קאווע שטיבל

לוינט זיך צי קויפן אזא כלי? כ'טראכט פון די Meta Quest 2. איך פלאן עס נישט צי ניצן פאר געימינג (זעהט אויס די עיקר נוצן), נאר צי וואטשן VR ווידיאס. איך רעד מיך איין אז מיט דעם קען מען זיך פילען ממש ווי מ'דרייט זיך אויף די אטעם פארכאפענדע grand canyon, אין די amazon jungle צווישן קראקאדיילס און שלענג, און אפריקע צווישן לייבן און עלעפאנטן, קריך אויף די מאונט עווערעסט אראפקוקענדיג די שרעק ווארפענדע סטיפ, וכו וכו.

ס'סאונד צי מיר ווי אן עקספיריענס וואס איז ווערט א מיליאן דאלער, און זיכער די נארישע אינוועסטמענט פון 200 דאלער.

למעשה זעה איך נישט אז ס'זאל זיין אזוי פאפולער ביי מענטשן וואס האבן בעסער וואס צי טון ווי שפילן געימס. איז דא איינער וואס האט עקספיריענס מיט עס עקשולי ניצן?

קודם כל אויב די קויפסט, קויף די "מעטא קוועסט 3".
עס איז א געלונגענעם פראדוקט. די וויזיע אינעם גלעזער איז זייער ברייט, די ברייטסטע וואס נאר דא צו באקומען. ברייטער ווי עפל'ס "וויזיע-פראו".

דאס דארעך-זען די גלעזער מיטן קאמארע איז זייער גוט. ווען איך האב דאס אנגעטון בין איך געווען צומישט צו איך טראג עס אדער נישט. אוודאי איז עס נישט פּורפעקט אבער גאנץ פיין.

עפל'ס דארעך זיכטיג איז פיל פיל בעסער, אבער ווי שוין דערמאנט האט מען א קלענערע אויסקוק.

בנוגע דיין חלום פון ארומלויפן אויף די בערג שפיצן פון קאלאראדא וכדו', כ'מיין אז ס'איז דא גוטע עקספיריענסעס שיינע פארענאמעס, אבער נישט ממש אזוי גלארייך ווי איר חלום'ט זיך. אבער אפילו סתם יו טוב ווידעאס איז מן הסתם געשמאַק צו וואטשן אויף א ריזיגע סקרינע אינעם גלעזער.

מעטא האט א ים מיט געימס און אונטערהאלטונג.
עפל קוים אפאר ניצלאזע עפס.

מעטא קוועסט 3 וועגט ווייניגער ווי עפל.
עפל איז שטארק אומבאקוועם, און א באטערי שלעפט זיך נאך.

מעטא גייט פאר עטליכע הונדערט דאלער
עפל עטליכע טויזנט דאלער! ! !

עפל האט עטליכע מעלות אויף די טעכנעלאגיע פראנט מיט שפיץ געשניטענע טעכ, ווי אויגן נאכפאלגער (eye tracking) האנט נאכפאלגער. א קריסטאל קלארע סקרינע, די בעסטע וואס נאר דא אין די וועלט. די פּיקסלען זענען אויסטערליש קליין, ענליך צו די גרויסקייט ווי א רויטע בלוט צעל!!

די אלע טעכנעלאגישע איינריכטונגען אויף די "עפל וויזיע פראו" טוט עס ערמעגליכען צו אויפכאפן קלאר וואס איר זאגט למשל פאר רעדן צו שרייבן (speech to text) וכדו'.

ווי איך פארשטיי האבן ביידע סיי עפל און סיי מעטא גאר גוטע עי איי טעכ, אדער ווי טים קוק גלייכט עס צו ריפן advanced machine learning.
איך בין נישט באקאנט וועמענ'ס עי איי איז בעסער.

(וויכטיג אנצומערקן אז עפל איז נישט קיין גרויסע שפילער ווען עס קומט צו עי איי, (זעיט אויס מען האט אפגע'גנב'עט דעם "איי" פון עפל אין זיי געלאזט אויפן וואסער...) ווידער מעטא איז דווקא יא א גרויסע שפילער אין עי איי דיוועלאפמענט. דאכצעך אז עפל טוט לעצטנס האנדלען מיט גוגל איבער קויפן עי איי טעכ. דאס איז אין שארפע קאנטראסט צו עפל'ס ביז יעצטיגע פאליסי פון פאבריצירן אויף די אייגענע האנט. גראדע אויך די סקרינע אינעם עפל גלעזער איז פראדוצירט דארעך א צווייטע פירמע "דאכצעך")

עפל וויזיע פראו: א נאקעטע שטיקל טעכנעלאגיע וואס איז אומניצבאר.
קוועסט 3: ניצבאר, גאר פארגעשריטן און באקוועמער.

אויב ווילסטו דורך טוהן וועלכע פון די צוויי גלעזער איז בעסער. עפל’ס וויזיע-פראו אדער מעטא’ס קוועסט להוי ידוע אויז אויף יוטוב איז דא אן א שיעור ווידאוס מסביר זיין די מעלות און חסרונות וכו’ דאכטצעך אפי’ א ווידאו פון זוקערבערג בכובודו ובעצמו

איך האב עס געניצט און געגאננגען כאילו אויף א ראלערקאסטער רייד סנישט משיג צו זיין וויזוי מען קען אויסשפילן די מוח , איך האב ממש געפילט ווי איך בין דארט און איך פלי ארים אויף בערג און טאלן , נישט כאילו איך בין דארט נאר ממש געשפירט ווי איך בין דארט

איך בין אפילו געווארן nauseous , סאיז זייער אינטערסאנט

די קוועסט 2 איז זייער שוואכע קוואלעטי. מ׳באקומט ממש קאפ ווי פון די נישט קלארקייט

אגב ווי קויפט מען די ברילן?

יעקב123 האט געשריבן: ↑זונטאג מערץ 31, 2024 10:22 am אגב ווי קויפט מען די ברילן?

האפמאן'ס אפטיקעל
51 Forest Rd אין קרית יואל

שפילער האט געשריבן: ↑פרייטאג מערץ 29, 2024 11:46 am איך האב עס געניצט און געגאננגען כאילו אויף א ראלערקאסטער רייד סנישט משיג צו זיין וויזוי מען קען אויסשפילן די מוח , איך האב ממש געפילט ווי איך בין דארט און איך פלי ארים אויף בערג און טאלן , נישט כאילו איך בין דארט נאר ממש געשפירט ווי איך בין דארט

איך בין אפילו געווארן nauseous , סאיז זייער אינטערסאנט

וואו, ס'מיינט אז כ'קען צושטעלן א געשמאקע חוה"מ טריפ פאר מיינע קינדער, אומזינסט. אנשטאט שטיין אין די רייע פאר לאנגע שעות צי קענען ארומדרייען 7 הקפות אויף א בערעלע (וואס דרייט זיך אויך על צירו, סא מ'ווערט דאפעלט דיזי)

איז דא א וועג צי קענען קאנטראלירן פון א פאון וכדומה וואס מ'זעהט אויף די גלעזער? איך מוז דאס האבן אויב איך וויל עס פאר חוה"מ פאר די קינדערלעך.

דערווייל האב איך נאר געטראפן פארקערט, אז מ'קען "קעסט"ן די גלעזער צי די פאון