טיי, שפילן אויף מיין פידעלע, זינגן א מעדיסין לידעלע, "אַלאַ האָ אַלאַ", און אויסשרייען דעם גרויסן "יאַוואַנאַוואַ שׁאַוואַראָ"