די טראומא פון פארלירן גוטע אינשורענס אגענט פריינט

[[NAMELESS]]

מ'קען שיין פארדינען פון מצליח זיין אין אינשורענס, אבער מ'נעמט א ריסק פון פארלירען אסאך גוטע פריינט. די פאלגענדע האב איך באקומען אין אימעיל:

היינט ליידער געהאט א שרעקליכע איבערלעבעניש ווען איך האב ליידער פארלוירן גאר א נאהנטן פריינט מיט וועמען איך האב אסאך שעות פארברענגט.

די מעשה איז אנדערש ווי איהר שטעלט אייך פאהר, הערט א מעשה:
איך האב שוין געראדע מיט דעם פריינט נישט גערעדט פאר א היבשע וויילע, צוליב דעם וואס ער האט אוועקגעמופט פון מיין נעיבערהוד און מיר טרעפן זיך שוין נישט אזוי אפט, אבער היינט זיכענדיג א קאנטאקט אין מיין פאון האבעך זיך אומוועלענדיג אנגעשטאלפערט אין זיין נאמען, האבעך געקלערט לאמער אים א רוף טאהן זאגן אגוטן, רוף איך אים אן און דער פאון קאל גייט צו ווי פאלגענד:

שלמה: האלוי?
בערל (בקול רם עקסייטעד): יא שלמה שלום עליכם, איט'ס בין עי לאנג טיים, וואס מאכסטע?
שלמה: פיין פיין ב"ה, וואס הערצעך ביי דיר, כ'האמעך פערצופאל באגעגנט מיט דיין נאמען אין מיין קאנטאקט ליסטע האבעך געקלערט כ'העדער רופן זאגן אז כ'לעב נאך.
בערל: אהא, ווערי נייס, וואס טוסטו היינט צוטאג ביסט נאך דארטן וואו דו האסט געארבעט פאראיאהר?
שלמה: יעפס! און דו?
בערל: איך האב אנגעהויבן לעצטנס א נייע דזשאב, און איך וויל טאקע רעדן מיט דיר.
שלמה (טראכט): אוי ס'ווערט מיר גוט, זאגמיר נישט אז ער איז אריין אין לייף אינשורענס.
שלמה (זאגט): אה, דעט'ס נייס טו היר, גאו עהעיד.
בערל: איך בין לעצטנס געווארן א לייף אינשורענס אגענט, און איך וויל טאקע זאלסט מיר זאגן ווען אונז קעמער זעך אראפזעצן פאר פינעף-צעהן מינוט.
שלמה (נאכן אריינציען דעם אטעם): עםםםם.. לאמער א טשעק טאן אינעם קאלענדער… פאם פאם פאם טארארארירי… ווייסטע וואס, געמער אזא רוף נעקסטע וואך זונטאג, קען זיין כ'העל קענען מאכן עפעס צייט זיך צו טרעפן, גוט?
בערל (מיט גרויס האפפענונג): אקעי טאלק טו יו דען.

אצינד רבותי ווייסט איר שוין די איבריגע (נישט פרייליכע) חלק פון די מעשה, און איך טוה דא באוויינען ברבים דעם פארלוסט פון א גוטן פריינט, וועלכע איז געראדע שוין די צווייטע פריינט וואס איך האב פארלוירן אין דעם זעלבן חודש און פאר כמעט די זעלבע סיבה… (דער אנדערער חבר איז געווארן א עיג'ענט פאר די ארגענעזעישאן 'לייף') י

און איך האף צום אויבערשטן מי שאמר לעולמו די יאמר לצרותינו די - און מיר זאלן זוכה זיין ניצול צו ווערן מכל פגעים רעים ומרעין בישין, ושנראה כ"א מעלת חבירנו ולא חסרונם, אמן.

[לעמיל]

יא שוין מיט געמאכט דאס און מייין קארץ לעבען

[שמעקעדיג]

שוין מיטגעמאכט נישט איינע און נישט צוויי און נישט דריי.
איך האב נאך יעצט, עז ווי ספיעק, 3 אגענטן וואס ווארטן בכליון עינים איך זאל זיי צוריקרופן, און רופן מיר יעדע חודש-צוויי זיכער מאכן אז איך לעב נאך.

איין באשעפער ווייסט ווען זיי וועלן כאפן דעם רמז.

[ברסלבער]

ראשעקאל, המקום ימלא חסרונך, זאלסטיר טרעפן בעסערע פריינד.
אויף קול מבשר דערציילט דארט איינער פון די בדחנים. זיין פריינד קאלט אים אן צו ער וויל זיך אראפזעצן עטליכע מינוט דורכרעדן וועגן לייף אינשורענ'ס;
ער: "דו ווייסט דאך אז מיר אונטערעסירט נישט די זאכן, איך האלט נישט ביים קויפן קיין לייף אינשורענ'ס!"
חבר: "איך האב דען גערעדט פון קויפן? איך האב עס נאר געוואלט דורכרעדן, און למעשה וועסטו דאך סיי ווי קויפן, סא פארוואס זאלסטו נישט שטיצן א חבר? סוף כל סוף וועסטו סיי ווי דארפן אנקומען דערצו"
ווען ער האט געזעהן אז ער קען נישט פטור ווערן פון אים, האט ער אים געזאגט:
ער: "דו ווייסט, איך בין אויך לעצטנ'ס אריין אין א נייע ביזנעס, איך האב אנגעהויבן פארקויפן תכריכים, אפשר ווילסטו קויפן פון מיר א שיינע סעט תכריכים?"
חבר: "וואס?! תכריכים?! ביזט אויפ'ן קאפ געפאלן? וואס עפעס זאל איך יעצט קויפן תכריכים?"
ער: "איך האב דען גערעדט פון קויפן? איך האב עס נאר געוואלט דורכרעדן, און למעשה וועסטו דאך סיי ווי קויפן, סא פארוואס זאלסטו נישט שטיצן א חבר? סוף כל סוף וועסטו סיי ווי דארפן אנקומען דערצו"...

[ברסלבער]

איין באשעפער ווייסט ווען זיי וועלן כאפן דעם רמז.

ביי זיי העלפט נישט קיין רמזים, מען דארף ארויס זאגן ברחל בתך הקטנה.
איינעם האב איך וואס לויפט מיר נאך, ער איז מיר דאך א נאנטער קרוב, מיין נעפיו'ס זיידע'ס מחותן, און וויפיל איך האב אים שוין מסביר געווען מיט גוטנ'ס און מיט בייזנ'ס האט ער נאך אלץ נישט פארשטאנען דעם רמז.

[berlbalaguleh]

שוין מיטגעמאכט נישט איינע און נישט צוויי און נישט דריי.
איך האב נאך יעצט, עז ווי ספיעק, 3 אגענטן וואס ווארטן בכליון עינים איך זאל זיי צוריקרופן, און רופן מיר יעדע חודש-צוויי זיכער מאכן אז איך לעב נאך.

איין באשעפער ווייסט ווען זיי וועלן כאפן דעם רמז.

ביי מיר איז עס געווען א קאנטעסט מיט צוויי אנדערע לייף אינשורנס עדזשענטס. ווער ס'וועט פריער אויפגעבן. דער דיאלאג מיט אגענט א' האט זיך אנגעהויבן אין א דענטיסט'ס אפיס. א מינוט פאר מ'האט ארייגערופן פרעגט ער מיך "איך קען דיר רופ אין א צוויי ואכן " זאג איך "יא. קענסט רופן" ר'האט מקיים געווען זיין הבטחה און ר'האט גערופן. ביים סוף פון (אומפראדוקיטוון) שמועס. פרעגט ער אויב ער קען רופן אין פיהר וואכן. זאג איך "רוף". וכו' וכו'. ס'האט גענומען כמעט א יאר ביז ער האט געכאפט דעם רמז. מיט אגענט ב' איז עס געגאנגען קורץ און שארף. כ'האב איהם געגעבן א היטש פון ב.פ. קיין ווילי טאון. נאכ'ן ערשטן "שלום עליכם" האט ער אנגעהויבן פארקויפן זיין סחורה. בקיצור. נאך צוויי וואכן האט ער אויפגעגעבן.

[ענדע צדיק]

מיין שוואגער איז אריין אין די ליין פון לייף אינשורנס, פארשטייט זיך אז איך בין געווען פון די ערשטע אויף די ליסטע,
נאך א שנעלע החלטה פון משנה זיין מפני דרכי שלום (שלום בית...), זאג איך אים, איים רילי סארי, אבער מיין נאנטע חבר נאך פון ישיבה איז אויך אין די ליין, און איך דיל מיט אים...
און ווען יענע חבר איז געקומען האב איך אים געזאגט, אים רילי סארי אבער דו ווייסט דאך אז מיין שוואגער איז אין ליין און איך האב א שעבוד צו גיין צו אים...

[נפתלי]

האומר דבר בשם אומרו,

די ארגינעלע שרייבער פון די שורות

[[NAMELESS]]

זיי האבן עס גענומען פון דא. קוק די צייט אין טאג

[איך אויך]

זיכער נישט.