קאווע שטיבל

berlbalaguleh האט געשריבן: ↑פרייטאג יולי 26, 2024 4:32 pm דער מענטש וואס די וועלט האט גערופן "באב גרענט" איז געבוירן אין יאר 1929 (למספ'). צו אן איטאליענער אימיגראנטן משפחה אין שיקאגא. ער איז געשטארבן אין 2013 (למספ'). ר'איז געווען 84 יאר אלט. זיין נאמען ביים געבורט איז געווען ראבערטא (סירא) דזשיגאנטע. ער האט עס שפעטער אמעריקאניזירט צו באב גרענט. אזוי ווי א סאך אידישע און נישט אידישע אימיגראנטן האבן געטון אין יענער צייט.

ער האט אנגעהויבן זיין קאריערע אין "טאלק ראדיא". אין ניו יארק אין די פריע 50'גער יארן. דאס איז דאמאלס געווען א נייע זאך.

ויקשו המקשים: וואס אינטרעסירט אונז (היימישע אידן) איבער דעם לעבן פון א גוי'אישן ראדיא פערזענליכקייט? דער תירוץ איז פשוט. ער איז געווען אן אמת'ער אוהב ישראל. ער איז געווען אויסגעקאכט מיט (היימישע) אידן.

דאס איז געווען אין די תקופה פאר אינטערנעט און סאשעל מידיא. ראדיא טאלק שאוס איז בכלל אויך געווען א נייע זאך.

זיין טאלק שאו איז געווען זייער שטארק פאפולער אין די אמעריקאנער גאס. הונדערטער טויזנטער צועהערערס האבן זיך באטייליגט און אויך אריינגערופן צו זיין שאו. דאס איז געווען נאך פאר די צייט פון "סינדיקעישן". א זאך צו וואס אונז עמיר (אפשר) צוקומען, בלי"נ.

ער האט ארויפגעברענגט פארשידענע פאליטישע און סאציאלע טעמעס אויף זיין פראגראם. מענטשן האבן אויך געקענט קאמענטירן און פיהרן א דעבאטע מיט איהם.

צווישן די אריינרופערס זענען (ליידער) אויך געווען א סאך וויסטע אנטיסעמיטן און שונאי ישראל. ווען ער האט (גלייך) דערקענט מיט חכמה אז דער אריינרופער איז אן אנטיסעמיט האט ער איהם גוט אריינגעזאגט און אראפגעהאקט דעם טעלעפאן. די זעלבע ווען איינער האט גערעדט שטותים און נישט צו דער זאך. דרך אגב: צומאל האט זיך געטראפן א איד אויך וואס האט געבראקט שטותים האט ער איהם אריינגעזאגט אויף א שיינעם אופן. ער האט געזאגט..."דו האסט מסתמא געטרינקען א סאך פלאם ברענדי (שליוואוויץ) אין שול היינט אינדערפריה"...!

ער איז געווען א גרויסער פארעהער פון חסיד'ישע אידן. ער האט געהאט א גוטן פריינט. ר' וואלף? נויאוויטש וועלכער האט איהם ארומגעפיהרט און געוויזן די סאטמאר'ע מוסדות. ער האט אויך אדורכשפאצירט אין בעיסמענט פון (אלטן) סאטמאר'ע ביהמ"ד. ער איז ממש ארויס פון התפעלות ווען ער האט געזעהן די ריזיגע רעפרידזשערעיטארס און פריעזערס. זיין גוטער פריינט האט איהם מסביר געווען אז דאס איז צוגעגרייט פאר די פיהל געסט וואס קומען צו פארן אויף יו"ט. ער האט א סאך גערעדט איבער דעם אויף זיין ראדיא שאו. ער האט געוואסט זייער א סאך איבער אידישקייט און אידישע מנהגים. אמאל האט ער געזאגט מיט א שטיקל סארקאסטישן טאן אז די חסיד'ישע אידן גייען מיט די "פויר העטס" (שטריימלעך) אויפ'ן קאפ ווען ס'איז 100 דעגריעס. אבער מ'דארף קיינמאל נישט מורא האבן פון זיי. (לעומת די אנדערע מינאריטעטן פון געוויסע געגנטער וואו מ'דארף ציטערן פאר'ן לעבן. אויף וואס ער האט זייער שטארק געהאקט.)

אין די שפעטע 80'גער און ניינציגער יארן איז ער אויך אפטמאל געקומען קיין בארא פארק ווען די פאליטישנס האבן אפגעהאלטן א ראללי פאר די עלעקשנס.

ס'איז דא נאך א סאך צו פארציילן איבער זיין פערזענליכקייט און זיינע קאנפליקטן און מלחמות וואס ער האט אנגעפיהרט. נאר איך וויל נישט צו שטארק פארלענגערן דעם ארטיקל. ועוד חזון למועד, אי"ה...!

דער עקס האט געשריבן: ↑זונטאג יולי 28, 2024 8:24 am לכאורה האט זיין השפעה א האנט אין דעם אז רוב פונעם היימישע עולם אינדענטיפיצירט זיך אלס קאנסערוואטיוו

עסקן בדברים האט געשריבן: ↑זונטאג יולי 28, 2024 10:42 am ווער געדענקט דעם פרייטאג ווען סענעטאר דעאמאטא האט געזאגט אויף זיין שאו אז מעיאר דינקינס זאל צוריק גיין קיין אפריקא (נאכדעם וואס ער איז צוריק געקומען פון א טריפ פון דארט)? איך האב גלייך פארשטאנען אז דאס גייט מאכן א שטורם

די קעפעלע האט געשריבן: ↑מאנטאג אוגוסט 05, 2024 11:54 pm