קאווע שטיבל

נשלח: **זונטאג דעצעמבער 16, 2012 1:46 am**

יעדער ווייסט ווי נישט שיין עס איז ווען מזיצט אמאל אין ביהמ"ד און צווישן חברים, אדער ווען די אינגל הייבט דאס אן צו טוהן שבת ביי די סעודה. מ'זעהט איינעם קנאקן די פינגער, אוי איז דאס אומבא'טעמ'ט, די טשילס וואס מ'באקומט דעמאלס איז כמעט אזוי ארג ווי אייזן אויף אייסעס, אדער א טשאוק אויף די באורד. צו איז דא מקור דערצוה אויך ווי עס שטייט אז מ'טאר נישט?

ווי אינטערעסאנט איז עס מיר געווען צו טרעפן א מקור דערצוה.
אין ט"ז (או"ח סי' צ"ה סק"ג) שטייט, אז איינער וואס קנאקט זיינע פינגערס, און עס הערט זיך ווי איינער וואס צוברעכט זיינע פינגער'ס, ברענגט אראפ אויף זיך דינים, במילא זאל מען עס חלילה נישט טוהן.

אלזא טייערע ברודער, אויב טוסטו עס, סיי אז דו ביסט עובר אויף א בפירושע שו"ע, און סיי עס איז זייער נישט מענטשליך.

נשלח: **זונטאג דעצעמבער 16, 2012 1:18 pm**

ממי_שאמרו האט געשריבן:אלזא טייערע ברודער, אויב טוסטו עס, סיי אז דו ביסט עובר אויף א בפירושע שו"ע, און סיי עס איז זייער נישט מענטשליך.

לכאורה רעדט ער דארט נאר בשעת תפילה אין וואס סימן צ"ה איז עוסק. אלנפאלס קיין בפירוש'ער שו"ע איז עס נישט ווייל ס"ה איז עס א ט"ז וואס קריגט אויפ'ן ב"י וואס האלט אז קנאקן איז אייביג גוט...

(מסתבר איז אויך אזוי אז ער רעדט נאר בשעת תפילה, ווייל קנאקן די פינגער איז אמאל געווען א סימן פון צער ווי מ'זעהט דארט רב כהנא בעידן צערא בעלמא שדי גלימיה ופכר ידיו ומצלי, און בעידן דשלום האט ער נישט געקנאקט, פארוואס? ווייל אויב סגייט דיר גוט און די רעדסט דיך אפ ברענגט עס אראפ דינים, אבער שלא בשעת תפלה פארוואס זאל מען נישט מעגן קנאקן פינגערס? און כל שכן היינט ווען עס איז נישט א סימן צער?)

נשלח: **זונטאג דעצעמבער 16, 2012 11:08 pm**

ממי שאמרו, איך ווייס נישט צו איך וועל דיר אמאל קענען מוחל זיין פאר'ן אוועקנעמען די איינציגע הנאה גשמי וואס איך האב נאך אויף דער וועלט, נעמליך, צו געבן אזא געזונטער ק-ר-א-ך! מיט'ן פינגער אז עס זאל זיך הערן מיילן ווייט, און זיך שפירן אין אלע ביינער.

נשלח: **זונטאג דעצעמבער 16, 2012 11:15 pm**

דאס איז גוט.

אסאך מאהל דער עולם דאווענט שמו"ע און חלומ'ט געמיטלעך, און איינער גיט א קנאק מיט אצבע צרידה, און טראך, די גאנצע מנין גיט זיך א וועק אויף, און פארלירט די המשך צום חלום.....

און דער אמת אז ממישאמרו איז כשר גערעכט, עס איז דא א בפירושער איסור אויף וועקען איינער אין מיטען חלומען, אלזא, לאמיר זיך מקבל זיין, קיינמאל מער נישט מאכען די קנאקען, און אזוי ארום וועט דער עולם ווייטער קענען חלומען וינוחו בשלום על משכבותם, ונראה מה יהי' חלומותיו.

נשלח: **מאנטאג דעצעמבער 17, 2012 12:06 am**

די באבעס פלגען זאגן אז קנאקען ברענגט אז די הענט זאלן ציטערען ווען מ'ווערט אלט. אל תטוש.

נשלח: **מאנטאג דעצעמבער 17, 2012 12:10 am**

ממי, קיינמאל נישט געוויסט דערפון אז עס ברענגט אראפ דינים שכח.
חוץ מזה וואס שפעטער ווארפט זיך די הענט ה"י,
געפילטע האקט איך שיק אבער...

נשלח: **מאנטאג דעצעמבער 17, 2012 12:25 am**

איך האף דו ווייסט אז דאס פלעגן די באבעס זאגן בבחינת אל תטוש, אבער מיט מציאות האט דאס גארנישט צו טוהן.
אויב גלייבסטו מיר נישט אויפן ווארט קוק דא.

א געוויסע דר. דניאל אונגאר האט ספעציעל געקראכט יעדן טאג די פינגער נאר פון זיין לינקע האנט, און קיינמאל נישט די רעכטע האנט, פאר איבער זעכציג יאר! אין 2009 האט ער געוואנען די איג-נאבעל פרייז אין מעדיצין פארן איבערווייזן אז זיין לינקע האנט איז געווען פונקט אזוי געזונט ווי די רעכטע.
מקור

נשלח: **מאנטאג דעצעמבער 17, 2012 9:54 am**

געפילטע פיש האט געשריבן:איך האף דו ווייסט אז דאס פלעגן די באבעס זאגן בבחינת אל תטוש, אבער מיט מציאות האט דאס גארנישט צו טוהן.
אויב גלייבסטו מיר נישט אויפן ווארט קוק דא.

א געוויסע דא. דניאל אונגאר האט ספעציעל געקראכט יעדן טאג די פינגער נאר פון זיין לינקע האנט, און קיינמאל נישט די רעכטע האנט, פאר איבער זעכציג יאר! אין 2009 האט ער געוואנען די איג-נאבעל פרייז אין מעדיצין פארן איבערווייזן אז זיין לינקע האנט איז געווען פונקט אזוי געזונט ווי די רעכטע.
מקור

שכוח געפילטע, אפילו איך האב אין מיין לעבן קיינמאל נישט געקראכט מיין פינגער'ס האב איך נאך אלץ געגלייבט אז ס'איז שטותים די איינרעדעניש אז ס'וועט שאדען עלטערערהייט, אבער דאך זעהט אויס ס'איז אן איסור ווי ממשאמרע זאגט.

נשלח: **מאנטאג דעצעמבער 17, 2012 9:59 am**

איך בין געווען זיכער אז אלע גוטע פויקערס האבן געקנאקט זייערע פינגער אלס קינד, פארדעם קענען זיי אזוי שנעל רוקן זייער הענט איבערן פויק

נשלח: **מאנטאג דעצעמבער 17, 2012 4:34 pm**

דאן וואס איז יא דער אורזאך פאר די ציטערדיגע הענט?

נשלח: **מאנטאג דעצעמבער 17, 2012 4:59 pm**

עס פילט זיך ווי מיינע פינגער'ס בעטן זיך פאר א קנאק נאכן ליינען דעם אשכול.

נשלח: **דינסטאג דעצעמבער 18, 2012 9:25 pm**

ישר כח הרב ממי_שאמרו פאר מעורר זיין ( אדער אפשר נישט, מוטב שיהיו שוגגין ואל יהיו מזידין?).

אבל מהיכן דנתוני אז א טו"ז איז שוין אן אויטמאטישער בפירוש'ער שו"ע?

צווייטענס, וואס מיינט דאס 'ברענגט אראפ אויף זיך דינים'?

נשלח: **דינסטאג דעצעמבער 18, 2012 10:27 pm**

גימפל האט געשריבן:ישר כח הרב ממי_שאמרו פאר מעורר זיין ( אדער אפשר נישט, מוטב שיהיו שוגגין ואל יהיו מזידין?).

אבל מהיכן דנתוני אז א טו"ז איז שוין אן אויטמאטישער בפירוש'ער שו"ע?

צווייטענס, וואס מיינט דאס 'ברענגט אראפ אויף זיך דינים'?

א זאך וואס עס שטייט אין ט"ז און מג"א קריגט נישט, ווערט געווענדליך גערעכנט ווי א בפרושע שו"ע.

בנוגע דינים, אין לי עסק בנסתרות (בינתיים), ווייס איך נישט. אבער א מוציא מיט האניג מיינט עס זיכער נישט

נשלח: **דינסטאג דעצעמבער 18, 2012 11:28 pm**

ברענגט אראפ דינים מיינט אז פון הימל איז מען דן מער מיט דין ווי יט רחמים.

נשלח: **מיטוואך דעצעמבער 19, 2012 12:33 am**

אריק האט געשריבן:דאן וואס איז יא דער אורזאך פאר די ציטערדיגע הענט?

נשלח: **מיטוואך דעצעמבער 19, 2012 1:29 am**

נו גוט נו האט געשריבן:
אריק האט געשריבן:דאן וואס איז יא דער אורזאך פאר די ציטערדיגע הענט?

קען זיין אפאר זאכן, געוויסע ארטרייטיס מאכט די הענט ציטערען, נידעריגע צוקער, צו סאך קאפין (ד.ה. זיך צו סאך דרייען אין קאווע שטיבל), אנדרענאלין, פאניק, און ערענסטערע זאכן ווי פארקינסאנס, מוח דעמעדזש, MS, און איבעראקטיווע טיירויד.

נשלח: **מיטוואך דעצעמבער 26, 2012 1:17 pm**

געפילטע פיש האט געשריבן:
נו גוט נו האט געשריבן:
אריק האט געשריבן:דאן וואס איז יא דער אורזאך פאר די ציטערדיגע הענט?

צו סאך קאפין (ד.ה. זיך צו סאך דרייען אין קאווע שטיבל), פאניק,

אוי געוואלד. די צוויי זאכן איז יעצט ביי מיר כשני כתובין הבאין כאחד!
איז נאך דא א וועג צוריק?

נשלח: **מיטוואך דעצעמבער 26, 2012 1:27 pm**

פאניק מאכט דיר קומען אויף קאווע שטיבל, אדער די פארקערטע?

נשלח: **מיטוואך דעצעמבער 26, 2012 1:30 pm**

געפילטע פיש האט געשריבן:פאניק מאכט דיר קומען אויף קאווע שטיבל, אדער די פארקערטע?

אוי ווי עס מאכט אים לויפן, קוק נאר מיט וואספאר א געוואלד ער איז אריין געקומען.

נשלח: **דאנערשטאג דעצעמבער 27, 2012 11:16 am**

פון ליינען צופיל אויף קאווע שטיבל בין איך אריין אין א היסטעריע און פאניק, נאכן ליינען געפילטעס אפשאצונג.

קאווע שטיבל

למען דעת- קנאקן די פינגער

למען דעת- קנאקן די פינגער