כיבוי לצורך אוכל נפש

[נס קאווע]

ווייסט איינער צי מ'מעג אראפדרייען א פלאם אין יו"ט? אמאל האב איך געוואוסט אז נישט, לעצטנס זאגט מיר איינער אז א ת"ח האט איהם געזאגט אז אויב ס'פארן תבשיל נישט צוצוברענען מעג מען, למעשה געדענק איך (עז יוזשועל דענק נישט וואו ס'שטייט) אז כיבוי לצורך אוכל נפש איז אויך נישט מותר פונקט ווי ס'נישט מותר טחינה וכדומה, נאר בישול און ווייטער איז מותר.

[נולד מאוחר]

צעלימער רב האט אזוי געפסקט.

[געפילטע פיש]

דאכט זיך, ענד קאררעקט מי איף איים ראנג, אז ביי גאז איד נאך גרינגער, וויבאלד ס'נישט ממש כיבוי, נאר מ'נעמט אוועק אביסל פון די שטראם פון גאז.

[שמעקעדיג]

אין נטעי גבריאל איז ער מחמיר, נאר אויב די עסן איז ממש שוין צוגעברענט, יש מקום להקל.

[שרייבער]

מיר האט מען געפ'סקנט אז מען טאר נישט, נאר דאכט זיך ענדערש אנצוצינדן א נייע פלאם ס'זאל זיין קלענער, כך מונח בזכרוני, ביטע זיך נישט פארלאזן להלכה אויף דעם

[על המחיה]

א שיינער מאמר איבער דעם ענין:
http://www.ybm.org.il/Admin/uploaddata/ ... f/4166.pdf

ראה גם כאן
www.hebrewbooks.org/pdfpager.aspx?req=48961&st=&pgnum=14

[villager]

אין ספר פסקי תשובות לרב ראבינוביץ ברענגט ער אראפ צדדים להיתר ולאיסור, און ער פירט אויס אז רבים מהפוסקים(האוסרים) לימדו זכות על המקילים בזה ואין צריך למחות בעדם בחוזק,

כמובן אז אפילו די מתירים זענען נאר מתיר אויב די עסן גייט זיך צוברענען אויב מען מאכט עס נישט קלענער,

[נאך א פשט]

אין ספר פסקי תשובות לרב ראבינוביץ ברענגט ער אראפ צדדים להיתר ולאיסור, און ער פירט אויס אז רבים מהפוסקים(האוסרים) לימדו זכות על המקילים בזה ואין צריך למחות בעדם בחוזק,

כמובן אז אפילו די מתירים זענען נאר מתיר אויב די עסן גייט זיך צוברענען אויב מען מאכט עס נישט קלענער,

....און בפשטות אויך נאר אויב מען האט נאר די איין פייער, נישט ווי היינט וואס יעדער האט לכה"פ 4.

[נס קאווע]

און פארוואס איז ענדערש אנצוצינדן ווי אויסלעשן אויב עס איז מותר לצורך?

[villager]

....און בפשטות אויך נאר אויב מען האט נאר די איין פייער, נישט ווי היינט וואס יעדער האט לכה"פ 4.

איך האב נאכגעקוקט און ער רעדט יא אפילו ווען ס'מעגליך אנצוצינדן א נייעם פלאם, ווייל ווי "נס קאווע" טענה'ט אז ווער זאגט אז צינדן איז ענדערש ווי לעשן?

(אפילו ס'דא א מג"א וואס האלט יא ענדערש צינדן, ברענגט ער אבער פון ר' משה פיינשטיין שתי תשובות לדבר, איינס אז אין הלכה האט עס נישט קיין מקור ואדרבה עס איז נגד משמעות הראשונים, און צווייטענס אפילו לויט'ן מג"א איז אפשר דאס צינדן ענדערש דוקא אמאליגע צייטן ווען צו לעשן אביסל פונעם פייער האט מען געדארפט לעשן אפאר העלצער און יעדע האלץ איז א מלאכה פאר זיך, משא"כ היינט ווען לעשן און צינדן איז די זעלבע צאל מלאכות וואלט אויך דער מג"א כעהאלטן אז ענדערש קלענער מאכן ווי אנצינדן א נייע)

ווי געשריבן, ער איז מצדד לאיסור ווייל רוב פוסקים אסר'ן, אבער אפילו לויט די אוסרים דארף מען נישט מוחה זיין פאר די וואס זענען מקיל ווייל יש להם על מי לסמוך.

[villager]

בטעות רעדאגירט אנשטאט נייע תגובה.

[villager]

פאר דעם נארישער פרוי פון מאנסי וואס האט אריינגערופן א 7 יעריג שגץ אן רשות פון די עלטערן כדי אראפצומאכן די געז, וואלט מען זיכער מתיר געווען ענדערש אליינס אראפצומאכן ווי אריינפארן ראש השנה אין פאליס סטעישן מיט קייטעלעך אויף טשארדזשעס פון קידנעיפינג...

[שמעקעדיג]

די מעשה דארט איז היבש צוגעפוצט. איך קען די פרוי, א היימישע ערליכע אידענע. בכלל נישט קיין נארישע. זי האט געטון וואס כמעט יעדער פון אונז וואלט געטון. עס איז איר נישט עולה על הדעת געווען אז עפעס איז ראנג.

מען האט איר ארעסטירט מער ווי א שעה שפעטער נאך וואס דאס קינד איז שוין געווען צוריק אינדערהיים. עס איז געווען בלויז רשעות, דער שכן איז א שונא ישראל.