די איג נאבעל פרייז

[יידל]

אין אן אנדערן אשכול האב איך געשריבן אביסל איבער די היסטאריע פון די נאבעל פרייזן. אין 1991 זענען אפאר ליצים אויפגעקומען מיט דעם געדאנק פון מאכן א פעראדיע פון די נאבעל פרייזעס און אנשטאט באערן די בעסטע אין די פעלד פון וויסנשאפט, וועט מען גאר באערן און געבן פרייזעס פאר די וואס האבן געמאכט די נארישסטע שטודיעס און מאדנע ערפינדונגען. זיי האבן א נאמען געגעבן פאר זייער פרייזעס "די איג נאבעל פרייזעס". די נאמען איג נאבעל נעמט זיך פונעם ווארט ignoble און איז א ווערטער שפיל אויפן "נאבעל פרייז". לויט וויאזוי זיי שרייבן, באערן זיי מענטשן וואס מיט זייער שטודיעס "מאכן זיי קודם מענטשן לאכן, דערנאך מאכן זיי מענטשן טראכטן". די איג נאבעל ווערט אויך צומאל גענוצט אפצו'חוזק'ן פון מענטשן וואס "שטודירן" נישט סייענטפישע נושאים, א שטייגער ווי האמאפאטיע און דאס גלייכן. די איג נאבעל פרייזן ווערן געגעבן פאר צען מענטשן אין פארשידענע פעלדער פון סייענס און עדיוקעשאן. עס ווערט פארטיילט אין סעפטעמבער, אין הארווארד אוניווערזיטעט.