"היימישע" פאסט אפיס צוריק געעפענט

[outspoken]

אידן אין וויליאמסבורג נעמען אויף די פרייליכע בשורה אז "היימישע" פאסט אפיס THE BETTER LETTER ווערט צוריק געעפענט אויף 520PARK AVE.

די סטאר פלעגט זיין אויף העווימייער סטריט, וואו זיי פלעגן סערווירען דעם היימישן עולם מיט אלע פאסט געברויכן (א חוץ פאספארט'ס) פונקט ווי די געהעריגע פאסט אפיס אן די לאנגע ליינס און די אויסגעלאסענקייט.

לעצטע יאר האט די יוניאן געפאדערט פון די פאסט אפיס אז מ'זאל פארמאכן א חלק פון די "פריוואטע" פאסט אפיס'ס, וואס כאטשיק זיי ברענגען אריין געלט פאר די פאסט אפיס ווייל זיי ארבעטען אויף פראצענט, און די פאבליק פאסט אפיס'ס דערלייגן געלט יעדעס יאר, זענען די יוניאן שטארק און מ'האט זיי ליידער פארמאכט.

עסקנים האבן זיך אריינגעלייגט אין דעם ענין, מ'האט אונטערגעשריבן 'פעטישאן'ס' און אנדערע השתדלות, ביז ס'געלונגען נאך אמאל צו עפענען די סטאר און וויליאמסבורג אין אן אנדערע ZIP CODE.

איצט בלייבט צו ווינטשן דעם בעה''ב הצלחה רבה.

[נס קאווע]

אנטשולדיג פארן פארעכטן, ס' געווען אויף ראבלינג און אגב די פאסט אפיס אליינס האט איהם שטארק ארויס געהאלפן ווייל זיי האבן א אנדערע אגענדע ווי די יוניאן באאמטע זיי זאגן עס העלפט שטארק ארויס די אזוי אויך איבער געפילטע ליינס ווי אויך האט ער שטארק געארבייט מיא פעטישענס וכדומה, אולי וועט ער יעצט האבן צוויי אפיסעס

[שמעקעדיג]

מקור: דער איד.