קאווע שטיבל

אויף דזשי ענד דזשי'ס חנוכה סעיל. -- מיין סוט איז האלב חרוב כ'מוז קויפן א ניי'ס.
---
אויך קען איך שוין קוים ווארטן אויף משיח. (פארשטייציך)
=========
אויף וואס קענט איר קוים ווארטן?

לאמיר הער'ן, לאזט נישט ווארטן!

מר. זר זאל עפענען עפעס א פרישע אשכול.

איך האב דיר נישט געלאזט ווארטן! די אשכול איז קוים א מינוט אלט (אינג)

אז די היטינג סיסטעם ביי מיר אינדערהיים זאל נעמען ארבעטן. פון אלע הבטחות ווער איך געפרוירן.

טוה אן א דזשעקעט אויף דערווייל

כ״א כיסלו וואס גייט פארקומען אויף די ״הייליגע״ מקום שרקדו אבותינו

זר זהב האט געשריבן:טוה אן א דזשעקעט אויף דערווייל

דאס איז שוין נאכ'ן אנטון דעם דזשעקעט. כ'בין זיכער אז דו ווילסט נישט הערן די גאנצע (אפילו נישט די האלבע) מעשה. אבער כ'על עס דאך פארציילן. מיין לענדלארד זאל זיין געזונט, א טייערע איד. האט דריי יאר צוריק מחליט געווען אז מען מוז איבערבויען זיין דירה. האט ער דעיס יאר, תשע"ב לפ"ק תיכף נאך שבועות העעל"ט ארויסגעמופט. ר'האט זיך אויסגענומען מיט'ן קאנטראקטער אז די דירה פון טענענט מוז בלייבן אומגעשטערט. דער חשבון איז געווען אז אויף סוכות (מ'האט נישט געזאגט וועלכן יאר) וועט שוין אלעס זיין פארטיג. די ערשט זאך וואס דער בילדער האט געטון איז חרוב געמאכט דעם אלטן היטינג סיסטעם מיט א הבטחה אז ס'גייט קומען א נייע. דעם ערשטן חלק האט ער מקיים געווען. מיט די צווייטע העלפט מוטשעט ער זיך. שקויעך פאר'ן אויסהערן.

זיכער האביך געוואלט הערן דאס גאנצע. איך אין דיינע שיך וואלט נישט באצאלט רענט! יא דו הערסט גוט!!

זר זהב האט געשריבן:זיכער האביך געוואלט הערן דאס גאנצע. איך אין דיינע שיך וואלט נישט באצאלט רענט! יא דו הערסט גוט!!

איך בין שוין צו אלט צו פיהרן מלחמה. דער לענדלארד האט אריינגעווארפן א פאר עלעקטריק היטערס און צוגעזאגט צו צאלן דעם ביל. נאר וואס ס'באדערט די מערסטע איז אז דער בילדער מאכט אפילו נישט דעם אנשטעל אז ער איילט זיך צו ענדיגן דעם היטינג סיסטעם פאר פסח.

אבער אויף פסח וועסטעס האבן? שוין, ווארט צו אביסלע...

זר זהב האט געשריבן:אבער אויף פסח וועסטעס האבן? שוין, ווארט צו אביסלע...

לאו דווקא. ס'קען זיין אויף שבועות. מיין טאטע ע"ה האט געזאגט א גוט ווערטל. "פאר אן ארימאן איז אייביג גוט. זומער איז עהם גוט הייס. און ווינטער איז עהם גוט קאלט.

און איך בין יעצט גוט מיד

זר זהב האט געשריבן:און איך בין יעצט גוט מיד

איך אויך. ווייל אנישט וועט מען מוזן נעמען א צווייטן בעל עגלה צו שחרית. שקויעך פאר אויסהערן. א גוטע וואך.

אויף חנוכה.

אויף ברכת החמה

צו גיין קיין אויסטראליע און עסן אין די רעסטאראנט

ס'גאר גאר געשמאקע עסן, און מענטשן ווערן דארט געהאלפן (בלויז מיט'ן עסן!) מיט וואס נאר מ'דארף!

די עסן דארף נישט קיין הכשר!

אז די צייט זאל אויפהערן פארן אזוי שנעל,

קאם אן, די עולם וויל דא שטיפן די צייט, איינער אויף חנוכה איינער אוויף פסח,


איך האלט עס נישט אויס די יארן לויפן, און מ'טוט כמעט גארנישט אויף מיט די טעג

גוט געזאגט העלא!

צו גיין צו די אווארדס.

ס'גאר גאר אינטערעסאנטע אווארדס, און מענטשן ווערן דארט געהאלפן (בלויז מיט'ן קוקן!) מיט וואס נאר מ'דארף!

מ'איז נישט עובר דארט אויף שמירת עינים!

חחחחח...

באט וויט אלל דו רעספעקט ביזטע ראנג... איך וויל נישט דא צימעס'ן, אבער איך קען אפאר חברה וואס זענען געגאנגען צו יענע אווארדס און זענען אהיימגעקומען פארדארבן... שוין.

העי, אין דיין רעסטוראנט האט דען נישט קיין היסטאריע פון אנמאכן א פארדארבענע מאגן? שוין, לאמיך נישט רעדן...

...אהיימצוגיין פון די ארבעט. כתינוק הבורח.
איי, צו וואס? נאר כדי צו קענען גיין שלאפן און מארגן נאכאמאל גיין דינען מיין בעה"ב?

ס'לעבן זייגט. אבער ב"ה אז מ'האט ארבעט.