קאווע שטיבל

ברסלב, וואס איז דאס?
א מאדנע פראגע, ווער ווייסט דען נישט וואס ברסלב איז? א כאפטע משוגעים וואס לאזן איבער די ווייבער און פארן אויף אומן, און טאנצן אויף די גאסן מיט צושטרויבלטע פאות.
איך וועל מודה זיין על האמת אז איך האב אויך אזוי געהאלטן אמאל, נישט ממש אזוי, איך האב געשריבן אביסל אן עקסטרעמע משל, אבער עפעס אזא פיקטשער איז מיר געליגן אין קאפ אויף די ברסלבע, איך האב נישט געוואוסט אויב זיי זענען טאקע אינגאנצן משוגע, אדער נאר נישט אינגאנצן נארמאל.

דאס אלעס איז געווען ביז איך האב קענען געלערנט ברסלב פון דער נאנט. ווען איך בין אנגעקומען אויף ברסלב, האב איך געזעהן אז עס גאר אנדערש פון וואס די גאס קוקט עס אן, נישט סתם אנדערש נאר כרחוק מזרח ממערב איז בכלל נישט קיין משל, ווייל מיט איין דריי איז מען שוין אויף מערב, כי גבהו שמים מארץ איז אויך נישט גענוג ווייט, ווי ווייט עס איז פון די אמת'ע ברסלב ביז די וועג ווי אזוי די גאס קוקט אן ברסלב.

פארוואס קוקט מען אן טאקע ברסלבע פאר משוגעים?
די סיבה איז זייער פשוט, ווען הערט א מענטש פון ברסלב? געווענטליך נאך ראש השנה ווען מען ליינט די צייטונגען, און זיי ברענגן שיינע בילדער פון ראש השנה אין אומן, און מען זעהט דארט אלע מיני מאדנע מענטשן, דערפאר גייט אריין אין קאפ אז דאס איז ברסלב. נו וואס דען זאלן די צייטונגען ברענגען בילדער? פון אידן וואס זיצן ביים ציון און וויינען זיך אויס? פון אידן וואס דאווענען מיט השתפכות הנפש? פון אידן וואס זיצן אין די לערן שטיבלעך און לערנען פלייסיג אדער הערן אויס א שיעור? דאס איז דאך דא ערגעץ אנדערש אויך, ממילא זוכט מען די אינטערעסאנטע בילדער וואס דער עולם וועט הנאה האבן, א בילד ווי איינער טאנצט אויפ'ן גאס, א בילד ווי איינער שטייט אויפ'ן דאך, א בילד ווי איינער שלאפט אויף א רענצל, וכדומה, און דאס איז איינ'ס פון די הויפט סיבות פארן אראפקוקן ברסלב, און איך האלט אז די צייטונגען וועלן אפגעבן א דין וחשבון אויף דעם.

אבער למעשה איז דאך דא משוגעים דארט, אויב נישט וואלט מען דאך נישט געקענט כאפן די בילדער?
כדי דאס צו פארשטיין דארף איך מקדים זיין וואס ברסלב איז בכלל.
ברסלב איז נישט קיין חסידות, ברסלב איז א מהלך החיים, און דערפאר איז דא אין אלע חסידות'ן ברסלבע אידן, און זיי בלייבן נאך אלץ פון יענע חסידות, ווייל ברסלב איז נישט קיין סתירה מיט קיין איין חסידות, עס איז א מהלך וואס רבי נחמן האט אראפגעשריבן אין זיינע ספרים, און ווער עס וויל קען עס פראקטיצירן, און ווער עס טוט עס האט געווענטליך א געשמאקע לעבן.
און אין ברסלב איז אויך דא רבי'ס היינט צו טאג'ס, נישט אזוי ווי מען מיינט אז נאך רבי נחמן איז שוין נישטא קיין רבי'ס, נאר אנשטאט זיי רופן רבי'ס רופט מען זיי משפיעים, און די סיבה דערצו איז, ווייל "דער רבי" רופט מען רבי נחמן, און די משפיעים זענען אזעלכע וואס האבן גוט געלערנט זיינע ספרים און עס פראקטיצירט און זיי געבן עס איבער ווייטער.
עס זענען דא צענדליגע משפיעים אין ברסלב, יעדער האט זיך זיין אייגנארטיגע מהלך, אבער אלעס באציעט זיך אויף רבי נחמן'ס ספרים, און יעדער ברענגט עס ארויס אויף אביסל אן אנדערע וועג, אבער אין די יסודות זענען אלע די זעלבע.
איין פראבלעם איז נאר דא אין ברסלב, אז די המשכה גייט נישט אזוי ווי עס איז איינגעפירט ביי היינטיגע חסידות'ן פון טאטן צום קינד, ווען דער טאטע ווערט נפטר, ווערט זיין זוהן רבי, אין ברסלב ארבעט עס מער אויף די אלטע וועג אז א תלמיד נעמט איבער, אבער אזוי ווי עס איז שוין מער פון 200 יאר פון רבי נחמן, ממילא היינט הייסט יעדער וואס לערנט זיינע ספרים א תלמיד פון אים, און ער געבט עס ווייטער איבער, און אין דעם איז אויך דא על טעם וריח, יעדער גייט צו וועלכע משפיע עס איז אים צום הארצן, און ער פילט אז דארט וועט ער באקומען מער חיות און געשמאק.
און דערפאר, אזוי ווי עס האט נישט קיין רבי'שע הויף, עס האט נישט קיין לעצטע-נאמען משפחה, וועגן דעם איז עס א שטח הפקר, און יעדער מאן דהוא קען זיך רופן ברסלב, און דו קענסט אים נישט אפפרעגן, און פון דעם שטאמט די משוגעים וואס האבן זיך אנגעקלעבט אין ברסלב, און גראדע זענען זיי גאר גאר א קליינע פראצענט פון ברסלב, נאר אזוי ווי זיי שטארן מער ארויס, הערט מען מער פון זיי, משא"כ א איד וואס זיצט אין די זייט און ער לערנט ספרי ברסלב, און איז מקיים וואס דארט שטייט, ווער זאל דען הערן פון אים?

דו זאגסט אז זיי זענען נישט די ריכטיגע ברסלבע; ווער זאגט? זיי זאגן דאך די זעלבע אויף דיר?
אזוי ווי פריער געזאגט איז ברסלב א מהלך החיים אויסגעשטעלט לויט די תורות און שמועסן וואס רבי נחמן שרייבט אין זיינע ספרים, און דערפאר קען מען גלייך זעהן אויב איינער איז אן אמת'ער ברסלבער, אדער ער רופט זיך נאר אזוי, פרעג אים: "די זאכן וואס דו טוסט, שטייט אין די ברסלבע ספרים? קענסטו מיר עס ווייזן פון אינעווייניג?" אויב ווייסט ער עס איז ער א ברסלבער, און אויב נישט האט ער מיט ברסלב קיין שייכות נישט, והוא פשוט.

וואס איז א רבי?
רבי נחמן שרייבט אין ליקוטי מוהר"ן אז עס זענען דא מענטשן וואס זאגן: "פארוואס דארף איך זוכן א גרויסער צדיק און ערליכער איד צו גיין צו אים? איך קען דאך גיין צו סיי וועלכן חשובער איד און זיך לערנען פון אים, קודם זאל כאטש זיין אזוי ווי אים" זאגט אויף דעם רבי נחמן אז דאס איז א טעות, ווייל א רבי איז אזוי ווי א דאקטער, ער היילט דעם מענטש און געבט אים די ריכטיגע דייעטע צו זיין געזונט ברוחניות, יעצט ווען א מענטש וועט זאגן "פארוואס דארף איך נעמען א גרויסן דאקטער, לאמיך נעמען א קליינעם דאקטער, (זיין טאטע איז דאך געווען א גרויסער דאקטער) קודם זאל איך זיין אזוי געזונט ווי אים" דאס איז דאך זייער נאריש גערעדט, וואס האב איך פון דעם אז ער איז געזונט? איך וויל אז ער מיר אויך קענען מאכן געזונט, און די זעלבע איז מיט א רבי, ער דארף מיר קענען אויסהיילן ברוחניות, און פון דעם וואס ער איז ערליך האב איך גארנישט, ער דארף מיר אויך מאכן ערליך.
און מיט דעם האט זיך זייער שטארק געטוישט די דרך החסידות, אמאל האט מען געזוכט א רבי מער פאר די סיבה פאר א רוחניות'דיגע דאקטער, און דערפאר איז רבי'סטעווע אריבער געגאנגען צו א תלמיד וואס האט דאס מערסטע געטויגט צו דעם, משא"כ היינט איז געווארן עפעס אן אנדערע מושג אין חסידות, עס איז נישט קיין כלל ביי אלע, אבער ביי אסאך חסידות איז דער עיקר צו קוקן אויף דעם רבי'נס הייליגע צורה, כאפן שיריים, נעמען א ברכה וכדו', און איך רעד אפילו ווען דער רבי איז באמת א צדיק, און עס איז טאקע ווערט צו נעמען א ברכה פון אים, אבער דאס מיינט א "צדיק", און נישט קיין "רבי", א רבי דארף געבן הדרכה פאר זיינע תלמידים ווי אזוי זיך צו פירן.
(רבי נחמן זאגט גראדע אויך אז אפילו א פאלשע רבי איז אויך א גוטע זאך, ווייל ווי נישט ווי האלטן זיי דעם עולם אין די ראמען, אבער דאס איז נישט די ריכטיגע לכתחילה'דיגער וועג)
און דאס איז די סיבה פארוואס אזויפיל היימישע אידן ווערן נעבעך פארכאפט אין ברסלב, עלטערן עסן זיך אויף דאס געזונט, "מיין קינד איז געווארן א ברסלבער רח"ל", נו וואס זאל דער קינד טוהן אז ער דארף אביסל סיפוק, ער וויל הערן עפעס צו די זאך, עפעס וואס רעדט צו זיין נשמה, און דא האט ער געטראפן ברסלב וואס געבט הדרכות, וואס געבט א מהלך החיים, האט ער זיך אנגעטשעפעט אויף ברסלב.

בקיצור, איך האב געזעהן דא אין שטיבל פון צווישן די שורות, אויף די וועג ווי אזוי מען רעדט פון ברסלב, אז דער עולם האט בכלל נישט ארויס וואס ברסלב איז, און איך קען קיינעם נישט דן זיין דערויף ווייל איך בין אויך אזוי געווען אמאל, האב איך געקלערט צו עפענען אן אשכול צו אראפשרייבן די יסודות פון ברסלב, האב איך יעצט געענדיגט די הקדמה, די הקדמה איז בעיקר געשטעלט אויף וואס ברסלב איז נישט, און איך האף בקרוב צו ממשיך זיין מיט א סעריע שמועסן בתורת ברסלב, וואס ברסלב איז יא, און איך האף אז דער עולם וועט הנאה האבן.

נ.ב. ביטע נישט מאכן דעם אשכול פאר צימעס, אז מען פרעגט נארמאל און צום ענין, וועל איך פרובירן צו ענטפערן בעזר ה'.

ברסלב, זייער שיין.

לאמיר דיר פרעגן נאר איין שאלה.
פארוואס ווערט נישט דערמאנט, אין קיין איין ברסלבע ספר, א ווארט, א דערהער פון אפטא רב, ר"ר אלימלך, תפארת שלמה, מאור ושמש, עבודת ישראל, קיינמאל קיינעם! פארוואס?
אויב ברסלב איז נישט קיין סתירה צו קיין איין חסידות, פארוואס זענען אלע חסידישע רבי'ס און ספרים יא א סתירה צו ברסלב?
אפילו אין חב"ד, וואס אלעס דרייט זיך ארום די נשיאים, מאכט זיך שוין מער אפטער אז זיי ברענגען געוויסע אנדערע רביים.


ערגעץ דא האסטו ארויפגעברענגט דעם נושא.

ברסלב, וואו! הלואי וואלטן אלע חסידים פון אנדערע חסידות׳ן אזוי שיין און באלערנט געקענט אראפלייגן זייער מהלך המחשבה און חסידות אן פוגע בכבוד זיין פון אנדערע. זייער באלערנט.
אפאר פראגעס;
ווער זענען געווען די משפיע פאר 50 יאר צוריק? איז עס אויך געווען אזוי צוטיילט ווי היינט?
ווען איז ברסלב געווארן א חסידות פאר כלל ישראל נישט נאר אין אוקריינע? לכאורה פארן קריג איז יעדע חסיד געווען צוגעבינדן צו א רבי פון זיין לאנד, א שטייגער ווי א פוילישע צו פוילישע רבי׳ס. נאכן קריג איז געווארן א גרויסע מישמאש, איז די זעלבע מעשה מיט ברסלב אויך?
און קענסטו אביסל מער מסביר זיין וואס די תורת החסידות פון ברסלב איז? א שטייגער ווי חב״ד וואס מ׳לערנט נאר חסידות אדער ווי סאטמאר ווי די עיקר איז גמרא רש״י און חסידות איז א צושפייז?

ממי, ברסלב איז געווען א גרויסע חסידות אין אוקריינע, אויסגעשפרייט אין אלע שטעטלעך.
ליין וואס דוד אסף שרייבט אין "נאחז בסבך" וועסטו פארשטיין השגחת הבורא פארוואס טאלנע האט 3 חסידים און ברסלב, עז ווי ספיק, געבוירט יעדע רגע נאך א חסיד.

קאווע טרינקער האט געשריבן:ברסלב, זייער שיין.
לאמיר דיר פרעגן נאר איין שאלה.
פארוואס ווערט נישט דערמאנט, אין קיין איין ברסלבע ספר, א ווארט, א דערהער פון אפטא רב, ר"ר אלימלך, תפארת שלמה, מאור ושמש, עבודת ישראל, קיינמאל קיינעם! פארוואס?

אויב רעדסטו פון די ספרים פון רבי נחמן און פון רבי נתן, זיי ברענגן יא אסאך פון צדיקים פון פאר זיי און אסאך פון די צדיקים פון זייערע דורות.
און אויב רעדסטו פון די היינטיגע ספרי ברסלב, איז דא טאקע טייל וואס ברענגן נישט פון אנדערע ספרים, און איך ווייס טאקע נישט פארוואס, קען זיין ווייל זייער ציהל איז נאר איבערצוגעבן די תורת ברסלב, און זיי זוכן נישט צו מאכן א ליקוט ספר, אבער פון די אנדערע זייט איז דא אסאך היינטיגע ברסלבע ספרים וואס ברענגן יא אסאך פון אנדערע צדיקים, דו"ק ותשכח.

ממי_שאמרו האט געשריבן:ברסלב, וואו! הלואי וואלטן אלע חסידים פון אנדערע חסידות׳ן אזוי שיין און באלערנט געקענט אראפלייגן זייער מהלך המחשבה און חסידות אן פוגע בכבוד זיין פון אנדערע. זייער באלערנט.
אפאר פראגעס;
ווער זענען געווען די משפיע פאר 50 יאר צוריק? איז עס אויך געווען אזוי צוטיילט ווי היינט?
ווען איז ברסלב געווארן א חסידות פאר כלל ישראל נישט נאר אין אוקריינע? לכאורה פארן קריג איז יעדע חסיד געווען צוגעבינדן צו א רבי פון זיין לאנד, א שטייגער ווי א פוילישע צו פוילישע רבי׳ס. נאכן קריג איז געווארן א גרויסע מישמאש, איז די זעלבע מעשה מיט ברסלב אויך?

אזוי ווי קאווע טרינקער האט געזאגט איז ברסלב געווען שטארק צושפרייט אין אוקריינא, אבער פאר די קריג איז ברסלב געווען אויך זייער צושפרייט אין פוילן, בעיקר דורך דעם גרויסן משפיע ר' יצחק ברייטער ז"ל, עס זענען געווען אין פוילן ברסלבע שטיבלעך אין אסאך שטעט.
אגב, אין די צייט וואס מען האט נישט געקענט פארן אויף אומן ראש השנה צוליב קאמיניזים, זענען זיך די ברסלבע חסידים פון פוילן צוזאמגעקומען ראש השנה דאווענען אינאיינעם אין לובלין, ר' מאיר שפירא ז"ל פלעגט אוועק געבן זיין היכל הישיבה חכמי לובלין פאר די ברסלבע צו דאווענען דארט, אזוי ווי די בחורים זענען נישט דארט געווען יום טוב, און ער פלעגט אויך דאווענען מיט זיי.
ביי די קריג זענען ליידער א גרויסע פראצענט אידן פון פוילן גע'הרג'ט געווארן ובתוכם א גרויס חלק פון די ברסלבע חסידים.
נאך די קריג האט ברסלב אנגעהויבן צוריק בליען בעיקר דורך די תלמידים פון ר' אברהם בן ר' נחמן, ער איז געווען דער זוהן פון ר' נחמן טולטשינער וואס איז געווען א תלמיד פון ר' נתן מברסלב, איינע פון די באקאנטסטע פון זיינע תלמידים איז געווען ר' לוי יצחק בענדער, און אזוי איז געווען נאך אנדערע, און אזוי האט זיך עס אנגעהויבן צוביסליך צושפרייטן.

ממי_שאמרו האט געשריבן:און קענסטו אביסל מער מסביר זיין וואס די תורת החסידות פון ברסלב איז? א שטייגער ווי חב״ד וואס מ׳לערנט נאר חסידות אדער ווי סאטמאר ווי די עיקר איז גמרא רש״י און חסידות איז א צושפייז?

וואס תורת החסידות פון ברסלב איז וועסטו מוזן ציווארטן אויף די המשך פון מיינע מאמרים, ווי איך וועל בעזר ה' שרייבן וואס ברסלב איז יא.

בעפאר איר וועט שרייבן אייערע לאנגע מאמרים וואס ברסלב איז יא.

וואלט איך הנאה געהאט אויב איר קענט אראפ שרייבן און קורצן בערך פינף שורות וואס די נייע דרך איז.

שכוח

ברסלב איז א חסידות וואס האט 'טאלנע' האט שטארק מקנא געוועהן, והשנאה הביא לידי שנאה, ודו"ק.
דוד אסף האט געשריבען באריכות איבער דער פרשה.
קוק דא http://www.tau.ac.il/~dassaf/articles/B ... cution.pdf
אין זיי בוך איז נאך מער געשמאקער, קוק דא http://www.tau.ac.il/~dassaf/books/brat ... tslav.html

קאווע טרינקער האט געשריבן:ברסלב, זייער שיין.

לאמיר דיר פרעגן נאר איין שאלה.
פארוואס ווערט נישט דערמאנט, אין קיין איין ברסלבע ספר, א ווארט, א דערהער פון אפטא רב, ר"ר אלימלך, תפארת שלמה, מאור ושמש, עבודת ישראל, קיינמאל קיינעם! פארוואס?
אויב ברסלב איז נישט קיין סתירה צו קיין איין חסידות, פארוואס זענען אלע חסידישע רבי'ס און ספרים יא א סתירה צו ברסלב?
אפילו אין חב"ד, וואס אלעס דרייט זיך ארום די נשיאים, מאכט זיך שוין מער אפטער אז זיי ברענגען געוויסע אנדערע רביים.

מיין שאלה צו דיר קאווע טרינקער אזוי: פארוואס איז ברסלב מחויב צו ברענגן אנדערע חסידישע ספרים? און אז רבי נחמן האט אויפגעבויעט מיט זיינע אייגענע כוחות א פילאזאפיע ממסד ועד טפחת איז ער נישט גילטיג?

איך בין מסכים מיט דיינע אפאלאגעטיגע ענטפערס אויף דעם פאנאמענאן פון משוגעים אין ברסלב.
איך וויל נאר וויסן, ביסטו מסכים אז דער תוכן און דער שפראך פון ברסלב'ע ספרים זענען אויך *עטוואס* עפעס שולדיג אין דעם?

ברסלבער, איך קוק שטארק ארויס אויף דיין המשך, שוין יאהרן וואס איך מוטשע זיך ארויסצוהאבן די הגדרה פון תורת ברסלב.

איך בין געווען פון די יושבים ביי ר' איטשע מאיר מארגנשטערן, אבער חוץ פרטיות'דיגע עצות והנהגות האביך גארנישט געהערט, די ספרים זעהן מיר אויס זייער צומישט, קבלה, גימטריאות, בחינות און ר"ת [יעדע גראז האט זיין ניגון און דער צדיק וכו', אזעלכע מופשט'דיגע ווערטער וואס יעדער קען אין דעם אריינטייטשן וואס איהם געפעלט, ווי רא"מ פלעג טוהן מיט סיפורי מעשיות...], פרטיות'דיגע נקודות קען מען טרעפן אין יעדע מוסר ספר, עס מוז דאך זיין עפעס א בריח התיכון וואס לויפט דורך די אלע נקודות און צוזאמען שטעלן זיי אוועק א מהלך וואס איז מקיף די כוונת הבריאה, ירידת הנשמה וכו' וכו', מיט מהלכים ווי אזוי דאס אויסצופיהרן.

עס לייגט זיך מיר נישט אפ אז די גאנצע זאך באשטייט פון התקשרות צום צדיק [וואט עווער איט מינס], רעדן צום אייבערשטען, לערנען דפים פוסק וכו' וכדו'.

אפשר ליגט די שולד ביי מיר, איך האב עס אלעמאל פראבירט צו פארשטיין אין צושטעל\קאנטראסט מיט חב"ד.

זייער שיין הרב ברסלבר! דאס ערשטע מאל וואס איך הער אביסל דברים של טעם איבער שיטת ברסלב.
איין זייטיגע פונקט געפעלט מיר גאר שטארק. דאס אז דער רבי' ווערט נישט אויסגעוועלט נאר ווייל ער איז דעם רבינ'ס א זוהן אדער איידים, וואס איז לדעתי א גרויסע פראבלעם ביי די חסידישע הויפן, ווי א פראסטע מקוה זיצער שטריק ווערט איבער נאכט א רשכבה"ג, א תל שכולם פונים בו, א קוויטעל ליינער, א עצה געבער, א שידוך צוטרעפער, א ביזנעס קאנסאלטאנט, א געלט שלעפער, וכו'. ווען א חסידות וואלט ווען געווען געבויט אויף די יסוד אז די פאמיליע נאמען האט נישט קיין שייכות מיטן מנהיג, וואלט איר כח אין עקזיסטענץ געווען א פיל שטערקער.

דער פראבלעם איז לאו דוקא א חסידי'שער, אין די ליטווישע וועלט איז אויך דא אפאר משפחות וואס דאמענירן די ישיבה וועלט מידי דור ודור. די סלאווייטשיקס אין בריסק, די קאטלערס אין ב.מ.ג. דלעיקוואד, און די פינקלס אין מיר. הגם עס איז יא פארהאנען א שטיקל חילוק, ווייל א ראש ישיבה דארף קענען דרייען אין קוועטשען מיט די פינגער אפאר שורות גמרא פאר צוויי וואכן, און זיין אביסל אויסגעקאכט אין די ישיבה'שע סוגיות. משא"כ א חסידי'שער רבי' דארף נישט האבן דאס מינאמאלע כח הנהגה, כח הסברה, כח התורה, מידות אנושי. נאר וויאזוי צו זיצן אויפן בענקעל און נעמען דאללארן, טיילן קיגל, ווינטשן ברכות, פארדרייען אפאר פסוקים, קענען זאגן מיט א בלעכענע פנים אז פקודי איז א לשון פון פקודא בתר דא, כאפן א שינת צהרים. דאך איז די ליטווישע דרך אויך נישט די ריכטיגע מהלך, ווייל סוכ"ס איז דאך ווייט פון א הכרח אז דער ראש ישיבה'ס זוהן זאל זיין דער מושלם וואס זיין טאטע איז געווען, און צומאל זענען דא תלמידים וואס פאקן איין דעם ממלא מקום אינעם לינקן טאש.

די ישיבה'ישע וועלט האט אבער נאך א גרויסע מעלה. דער תלמיד קען עפענען ישיבות פאר זיך און מפיץ זיין תורה אויף זיין אייגענארטיגן דרך. משא"כ אין די עולם החסידות, ווען א חסיד זאל האבן די חוצפה צו מאכן שבת פאר זיך נאכן רבינ'ס פטירה, איז ער אפגעפרעגט למפרע. ווער עס גייט צו איהם איז אן אויפגעקלערטער, א אויבער חכם, איפכא מסתבר'ניק. איי דער חסיד איז מלא וגדיש מיט תורה און עבודה?! א איד וואס האט געארבעט אויף זיך כל ימי חייו?! דעם רבינ'ס זוהן וואלט ווען נישט זיין משפחה נאמען, גערוימט ביהכ"ס! דאך, אזוי ארבעט עס און פערטיג, פינטל. ווילסט זיך צושטעלן איז גוט און אז נישט וועט מען דיר מאכן דעם טויט.

איין זאך וואס באדערט מיר יא זייער איבער ברסלב איז דאס אנגעווייטאגקייט. פון מיינע ברסלב'ער חברים זענען זיבעציג פראצענט, דעפרעסט, צושאסן, מלא ספיקות. (דו ביסט פון די ערשטע ברסלב'ער וואס איך זעה מיט אזא פאזיטיווער בליק אויף יעדע זאך, עכ"פ אין דיין ווערטואלע לעבן...) הגם לויט וויפיל איך פארשטיי תורת ברסלב פון אונדרויסן, איז פון די סאמע פאדאמענטן די געדאנק פון "אין שום יאוש" און "שמחה". לפי"ז וואלטן די ברסלב'ער חסידים געדארפט זיין אויפגעהייטערט און גוטמוטיגט, ובעיני דרייען זיך א מאריטעט ארום מיט נעגאטיווע געפילן אנשטאט פאזיטיווע.

וויאזוי ווייס איך אז עס איז נישט נאך עפעס א סוקסעפול קולט און אז דאס און נאר דאס וויל דער אייבישטער?
און פארוואס גייען אסאך צו ברסלב אפילו זייער עלטערן זענען קיינמאל נישט געגאנגען,כמיין אויב מעג איך זיין קלוגער פון מיין טאטע פארוואס זאל איך נישט ווערן א ספרדי?

פארוואס האלטן זיך רוב ברסלב'ע מער פון אנדערע ווי כאילו זיי האבן עפעס מער א סטרעיט ליין צום אייבירשטען און נאר זיי פארשטייען אמתדיג וואס דער אייבישטער וויל, און מאכן אוועק אלע אנדערע אז זיי זענען נעבעך כעוור ממשמש באפילה

פארוואס ווערט יעדע ליידיג גייער וואס האט נאכנישט געענדיקט א בלאט גמ אין זיין לעבן פלוצלינג א ברסלבר מיט "גרויסע" השגות און א גרויסער אידישקייט פארשטייער ער מאכט אוועק די איבריגע פארנאטישע און ער טוט מה שלבו חפץ און וואס עס פאלט אים ביי עפעס א אייגענע זאך וואס מאכט אים פילן גוט לייגט ער עס אריין אין ברסלב און מיט דעם loved ער דעם אייבירשטען

אין דער פארווערטס אידיש מיט א אלף אפטיילונג. איז ערשינען אן ארטיקל פון בן זומא איבער ברסלב, נאט אייך דעם לינק, http://blogs.yiddish.forward.com/yiddis ... ph/167484/

א גרויסן דאנק פאר די אלע וואס געבן מיר חיזוק צו שרייבן ווייטער, איך האף בעזר ה' בקרוב ממשיך צו זיין, אבער קודם לאמיר מגיב זיין אויף די פילע הערות וואס האבן זיך אנגעזאמעלט.

שטערן, ברסלב איז לאו דוקא א "נייע דרך", עס איז שוין אלט איבער 200 יאר, ועוד רוב נקודות פון ברסלב טרעפט מען אין אנדערע ספרים אויך, נאר אין ברסלב איז צוזאמגענומען די "יסודות" אויף א מער קלארע און געשמאקע וועג, מער פרטים וועט קומען אין המשך.

דולה ומשקה, איך האב נישט געליינט יענעם ארטיקל, און אויך נישט קיין איין ארטיקל פון חוקרים וואס שאצן אפ ברסלב, מיינע מאמרים שרייב איך לויט ווי איך האב געלערנט אין ברסלבע ספרים.

יידל, זייער גוט געזאגט.

היימישער ליטוואק, האסט א פוינט, אבער איך וויל נישט אריינגיין יעצט אין דעם נושא, איך וועל צוריק קומען דערצו בהמשך, ווייל עס פעלט אויס געוויסע הקדמות דערצו.

ונבנתה העיר, איך האב דירעקט נישט דערמאנט קיין נעמען פון ברסלבע משפיעים ווייל איך קען נישט און איך גיי נישט פארענטפערן יעדן משפיע פערזענדליך, יעדער האט זיך זיינע מעלות און חסרונות, איך וויל רעדן פון ברסלב ביסודו.
דער בריח התיכון פון ברסלב וועל איך אי"ה מסביר זיין אין די ערשטע פון די סעריע מאמרים, האפענטליך היינט.
און גראדע האט ברסלב און חב"ד שטארקע ענדליכקייטן, איך האב נישט אזוי סאך עוסק געווען אין ספרי חב"ד און איך האף אז דו וועסט מיר פארבעסערן אין דעם ענין ווען ס'פעלט אויס.

משה געצל, זייער גוט געזאגט בנוגע רעביסטעווע ירושה.
און וועגן דיינע חברים, האב איך שוין געשריבן אז נישט יעדער וואס רופט זיך ברסלבער שטעלט פאָר די ברסלבע מהלך, די ברסלבע מהלך שטייט אראפגעשריבן אין די ברסלבע ספרים, און עס איז אפען פאר יעדן צו זעהן און לערנען, און אויב האסטו אן אנגעזעצטן ברסלבער, איז עס לכאורה ווייל ער "וויל" זיין א ברסלבער, אויך א געוואלדיגע זאך, אבער ער דארף מער לערנען די ברסלבע ספרים און מער פראקטיצירן וואס דארט שטייט.
(בד"וו די ווירטואלע לעבן איז דאך לשיטתך מער אמת ווי די אמת'ע לעבן, אויב איך געדענק גוט).

קליגער, ווער זאג אז "נאר" דאס וויל דער אייבערשטער? אויב איז עס א סוקסעספול מהלך, וועל איך עס אננעמען אפילו אויב מאנכע וועלן עס רופן "קולט", איך ווייס נישט פונקטליך די אפטייטש פון "קולט", עפעס אזא נאמען וואס מען ניצט אויף א חסידות אדער מהלך, ווען מען קען עס נישט אפפרעגן אויף א נארמאלע וועג, מיט וואס איז ברסלב מער א קולט ווי סיי וועלכע אנדערע חסידות'ן און מהלכים?
און פארוואס דארף איך גיין אויף די זעלבע וועג ווי מיינע עלטערן זענען געגאנגען? סך הכל דארף איך זיין א איד א שומר תורה ומצות און אויב מיינע עלטערן האבן באקומען חיזוק דערויף ביי זייער רבי'ן, ווער זאגט אז איך וועל עס אויך דארט באקומען? פארוואס טאר איך זיך נישט זוכן אן אייגן רבי'ן וואס איז מיר מחזק בשמירת התורה והמצות? און אויב מיין זוהן וועט זיך זוכן א צווייטע חסידות אדער אפילו ווערן א ספרדי, וועט עס מיר בכלל נישט באדערן, ווי לאנג ער וועט זיין א איד א שומר תורה.
דאס איז אויך א נייע זאך וואס איז קיינמאל נישט געווען, אז מען מוז גיין צום זעלבן רבי'ן ווי די עלטערן זענען געגאנגען, און עס האט אויך צו טוהן מיט די רבנות-ירושה, אמאל פלעגט יעדער גיין צו וועלכן רבי'ן עס האט אים געצויגן, אין אדם לומד תורה אלא במקום שלבו חפץ.
און בנוגע די ברסלבע וואס האלטן זיך גרעסער און באקומען גרויסע השגות פארן קענען א שטיקל גמרא, האב איך שוין געשריבן אז נישט יעדער וואס רופט זיך ברסלבער איז טאקע א ברסלבער, די ברסלבע מהלך שטייט אראפגעשריבן ורק משם תדרשנו, און איך פערזענדליך קוק ארויף אויפ'ן יעדן ערליכן איד נישט קיין חילוק אין וועלכע חסידות ער שטייט איין.

יואב, דער שרייבער האט גאנץ גוטע פוינט'ס, און איך וועל אפשר רעדן פון דעם בהמשך.

ברסלבער האט געשריבן: דולה ומשקה, איך האב נישט געליינט יענעם ארטיקל, און אויך נישט קיין איין ארטיקל פון חוקרים וואס שאצן אפ ברסלב, מיינע מאמרים שרייב איך לויט ווי איך האב געלערנט אין ברסלבע ספרים.

דוקא אויף ברסלב שרייבט ער זייער פאזאטיוו, ער שרייבט אז ער שטאמט פון ברסלב'ער חסידים על כן נעמנט ער זיך שטארק אן פאר די חסידות, אדרבה ער רייסט אונטער אלע אנדערע וואס האבען גע'רודפ'ט ברסלב (כגון טאלנא וסאווראן). אין אז איינער וויל דוקא יא ארויס האבען ברסלב איז זיין באשרייבונג רעקמענדעט כל שכן זיין בוך.

ווי געזאגט האב איך עס נישט געליינט, און א גרויסן דאנק פאר די אינפארמאציע.

יידל האט געשריבן:קאווע טרינקער אזוי: פארוואס איז ברסלב מחויב צו ברענגן אנדערע חסידישע ספרים? און אז רבי נחמן האט אויפגעבויעט מיט זיינע אייגענע כוחות א פילאזאפיע ממסד ועד טפחת איז ער נישט גילטיג?

אן אריינגיין בתוך הדברים, אבער די תירוץ אויף דיין שאלה איז זייער פשוט,

משה קיבל תורה מסני ומסרה ליהושע וכו', די תורה וואס מיר לערנענן היינט איז א המשכה מדור דור,
אבער גראדע ספרי ר"נ איז אויך געבויעט אויף פריערדיגע מהלכים,

ווען מען רעדט פון ברסלב איז די ערשטע שאלה וואס יעדער פרעגט: מיהו ברסלב?

איז דער ברסלב'ער דער:

1} די האמלאוס חברה מיטען ווייסען נ נח קאפעל וואס טאנצט אין די גאסן?
2} דער אינגערמאן וואס ווייסט פון ברסלב צו זאגען נאר ווען ער וויל פארן אויף א אוספלוג חודש תשרי?
3} מוהרא"ש וואס איז עוסק אז מען זאל חתונה האבן ביי די 14, און הייסט וואטען פאר ש"ס?
4} אדער דער אינגעלייט וואס גייט ארום צו בחורים אז זיי זאלן אנפייפען די טאטעס { וואס גיט זיי ברויט, מאכט זיי חתונה } עד זוב דם?
5} אדער ר' יואל ראטה וואס מקרב צובראכענע נשמות און פראביר זיי אביסל אופצולעבן?
6} אדער דער בעל פלוגתא פון ר יואל, הרב שטערן וואס האלט ער פארשטייט בעסער שיטת מוהרא"ש?

דערנאך איז די שאלה: מה זה ברסלב?

איז שיטת ברסלב:

1} מען מוז גיין מיט א נ נח קאפעל?
2} מען מוז אויסזען פאני און אנדערש פון המון עם?
3} אויב פארט מען אויף אומאן ר"ה ווייל עס איז בא'טאמעט און באקוועם הייסט מען שוין א ברסלב'ער?
4} מוז מען זיין א מח קטן צו זיין א ברסלבער?


דער אמת איז לא באלה חפץ השם, נישט דאס איז ברסלב, נישט די אלע גרופעס און נישט די אלע מהלכים,
שיטת ברסלב איז אז מען דארף דינען השי"ת שיטת ברסלב איז גארנישט אנדערש מיט דעם פון אלע אנדערע מהלכים בדרך השם,
ברסלב האט ארייגעארבייט אינעם מהלך צו דינענן השי"ת מתוך רגש ושמחה, ברסלב האט גארבייט אינעם אלטן מהלך פון התבדודות און רעדן גלייך צו השי"ת,

דער אמת'ער ברסלב איז לכאורה ביי הרה"צ ר יעקב מאיר, און נאך זקני חסידי ברסלב וואס דינענן השי"ת מיט א אמת און מיט א שטארקייט, ביי זיי איז נישט ברסלב די פאקט אז ווי באלד און ברסלב איז שמחה א ארטיקעל דערפאר קען מען זיך מאכען פאני, און אז מען מאכט זיך פאני מעג מען שוין טיען וואס מען וויל, וחוזר חלילה דרייט זי א קייט, ביי זיי איז נישט אז זאגען משניות אויסעווענדיג א ערזאץ אויף לימוד התורה ווי באלד ר"נ רעדט פון די מעלות פון חסר'ן און זאגען משניות,

יעדר איינער קען זיין א ברסלב'ער, מען דארף נישט האבן דערצו אז מען מוז מצער זיין דאס ווייב איינמאל א יאר און די הייליגיסטע זמנים פון יאר, און מען דארף נישט גיין מיט א נ נח קאפעל, אויך דארך מען נישט זיין פאני און מעג זיין א מענטש צווישען מענטשן, און זיכער מוז מען נישט גיין צו די בחירות און וואטען ש"ס צו זיין א אמתע ברסלב'ער,

אמת אז ר"נ האט געזאגט אז קומען צו ר"ה איז זייער גרויס, אבער ער האט געזאגט נאך זאכען ער האט געהייסט מאכען התבדדות יעדן טאג, וכו'
פאר פראפאנגעדע פון די קאמפאני איז זיכער בעסער אויב ברסלב איז א קולט און נישט א מהלך החיים, ווייל א קולט איז קיינעם גארנישט מחייב, ער דארף בסך הכל איינמאל א יאר פארן קיין אומאן {נישט קיין שווערע זאך...} אפמאכען אז קיינער קען אים מער גארנישט זאגען אין אידשקייט ווייל ער איז ברסלב'ער { מיט וואס...??} זיין רבי/קהלה/עלטערען/מסגרת/מסורה איז אים שוין גארנישט מחייב ווייל ער איז א ב-ר-ס-ל-ב-ע-ר {מיט וואס..? ווייל ער פארט אויף אומאן ר"ה},

משא"כ אויב ברסלב איז א מהלך החיים א שטייגער ווי בי ר' יעקב מאיר, דעמלאטס איז אלעס אנדערש ווייל דעמלאטס האלט מען נאך אן אלעס וואס מען האט געלערנט ביז יעצט, און מען לערענט זיך אויס נאך א וועג ווייטער צו דינענן השי"ת פינקט ווי ביז יעצט,

{ר יואל ראטה איז א סוגיא בפני עצמו, ווייל סיי וואס ער זאל טיען טוט ער א גיטע זאך, ווייל ער איז מקרב דעם וועם ליידער די סעסייעטי איז נישט מקרב {פארוואס טוט עס אונזער סעסייעטי..? א גיטע קשיא} הגם דארט איז אויך דא לעכער אבער ביי אונז איז אויך דא לעכער......}

די שאלה איז לעצטענס געגאנגען מיט איין שטאפל העכער, כידוע איז דא סאטמערע אינגעלייט וואס גייען צו מוהרא"ש אדער זיינע תלמידים, זיי ווילען ווייטער הייסען סאטמערע מענטשן/תלמידים, אבער לפי שיטת ברסלב,

ביז יעצט וואלט עס נישט געווען קיין פראבלעם {אלמלא מען טוט שיטת ברסלב באמת..} יעצט אבער אז מוהרא"ש איז געגאנגען צו ש"ס און געהייסן גיין צו די בחירות איז נולד געווארן א פראבלעם פאר זיי, ווייל לפי שיטת סאטמער איז בחירות הטמאות פון די ארגסטע.. און לפי שיטת מוהרא"ש דארפן מען גיין צי די בחירות...

דערפאר דארפן זיי מאכען א באשלוס צו זיי ווילען הייסן א תלמיד מוהרא"ש, אדער א חסיד סאטמער? מען קען מער נישט זיין ביידע,

זיי קענענן גיין צו א אנדערע רבי אין ברסלב,

נאך א נדוקה אינאכט צו נעמען, די ברסלב'ע לא בשמים הוא, לאמיר זען ביי די אלע וואס האבן זיך מיט געכאפט מיטען מאוומענט או זיך אנגעהויבן ריפען ברסלב,

מיט וופיל זענענן זיי געשטיעגן?
מיט וופיל מער האבן זיי אנגעהויבן מכבד זייער ווייב?[size=70:3clt1611] {א שטארקע נקודה און ברסלב}[/size:3clt1611]
חוץ אראפ נעמען זייער שיעבוד פון אלעם ביז יעצט זענענן זיי געווארן בעסער אויך? אדער נישט?

אמת עס איז דא שוואכע אינגעלייט איבעראל, און עס איז דא גיטע איבעראל, און עס איז דא פאר וועם ברסלב איז זייער גוט, און עס איז דא וועם ברסלב האט געהאלפן, אבער דאס איז אלעס ווען מען רעדט פינעם שיטת ברסלב אדער א מהלך החיים בתורתו, אבער במציאות איז ווען מען קוקט זיך און זעט מען אז עס גייט אן א דרויסענדיגע הייפ עס איז דא א ליפטיגע באלאן, מען קען ווערן א ב-ר-ס-ל-ב-ע-ר און מען דארף מער נישט האבן קיין פרבלעם מיט די סאטמער פרעשעור, מען קען זיך ענשויען ר"ה מען דארך נישט זיין א גאנצן טאג און ראדני/הופער, מען דארף מער נישט זאגן תהילים שובבים גענוג אז מען טאנצט מיט די טלית קטן אינדרויסען דריי מאל ארויף און אראפ, לימוד התורה איז נישט מחייב/ תיקון הכללי אינאינעןם מיט א פרק משניות א טאג איז גענוג, ועוד ועוד,

אויב ברסלב הייבט א אינגערמאן מה טוב ומה נעים, אבער כיום יום איז דא א שטיקל פארקערטע מהלך, {נישט אז איך האלט עס איז א פראבלעם אז יעדער גייט ווי ער וויל, איך שמיעס נאר אויס די מציאות לויט מיינע אויגן}

שוין, כ'האב שוין געוואלט אנהייבן שרייבן די ערשטע שיעור בתורת ברסלב, אבער יעצט מוז איך זיך קודם באפאסן מיט א פרישע צימעס-סומאטוכע.

הרב בדחן, פון די וועג וואס דו שרייבסט זעהט אויס אז דו האסט נאר געליינט די קעפל פון דעם אשכול, און דו האסט נישט געליינט קיין איין ווארט וואס עס איז געווען געשריבן ביז אהער.
איך האב עטליכע מאל מדגיש געווען אז איך האב נישט געעפנט דעם אשכול צו דעבאטירן די היינטיגע מנהיגים אדער מנהגים אין ברסלב, איך האב געעפנט דעם אשכול וואס ברסלב איז מיסודו געבויעט אויף ספרי ברסלב.
קומסטו אן מיט א גאנצע פאק פון נעמען און שיטות, און דו קריכסט אריין אינעם קאפ פון יעדן וואס פארט אויף אומן, פונקטליך פארוואס ער טוט עס, און ווער עס איז מער גוט פאר די סאסייעטי און ווער נישט, ביז דו האסט שוין א קלארע החלטה, ווער עס איז די אמת'ע ברסלבע און ווער נישט, און דו ווייסט שוין פונקטליך ווי א סאטמערע חסיד מעג יא אדער נישט גיין, ממש גאונות.
אבער זאג נאר, האסטו שוין אמאל געלערנט ספרי ברסלב, אז דו רעדסט אזוי ברייט?
ביזטו שוין אמאל געפארן אויף אומן ראש השנה, אז דו רעדסט אזוי ברייט?

און ווי קומט בכלל אהער די אלע זאכן פון וואס דו רעדסט?
בנוהג שבעולם אז ווען מען איז מגיב אויף א נושא ליינט מען קודם וואס עס איז געשטאנען ביז אהין, און אויף דעם באציעט מען זיך, סא ביטע ליין איבער דעם אשכול, און נאכדעם זאלסטו מגיב זיין אויף זאכן וואס זענען דארט געשטאנען.

---
בדחן האקט שוין ווייטער, לאמיר זעהן וואס ער וויל.

ברסלבער האט געשריבן:שוין, כ'האב שוין געוואלט אנהייבן שרייבן די ערשטע שיעור בתורת ברסלב, אבער יעצט מוז איך זיך קודם באפאסן מיט א פרישע צימעס-סומאטוכע.

הרב בדחן, פון די וועג וואס דו שרייבסט זעהט אויס אז דו האסט נאר געליינט די קעפל פון דעם אשכול, און דו האסט נישט געליינט קיין איין ווארט וואס עס איז געווען געשריבן ביז אהער.
איך האב עטליכע מאל מדגיש געווען אז איך האב נישט געעפנט דעם אשכול צו דעבאטירן די היינטיגע מנהיגים אדער מנהגים אין ברסלב, איך האב געעפנט דעם אשכול וואס ברסלב איז מיסודו געבויעט אויף ספרי ברסלב.
קומסטו אן מיט א גאנצע פאק פון נעמען און שיטות, און דו קריכסט אריין אינעם קאפ פון יעדן וואס פארט אויף אומן, פונקטליך פארוואס ער טוט עס, און ווער עס איז מער גוט פאר די סאסייעטי און ווער נישט, ביז דו האסט שוין א קלארע החלטה, ווער עס איז די אמת'ע ברסלבע און ווער נישט, און דו ווייסט שוין פונקטליך ווי א סאטמערע חסיד מעג יא אדער נישט גיין, ממש גאונות.

און ווי קומט בכלל אהער די אלע זאכן פון וואס דו רעדסט?
בנוהג שבעולם אז ווען מען איז מגיב אויף א נושא ליינט מען קודם וואס עס איז געשטאנען ביז אהין, און אויף דעם באציעט מען זיך, סא ביטע ליין איבער דעם אשכול, און נאכדעם זאלסטו מגיב זיין אויף זאכן וואס זענען דארט געשטאנען..

ברסלבער האט געשריבן:ברסלב, וואס איז דאס?
א מאדנע פראגע, ווער ווייסט דען נישט וואס ברסלב איז? א כאפטע משוגעים וואס לאזן איבער די ווייבער און פארן אויף אומן, און טאנצן אויף די גאסן מיט צושטרויבלטע פאות.
איך וועל מודה זיין על האמת אז איך האב אויך אזוי געהאלטן אמאל, נישט ממש אזוי, איך האב געשריבן אביסל אן עקסטרעמע משל, אבער עפעס אזא פיקטשער איז מיר געליגן אין קאפ אויף די ברסלבע, איך האב נישט געוואוסט אויב זיי זענען טאקע אינגאנצן משוגע, אדער נאר נישט אינגאנצן נארמאל.

דאס אלעס איז געווען ביז איך האב קעגן געלערנט ברסלב פון דער נאנט, ווען איך בין אנגעקומען אויף ברסלב, האב איך געזעהן אז עס גאר אנדערש פון וואס די גאס קוקט עס אן, נישט סתם אנדערש נאר כרחוק מזרח ממעריב איז בכלל נישט קיין משל, ווייל מיט איין דריי איז מען שוין אויף מעריב, כי גבהו שמים מארץ איז אויך נישט גענוג ווייט, ווי ווייט עס איז פון די אמת'ע ברסלב ביז די וועג ווי אזוי די גאס קוקט אן ברסלב.

פארוואס קוקט מען אן טאקע ברסלבע פאר משוגעים?
און דאס איז איינ'ס פון די הויפט סיבות פארן אראפקוקן ברסלב, און איך האלט אז די צייטונגען וועלן אפגעבן א דין וחשבון אויף דעם.

אבער למעשה איז דאך דא משוגעים דארט, אויב נישט וואלט מען דאך נישט געקענט כאפן די בילדער?
כדי דאס צו פארשטיין דארף איך מקדים זיין וואס ברסלב איז בכלל.
ברסלב איז נישט קיין חסידות, ברסלב איז א מהלך החיים, און דערפאר איז דא אין אלע חסידות'ן ברסלבע אידן, און זיי בלייבן נאך אלץ פון יענע חסידות, ווייל ברסלב איז נישט קיין סתירה מיט קיין איין חסידות, עס איז א מהלך וואס רבי נחמן האט אראפגעשריבן אין זיינע ספרים, און ווער עס וויל קען עס פראקטיצירן, און ווער עס טוט עס האט געווענטליך א געשמאקע לעבן.
און אין ברסלב איז אויך דא רבי'ס היינט צו טאג'ס, נישט אזוי ווי מען מיינט אז נאך רבי נחמן איז שוין נישטא קיין רבי'ס, נאר אנשטאט זיי רופן רבי'ס רופט מען זיי משפיעים, און די סיבה דערצו איז, ווייל "דער רבי" רופט מען רבי נחמן, און די משפיעים זענען אזעלכע וואס האבן גוט געלערנט זיינע ספרים און עס פראקטיצירט און זיי געבן עס איבער ווייטער.
עס זענען דא צענדליגע משפיעים אין ברסלב, יעדער האט זיך זיין אייגנארטיגע מהלך, אבער אלעס באציעט זיך אויף רבי נחמן'ס ספרים, און יעדער ברענגט עס ארויס אויף אביסל אן אנדערע וועג, אבער אין די יסודות זענען אלע די זעלבע.
איין פראבלעם איז נאר דא אין ברסלב, אז די המשכה גייט נישט אזוי ווי עס איז איינגעפירט ביי היינטיגע חסידות'ן פון טאטן צום קינד, ווען דער טאטע ווערט נפטר, ווערט זיין זוהן רבי, אין ברסלב ארבעט עס מער אויף די אלטע וועג אז א תלמיד נעמט איבער, אבער אזוי ווי עס איז שוין מער פון 200 יאר פון רבי נחמן, ממילא היינט הייסט יעדער וואס לערנט זיינע ספרים א תלמיד פון אים, און ער געבט עס ווייטער איבער, און אין דעם איז אויך דא על טעם וריח, יעדער גייט צו וועלכע משפיע עס איז אים צום הארצן, און ער פילט אז דארט וועט ער באקומען מער חיות און געשמאק.
און דערפאר, אזוי ווי עס האט נישט קיין רבי'שע הויף, עס האט נישט קיין לעצטע-נאמען משפחה, וועגן דעם איז עס א שטח הפקר, און יעדער מאן דהוא קען זיך רופן ברסלב, און דו קענסט אים נישט אפפרעגן, און פון דעם שטאמט די משוגעים וואס האבן זיך אנגעקלעבט אין ברסלב, און גראדע זענען זיי גאר גאר א קליינע פראצענט פון ברסלב, נאר אזוי ווי זיי שטארן מער ארויס, הערט מען מער פון זיי, משא"כ א איד וואס זיצט אין די זייט און ער לערנט ספרי ברסלב, און איז מקיים וואס דארט שטייט, ווער זאל דען הערן פון אים?

דו זאגסט אז זיי זענען נישט די ריכטיגע ברסלבע; ווער זאגט? זיי זאגן דאך די זעלבע אויף דיר?
אזוי ווי פריער געזאגט איז ברסלב א מהלך החיים אויסגעשטעלט לויט די תורות און שמועסן וואס רבי נחמן שרייבט אין זיינע ספרים, און דערפאר קען מען גלייך זעהן אויב איינער איז אן אמת'ער ברסלבער, אדער ער רופט זיך נאר אזוי, פרעג אים: "די זאכן וואס דו טוסט, שטייט אין די ברסלבע ספרים? קענסטו מיר עס ווייזן פון אינעווייניג?" אויב ווייזט ער עס איז ער א ברסלבער, און אויב נישט האט ער מיט ברסלב קיין שייכות נישט, והוא פשוט.

וואס איז א רבי?
רבי נחמן שרייבט אין ליקוטי מוהר"ן אז עס זענען דא מענטשן וואס זאגן: "פארוואס דארף איך זוכן א גרויסער צדיק און ערליכער איד צו גיין צו אים? איך קען דאך גיין צו סיי וועלכן חשובער איד און זיך לערנען פון אים, קודם זאל כאטש זיין אזוי ווי אים" זאגט אויף דעם רבי נחמן אז דאס איז א טעות, ווייל א רבי איז אזוי ווי א דאקטער, ער היילט דעם מענטש און געבט אים די ריכטיגע דייעטע צו זיין געזונט ברוחניות, יעצט ווען א מענטש וועט זאגן "פארוואס דארף איך נעמען א גרויסן דאקטער, לאמיך נעמען א קליינעם דאקטער, (זיין טאטע איז דאך געווען א גרויסער דאקטער) קודם זאל איך זיין אזוי געזונט ווי אים" דאס איז דאך זייער נאריש גערעדט, וואס האב איך פון דעם אז ער איז געזונט? איך וויל אז ער מיר אויך קענען מאכן געזונט, און די זעלבע איז מיט א רבי, ער דארף מיר קענען אויסהיילן ברוחניות, און פון דעם וואס ער איז ערליך האב איך גארנישט, ער דארף מיר אויך מאכן ערליך.
און מיט דעם האט זיך זייער שטארק געטוישט די דרך החסידות, אמאל האט מען געזוכט א רבי מער פאר די סיבה פאר א רוחניות'דיגע דאקטער, און דערפאר איז רבי'סטעווע אריבער געגאנגען צו א תלמיד וואס האט דאס מערסטע געטויגט צו דעם, משא"כ היינט איז געווארן עפעס אן אנדערע מושג אין חסידות, עס איז נישט קיין כלל ביי אלע, אבער ביי אסאך חסידות איז דער עיקר צו קוקן אויף דעם רבי'נס הייליגע צורה, כאפן שיריים, נעמען א ברכה וכדו', און איך רעד אפילו ווען דער רבי איז באמת א צדיק, און עס איז טאקע ווערט צו נעמען א ברכה פון אים, אבער דאס מיינט א "צדיק", און נישט קיין "רבי", א רבי דארף געבן הדרכה פאר זיינע תלמידים ווי אזוי זיך צו פירן.
(רבי נחמן זאגט גראדע אויך אז אפילו א פאלשע רבי איז אויך א גוטע זאך, ווייל ווי נישט ווי האלטן זיי דעם עולם אין די ראמען, אבער דאס איז נישט די ריכטיגע לכתחילה'דיגער וועג)
און דאס איז די סיבה פארוואס אזויפיל היימישע אידן ווערן נעבעך פארכאפט אין ברסלב, עלטערן עסן זיך אויף דאס געזונט, "מיין קינד איז געווארן א ברסלבער רח"ל", נו וואס זאל דער קינד טוהן אז ער דארף אביסל סיפוק, ער וויל הערן עפעס צו די זאך, עפעס וואס רעדט צו זיין נשמה, און דא האט ער געטראפן ברסלב וואס געבט הדרכות, וואס געבט א מהלך החיים, האט ער זיך אנגעטשעפעט אויף ברסלב.

בקיצור, איך האב געזעהן דא אין שטיבל פון צווישן די שורות, אויף די וועג ווי אזוי מען רעדט פון ברסלב, אז דער עולם האט בכלל נישט ארויס וואס ברסלב איז, און איך קען קיינעם נישט דן זיין דערויף ווייל איך בין אויך אזוי געווען אמאל, האב איך געקלערט צו עפענען אן אשכול צו אראפשרייבן די יסודות פון ברסלב, האב איך יעצט געענדיגט די הקדמה, די הקדמה איז בעיקר געשטעלט אויף וואס ברסלב איז נישט, און איך האף בקרוב צו ממשיך זיין מיט א סעריע שמועסן בתורת ברסלב, וואס ברסלב איז יא, און איך האף אז דער עולם וועט הנאה האבן.

נ.ב. ביטע נישט מאכן דעם אשכול פאר צימעס, אז מען פרעגט נארמאל און צום ענין, וועל איך פרובירן צו ענטפערן בעזר ה'.

הרי שלך לפניך, איך האב געליינט דיין ערשטע הודעה אןן עס פארט זיך זייער גוט מיט מיינע הודעות, {לייען עס איבער, כ'האב עס געקוואט פאר דיר} דא איז א אפענע פארום ווי יעדער שרייבט זיין זייט פון די נושא ווי אזוי ער זעט עס, און שעץ דיין מיינוג, און איך שעץ מיין מיינוג,