קאווע שטיבל אין די אויגן פונעם עולם

[קלאר]

איך טראכט שוין לאנג אויסצושמועסן אונזער שטיבל ברבים.
אין א צווייטע פלאץ וואלט אזא אשכול תיכף געווארן אויסגעמעקט כהרף עין,
אבער לויט ווי דער עולם קען אונזערע מנהלים זענען זיי נישט קיין בת היענה'ס, און וועגן דעם וואקסט אונזער שטיבל אזוי שטארק.

איך וויל אויסשמועסן א פוינט וואס איך ווייס נישט וויאזוי איך קען עס געהעריג ארויסברענגען, איך וועל פראבירן די בעסטע וואס איך קען מיט מיין צובראכענע קיבארד

איך האב שוין עטליכע מאל געהערט פון מענטשן
קאווע שטיבל טאר מען נישט קוקען, עס איז ממש כפירה!
איך טראכט צו מיר, איז עס דען ממש אזוי, אדער זיי זענען פשוט אייוועלט פענס וואס האלטן נישט אויס אונזער עקזיסטענץ
נאך אלעם דרייען זיך דא אסאך וואס האבען אן הנאה קאלט צו מאכן יעדע פרומע מנהג, און וועלן פראבירן צו עפענען די אויגן פאר אנדערע
פון די אנדערע זייט וועלן די זעלבע שרייבער קיינמאל נישט טרעפן קיין גוט ווארט אויף א מנהג ישראל אדער א שלעכט ווארט אויף עוכר ישראל.

איז דאס דען די ציהל פין קאווע שטיבל, קענען דען אפאר שרייבער דרייען די רעלסן וויאזוי זיי שמעקט?
אפשר איז עס איבערגעטריבן?

[שמעקעדיג]

לאו דווקא איי וועלט פענס, אונז זעמיר פשוט געווארן אזוי אויפגעצויגן אז טראכטן אנדערש ווי מען לערנט אונז איז כפירה.

עס איז פאראן 2 וועגן פון מחנך זיין א קינד אויף א געוויסן דרך,
1. מיט איבערצייגונג, הסבר, לאגיק, וכדומה
2. מיט טעראר און ווארענונג אז טאמער טראכסטו אנדערש איז עס כפירה, און דאס איז די ערגסטע, כל באיה לא ישובון.

דרך איינס איז א דרך ארוכה וקצרה, אבער איינמאל דאס קינד פארשטייט, איז ער צופרידן און מלא סיפוק.
דער צווייטער דרך איז פארקערט, אמאל וועט עס ארבעטן ווייל דער טאג-טעגליכער פארנומענער הלוך-ילך וועט נישט לאזן אריינטראכטן, מ'שטופט אדורך דעם לעבן;
אבער אמאל מאכט זיך יא אז עס ווערן נולד קשיות, און מען טאג נישט פרעגן אדער רעדן דערפון! קיינער וועט דיר נישט ענטפערן דערויף, נאר ליבערשט באשייגעצן.

יעצט וואס טוט זיך מיט 50 אידן וועלכע קומען זיך צוזאמען און דיסקוסירן זייערע קשיות און ספיקות, זיי ווילן באמת פארשטיין, און איינזעהן וואס איז הלכה למשה מסיני און וואס איז נאר אן ארויפגעצווינגענע זאך פון די עלטערן אדער חסידות?
אה, די זענען א באנדע "כופרים"!

און דאס איז קאווע שטיבל.

ס'איז דא יוצא מן הכלל, באט בערך איז דאס די בילד אין מיינע אויגעלעך.

[קלאר]

שמעקעדיג האסט עס אביסל ארויסגעברענגט
הגם עס גייט ווייטער פין דעם

למעשה
איז דא א חיוב צו גיין מיט תמימות אין נישט טראכטען?
אדער איז דא ענין צו פרעגן קשיות, אין אויב יא, וואס איז אויב עפעס איז אומפארשטענליך, זאל מען עס אראפרייסן?

[בן תמליון]

ביי מאנכע חרדים לדבר השם ווען מען שטעלט איהם פאר זאכן אנדערש ווי זיין ראבאטישן מהלך המחשבה, איז דער גרינגסער וועג ארויס צו שרייען כפירה ומינות און ממילא איז מען פטור פון טראכטן ווייטער. מיר דא אין שטיבל קענען ב"ה פירן א דיסקוסיע אן שרייען כפירה ומינות אויף זאכליכע רייד, דא איז מען משיב חכם כחכמתו און כסיל כאולתו.

[קלאר]

ביי מאנכע חרדים לדבר השם ווען מען שטעלט איהם פאר זאכן אנדערש ווי זיין ראבאטישן מהלך המחשבה, איז דער גרינגסער וועג ארויס צו שרייען כפירה ומינות און ממילא איז מען פטור פון טראכטן ווייטער. מיר דא אין שטיבל קענען ב"ה פירן א דוסקוסיע אן שרייען כפירה ומינות אויף זאכליכע רייד דא איז מען משיב חכם כחכמתו און כסיל כאולתו.

דאס האבען משכילים אויך געזאגט אין זענען למעשה האבען זיי זיך אויסגעשפיגן פין כלל ישראל

[villager]

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל און זיי האבן אויך א באהאלטענע סייט ווי מרעדט אפן קעגן גאט און די תורה... און נאר איינער וואס שרייבט 75 אפיקורסישע תגובות קען ווערן א מעמבער דארט... אויפן שאלה צו ער איז שוין דארט געווען זאגט ער ניין אבער ער האט עס געהערט פון א מקור ראשון..

[villager]

נאך פאר דער שמועס גייט ווייטער וויל איך קלאר אונטערשטרייכן אז כפירה ווערט אין קיין שום פאל נישט ערלויבט אויף "קאווע שטיבל". א זאך וואס איז נישט אידישליך ווערט נישט ערלויבט, און מיר נעמען זייער ערנסט אויף יעדער באריכט וואס ווערט געשיקט.

איך האב שוין לאנג געוואלט וויסן וואס איז די הנהלה'ס גדר אויף כפירה און אויף נישט אידישלעך. ייש"כ.

[שמעקעדיג]

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל און זיי האבן אויך א באהאלטענע סייט ווי מרעדט אפן קעגן גאט און די תורה... און נאר איינער וואס שרייבט 75 אפיקורסישע תגובות קען ווערן א מעמבער דארט... אויפן שאלה צו ער איז שוין דארט געווען זאגט ער ניין אבער ער האט עס געהערט פון א מקור ראשון..

א מקור ראשון צו וואס? א שרייבער דא?

[שמעקעדיג]

איך טראכט שוין לאנג אויסצושמועסן אונזער שטיבל ברבים.
אין א צווייטע פלאץ וואלט אזא אשכול תיכף געווארן אויסגעמעקט כהרף עין,
אבער לויט ווי דער עולם קען אונזערע מנהלים זענען זיי נישט קיין בת היענה'ס, און וועגן דעם וואקסט אונזער שטיבל אזוי שטארק.

הייבסט אן בכבוד האכסניא, און דו האפסט אז לכבוד דעם כבוד וועט מען נישט פארמעקן דעם אשכול.. פיין, פיין...

איך האב שוין עטליכע מאל געהערט פון מענטשן
קאווע שטיבל טאר מען נישט קוקן, עס איז ממש כפירה!
נאך אלעם דרייען זיך דא אסאך וואס האבען אן הנאה קאלט צו מאכן יעדע פרומע מנהג, און וועלן פראבירן צו עפענען די אויגן פאר אנדערע.

אסאך פון די שרייבער זענען פשוט אנגעווייטאגט. מען קומט נישט אהער צו געבן א גוט ווארט פאר די אלע ארויפגעצווינגעכצער.
ס'איז דא זאכן וואס איז באמת גערעכט, ווי ארטיקלען אנטקעגן די א.ג. בעלי מחאה פון עירוב און שטערן, שידוכים סיסטעם, וכדומה,
און נאכדעם זענען טאקע פאראן די וואס ווילן וויסן וועגן די לבוש ביי פרויען אדער דרייוון, אפשערן די בארד, און אנדערע "יהרג ואל יעבור" זאכן מיט וואס מיר זענען אויפגעוואקסן. דאס קען מען שוין דעבאטירן.
(און אפשר געציילטע ענינים טאקע וואס איז איבערגעצויגן די שטריקל, ווי דעבאטירן ווידיאוס און מאוויס)
מען פראבירט נישט צו עפענען די אויגן פאר קיינעם, מען רופט קיינעם נישט אהער לייענען, אבער אויב איינער וויל הערן זאל ער טאקע וויסן. מיר זענען ממילא אלע אינעם זעלבן פעקל.

איז דאס דען די ציהל פין קאווע שטיבל, קענען דען אפאר שרייבער דרייען די רעלסן וויאזוי זיי שמעקט?

יעדער קען דרייען ווי אזוי עס שמעקט, ווילאנג עס איז נישט ממש נגד התורה. דו קענסט אויך דרייען ווי אזוי דו ווילסט.
אני הקטן שרייב פלענטי פארפרומטע ארטיקלען און איך באקום גאר לייקס דערויף, אבער אויף די אנקעטע צו ערלויבן בילדער פון פרויען האט מען געוואוט אויף "נישט"!
דאס איז אמת'דיגע יראת שמים אין מיין בוך.

איך האב עס שוין פארגעשלאגן אין אישי, און איך וועל עס ווידערהאלן ברבים:
עס וואלט געווען א מצוה גדולה אז אידן וועלכע קענען פארענטפערן אונזערע קשיות זאלן ארויפקומען אויפן שטיבל און ארויסהעלפן אויסקלארן דעם קאפ.
רובם ככולם פון אונז דא זוכן נישט קיין כפירה ח"ו אדער ליצנות.
אדרבה, יעדע טריי פון כפירה אדער ניבול פה ווערט באריכטעט. דאס ווייזט אז דער עולם זוכט דא עפעס ערנסטקייט.
און דער עולם באלעקט זיך די פינגער מיט די פאר שרייבערס וועלכע האבן א ידיעה און שרייבן זייערע תשובות בטוב טעם ודעת.

דאס האבן משכילים אויך געזאגט אין זענען למעשה האבען זיי זיך אויסגעשפיגן פון כלל ישראל

לאו דווקא. איך האב פונקט געלייענט אין "דער בלאט" די היסטאריע פון משכילים און רעפארמער.
זיי האבן געוואלט טוישן לבוש פון גאנץ כלל ישראל, משנה זיין נוסח התפלה, אויסרייסן רבנים (נישט פאלשע, נאר ערליכע), און נאך מעשים אשר לא יעשו, פשוט צו מאכן ככל הגויים בית ישראל, היל"ת.
איך מיין אז קיינער דא וויל נישט אזעלכע זאכן. מען וויל האבן אויטענטישע אמת'דיגע אידישקייט, און זיך נישט פאפן מיט אונזערע ברעינ-געוואשעכטס.

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל, און זיי האבן אויך א באהאלטענע סייט ווי מ'רעדט אפן קעגן גאט און די תורה...

מען פארגלייכט אונז צו כופרים ומשכילים? איך פארגלייך דיין שוואגער וכת דיליה צו מוסרים בעלי מספרי ומקבלי לשון הרע ורכילות ווי די ערגסטע אין כלל ישראל.

[טאמבל סאס]

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל און זיי האבן אויך א באהאלטענע סייט ווי מרעדט אפן קעגן גאט און די תורה... און נאר איינער וואס שרייבט 75 אפיקורסישע תגובות קען ווערן א מעמבער דארט... אויפן שאלה צו ער איז שוין דארט געווען זאגט ער ניין אבער ער האט עס געהערט פון א מקור ראשון..

און מיין שוואגער האט געזאגט ביים טיש, אז ס'דא א סייט אייוועלט ווי נטורי קרתא מיט סאטמערע שרייבן בתערובות רח"ל און זיי האבן אויך א באהאלטענע סייט ווי מ'רעדט אפן קעגן ציונות און נאר איינער וואס שרייבט 75 קנאישע תגובות קען ווערן א מעמבער דארט.. אויפן שאלה צו ער איז שוין דארט געווען זאגט ער ניין! ווייל מ'האט אים נאך איין תגובה אויסגעשפארט פונעם סייט.

[נולד מאוחר]

קאווע שטיבל אין די אויגן פונעם ''עולם''?
די עולם וואס איז ביזי מיט יענעמס כפירה אינטערסירט זיי גאר ווייניג זייער אייגענע אמונה. אדרבה פראביר רעדן מיט עם וואס זיין אמונה וואס גלייבט ער, ער האט נישט קיין אנונג, אבער אז דו פראבירסט זיך צו דערגרינטווען איבער דיינע יסודות, מה השם שואל ממך באמת, קען דער ''עולם" שרייען מיט א שופר כופר.
איך האלט אויב מעקט מען אשכולת זאל עס זיין די אשכול. צי דיסקאסן און מחשיב זיין וואס עמי הארץ און ליצים האלטן אנערקענט מען אין זייער עקזיסטענץ.
דער מבקש מוטשעט זיך גענוג, דארף ער נאך דיעלן מיט וואס זיין שוואגער וואס געט נישט קיין דעם פאר גאט האט ציזאגן.

הערסט א גרעדאכטס, מ'שרייבט מענער און פרויען בתערובות.
מטאנצט מענער און פרויען און ויואל משה בתערבות מיט א מחיצה יעדע נאכט.

[לעיקוואד]

דרך אגב, זענען דא דא בכלל פרויען שרייבערס? אויב יא, ווי באהאלטן זיי זיך? טאמער נישט, פארוואס טאקע נישט?

[העלא]

כשם שאין פרצופותיהן שוות כך אין דיעותיהן שוות, איבעראל ווי עס איז נישטא קיין צענזור איז דא אלע מיינונגען,

יעדער פאר זיך דארף וויסן צו אים קען עס שאטן צו נישט,

דאס איז זיכער אז קיין סייט איז נישט גוט פאר קיין קינדער און בחורים, וד"ל

[זר זהב]

איך דיסאגריע מיט דיין לעצטן ווארט

[העלא]

דאס איז א חלק פון כשם וכו'

[berlbalaguleh]

לאו דווקא איי וועלט פענס, אונז זעמיר פשוט געווארן אזוי אויפגעצויגן אז טראכטן אנדערש ווי מען לערנט אונז איז כפירה.

עס איז פאראן 2 וועגן פון מחנך זיין א קינד אויף א געוויסן דרך,
1. מיט איבערצייגונג, הסבר, לאגיק, וכדומה
2. מיט טעראר און ווארענונג אז טאמער טראכסטו אנדערש איז עס כפירה, און דאס איז די ערגסטע, כל באיה לא ישובון.

דרך איינס איז א דרך ארוכה וקצרה, אבער איינמאל דאס קינד פארשטייט, איז ער צופרידן און מלא סיפוק.
דער צווייטער דרך איז פארקערט, אמאל וועט עס ארבעטן ווייל דער טאג-טעגליכער פארנומענער הלוך-ילך וועט נישט לאזן אריינטראכטן, מ'שטופט אדורך דעם לעבן;
אבער אמאל מאכט זיך יא אז עס ווערן נולד קשיות, און מען טאג נישט פרעגן אדער רעדן דערפון! קיינער וועט דיר נישט ענטפערן דערויף, נאר ליבערשט באשייגעצן.

יעצט וואס טוט זיך מיט 50 אידן וועלכע קומען זיך צוזאמען און דיסקוסירן זייערע קשיות און ספיקות, זיי ווילן באמת פארשטיין, און איינזעהן וואס איז הלכה למשה מסיני און וואס איז נאר אן ארויפגעצווינגענע זאך פון די עלטערן אדער חסידות?
אה, די זענען א באנדע "כופרים"!

און דאס איז קאווע שטיבל.

ס'איז דא יוצא מן הכלל, באט בערך איז דאס די בילד אין מיינע אויגעלעך.

דער חובת הלבבות שרייבט אין די הקדמה איינס פון די טעמים פארוואס ער האט געגעבן דעם נאמען פאר'ן ספר איז, אז ס'איז א "חובת הלבבות" צו צו קומען צו אמונה דורך חקירה. דו האסט זייער גוט ארויסגעברענגט די נקודה אז וואס מען טוט אין קאווע שטיבל איז אדורכשמועסן א יעדן ענין מיט'ן ציל צו צו קומען צו אמונה. פארקערט. אז מען שמועסט נישט אדורך אן ענין בלייבט מען מיט די קשיות און מען קען ח"ו קומען צו כפירה. איך בין שוין ב"ה דא אין קאווע שטיבל פיר חדשים און איך האב נאך נישט באגעגנט איין מאמר, סיי פון א פותח האשכול אדער א תגובה וואס זאל אנטהאלטן אפילו איין ווארט פון כפירה.

[[NAMELESS]]

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל און זיי האבן אויך א באהאלטענע סייט ווי מרעדט אפן קעגן גאט און די תורה... און נאר איינער וואס שרייבט 75 אפיקורסישע תגובות קען ווערן א מעמבער דארט... אויפן שאלה צו ער איז שוין דארט געווען זאגט ער ניין אבער ער האט עס געהערט פון א מקור ראשון..

[berlbalaguleh]

ביי מאנכע חרדים לדבר השם ווען מען שטעלט איהם פאר זאכן אנדערש ווי זיין ראבאטישן מהלך המחשבה, איז דער גרינגסער וועג ארויס צו שרייען כפירה ומינות און ממילא איז מען פטור פון טראכטן ווייטער. מיר דא אין שטיבל קענען ב"ה פירן א דוסקוסיע אן שרייען כפירה ומינות אויף זאכליכע רייד דא איז מען משיב חכם כחכמתו און כסיל כאולתו.

דאס האבען משכילים אויך געזאגט אין זענען למעשה האבען זיי זיך אויסגעשפיגן פין כלל ישראל

די משכילים זענען געקומען לכתחילה מיט'ן ציל אויסצורייסן אידישקייט דורך כפירה בה' ותורתו און אפשפעטן פון א יעדע מצווה. אונזער ציל, להבדיל איז פונקט דאס פארקערטע. להורות לעם ה' את דרכי ה'. א יעדער אביעקטיווער מענטש וואס האט נישט קיין נגיעות צו אונטערברענגען זאכן וואס זענען דא לתועלת הרבים מוז מודה זיין אז דא אין קאווע שטיבל איז נישט פארהאן אפילו איין ווארט פון כפירה אדער ליצנות פון אידישקייט.

[נולד מאוחר]

וויליגער דרך אגב א גוטער לימוד פאר דיין שוואגערס אלע ערשטע האנטיגע יענעטע ידעות.
ער איד מסתם אזא אלצ ווייסער.

[לעיקוואד]

איך מיין מזאל נישט איבעררייסן. אונזער [עכ"פ מיין] ציל איז נישט "להורות לעם דרכי ה'", אדער צו מאכן סיי וועלכער מהפכה אין יידושקייט, נישט צו רעכטס און נישט צו לינקס. מיר זוכן נישט אויפקלערן קיינעם אדער מאכן קיינעם א חסיד פון דער אדער יענער שיטה.
אונזער מטרה איז פשוט צו פארברענגן און דורכשמועסן נושאים אויף אן אינטעליגענטישן שטייגער נישט מיט כל מיני שטותים וואס ממוז אמאל הערן אין גאס אדער אין אמת'ן קאווע שטיבל. אוודאי לערנט זיך יעדער איינער פונם צוייטער כל מיני ידיעות און מיינונגען, פונקט ווי ביי יעדער שמועס צווישן צוויי ערוואקסענע מענטשן. וכשם שאין וכו'.

[טעפל]

קעגו אייוועלט זעהט דא אויס אפשר כפירהדיג אזוי ווי דיין שוואגער זאגט ביז מ'קומט אריין זעהט מען אז ס'איז נישט אזוי כפירהדיג.

[איך אויך]

נאך פאר דער שמועס גייט ווייטער וויל איך קלאר אונטערשטרייכן אז כפירה ווערט אין קיין שום פאל נישט ערלויבט אויף "קאווע שטיבל". א זאך וואס איז נישט אידישליך ווערט נישט ערלויבט, און מיר נעמען זייער ערנסט אויף יעדער באריכט וואס ווערט געשיקט.

איך האב שוין לאנג געוואלט וויסן וואס איז די הנהלה'ס גדר אויף כפירה און אויף נישט אידישלעך. ייש"כ.

[גוטזאגער]

דעם סוכות זאגט מיין שוואגער ביים טיש אז ס'דא א סייט קאווע שטיבל ווי מענער און פרויען שרייבן בתערובות רח"ל און זיי האבן אויך א באהאלטענע סייט ווי מרעדט אפן קעגן גאט און די תורה... און נאר איינער וואס שרייבט 75 אפיקורסישע תגובות קען ווערן א מעמבער דארט... אויפן שאלה צו ער איז שוין דארט געווען זאגט ער ניין אבער ער האט עס געהערט פון א מקור ראשון..

ס'דערמאנט פון די ווערטל אז רבנים האבן ארויסגעגעבן אן איסור אויף די וומס"ב-ב"פ באס, ווייל מענער און פרויען טאנצן דארטן צוזאמען..