געדאנק: וועכענטליכע בלעטל דורך קאווע שרייבער

[חזקיהו המלך]

כ'שטעל זיך פאר, אז פונקט ווי איך וואלט געוואלט וואלטן אנדערע אויך געוואלט א וועכענטליכע בלעטל וואס נעמט צוזאם די וועכענטליכע נייעס אין פאליטישע און אזוי אויך אנדערע געשעענישען אין די וועלט, אין א קליינע און באקוועמען פארמאט אן א בארג מיט עדווערטייזמענטס און אן לאנגע ארטיקלען וואס דרייען סתם א קאפ, וואס זאל ערשיינען וועכענטליך פרייטיג אין פי. די. עף. פארמאט אין מען זאל עס קענען ארויס פרינטען און האבן צו ליינען אויף שבת.

און אזוי ווי דא אין קאווע שטיבעל זענען ב"ה דא א שיינע צאל פון טאלאנטפולע שרייבער און יעדער מיט א אינטערעסע אין זיין תחום, וואלט אפשר געווען א גוטע עצה אז דורך א גוטע צוזאמען ארבייט זאל מען גרינגערהייט קענען צוזאמען שטעלן אזא וועכענטליכע בלעטעל,

למשל איינער וועט וועכענטליך שרייבן וועגן אמעריקאנע פאליטיק, א צווייטער: פין מיטל מזרח נייעס אין א דריטער: היימישע נייעסן, א פערטער: טעכנאלאגישע נייעס, אין אזוי ווייטער יעדער אין זיין תחום וואס ער האט ליב, אין אזוי אויך נישט קיין סטעדי שרייבער וועלען קענען שרייבן גאסט ארטיקלען און עס אריינשיקן, און אזוי אויך בריוון צו דער רעדאקציע,

נאכדעם וועט זיין איינער וואס טויג דערצו וועט עס שיין רעדאקטירן אין אויסשטעלען אין ארויף לייגען אויף א PDF (ערשט אויף צו אנהייבן וועל איך עס טוהן ביז ס'וועט זיין איינער וואס וועט עס איבערנעמען) און מען וועט עס קענען דאונלאודען לכבוד שבת,

און ס'קען זיין נאך א שלל פון אינטערעסאנטע נושאים וואס קענען באשריבן ווערן, אבער דאס איז דער געדאנק, כ'האף אז ס'קען זיך עפעס אויסארבעטן דערפון, מען בעט דער עולם זאל זיך ווארים אנרופן און נעמען א רובריק אין דעם נייעם "וועכענטליכע בלעטל" אויף א נושא וואס איז זיי אינטערעסאנט, אין אזוי צוזאמען וועט מען בס"ד קענען צאמשטעלן א שיינע זאך.

[ברעט מענינג]

ווער סע געט א לייק דא, זאל ביטע אנהייבן צי שרייבען ארטיקלעך

[נולד מאוחר]

כפארשטיי נישט , די ארטיקלען וואס מיר ליינען דא איבערן וואך זאלן מיר ליינען שבת אודך, חזרה?
כ'טראכט אויף שבת זאלן מיר ארויסגעבען פרישע סחורה וואס איז נישט געשריבען געווארן דא איבערן וואך. אזא עלים לתרופה.

[חזקיהו המלך]

פין דאס רעדט מען דאך, ארטיקלען וואס וועלען ערשיינען נאר אינעם בלעטעל, די שרייבער וועלען עס אריינשיקען צים רעדאקטאר וואס וועט נאכדעם ארויף לייגען דעם אויסגעשטעלטען פי די עף,

אין עני איידיעס זענען וועלקאם,

[קאווע טרינקער]

איך שרייב די סיפורי צדיקים קאלום

[זר זהב]

איך די קלאסיפיידס

[sunbar]

איך וועל עס ליינען.

[שמעקעדיג]

איך נעם די $2.50

[חזקיהו המלך]

עניבאדי וואס וויל שרייבען איבער עני נושא איז וועלקאם, לאו דוקא די אויבען דערמאנטע קאלום, וואס דער עולם וועט שרייבען דאס וועט זיין די בלעטעל,

[זר זהב]

כעל שרייבן מער באריכות איבער כאצימאטידית

[מורינו הרב]

איך שרייב די סיפורי צדיקים קאלום

קאווע טרינקער, כאפ מיר נישט אויס... די סיפורי צדיקים שרייב איך.

[[NAMELESS]]

אנאליז איבער מדינת ישראל פאליטיק (אין אידיש).
אדער די וואך אין היסטאריע (קלענערע ארטיקל).
אדער אן אינטערעסאנטע זאך איבער די פרשה.

[[NAMELESS]]

ווען דארף מען עס אריינגעבן?
צו וועם?

[יאיר]

איך נעם די מוסר און השקפה ארטיקל. אויב איז נישטא קיינער צו שרייבן די חינוך ארטיקלען בין איך גרייט דאס אויך צו נעמען אויף מיינע פלייצעס.

[יואב]

איך נעם די מוסר און השקפה ארטיקל. אויב איז נישטא קיינער צו שרייבן די חינוך ארטיקלען בין איך גרייט דאס אויך צו נעמען אויף מיינע פלייצעס.

אין אזא פאל וועט דאס שוין גארנישט זיין אזא בלעטל,
ליבערשט א פרישן בלאג,

[יואב]

דאס וועט זיכער פאגרינגערן קול קורא'ס.

[משה געציל]

איך בין גרייט אריין צו לייגן וועכנטליכע וויכטיגע הלכות.

[נולד מאוחר]

כמיין מזאל אנהויבען חודשליך. וועכנטליך איז צי סאך אנציהויבען. מען דארף די עולם זאל נאך שריייבן דא אויך.

[לעיקוואד]

איך שרייב די לעטערס טו די עדיטור

[יאיר]

איך שרייב די לעטערס טו די עדיטור

איך וועל עס ענטפערן.

[נולד מאוחר]

סא עת לאהוב איז אויס?
כ'פארשטיי נישט מהאט אפגעשמועסט עפעס וואס איז דאס שפרינגעריי. ביז ווי לאנג די ערשטע פראדזשקעט איז נישט פארטיג הייבט מען נישט אן די נעקסטע.

[[NAMELESS]]

יאסעלע וואסער טרעגער און איינגעמיירעט וועלן שרייבן די מחאה דארט.

[ידען]

איך פרעג די שאלות..

ווער נעמט די תשובות?