דאס קינד וואס האט גע'הרג'עט זיין נעא-נאצי פאטער

[אנאליזירער]

עס קומט יעצט פאר א העכסט אינטערעסאנטע געריכט פראצעס קעגן א 12-יעריג אינגל פון קאליפארניע וועלכער האט ערמארדעט זיין נעא-נאצי טאטע אין מאי 2011.

דזשעפרי האל איז געווען א פלאמער אין ריווערסייד, קאליפארניע, און דער פירער פון די ווייסע סופערמאסיסטישע נאצי גרופע "נעשאנעל סאשעליסט מואוומענט". אום מאי 1, 2011, פיר אזייגער פארטאגס, האט זיין זון דזשאסעף גענומען זיין גאן און האט אים ערמארדעט. דאס קינד האט געזאגט אז ער האט עס געטאן ווייל ער האט שוין נישט געהאט קיין כח צו פארנעמען די קלעפ פון זיין טאטן און צוצוקוקן ווי זיין שטיף-מאמע כאפט קלעפ פון אים.

12 שעה פאר ער איז ערמארדעט געווארן האט א רעפארטער פון דעם "ניו יארק טיימס" פארברענגט אין האל'ס הויז, און האט אינטערוויוט אים און מעמבערס פון זיין גרופע. די רעפארטער האט אויך גערעדט צו דעם צען-יעריגן דזשאסעף וועלכער האט זיך געגרויסט מיט א לעדערנעם פאסיק מיט א האקנקרייץ וואס זיין טאטע האט אים געשאנקען.

קיינער האט נישט געהאט קיין סך סימפאטיע מיט דעם ערמארדעטן נעא-נאצי פירער, אבער דאס קינד איז דאך א מערדער, און ער שטייט יעצט פאר א פראצעס. פראקורארן טענה'ן אז דאס קינד האט געוואוסט אז וואס ער טוט איז נישט ריכטיג, און דעריבער טראגט ער די פאראנטווארטליכקייט אויף זיינע מעשים. זיינע אדוואקאטן טענה'ן אז דאס קינד איז נישט שולדיג אויף זיין פארברעכן וויבאלד ער איז אויפגעוואקסן אונטער דעם איינפלוס פון זיין טאטנ'ס ווילדן, ראסיסטישן אויפפירונג, און אז ער האט אים ערמארדעט ווייל ער האט געוואלט ברענגען א סוף צו די פיזישע אביוז פון וועלכע ער האט געליטן.

פאראיאר האט "60 מינוטס" געווידמעט אן עפיזאד אויף די אינטערעסאנטע געשיכטע:
[youtube]http://www.youtube.com/watch?v=IT_bNKBcalI[/youtube]