זמני שבת וראש השנה על ה'מארס'.

[מורינו הרב]

איך וויל דא דורכטון צוזאמען מיט דעם ציבור דא א וויכטיגע נושא:

ווי פיל מענטשן שפעקולירן, וועט נאך קומען א צייט וואס בני אדם וועלן האבן די זכיה צו באטרעטן דעם מארס פלאנעט און זיך דארט באזעצן, פירנדיג א געהעריגע לעבן. מיר אלס אידן דארפן אין באטראכט נעמען דאס אידישע לעבן וואס וועט געגרינדעט ווערן אויפן מארס, און זען וואס עס מיינט פאר אונז אידישע קינדער.

אלזא לאמיר זיך נעמען צו די ארבעט:
ווען איז דער זמן רבינו תם אויפן מארס? ווי אזוי מעסט מען עס?
וואס טוט זיך מיט ראשי חדשים, וויבאלד דארט גייען די גלגלות אויף אן אנדערן סיסטעם ווי אויף אונזער וועלט. צו וועט מען זאגן אז מיר וועלן האלטן א באזונדערע חשבון, ווען ביי אונז וועט מען זאגן הלל און זינגען בצאת ישראל, וועט מען דארט גאר פאסטן תשעה באב? אדער וועט מען האלטן לויט די זמנים פון עלמא הדין?
דאס זעלבע מיט ראש-השנה: ווי אזוי מעסט מען דעם ראש השנה? - דאס יאר אויף די מארס לויפט אנדערש ווי אויף אונזער פלאנעטל. וועט מען דארט פראווען אן אנדערן טאג ראש-השנה? איז אפשר מעגליך אז אויף איין ראש השנה וועט מען זיך געפינען ביים אדמו"ר פון מארס, און אויף דעם אנדערן ראש-השנה וועט מען פארן קיין אומאן, וירא שמים יוצא את שניהם?
וואס טוט זיך מיט ווסתות, לילי טבילה וכדומה... ווי אזוי גיבט מען זיך אן עצה דערמיט?

ענטפערס ביטע...

[[NAMELESS]]

קודם כל אויף מארס איז דא צוויי לבנות. פאנגט זיך שוין אהן א פראבלעם. איך וואלט געזאגט אז אלע זמנים גייען ווי אויף אינזער וועלט'ל , פינקט ווי אויף אינזער וועלט אליין גייט מען לויט ארץ ישראל.
וועגן וסתות איז אבער אנדערש ווייל ווי באקאנט האט עס צוטוהן מיט די לבנה , איז עס זיכער אנדערש אויף מארס ווי ס'דא צוויי לבנות.

[מורינו הרב]

מיר גייען לויט ארץ ישראל בענין שקיעה וזריחה?

נייע מעשה.

[געפילטע פיש]

איידער דו פליעסט אפ צו מארס, זיי קודם מברר וואס די דין איז אויף פלעצער ווי מענטשען זענען שוין געווען, למשל די לבנה, די אינטערנאציאנאלע ספעיס סטאנציע, אויפן איי עס עס קומט פאר א שקיעה און זריחה דוכט זיך יעדע ניינציג מינוט, איבער 15 אורביטס (טעג) אין 24 שעה. דארף מען דאווענען דארט דריי תפילות דורכאויס 90 מינוט?

[חאצקל]

איך ציטיר דא וואס איך האב געשריבן אינעם אשכול "אסטראנאמיע", ווי פאלגענד:

עס זענען פאראן גאנצעטע פלענער פון אן אזויגעריפענער "מארס פארבאנד" צו קאלאניזירן דעם מארס (מאדים) מיט מענטשן. איי וויאזוי וועט מען דארט לעבן אז ס'איז נישטא דארט קיין לעבנס מיטלען ? אויף דעם איז שוין דא גאנצע פלענער, וויאזוי אריבערצוברענגען אקסידזשן און וואסער א.א.וו.

אויב געלונגט עס, גייט דער מאדים זיין דאס וואס אמעריקע איז געווען פאר די אייראפייער מיט איבער הונדערט יאר צוריק.

מ'וועט דארט לויפן זיכן דאס גליק. א היימישער איד וועט נישט טארן פארן צו דעם הפקר'דיגן לאנד דער נייער וועלט, ווי ס'איז נישטא קיין דעת תורה און איש כל הישר בעיניו יעשה. א טאטע וועט קלאגן אויף זיין זין וואס געפארן צום טריפנה'נעם מאדים...

ערגעץ ווען נאך א מהומה ביי אונז אין דער אלטער וועלט, וועלן רבנים אנקומען אהין. עפעס א סאטמארער רבי וועט דארט אנקומען און איינפלאנצן די אידישקייט פון דער אלטער היים דער ערד לויט דעם פשרה'לאזן וועג פון אמאל.

פעק מיט שו"ת ספרים וועלן ארויס קומען צו דן זיין וויאזוי מ'איז זיך נוהג מיט די מצות שהזמן גרמה (אזוי ווי אויף קו התאריך). די ימים טובים, תפילין און תפילות וועט מען לכאורה טון אזוי ווי זכר למקדש כהלל. דער "כדור הארץ" וועט האבן עפעס א העכערע משמעות (ווי אמאל ארץ ישראל פאר די חוץ לארץ'דיגער ), דער פלאץ וואו אונזערע עלטערן האבן געוואוינט, תלמידי בעל שם, ראשונים, תנאים, דער מעמד הר סיני איז דארט פארגעקומען, און נאר דארט קען מען מקיים זיין מצוות זמניות כתקינם,

עפעס א סקווערער רבי -אדער אנדערע וואס טרעפן א באדייט אין מקומות הקדושים- פון יענע צייטן, וועלן כסדר מאכן נסיעות צום ארץ האבות דער כדור הארץ , און ארומפארן צו קברי אבותינו ורבותנו, א ר' חיים קאניעבסקי וכדו' וועט אויך האבן דארט וואס צו זיכן...

ווער קען זיך פארשטעלן די געוואלדיגע געפילן, דאס הייליגקייט און לויטערקייט וואס מ'שפירט אויפן כדור הארץ,דאס פלאץ וואו דער אויבישטער האט אויסגעוועלט צו געבן דארט אירע מצוות, ווייל נאר די קדישת כדור הארץ איז מסוגל פאר די מצוות ...

איר קענט מיר העלפן ווייטער פאנטאזירן???