קאווע שטיבל

אין די קומענדיגע טעג קומט ארויס א נייע חודש'ליכע מאגאזין מיטן נאמען 'מצליח',
די מאגאזין ווערט ארויסגעגעבן דורך די נייע ארגאניזאציע OJPAC,
די מאגאזין וועט האבן אין זיך אינטערסאנטע ארטיקלען, אנאליזן, און אפהאנדלונגען וועגן אלץ און אלעמען, און בפרט וועגן די לעצטיגע געשעהנישען ביי כלל ישראל.
אין א שמועס מיט די ארויסגעבער, גיבן זיי איבער אז זיי לייגן אריין איבערמידליכע כוחות, אז עס זאל שוין זיין צובאקומען אויף מארגן אי"ה.

מער פרטים וועלן נאכפאלגן.

עמי סטייל, עס גייט זיין אויפן פארמאט ווי די עמי, בינה.

וועלכע שפראך?

אידיש.

נו, עני אפדעיטס? קומט עס טאקע ארויס היינט?

וועט אי׳ה זיין צובאקומען מארגן אין די געשעפטן, די פרייז וועט זיין $4.50.
עס וועט זיין צובאקומען אין גאנץ נ.י, קענעדע, לאנדאן.

בילד פון דעקל?

אוי טאטי האט געשריבן:עמי סטייל, עס גייט זיין אויפן פארמאט ווי די עמי, בינה.

עמי און בינה זענען הימל און ערד.

יאיר האט געשריבן:

אוי טאטי האט געשריבן:עמי סטייל, עס גייט זיין אויפן פארמאט ווי די עמי, בינה.

עמי און בינה זענען הימל און ערד.

עס איז די זעלבע ׳פארמאט׳! ׳מעלות׳ איז אויך די זעלבע ווי די צוויי..

און צו איבער'חזר'ן יאנקל'ס שאלה, אויף וועלכער שניט איז עס?

אויף דעם האב איך געשריבן, עמי סטייל.

אהא, כ'האב געליינט צו שנעל. וואס מיינט עמי סטייל, קאנטראווערסיעלע ארטיקלען?

דאס וועל איך אויסגעפונען מארגען אי׳ה, כ׳זאג נאר נאך וואס איך האב געהערט פון די ארויסגעבער.

יאיר האט געשריבן:און צו איבער'חזר'ן יאנקל'ס שאלה, אויף וועלכער שניט איז עס?

די שניט פון G&G

מ'קען פאלאוען אויף טוויטער @MatzliachM

ווי איך פארשטיי זענען די ארויסגעבער יוסי געשטעטנער אין אהרן יאסל שפילמאן

דאס איז א מעסעדזש וואס איז נעכט'ן ארומגעפארן אויף די טעלעפאנען:

אויסשליסליכע ספעציעלער פראיעקט: כלל ישראל אונטער אטאקע!

ערווארט מיט שפאנונג, בקרוב אין די געשעפטן, 'מצליח מאגאזין', מאנאטליכע פובליקאציע פאר בלויז: $3.99

‫צום געזעגענען: דער ניו יארקער געזונטהייט צאר. א מעיאר אדער א דיקטאטור?‬

אויספירליכע אינטערוויו מיט'ן חרידי'שער פי.אר. סטראטעגיסט און זשורנאליסט ר' יוסי געשטעטנער. איבער דער לעצטיגער קריזיס.

באהאנדעלט די נעגעטיווע דעקונג אין די אלגעמיינע מידיא קעגן דעם ארטאדאקסישן אידענטום. און טיילט מיט זיינע פערזענליכע אויפטוהן אויפ'ן פובליק רילעישאנס פראנט.

א בליק איבער דעם נייעם ארגאניזאציע: 'או.דזשעי.פעק.' ארטדאקסישער אידישער פובליק אפפעירס קאונסיל. Ojpac.org געגרינדעט אין ליכט פון די שווערע מצב וואס כלל ישראל לעבט אצינד איבער. ווער שטייט אינטער איר? און וואס איז דער ציל?

דיסטריקט אטוירני קריזיס: ווער איז דאס טשארלעס היינס? און ווער זענען זיינע קעגנער?.

אויספירליכע באשרייבונג איבער די קאנטערווערסיאלע ווירטשאפט אין אפיס פונעם דיסטריקט אטוירני אין לויף פון 25 יאר. אין די אויגען פון די פובליקום.

ארגסטע שולע טראגעדיע אין אמעריקאנער געשיכטע: ניו-לאנדאן שולע אויפרייס מיט 500 סטודענטן טויט.

ולאחיו יאמר חזק: פראגען און ענטפער'ס. ברודער ביסט נישט אליינ'ס! רעדט זיך אויס אייער הארץ, און אייער ברודער וועט אייך ענטפערן.

טראגישע אומקום פון הבחור ארי' האלבערשטאם הי"ד אויפ'ן ברוקלין בריק; פרוי האלבערשטאם קעממפט צו ברענגען פאראנטווארטליכע צו יוסטיץ, און פירט דורך נייער געזעץ. – ווערט באעהרט דורך די עף.בי.איי. און אנדערע פעדעראלע אגענטורן.

לענגערע באשרייבונג איבער דיסקרימינאציע, עגאאיזם, און קארופציע אינערהאלב די ניו יארק פאליציי דעפארטמענט.

אין נאך פולע בלעטער פון דראמאטישע און אינפארמאטיווע ארטיקלן און שילדערונגען, 'מצליח' מאגאזין, יעדן חודש אין די געשעפטן אי"ה.

פאלגט נאך ווייטערדיגע מעלדונגען.

מצליח מאגאזין: פון הינטער די קוליסן...

אזוי ווי עס קוקט אויס גייט די מאגזין ארויסברענגען אלע עוולות וואס מען איז באגאנגען אנטקעגען אידען, און אויך אלעס שלעכט'ס ביים גויאיש'ען סיסטעם.

און פארשטייט זיך אז זיי גייען מיט דעם מקיים זיין "ודרשו את שלום העיר אשר הגליתי אתכם שמה", און מגייט אזוי סאך אויפטוהן...

"בנין נערים סתירה".

און פארשטייט זיך אז זיי גייען מיט דעם מקיים זיין "ודרשו את שלום העיר אשר הגליתי אתכם שמה", און מגייט אזוי סאך אויפטוהן...

פאר דיין אינפארמאציע, די ארויסגעבער פונעם מאגאזין ווייסן אויך פונעם פאקט אז מיר אידן געפינען זיך אין גלות, און מען דארף אננעמען דעם עול-הגלות מיט ליבשאפט, און מיר זענען נישט דא צו קעממפן מיט די אומת העולם, נאר ליבערשט זיך פירן ערליך און באשיידן און נישט פארלעצן קיין געזעצן, ווייל דינא דמלכותא דינא. און אזוי ארום ברענגען א קידוש שם שמים.

ס'וואלט געווען א שיינע זאך אז דו זאלס'ט צו ווארט'ן ביז דער אויסגאבע ערשיינט, און נאכ'ן ליינען די ארטיקלן זאלסטו לאזן הערן דיין מיינונג, ווייל דערווייל רעדסטו דא פון בלויזע שפעקולאציעס, און ס'וואלט געווען ראטזאם און ריכטיג נישט צו שפינען קיינע פאנטאזיעס בעפאר'ן ליינען דעם מאגאזין. אין בין אין גאר נאנטע פארבינדונגען מיט די ארויסגעבער, און זיי טוהן זייער אחריות'דיג און סענסעטיוו באהאנדלן די אומאיינגענעמע טעמעס וואס איז נוגע כלל ישראל.

או. דזשעי. פעק. וועט נישט דינען אלס א פארטיזאנער גרופע, און דער מאגאזין וועט נישט דינען אלס א שופר אויפצוהעצן די געמיטער צו קעממפן קעגן דעם עשיו שונא ליעקב, די ארטיקלן וועלן נאר ווארפ'ן א ליכט איבער פארשידענע ערנסט'ע טעמעס וואס שפילן זיך לעצטענ'ס אפ, און וואס ס'איז פארבליבן פאר אונז אידן צו טוהן, אויף א ערליכ'ן און אויסגעהאלטענעם וועג, אפצושטילן דעם שרעקליכן און וויסטע העצעריי קעגן דעם חרדיש'ן אידענטום.

מיט דאנק פון פאראויס!

(איך האב נאר גערעדט צו די וואס זענען אינטערסירט צו זיין אויפריכטיג... וד"ל.)

ווי איז די דעקל?

סע גייט זיין אזוי ווי עמי וואס זיכען אלץ קאנראווערשעל זאכן אז זיי זאלען האבען מער קאסטעמערס?

איך ווינטש פארן אדזשעיפעק און פאר זייער מעגעזין מצליח זיי זאלן זיין מצליח! ריליסטיש גערעדט טראכט איך אז די אויסגאבע האט שוואכע שאנסן מצליח צו זיין.

איינער האט שוין געזען די מאגאזין?