היינט 5:30 נאכמיטאג ווען איר וועט ארויפקוקן צום הימל וועט איר זען צוויי מאדנע קאלירטע וואלקענעס זיך שלענגלען אינעם הימל. אקעי נישט ממש יו עף אוס אבער כדי איר זאלט נישט דערשראקן ווערן איז כדי צו וויסן אז היינט וועט נאסא ארויפשיסן א ראקעט פון זייער באזע אין ווירדזשיניע און דער ראקעט וועט ארויסלאזן א רויט-קאלירטע כעמיקאל ווען זי וועט זיך געפונען אין די הויכע ספערן. די ראקעט וועט ארויסגעשאסן ווערן צווישן 5:30 און 6:50 (נאסא צילט צו זיין פיקס-פערטיג אויף 5:45 אבער זעט אויס אז זיי פארמאגן אויך דעם חסידישען זייגער און זיי ווייסן נישט צו זיי וועלן זיין גרייט), און די קאלירטע גאזן וועלן געזען ווערן אין ניו יארק סיטי בערך 20 סעקונדעס נאכן ארויפשיס. די סיבה פארן ראקעט און די כעמיקאלן איז כדי אויסצוטעסטן נייע טעכנעלאגיע פאר צוקונפטיגע פראיעקטן. אויב וועט איר זיך נישט קענען געפונען אויפן גאס בשעת די ראקעט וועט ארויסלאזן די קאלירטע כעמיקאל, קענט איר מיטהאלטן די מסיבה לייוו אנליין (קליק דא). פארשטייט זיך אז אויב וועט זיין פארוואלקענט אדער פארנעפלט וועט מען דאס נישט קענען זען. אין ניו יארק וועט מען עס זען קוקענדיג צום דרום ריכטונג, 18 דעגריס פון דעם האריזאנט (דאס צו רעכענען, שטרעקט אויס אייער האנט אזוי ווי איר וואלט ווען גערעכנט טפחים, און רעכנט צוויי טפחים העכערן האריזאנט - א מענטש שטייט צו א 90 דעגרי ענגל פון דעם האריזאנט, דאס מיינט אז צווישן אים אין די האריזאנט איז דא 90 דעגרי, די ראקעט וועט זיין בערך 18 דעגרי פונעם האריזאנט פון א ניו יארקער שטאנדפונקט).
פאר מער ליינט דא
היינט 5:45 פארנאכטס, UFO אין אונזער הימל
-
פיינע קאווע
- היימישער באניצער
- הודעות: 479
- זיך רעגיסטרירט: דינסטאג יוני 26, 2012 9:44 am
- האט שוין געלייקט: 12 מאל
- האט שוין באקומען לייקס: 149 מאל