קאווע שטיבל

ווען איך בין געוועהן א קינד איז עסן פראדוקטן מיט (נאר) אן OU שטעמפל געוועהן אינגאנצן אפגעפרעגט, נאר ממש בשעת הדחק האט מען זיך פארלאזט דערויף (מעגליך אז דאס אויך נישט, כ'געדענק שוין נישט אינגאנצן). שפעטער ווען איך בין "אויפגעקלערט געווארן" איז עס געווארן א לכתחילה, הגם איך האב מיך נאכאלץ געפילט ווי א שטיקל קל (מלשון קיהל/cool?) ביים עסן OU פראדוקטן. אבער די לעצטע פאר יאר וואוין איך אין געגנטער וואו ס'כמעט נישט דא צו באקומען די היימישע הכשרים, פארקערט, ווען איך עס OU פראדוקטן פיל איך מיך ווי א גאנצע צדיקת... כ'מיין ווי ווייט איך ווייס איז עס "בעסער" (וואסאימער די גיהנם דאס מיינט) ווי די אנדערע הכשרים אדער אי-הכשרים פראדוקטן וואס איך עס. אמאל ווען איך פלעג זעהן אדער הערן די צאמשטעל פון די אלפאבעטן O און U האט עס מיר ארויפגעברענגט א שטיקל אפשיי, שפעטער קיהלשאפט, היינטיגע צייטן ווען ס'איז צעהן מדריגות העכער מיין כשרות לעוועל ברענגט עס מיר ארויף די זעלבע געפיל ווי די פלאטשיגע ביבער הוט מיט שווארצע זאקן.

אלנספאלס, כ'בין נייגעריג וויאזוי דער עולם פילט איבער OU, סיי דער עולם וואס דרייט זיך דא און סיי אייערע פארפרומטע פריינד און פאמיליע, איז עס נאך בכלל א נושא?

איך פיל מיט ou מער טראסט ווי אנדער הכשרים, אבער היות זיי האבן אסאך קילות פראביר איך זיך אפהאלטן צו ניצן אסאך קאפליצירטע זאכן פון זיי
ווי למשל אויל פשוטע קענד פרוכט און וועדשזטיבעל וכדומה ניץ איך לכתחילה פון זיי, זאכן מיט קאלארינג, אדער וואס מען דארף כשר׳ן מעשינען פרוביר איך צו האבן היימישע (חוץ אויב איך ווייס קלאר אז די היימישע הכשרים ניצן עס אויך)

ענליך ווי @Nanach שפיר איך א שטערקערע טראסט אין זיי בנוגע אז זיי פירן אויס וואס זיי האלטן עד הסוף. ובנוגע זייערע קלות ווייסיך נאר פון ׳בשול עכו״ם׳ וואס איך ניץ עס יא ביי רוב פראדוקטן וואסיז ׳אינו עולה על שלחן מלכים׳ און כ׳האלט זיך צוריק פון מאכלים ווי זיי זענען מיקל אויף ׳פת עכו״ם׳ און פארשטייטסעך אז כ׳ניץ נישט OU-D וויבאלד ס׳נישט ׳חלב ישראל׳.

מנהל האט געשריבן: וואס מיינסטו צו זאגן אז OU איז "צעהן מדריגות העכער מיין כשרות לעוועל"? שיס נישט דא קיין אומקלארע באמבעס וואס הייבן אויגן ברעמען. אויב האסטו א נארמאלן הסבר זיי עס מסביר, אויב מיינט עס אז די עסט זאכן וואס זענען נישט כשר, ביסטו אין דעם ראנג פארום, און קאווע שטיבל איז נישט דיין פלאץ.

א. איך פארשטיי נישט פון וועלכע באמבעס דו רעדסט, זעהט אויס ווי דו ביזט סתם דא מיר צו דערגיין די יארן. כ'האב סך הכל געזאגט אז OU - וואס צווישן די כשרות ארגאניזאציעס איז עס אויף די פרומערע/מחמיר זייט - איז העכער מיין כשרות לעוועל, נישט קיין באמבע און ניטאמאל קיין פארדעכטיגט פעקל.

ב. יעצט ווער איך געוואור א נייע ידיעה, אז אין קאוועשטיבל מעגן נאר שרייבן מענטשן וואס עסן כשר'ס, אקעי. די שאלה איז נאר וואס גייט ביי דיר אריין בגדר כשר'ס? איז חלב סתם כשר? את"ל אז יא וואס איז מיט חלב עכו"ם? חדש? געבאקן פאר פסח? אומגעפילטערטע וואסער? מאשין מצות? בראקעלי טשיקן? באפעלאו? טורקי? שטאפ-גענז? מוז מען ווארטן 6 שעה אדער איז קינוח והדחה גענוג? וואס איז מיטן vegan פראדוקטן אן א הכשר? קום אריין מיט קלארע אנווייזונגען ווייל ס'גאנץ מעגליך אז מ'וועט דארפן ארויסטראסקענען א שיין ביסל ניקים אויב מ'וועט דא אינפאסירן די כשרות געזעצן.

לכתחילה עס איך נאר ou פראדוקטן, אבער צימאל איז די נסיון צי גרויס און איך קען מיך נישט איינהאלטן בין איך מקיל אויף התאחדות….

לגבי די אלגעמיינע חסידישער עולם, ווייסט יעדער (עכ״פ ווער ס׳וויל וויסן) אז ou איז די בעסטע הכשר, נאר ס׳דאך נישט קיין היימישער הכשר וואטעווער די גיהנם דעיס מיינט, מילא כאפט מען זיך ארויף אויף די חלב עכו״ם.

גראדע זעה איך אז די חסידישע בעל בעתישע עולם באניצט זיך שוין מער מיט ou דהיינו ווען ס׳נישט מילכיג אדער פליישיג, מענטשן וואס פאר צעהן יאר צירוק איז ou און חזיר געוועהן די זעלבע מדריגה, טרינקן היינט קאקע קאלע ווי כאילו ס׳איז מים חים סאודע

מ'רעדט דא פון ou, כשר'ס. זייטיגע הערה:
כשר'ע עסן האט נישט צעטוהן מיט א הכשר.

די וואס וואוינען אין די ווייטע פלעצער, קוקן אויף די אינגרידיענט'ס. (כ'רעד פון עהרליכע וואס פיהרן א אידיש שטיב)
ביי אונז איז אויך דא דעם מושג ביי ברוינטפן.

איי בליעות? ס'איז נותן טעם לפגם, (די קאמפעני זיכט נישט ס'זאל זיין א טעם פון טריפה פלייש אין די פרענטש פרייז.)
איי אפשר איז אריינגעמישט נאך זאכן? ס'איז בטל בשישים (באלף..)
וכו'.

ביי קוקן אויף אינגרידיענט'ס איז דא אסאך דרגות, ou איז צעהן דרגות העכער... שריי נישט.. כ'מאך נאר א ווערטל..

(אמאל אין די מרחקי המרחקים בלי מזון ומחיה האבעך בלית ברירה אריין אין א פּיצא סטאר, טראכטנדיג אז ס'איז פת פלטר און חלב סתם. למעשה די פּיצא האט אויסגעקוקט אביסל פּינק, ס'איז פּעפּעראוני. דא האב איך צום ערשטען מאל אין מיין לעבן מקיים געוועהן דאס נישט עסען חזיר פלייש!!
כ'קען א משגיח כשרות וואס גייט אמאל אריין אין א מיקדאנעלד'ס ווייל די ברויט (בּאון) איז פת פלטר, די קעטשאפ איז אמאל אפי' ou, שטייצעך אהן פלייש.)

איך קוק אן או. יו. ווי א נישט חומרא'דיגע הכשר, כ'גלייב אז ס'איז דא אויף וועם זיך צו פארלאזן ווען ס'קומט צו זייערע קולות, - חלב סתם איז שוין יא א קולא וואס ס'איז א ''גרויסע'' קולא, - און איך נעם אן אז רוב חסידי'שע הכשרים זענען ''מסתמא'' מער חומרא'דיג, אבער כשר זענען ביידע, און מכשולות קענען אויך ביידע האבן, און סייעתא דשמיא דארפן אוודאי ביידע האבן.

ווען ס'קומט זיך צו האלטן צו זייערע סטאנדארטן, גלייב איך אז זיי זענען מער שטארק און קאנסיסטענט.

איין זאך וואס ס'איז א שאד אז זיי האבן נישט, איז א שמוץ מאשין קעגן די היימישע הכשרים. אסאך הכשרים האבן אזא מנהג אז ווען מ'רעדט פון כשרות ניצן זיי אויס די געלעגענהייט אריינצושמיצן אין OU. פארשטייט זיך אונז בארעדט מיר נישט קיינעם, אבער דארטן האט זיך געמאכט א מכשול מיט זיי, און ביי יענע פראדוקט מאכט זיך אזא שאלה, נעבעך וואס פארשטייען די באדערנע מיט זייערע שוואכע הכשרים...

איך רעדט שוין נישט אז די צוהערער'ס הערן נאר פון איין זייט פון די מטבע, קענען זיי אויכעט פארהוילן פשוט'ע קולות וואס א איעדן איד פארלאזט זיך יעדן טאג. פארדעם האלט איך אויכעט אז זיי זאלן אויכעט ביי א יעדע דרשה דערמאנען התאחדות עבירות, מיט די עדה החרדית מכשולות. כ'גלייב אז אין יעדע הכשר איז דא קולות מיט מכשולות וואס מ'קען זיך ארויפזעצן. פארשטייט זיך אונז בארעדט מיר נישט קיינעם, אבער דארטן האט זיך געמאכט א מכשול מיט זיי, און ביי יענע פראדוקט מאכט זיך אזא שאלה, נעבעך וואס פארשטייען די חסידים מיט זייערע שוואכע הכשרים...

קריינא: אין אנדערע ווערטער: ס'גייט אונז נישט אהן קיינעם'ס אידישקייט לעוועל. אבער לאכן אין פנים פון זאכן וואס אונז גלייבן איז דיסרעספעקטפול. (זיין געלעכטער און זלזול, לאכן פון די בהמות, כלשונך).

כ'בין זיכער אז ברוך לאכט נישט פון מיך פארן עסען כשר'ס. ער גלייבט נאך מער פון אונז אלע. נאר ער לאכט יעדע'ס מאל מ'איז עהרענסט, אפי' ער גלייבט. (אויב מ'וועט רעדן צו עם וועגן גורו'ס, ענערגיע, וכדו' מיט א עהרענסטקייט וועט ער אויך לאכן.)

סאו, כ'נעם עם אהן פאר א דשאוקער, אבער נישט א מזלזל חלילה.
--

שטייצעך. כ'גיי בכלל נישט אריין אין דעם פאל, צו נעמען צדדים. און ס'בארעכטיגט נישט צו עובר זיין אויף תקנות המקום. כ'מיין נאר ארויסצוברענגן אז היות ק"ש האט נאך נישט קיין טראפן, קען מען נישט הערן ווי אזוי יענער זאגט עס. מ'ליינט אמאל א תגובה, מ'מיינט ס'איז געשריבן מיט א זקיף גדול אטורעטעיט, אתנחתא'ס און סוף פסוק'ס. דערווייל איז עס געזאגט מיט א איידעלע שמייכל'דיגע פזר, צו א לאכעדיגע שלשלת, אדער מיטן וואנערבול מפח פשטא זקיף קטן.

(ס'דא ניקים וואס כ'פלעג נישט קענען דערליידן ביז כ'האב זיי געטראפן און געזעהן ווי אזוי זיי רעדן. וכן להיפוך כ'האב שוין באקומען היץ פאר זאכן וואס כ'האב בכלל נישט געטראכט פון, ומהאי טעמא.

למשל, ס'קען זיין אז דעי תגובה קוק'ט אויס ווי כ'נעם זיך אהן פאר איינעם, הגם כ'שרייב מיט באקציינער אז נישט, אבער אפשר מיין איך מרמז צו זיין. ווען דו הערסט מיין טאון וואלט עס דיך נישט איינגעפאלן.)

מיין תגובה איז מיטן איידעלען מפח פשטא!..

דיין שולד? ח"ו! (מיין פאוקעס איז בכלל נישט אויף דיך, צו אויף דעם ou אשכול)
לאכן ווען מ'איז עהרענסט? יא
אבער אונז אנקוקן ווי בהמות, מזלזל זיין? כ'ווייס בבירור אז נישט!

די נקודה: די זעלבע ווערטער קען געהערט ווערן דורך צוויי מענטשן, ראובן וועסטו ווילן שיסן און שמעון וועט דיך ניטאמאל בארירן. ס'ווענד זיך וואס כ'גלייב ס'ליגט אונטער זיינע ווערטער. (זלזול, רשעות, קנאה וכדו'. צו אטענשען סיקינג, נישט טראכטן, תמימית, א ווערטל, ליבשאפט וכדו'.)

ברוך שפינוזה: איך בין זיכער אז דו ביסט געווען (א ביסל) הומאריסטיש. (נאך פאר דער מנהל האט דיך אנגעשריגן). וועל איך מיר אויך ערלויבן צו זיין א ביסל הומאריסטיש.

א איד פון ארץ ישראל נאך וואס ער איז אהיימגעפארן צוריק קיין ארץ ישראל, האט זיך בארימט אז ווילאנג ער איז געווען אין אמעריקע האט ער נאר געגעסן די...O R...! מיט די השגחה פון

ביינונז איז די עיקר אז א הכשר מיז האבן יידישע אותיות, און לכתחילה אויך מיט א נאמען פון א אייראפעישע שטאט, ווי אבד"ק כעלם.

איך שריי שוין לאנג אז או יו זאל צולייגען יידישע אותיות. א שאד אז זעען נישט איין די ערענסקייט.

שעפטאל האט געשריבן:ביי קוקן אויף אינגרידיענט'ס איז דא אסאך דרגות, ou איז צעהן דרגות העכער... שריי נישט.. כ'מאך נאר א ווערטל..

דאס האב איך גראדע געמיינט מיט די צעהן דרגות, ס'איז אינגאנצן אויסגעהאלטן ע"פ שולחן ערוך נטו, רוב אידן וואס אידענטיפיצירן זיך אלץ ארטאדאקסיש פירן זיך אזוי. גראדע די OU זענען גרויסע מחמירים, איין ביישפיל אין וואס איך האב מיך לעצטנס אנגעשטויסן איז אז זיי געבן נישט קיין הכשר אויף collagen peptides, נאך איינס איז אז פאר פסח'דיגע פראדוקטן האבן זיי אלע די חסידישע סארטן חומרות. ס'דא נאך אסאך זאכן אויף וואס די OU גיבט נישט קיין הכשר און אנדערע געבן יא, ס'איז נאר פאני ווי פאר צעהן יאר צוריק האב איך אנגעקוקט די OU ווי א קולא'דיגע הכשר וואס איז אונטער מיין לעוועל און היינטיגע צייטן קוק איך זיי אן ווי א הכשר וואס איז צו חומרא'דיג, דאס איז די גאנצע פוינט פון דעם אשכול. כ'בעהט איבער די וואס האבן זיך באליידיגט, כ'האב גארנישט געמיינט מרמז צו זיין, איך מיין עטץ קענטס מיר גענוג גוט צו וואוסן אז ווען איך האב עפעס צו זאגן דארף איך נישט צוקומען צו אזעלכע אומפארשטענדליכע רמזים.

ברוך שפינוזה האט געשריבן: ↑פרייטאג אקטאבער 20, 2023 6:40 pm

שעפטאל האט געשריבן:ביי קוקן אויף אינגרידיענט'ס איז דא אסאך דרגות, ou איז צעהן דרגות העכער... שריי נישט.. כ'מאך נאר א ווערטל..

דאס האב איך גראדע געמיינט מיט די צעהן דרגות, ס'איז אינגאנצן אויסגעהאלטן ע"פ שולחן ערוך נטו, רוב אידן וואס אידענטיפיצירן זיך אלץ ארטאדאקסיש פירן זיך אזוי. גראדע די OU זענען גרויסע מחמירים, איין ביישפיל אין וואס איך האב מיך לעצטנס אנגעשטויסן איז אז זיי געבן נישט קיין הכשר אויף collagen peptides, נאך איינס איז אז פאר פסח'דיגע פראדוקטן האבן זיי אלע די חסידישע סארטן חומרות. ס'דא נאך אסאך זאכן אויף וואס די OU גיבט נישט קיין הכשר און אנדערע געבן יא, ס'איז נאר פאני ווי פאר צעהן יאר צוריק האב איך אנגעקוקט די OU ווי א קולא'דיגע הכשר וואס איז אונטער מיין לעוועל און היינטיגע צייטן קוק איך זיי אן ווי א הכשר וואס איז צו חומרא'דיג, דאס איז די גאנצע פוינט פון דעם אשכול. כ'בעהט איבער די וואס האבן זיך באליידיגט, כ'האב גארנישט געמיינט מרמז צו זיין, איך מיין עטץ קענטס מיר גענוג גוט צו וואוסן אז ווען איך האב עפעס צו זאגן דארף איך נישט צוקומען צו אזעלכע אומפארשטענדליכע רמזים.

גא"מ למצדיקי הרבים ממליצי ישרה על גברא רבה גם ברוך יהיה שבודאי אינו בא לקטרג כלל וכלל על דינא דארטדאקסיא ואינו מסתפק מזה להנאותו לתיאבון או להכעיס רק לקיים בזה ליהודים היתה אורה זו תורה וללמוד אני צריך ללמדך שאין רוח הקדש שורה אלא על לב שמח, מכירו הייתי לשעבר ועכשיו ביותר ממה שכתוב כאן צוה ה' את הברכה ורחמים וחיים ושלום לו ולכל השטיבל.

-------------------

צום עיקר שאלה, ווי אזוי מ'פילט איבער OU?, איך פיל גוט.

אגב. איינער האט מיך גע'אישי'ט אז כ'בין דוקא יא דא צו נעמען א צד, והא ראיה כ'האב נישט געלייקט די מנהל'ס תגובה.

ס'ווייזט מיך נאכאמאל ווי שטארק ס'ווענד זיך אין די אפטייטש, טראפּן, בּעליף..

כ'נעם קיינמאל נישט קיין צד ווייל 1. כ'בין נישט גענוג קליג דערפאר, 2. כ'האב נישט קיין ידיעה וואס גייט פאהר הונטער די קוליסין, און בעיקר 3. ס'איז נישט מיין דשאב.

ס'איז זייער קלאר פאר ווער ס'דרייט זיך דא א שטיק צייט אז די מנהל איז זייער ישרות'דיג, ער איז דא צו האלטן אונזער שטיבל איינגענעם און סעיף. (כ'ערווארט ניטאמאל אז ער זאל זיין א מלאך און זיין הונדערט פראצענט גערעכט יעדע'ס מאל. מיך איז גענוג אז ער איז ישרות'דיג און נישט קיין דיקטאטור. ואין לדיין אלא מה שעיניו רואות.) כ'האב באמת הכרת הטוב פאר אהים. מ'בענטשט עם יעדע שבת ביי וכל מי שעוסקים.

כ'לייק כמעט יעדע תגובה וואס איך ליין, [סאו מ'קען זעהן וועלכע תגובות כ'האב שוין געליינט..] (מיין לייק איז א שכח פארן שרייבן, און ווייטער נישט קיין הסכמה) חוץ 1. א תגובה וואס ערווארט נישט קיין לייק, ווי " דיטעיל'ס פליז" וכדו'. 2. א תגובה וואס פאהרט איינעם אריין, ווייל ס'וועט אפשר וויי טוהן פאר יענעם.

שעפטאל: איך בין בד"כ (בדרך כלל) מסכים מיט אלעס וואס דו זאגט אין דיין תגובה. אויסער מיט איין פאראגראף. איבער וואס איך האב נאכנישט אפגעמאכט מיין מיינונג. ס'איז תלוי ועומד.

איין זאך איז זיכער. קעגנגעזעצטע מיינונגען, צומאל א ביסל שארף ווערן נישט אדורכגעלאזט. לכה"פ אין מיין פאל.

כידוע, רוב רובם פון אינגרידיענס פארלאזן זיך די היימישע הכשרים אויף OU 4 און CRC פון טשיקאגא. בעסיקלי, יעדע מאכל וואס מען עסט, נישט קיין חילוק וועלכע הכשר, פארלאזט מען זיך אויף די אוי יו.
פארוואס זאל מען זיך נישט אינגאנצען פארלאזן אויף זיי?

פארשטייט זיך עס איז דא באקאנטע הלכות וואס א גרויסער עולם האט נישט אנגענומען, ווי די מילך, אבער אנדערע זאכן פארוואס נישט?

איך האב אייביג געהערט אז ou איז בעצם איז בעצם אסאך בעסער ווי היימישע הכשרים מיט אינפארסירן זייערע גיידליינס, די פראבלעם איז נאר אז זיי האבן אסאך קולא'ס אין זייערע גיידליינס to begin with, איינער ווייסט אפשר וואס זענען די גרויסע קולא'ס?

תקע בשופר: יש"כ. להוציא מליבן פון די וועלכע שרייען...נאר איך בין א צדיק. יענער איז א שייגעץ פאר דעים און דעים...זיינע הכשרים זענען נישט גוט.

אין מיין שטוב קומט אריין א יעדע זאך וואס איז .."נייטראל"...למשל, אזוי ווי דישוואשינג זייף, זיכער מיט א הכשר פון או. יו. נישט די אלגעמיינע (גוי'אישע) ווייל ס'קען זיין דארט אריינגעמישט נישט כשר'ע אינגרידיענטס.

נאר געוויסע אנדערע זאכן, ווי למשל "ווייז" פאטעיטא טשיפס.. כאטש ס'איז דא מיט א הכשר פון די או. יו. איז בעסער אז מ'נעמט עס נישט. נאר וואס איז געמאכט ביי א אידישע קאמפעני.

איך האב אליין געזעהן (מיט א סאך יארן צוריק) ווען א יונגל איז אריין אין א גוי'אישע גראסערי צו קויפן "ווייז" פאטעיטא טשיפס.. מיט די או.יו. השגחה. נאר ממש נעבן דעם איז געווען אן אנדערע פראדוקט פון "ווייז". פאטעיטא טשיפס מיט "פארק רינדס". פארשטייצעך אז די או. יו. געט נישט קיין הכשר אויף דעים. אבער ס'איז גאנץ גרינג זיך טועה צו זיין. ספעציעל פאר א קינד.

נאר יענער קינד איז געווען פון א משפחה פון (אמעריקאנער) בעלי תשובה. וואס די מאמע איז געגאנגען אנגעטון ווי א רביצין. זי האט געדרייווט א קאר. און די קינדער האבן געגעסן "ווייז" פאטעיטא טשיפס...!

בערל: דו דערמאנסט מיך נאך א פראבלעם וואס קען זיך מאכן מיט די OU פאטעיטא טשיפס. מיט אפאר יאר צוריק האב איך מיך ארומגעדרייט אין גאס מיט א חבר ערלעדיגן געוויסע זאכן, מיטאמאל האט מיך אנגעכאפט א הונגער, בין איך אריין אינעם נענטסטן קיאסק און גענומען א פארטי סייז פאטעיטא טשיפס פון Lay's, נאר אזויווי איך בין דאך אן אויבערחכם וואס דארף אלץ אויספרובירן עפעס ניי האב איך גענומען די vinegar flavor וואס קומט אין די בלויע בעג. מיין חבר האט מיר אנגעווארנט נישט צו נעמען דעם פלעיוואר ווייל איך גיי עס נישט ליעב האבן, איך האב מיך אבער גע'עקשנ'ט אז ס'קען דאך נישט מעגליך זיין אז ס'איז ממש אזוי אומבא'טעמ'ט אז מ'קען עס ממש נישט אין מויל ארייננעמען, כ'מיין מענטשן קויפן עס דאך, ווי שלעכט קען עס שוין זיין? יא יא, כ'האב באצאלט די פאר טאלער, ארויס אין גאס מיט'ן בעג אין די הענט, גענומען איין ביס אין מויל אריין, און די רעשט איז אריין גראד אינעם קארנער גארבידש קען, פעך!!! שוין, האב איך געדארפט צוריקגיין קויפן די געהעריגע געהלע בעג ווי א נארמאלער מענטש און סווייפן נאך א 5 טאללער.

ברוך שפינוזה: אט דאס איז א סעמפל פון "אנטי-קלימאקס"...איך בין געווען א מיליאן פראצענט זיכער אז די סוף פון די מעשה איז געווען אז יענער פראדוקט איז געווען טריף. דערווייל איז עס נאר געווען מיט א שלעכטן טעם...קיינמאל קיין ערגערס. איך האב אויך אין מיין מעמארי סטארידזש עטליכע אזעלכע און ענליכע מעשיות...!

אה, דערמאנט: אין מיינע בראשית יארן (נישט צו רעדן פון די שמות און ויקרא יארן) ווען איך בין געקומען קיין אמעריקע און כ'האב קוים געקענט א פאר ווערטער ענגליש, האביך געזעהן אין א סטאר א משקה וועלכע הייסט "ראאט ביר". כ'בין געווען זיכער אז דאס איז א נייע מין ביר וואס איך האב נאכנישט טועם געווען. איך גיי אהיים. איך גיס מיר אן א געלזל פון די "ביר"...איך האב עס אזוי שנעל אויסגעשפיגן...!

ברוך שפינוזה האט געשריבן: ↑זונטאג אקטאבער 22, 2023 12:41 am בערל: דו דערמאנסט מיך נאך א פראבלעם וואס קען זיך מאכן מיט די OU פאטעיטא טשיפס. מיט אפאר יאר צוריק האב איך מיך ארומגעדרייט אין גאס מיט א חבר ערלעדיגן געוויסע זאכן, מיטאמאל האט מיך אנגעכאפט א הונגער, בין איך אריין אינעם נענטסטן קיאסק און גענומען א פארטי סייז פאטעיטא טשיפס פון Lay's, נאר אזויווי איך בין דאך אן אויבערחכם וואס דארף אלץ אויספרובירן עפעס ניי האב איך גענומען די vinegar flavor וואס קומט אין די בלויע בעג. מיין חבר האט מיר אנגעווארנט נישט צו נעמען דעם פלעיוואר ווייל איך גיי עס נישט ליעב האבן, איך האב מיך אבער גע'עקשנ'ט אז ס'קען דאך נישט מעגליך זיין אז ס'איז ממש אזוי אומבא'טעמ'ט אז מ'קען עס ממש נישט אין מויל ארייננעמען, כ'מיין מענטשן קויפן עס דאך, ווי שלעכט קען עס שוין זיין? יא יא, כ'האב באצאלט די פאר טאלער, ארויס אין גאס מיט'ן בעג אין די הענט, גענומען איין ביס אין מויל אריין, און די רעשט איז אריין גראד אינעם קארנער גארבידש קען, פעך!!! שוין, האב איך געדארפט צוריקגיין קויפן די געהעריגע געהלע בעג ווי א נארמאלער מענטש און סווייפן נאך א 5 טאללער.

יאפ, כ'האב מיט געוואוינט די זעלבע מעשה מיט מיר אליין, מיין טעות האט זיך גענומען וויבאלד זייער וויניגער פלעיווער קומט אין א בלויע זעקל, ענליך צו די פשוט'ע טשיפס פון די היימישע קאמפעני'ס.

איי געס אין אזעלכע מצבים האט א איד מזל ווי א בער...

תקע בשופר האט געשריבן: ↑מוצ"ש אקטאבער 21, 2023 11:37 pm כידוע, רוב רובם פון אינגרידיענס פארלאזן זיך די היימישע הכשרים אויף OU 4 און CRC פון טשיקאגא. בעסיקלי, יעדע מאכל וואס מען עסט, נישט קיין חילוק וועלכע הכשר, פארלאזט מען זיך אויף די אוי יו.
פארוואס זאל מען זיך נישט אינגאנצען פארלאזן אויף זיי?

פארשטייט זיך עס איז דא באקאנטע הלכות וואס א גרויסער עולם האט נישט אנגענומען, ווי די מילך, אבער אנדערע זאכן פארוואס נישט?

לגבי שאלה 1 - די טענה הערט מען כסדר אבער דאס קומט פון א פשוט'ע טעות. ווען התאחדות אדער וואלאווע וויל גיבן א השגחה אויף א פראדוקט, דארף מען דאך מאכן רעסערטש אויף די אינגרידיענטס. כדי צו באקומען אינפארמאציע אויף די אינגרידיענטס וועט התאחדות אנריפן או יו און פרעגן וואס זיי ווייסן וועגן די באשטאנדטייל - פשוט'ע פאקטן. אדער טאמער איז די אינגרידיענט א פראדוקט וואס איז אינטער די השגחה פון או יו וועט מען זיי אויספרעגן די דרגא פון כשרות פון די פראדוקט. דערנאך וועט די בעל מכשיר מחליט זיין טאמער די אינגרידיענט קען מען אריינלייגן און א פראדוקט וואס האט שיין הכשר. בקיצור, מ'קען זיך פארלאזן אויף די או יו צו וויסן די מציאות ווייל זיי זענען נישט קיין ליגנער אבער דאס מיינט נישט אז מ'דארף אננעמען זייערע פסקים.

לגבי שאלה 2 - איך האב אמאל געהערט א דרשה פון ר' יהושע כ"ץ מ'מאגרוב א דרשה (וכידוע רייסט ער אסאך ארינטער או יו), האט ער אויסגערעכענט כמה קילות וואס די או יו נעמט אן. איך געדענק שוין נישט אלעס אבער איינס געדענק איך אז ער האט געזאגט אז זיי נעמען אן אז מ'קען כשרות מיט זיעה. דאס למשל קען זיין א פראבלעם ביי זייער אסאך (אפשר רוב) פראדוקטן.

נ. ב.
ביטע נישט אויסטייטשן מיין תגובה אז איך זאג אז אנדערע הכשרים זענען בעסער ווי או יו.