קאווע שטיבל

אסאך מוסדות שטעלן זיך אז כדי דיין קינד זאל ווערן אנגענומען אין די מוסד מעג די פרוי נישט דרייווען.
וואס איז פשט דערפון?
איז דאס אקענגן צניעות?
מיין אשת חיל האט לייסענס און ס'קומט כסדר אויס אז זי נעמט די קאר צו ערלעידיגן וויכטיגע זאכן אדער נעמען די קינדער אין פלעי גרופ אדער צום דאקטאר.
וואס איז די עוולה?

שטעל דיך פאר אויב אז פרויען וועלען מעגען האבען לייסענס און דרייווען וועלען זיי ווערען העכער ווי די מענער, און מע קען עס נישט צו לאזען...

איך פריי מיך אז מיין פרוי קעניש האבען א קאר. זי וואלט געווען מיין competition ווער סע האט א שענערע קאר..

איך האב אסאך חברים אזוי. די מענער זענען מלמדים, רמי"ם און אפילו ראשי ישיבה און די פרויען טרייבן דעם קאר.
ווער עס האט גלערנט אין ב.מ.ג. אדער בית התלמוד ווייסט וואס איך מיין.

אפילו אין די חסידישע וועלט איז אזוי, אז מענער זענען כלי קודש אדער סתם אזוי ארבעטער און די פרוי איז וואס נעמט קער פון די זאכן, און זיי ברויכען דרייווען,

וואס איך וויל בעיקר וויסן איז וואס איז די עוולה אז די פרוי דרייווט?

ענדע צדיק האט געשריבן:אפילו אין די חסידישע וועלט איז אזוי, אז מענער זענען כלי קודש אדער סתם אזוי ארבעטער און די פרוי איז וואס נעמט קער פון די זאכן, און זיי ברויכען דרייווען,

וואס איך וויל בעיקר וויסן איז וואס איז די עוולה אז די פרוי דרייווט?

בי עס בלע"ז

זיי ווייסן אליינס נישט, די סיבה וואס זיי געבן אן איז כל כבודה בת מלך פנימה, און ס'איז זייער אויפרייסעריש אז א פרוי דרייווט, איי די אלטערנאטיוו איז גייען אין גאס אדער נוצן פובליק טראנספארטאציע וואס איז פיל ווייניגער "פנימה" ווי זיצן אין א פארמאכטע אוהל זרוק איינגעקעסטעלט אין האלב פארטינטעטע שויבן? נישקשה, די הלכות געבויעט אויף כל כבודה דארף נישט שטימען מיט לאגיק.

דער פראבלעם איז אז ווען איינער געבט ארויס אן איסור, דארף עס נישט קיין סיבה, אזוי איז עס און פארטיג, און ווער עס זאגט אנדערש איז א קל און א שגץ
און פארקערט ווען איינער זאגט א קולא, הייבט מען שרייען מהיכן דנתני? פון נעמסטו עס?

ענדע צדיק האט געשריבן:אסאך מוסדות שטעלן זיך אז כדי דיין קינד זאל ווערן אנגענומען אין די מוסד מעג די פרוי נישט דרייווען.
וואס איז פשט דערפון?
איז דאס אקענגן צניעות?
מיין אשת חיל האט לייסענס און ס'קומט כסדר אויס אז זי נעמט די קאר צו ערלעידיגן וויכטיגע זאכן אדער נעמען די קינדער אין פלעי גרופ אדער צום דאקטאר.
וואס איז די עוולה?

איך מיין אז עס איז א ווארט און שמירת עינים
אבער וואס איך כאפ נישט וואס איז די חילוק אויב זי דרייוט אדער זי זיצט פון פארנט

מען קען זאגען אז פונקט ווי מען לאזט נישט בחורים דרייווען ווייל מען וויל זיי איינצוימען, זיי זאלען ווי ווייניגער קענען אנקומען אויף פלעצער. איז דאך פי כמה דער ענין פין כל כבודה בת מלך פנימה.

רמב"ם הלכות אישות פרק יג
מקום שדרכן שלא תצא אשה בשוק בכפה שעל ראשה בלבד עד שיהיה עליה רדיד החופה את כל גופה כמו טלית נותן לה בכלל הכסות רדיד הפחות מכל הרדידין, ואם היה עשיר נותן לה לפי עשרו כדי שתצא בו לבית אביה או לבית האבל או לבית המשתה, לפי שכל אשה יש לה לצאת ולילך לבית אביה לבקרו ולבית האבל ולבית המשתה לגמול חסד לרעותיה ולקרובותיה כדי שיבואו הם לה, שאינה בבית הסוהר עד שלא תצא ולא תבוא. אבל גנאי הוא לאשה שתהיה יוצאה תמיד פעם בחוץ פעם ברחובות, ויש לבעל למנוע אשתו מזה ולא יניחנה לצאת אלא כמו פעם אחת בחודש או פעמים בחודש כפי הצורך, שאין יופי לאשה אלא לישב בזוית ביתה שכך כתוב +תהלים מ"ה+ כל כבודה בת מלך פנימה.

נאך א פשט קען זיין. דרייווען איז א געוואלדיגע אינדעפענדענס. דאס איז היפך פין הכנעה. דאס ענין פין אשת איש איז אז זי איז נכנע אונטערן מאן אין זי געהער פארן מאן. א פרוי האט אסאך ענליכקייטן צו אן עבד. א אשה איז מחויב במצוות ווי אן עבד. ווי אויך כל מה שקנה אשה קנה בעלה. א טאטע פארקויפט זיין טאכטער אלס א שפחה. לויט געוויסע מאן דאמרים איז דאס געלט וואס דער טאטע באקומט פאר פארקויפען זיין טאכטער איז אויטאמאטיש אויך כסף קידושין. זי דארף פשוט אלעס געבן פאר איר אדון/מאן. דער וואס קויפט איר קען אפי' מחליט זיין אז ער געט איר פאר זיין זון. דער עוולה פין אן אשת איש שזינתה איז די בגידה אינעם מאן. אזוי ווי דער לשון הפסוק ווען א פרוי איז מזנה, אז זי איז מועיל אינעם מאן אין זי איז בוגד אין אים. [דאס קען אפשר זיין די סיבה פארוואס א אשה שזינתה איז אסורה לבעלה. א פרוי וואס האט איינמאל מזנה געווען ברצונה האט שוין אראפגעווארפען פין זיין אינטערגעווארפען אינטער דעם מאן, ממילא איז דאס שוין נישט קיין מאן אין ווייב. עס איז אן ענין פין בעילת זנות.] מען זעהט דאך פשוט אז ביים מאן איז נישטא קיין אפהאלט פין האבען נאך ווייבער. משא"כ א פרוי געהערט נאר פארן מאן. א פרוי איז מחיוב צו פאלגען איר מאן. עד כדי כך אז לויטן רמב"ם דערמאנט פריער, איז די מאן איז דער וואס איז מחליט וויפיל מאל א חודש זי מעג ארויסגיין פין הויז.
בקיצור די גאנצע נקודה פין אן אשת איש איז אזי זי איז נישט אינדעפענדענט, אז זי געהער צו איינעם. פולקאמער אינדעפענדענס איז האבען די זעלבע רעכטן וואס א מאן האט בנוגע האבען מער ווי איין ווייב. א יעדעס ביסעל אינדעפענדענס ברענגט ארויס פאר זיך אין פאר יענעם דאס היפך פינעם ענין פין אשת איש והמסתעף.
דאס האט א שייכות מיטן גאנצען מלחמה פין די women's lib, ואכ"מ.
איך זאג נאר א פערספעקטיוו, נישט מיין אפיניאן.
בד"וו, עס איז באקאנט אז סאטמערע מיידליך זענען די בעסטע סעקרעטערי'ס. ווייל זיי האבען אין זיך שטארק די מדה פין הכנעה. ווי מער 'מאדערען' מען איז אלץ מער שטעלט מען זיך אוועק פאר א יש.

מח, וועלקאם טו 2013.
זיסע חלומות.

שמעקעדיג,
אזוי ווי כ'האב געשריבען למעלה. "איך זאג נאר א פערספעקטיוו, נישט מיין אפיניאן."
מען האט געפרעגט דא וואס די פשט אינעם איסור איז. האב איך פרובירט ארויסברענגען די אוסרימ'ס פערספעקטיוו.

איך פארשטיי, דו ביסט הייליג גערעכט.
איך מאך נאר חוזק פונעם היינטיגן דור, וואס האט זיך דערקייקלט מטה מטה..

איך גלייב שווער אז די סיבה איז צוליב איינצוימען די פרוי, זייער נישט מסתבר.
אויב עפעס וואלט די מאן געברויכט וועלן איר אינצוימען, נישט די מוסדות וכדומה,
ס'האט מכלומרשט עפעס מיט צניעות, איך כאפ נאר נישט וואס.

מח - טא, א מיידל וועלכע איז שוין א בוגרת (12 1/2+) און נאכנישט קיין אשת איש, זי איז נישט ברשות פון איר טאטן און נישט פון א בעל. מעג יא דרייוון?
ועוד קשה, איז דאס א קפידא פון דעם בעל אז זיין אשת איש זאל נישט דרייוון אדער איז דאס גאר אן השפעה פון דרויסן (רבנים/חסידות וכו')?

מוח שליט האט געשריבן:בד"וו, עס איז באקאנט אז סאטמערע מיידליך זענען די בעסטע סעקרעטערי'ס. ווייל זיי האבען אין זיך שטארק די מדה פין הכנעה. ווי מער 'מאדערען' מען איז אלץ מער שטעלט מען זיך אוועק פאר א יש.

באקאנט פאר וועמען?
איך האב פון אייביג פארשטאנען אז דער טעם איז ווייל זיי קענען קיין לערערינס נישט ווערן!!
נישט אין לימודי קודש - קענען נישט קיין חומש און אוודאי נישט רש"י ורמב"ן ווי רוב אנדערע מיידלעך. קענען נישט קיין לשון הקודש (עברית בלע"ז). קענען נישט עפענען אליינס א ספר אויף צוצגרייטן א שיעור.
נישט אין לימודי חול - ווייל כידוע האט מען "ביי אונז" ממעט געווען אין לשונות העכו"ם, זיי קענען דאך אין דעם צייט באקן און נייען, קאכן און ביגלען.
נו, זענען זיי די סעקרעטעריס. איך וויל נישט אריינגיין אין דעם נעקסטן סטעפ.

עס האט געוויסע מעלות. השם ישמרנו וואס פרויען וואלטן געספענדט ווען זיי האבן צוטריט ווען און וואו זיי ווילן נאר....

אגב, מען קען דעם אשכול צוזאמענפלעכטן מיט דעם:

viewtopic.php?f=24&t=1570

ענדע צדיק האט געשריבן:איך גלייב שווער אז די סיבה איז צוליב איינצוימען די פרוי, זייער נישט מסתבר.
אויב עפעס וואלט די מאן געברויכט וועלן איר אינצוימען, נישט די מוסדות וכדומה,
ס'האט מכלומרשט עפעס מיט צניעות, איך כאפ נאר נישט וואס.

און אז ס'האט מיט צניעות פארשטייט מען יא אז די מוסדות טיילן איין?

היימישער ליטוואק האט געשריבן:איך האב פון אייביג פארשטאנען אז דער טעם איז ווייל זיי קענען קיין לערערינס נישט ווערן!!
נישט אין לימודי קודש - קענען נישט קיין חומש און אוודאי נישט רש"י ורמב"ן ווי רוב אנדערע מיידלעך. קענען נישט קיין לשון הקודש (עברית בלע"ז). קענען נישט עפענען אליינס א ספר אויף צוצגרייטן א שיעור.
נישט אין לימודי חול - ווייל כידוע האט מען "ביי אונז" ממעט געווען אין לשונות העכו"ם, זיי קענען דאך אין דעם צייט באקן און נייען, קאכן און ביגלען.

וואס האט דיין רעיטינג איבער די קוואליטעט פון סאטמארע חינוך הבנות מיט זייערע אפציע צו ווערן א טיטשער? בשלומה אויב זיי ווילען ווערען טיטשערס אין א נישט-סאטמערע מוסד, אבער א סאטמערע טיטשער אמט פארלאנגט נישט מער ידועה ווי דאס וואס מ'לערענט אין סאטמאר. נישט רעכט?

ענדע צדיק האט געשריבן:איך גלייב שווער אז די סיבה איז צוליב איינצוימען די פרוי, זייער נישט מסתבר.
אויב עפעס וואלט די מאן געברויכט וועלן איר אינצוימען, נישט די מוסדות וכדומה,
ס'האט מכלומרשט עפעס מיט צניעות, איך כאפ נאר נישט וואס.

דער רמב"ם וואס איך ברענג אראפ רעדט פין נישט ארויסלאזען דאס ווייב מער ווי איינס צווי מאל א חודש. ער זאגט אבער אז מען זאל איר לאזען גיין צו חתונת אדער ניחום אבילום, (כדי מ'זאל צוריקימען צו אירע שמחות. הממ..א בפירושע רמב"ם בענין 'מרעצעשעם ביי דיר אויף שמחות') ווייל זי זאל נישט זיין אין קיין תפיסה. דער רמב"ם געט די גדר אלס כל כבודה בת מלך פנומה וואס איז, עכ"פ באן אונז שטארק מקושר מיט די ענין פין צניעות. איז דאך דאס אויב אזוי יא אן ענין פין צניעות.
נישט לאזען א פרוי ארויסגיין מער ווי איין צוויי מאל א חודש, הייסט בי מיר איינצוימען די פרוי, אז זי זאל זיך פשוט נישט דרייען אין די גאס. איז דאך מסתבר אז פונקט ווי מען וויל איינצוימען בחורים נישט צו קענען אנקומען ווי מען וויל אזוי איז די זעלבע מיט פרויען.
נאכאמאל איך ברענג נאר ארויס דעם פערספעקטיוו. איך בעצם בין ליידער נישט מקיים דעם רמב"ם ווי עס דארף זיין. איך לאז מיין פרוי ארויסגיין דריי, אין צומאל פיר, מאל א חודש. די איבעריגע זעקס אין צוואנציג טעג פינעם חודש גייט זי ארויס אהן מיין הרשאה.

ליגט מיר אין קאפ אז די רמב"ם האט גערעדט אויף זיין תקופה, און אין מצרים ווי ער האט געוואוינט, און דארט איז די סדר געווען אזוי, און א פרוי וואס איז געגאנגען מער האט געהייסן א יצאנית, אבער הכל לפי המקום והזמן, און היינטיגע צייטן אין מערב וועלט לענדער איז עס נישט אזוי.

היימישער ליטוואק האט געשריבן:

מוח שליט האט געשריבן:בד"וו, עס איז באקאנט אז סאטמערע מיידליך זענען די בעסטע סעקרעטערי'ס. ווייל זיי האבען אין זיך שטארק די מדה פין הכנעה. ווי מער 'מאדערען' מען איז אלץ מער שטעלט מען זיך אוועק פאר א יש.

באקאנט פאר וועמען?
איך האב פון אייביג פארשטאנען אז דער טעם איז ווייל זיי קענען קיין לערערינס נישט ווערן!!
נישט אין לימודי קודש - קענען נישט קיין חומש און אוודאי נישט רש"י ורמב"ן ווי רוב אנדערע מיידלעך. קענען נישט קיין לשון הקודש (עברית בלע"ז). קענען נישט עפענען אליינס א ספר אויף צוצגרייטן א שיעור.
נישט אין לימודי חול - ווייל כידוע האט מען "ביי אונז" ממעט געווען אין לשונות העכו"ם, זיי קענען דאך אין דעם צייט באקן און נייען, קאכן און ביגלען.
נו, זענען זיי די סעקרעטעריס. איך וויל נישט אריינגיין אין דעם נעקסטן סטעפ.

די האסט דיך נאכגעפרעגט ביי מענטשען וואס האבען ביידע? איך האב גערעדט מיט א פאר מענטשען וואס האבען 'מאדערענע' אין 'היימישע'. כ'בין אמאל געזעצן מיט צוויי פייוו טאון ביזנעסלייט אין זיי האבען מיר אויך געזאגט אז די סאטמערע מיידליך זענען די בעסטע סעקרעאטארען. אבער מען האט נישט געמאכט א שטודיע דערויף, נו שוין.
לויט ווי איך האב געהערט איז אמת וואס די זאגסט אז א סאטמערע גראדועט קען נישט טיטשען ערגעץ אנדערש. זי האט דאך נישט געלערנט אויף דעם לעוועל, נישט אידיש אין נישט לימודי חול.

געפילטע פיש האט געשריבן:ליגט מיר אין קאפ אז די רמב"ם האט גערעדט אויף זיין תקופה, און אין מצרים ווי ער האט געוואוינט, און דארט איז די סדר געווען אזוי, און א פרוי וואס איז געגאנגען מער האט געהייסן א יצאנית, אבער הכל לפי המקום והזמן, און היינטיגע צייטן אין מערב וועלט לענדער איז עס נישט אזוי.

מסכים צו דיין סברה. יעצט דארפסטו נאר פועלן ביי דע פאוערס דעט בי.
בכלל די גאנצע הגדרה פין צניעות איז לכאורה נישט ארויסצושטארען, אדער פראוואצירערן. וואס דאס אלעס דארף זיך ווענדען לפי המקום והזמן לכאורה. די אלע פרטי הלכות צניעות פין דעם פאליק וכדו', שמעקן עפעס מאדנע. אבער כ'האב עס נישט דורכגעטון כדבעי', ס'איז מיין עמעראצישע אבזערוואציא.

מוח שליט האט געשריבן:

געפילטע פיש האט געשריבן:ליגט מיר אין קאפ אז די רמב"ם האט גערעדט אויף זיין תקופה, און אין מצרים ווי ער האט געוואוינט, און דארט איז די סדר געווען אזוי, און א פרוי וואס איז געגאנגען מער האט געהייסן א יצאנית, אבער הכל לפי המקום והזמן, און היינטיגע צייטן אין מערב וועלט לענדער איז עס נישט אזוי.

מסכים צו דיין סברה. יעצט דארפסטו נאר פועלן ביי דע פאוערס דעט בי.
בכלל די גאנצע הגדרה פין צניעות איז לכאורה נישט ארויסצושטארען, אדער פראוואצירערן. וואס דאס אלעס דארף זיך ווענדען לפי המקום והזמן לכאורה. די אלע פרטי הלכות צניעות פין דעם פאליק וכדו', שמעקן עפעס מאדנע. אבער כ'האב עס נישט דורכגעטון כדבעי', ס'איז מיין עמעראצישע אבזערוואציא.

לגבי פאלק האט מען שוין געשמועסט דא אז ער האט געמאכט א שיינע ליקוט פון אלע חומרות על כבי חומרות, צוגעלייגט אייגענע בויך סברות, ויקרא שמו בישראל פוסק אחרון לעניני צניעות.
עיין כאן ותמצא נחת.