ידינו לא שפכו, הא? דו ר...!! (פון: אייוועלט)

[לעמיל]

וויכטיג מאכער אויף אייוועלט האט א מורא'דיגע ארטיקל, צוליב די וויכטקייט דערפון ברענג איך עס אהער:

אנבעליוועבל!!! דער עולם איז נאך אין שאק פון די טראגעדיגע, און מ'פראבירט זיך נאך צו טרייסטן...

דרייצעך ארום א יונגערמאן, און ער טוצעך אויף פאר זיינע חברים, "האסט געזעהן די פיקטשער?" יא די שרעקעדיגע פיקטשער... "דאס האב איך געכאפט!" מיט מיין נייעס אייפאון, ס'מעכטיג!!

וואס? דו ביסט געווען דער שייגעץ? שעהמסטעך נישט?!

איך גלייב באמונה שלימה אז אלעס וואס ס'איז געשעהן איז געווען אנגעשריבן פון אויבן, און ס'נישט געווען שייך צו טוהן עפעס אנדערש...

אבער רעדענדיג היינט מיט א הצלה וואלאנטיר האבעך געהערט שוידערליכע דעטאלן וויזוי היימישע יונגעלייט האבן ארויסגעהאלפן דעם מלאך המות... (וואס האט אונז איבערצייגט ליידער די וואך כמה פעמים אז ער נויטיגט זיך לגמרי נישט אין אונזער הילף ר"ל...)

דער יונגערמאן דערציילט מיט אז פארענדיג אויפן קאלל, איז געפארן אונטער אים א קאר "מיט לייטס און סייערין"... ער האט געמיינט אז נאך א מעמבער פארט... אבער וואס ווען... א יונגערמאן קומט ארויס און הייבט אן כאפן פיקטשערס!!! און... דא האבעך פארפעהלט א הארט ביד... ער זאגט מיר אז ר' נחמן גלויבער ע"ה האט מען אריינגעפיהרט מיט די גויאישע אמבולאנס ווייל... די אמבולאנס פון חברה הצלה האט נישט געקענט אריינפארן!!! איר הערט??? דער יונגערמאן דרייצעך ארום און קרעכצט... אוי וויי... דאס קינד איז שוין אויך נישט דא... האלאו! נעקסטיים זיי נישט אזוי נייגעריג, און פראביר נישט צו זיין די העראו פון דיין BBM גרופ, און לאז דעם אמבולאנס צוקומען... העסטע נישט אזוי קרעכצן...

ס'נישט צום גלייבן! צוליב נייגער קענען צענדליגער יונגעלייט בלאקן א גאס, און מ'לאזט נישט צו קיין מעדעצינישע הילף! מ'זעהט לעלוס, מ'באקומט מעסידזשעס, יעדער מוז זעהן מיט די אייגענע אויגן... און מ'פארט אהין צום סצענע, און מ'אידעך אין א ראש... מ'מודעך דארט זיין וואו פריער, פארקט מען אינמיטן די גאס... זאל די אמבולאנס טרעפן א אנדערע וועג אריין!!! איז דאס נארמאל???

דאס איז איינס...

דער מעמבער דערציילט ווייטער אז אן אנדערע מעמבער וואס איז שוין יארן א מעמבער האט געזאגט פאר די קארדענעיטער אז ער גייט אויפהערן לויפן אויף קאללס... ער זאגט אז פיהרענדיג ס'בעטל מיט די פרוי דערויף זענען מענטשן זיי נאכגעלאפן, מאט זיי געשטערט, און געכפאט פיקטשערס!!! וואט דע העק??? איך רעד שוין נישט פון מענטשליכקייט... כאפן פיקטשערס פון א מענטש אין אזעלעכע אומשטענדן... אבער וויי געוואלד, דו לאזט נישט די הצלה ארבייטן!!! ער זאגט אז מארגן גייט מענעם נאך אויספרעגן פארוואס האסטו געהטוהן דאס און יענץ, וואלסט ווען געדארפט טוהן אזוי... וואס פעהלט מיר עס אויס? איין טאג גייט מען מיך נאך קלאגן ווייל כאב גע'שאקט א מענטש מער ווי די בוק הייסט און איינער האט עס אפגעכאפט!!! ס'פעהלט מיר נישט אויס!!!

דער מעמבער זאגט מיר אז ס'דא היינט מענטשן וואס רופן הצלה און זיי בעטן מ'זאל קומען שטילערהייט... זיי ווילן נישט די גאנצע שטאט זאל האבן פיקטשערס וואו מ'פיהרט זיי אריין... "ווער ווייסט וויפיל מענטשן טראכטן צופיהל מאל פארן רופן הצלה אפשר זאל איך נישט רופן, ווייל כ'וויל נישט קיין פיקטשערס, און דאס קען אמאל זיין די דיפרענס צווישן לעבן און טויט"!!!

אלזא טייערער ערעב יוד, איידער דו גייסט נאכאמאל טוהן די אומווערדיגקייט טראכט נאך איין מאל... וואס גייט מיין נאכלויפן ס'אמבולאנס גורם זיין? וויסן זאלסטו דו האסט א דין ווי א מערדער!

1) דער מעמבער אויפן ס'צענע פארלירט זיין הרחבת הדעת, ער קען נישט ארבייטן מיט א קלארן קאפ וויסענדיג אז אלעס ווערט רעקארדירט.

2) דו שטערסט די נויטיגע הילף - אמבולאנס צו פאראמעדיק אדער סתם נאך א בעק-אפ מעמבער - אנצוקומען צום ס'צענע.

3) דו ביסט גורם אז מענטשן - וואס דארפן אימערדזשענסי הילף - זאלן זיך צוריקהאלטן פון רופן הצלה, ווייל זיי ווילן נישט זיין אויף אלע בילדער אין די שטאט.

4) ווען דו פארסט מיט לייטס און סייערינס בלויז צו קענען כאפן בילדער פון א סצענע, ביסטו גורם אז מענטשן זאלן ווייניגער רעספעקטירן "לייטס און סייערין", און מעגליך טראכטן צוויי מאל פאר מ'רוקצעך אין א זייט פאר אן אימערדזשענסי וויקהעל...

און דאס איז אויסער די אוממענטשליכקייט! ס'איז עקל'דיג, אוממאראליש די גאנצע פיקטשער גע'כאפעכטס... מ'שיקט ארום פיקטשערס פון א מענטש ליגן אונטער א קאר! וועך!!!

און ס'זעלבע איז בנוגע אנדערע סענזאציעס אין שטאט... ס'ברענגט אונז נישט געווענליך קיין גוטס ווען די מידיע קריגט א פיקטשער פון א "כאפצעם"...

אלזא ערעב יוד, איידער דו גייסט נאכאמאל טוהן אזא זאך, און דו טראכסט שוין וואסערע "הירא" דו גייסט זיין אויף דיין גרופ פארן האבן די שנעלסטע און די "בעסטע" פיקטשערס! טראכט נאך איין מאל! דו ביסט שופך דם!!! סטאפ! הרף!!!