קאווע שטיבל

עס איז ברוך השם אריבער א יאר פונעם סוקסעספולן מערכה קעגן דעם משחית פון אונזער דור און די רבנים וצדיקים, די שומרי משמרת הקודש זענען זיך צוזאמגעקומען ווייטער צו מחזק זיין דעם גרויסן פארמעסט מיט דעם כלי וואס איז דער נסיון הדור.

און וואס זענען די רעזאלטאטן פון די פרישע צוזאמקום?

שעפטל האט געשריבן:און וואס זענען די רעזאלטאטן פון די פרישע צוזאמקום?

I think they came up with the idea that every kehillah should make there own ahseefeh !

היינט געווען א אסיפת הרבנים ביים סקולענער רבי אין שטוב.

איז מיין פראגע יעצט: וואסי שוין ווייטער?? וואס איז יעצט?

ס'נישט ''ווייטער'', ס'א שטענדיגע סכנה. אין אמת'ן וואלט דער אסיפה געדארפט זיין 24.7.365, אן אפשטעל, נאר דאס איז דאך נישט מעגליך. קומט מען כסדר צאם מחזק צו זיין נישט נאכלאזן ח"ו.

צריך לומר: וואס איז שוין וייטער מיט די רבנים?

אפשר זענען זיי זיך צאמגעקומען זען וואס מ'קען טוהן וועגן CISPA?

אנשטאטס צי ארום רעדן אביסל וועגן שמירת עינים וואס חז"ל האט אונז אויסגעלערענט,
רעדט מען ארום נאכאמאל און נאכאמאל וועגען די אנטערנעט, וואס (ליידער) סעהעלפט סיי ווי נישט.

ברעט: לייג נישט אראפ א הנחה אן ראיות און בוי דערויף מסקנות!!
עס איז אמת אז זיי האבן געמיינט אז מיט דער סיטי-פיעלד וועט ממש אונטערברענגען דער אלטוועלטליכער אינטערנעט [דזשאסט קידינג! אבער ס'איז א גוזמה קרוב לאמת]! און א מענטש וועט זיך פשוט באהאלטן בחדרי חדרים און נאך טיפער ווען ער וויל נאכקוקן אן אימעיל אויף זיין סמארט-פאון! ארויסנעמען א נישט גע'כשר'טע טעלעפאון אין ביהמ"ד וועט נאר דער משוגענער שגץ פון שטאט! בקיצור אן עולם התיקון לפי השגתם!!!
און דאס האט געפלאפט!!! לא מיני'ה ולא מקצתי'ה!
אבער פון דאס ביז זאגן אז "ס'העלפט סייווי נישט" איז א שטיקל מרחק! טויזענטער [יא! טויזענטער!] מענטשן האבן גענומען א פילטער אויף א געוויסע מאס נאכן התעוררות פונעם כינוס און אירע נאכווייען!
טאקע נישט דער שטרענגסטער פילטער פונקט ווי זיי האבן געוואלט ארויפצווינגן ביהרג ואל יעבור, אבער דאך....

ס'קומט נאכאמאל ארויף די שאלה, האבן די רבנים ואדמורי"ם הגאוה"צ שליט"א א סעלושען אדער מ'גייט ווייטער סתם שרייען און וויינען איבער די שרעקליכע מצב? איז נאך דא א רעדע איבער א נייע פריינטליכע ניצבארע פילטער אדער זיי ווייסן ניטאמאל וואס דאס מיינט?


נאכן כינוס האבן געוויסע קהילות קדושות בישראל אנאנסירט אז בקרוב גייען זיי ארויסקומען מיט א פילטער אויסגעשטעלט פארן ציבור, למעשה האלט מען שוין באלד א יאר דערנאך און גארנישט, חוץ קעי-ניין אדער דזשעי נעט -וואס האט פאריגע וואך נישט געארבייט פאר דריי טעג- איז נאך גארנישט ארויסגעקומען.

ברעט מענינג האט געשריבן:אנשטאטס צי ארום רעדן אביסל וועגן שמירת עינים וואס חז"ל האט אונז אויסגעלערענט,
רעדט מען ארום נאכאמאל און נאכאמאל וועגען די אנטערנעט, וואס (ליידער) סעהעלפט סיי ווי נישט.

וואס איז דער חילוק פון אינטערנעט און שמירת עינים?

k9 איז זייער זאכליכע פילטער, און סאיז בחנם אויך, וואס דארף מען מער פון דעם?

שמעקעדיג האט געשריבן:

ברעט מענינג האט געשריבן:אנשטאטס צי ארום רעדן אביסל וועגן שמירת עינים וואס חז"ל האט אונז אויסגעלערענט,
רעדט מען ארום נאכאמאל און נאכאמאל וועגען די אנטערנעט, וואס (ליידער) סעהעלפט סיי ווי נישט.

וואס איז דער חילוק פון אינטערנעט און שמירת עינים?

דער חילוק איז אז שמירת עיניים איז זייער א פשוטער זאך: קוק נישט. משא"כ "אינטערנעט" האט מען פארגעשטעלט פאר עפעס אזא מאנסטער כאילו עס צווינגט איינער צו טוהן עפעס עבירות אדער עפעס.
רבותי, וועקטסט ענק אויף. אינטערנעט איז פשוט א חלק פון דער לעבן, ווער עס וויל קען זיך אפהיטען און נישט קוקען אין מקומות שאינם ראוים, כל חד לפום דרגא דיליה. אבער דאס קען נאר זיין נאך וואס מאיז מקבל אז דאס איז טאקע א חלק פונ'ם נארמאלער לעבן און נישט עפעס א מאנסטער אונטערגעשטעלט פון ס"מ אליינס אויסצורייסען יידישקייט.

עס איז דא א היבשע חילוק!
ווייל אינטערנעט איז א נוצבארע זאך פאר א געוואלד מיט זאכן, אנגעהויבן מיט ביזנעס, ווייטער מיט ידיעות, און נאך אסאך ואין כאן מקום [בדיוק "מקום" ולא "מקומו] להאריך!
און גראדע האט עס אינעם זעלבן שמאלץ-טאפ כל דבר אסור ורע [צוויי עקסטערע נושאים, אסור איז - לשטותטתם אויך אונזער באליבטער קאווע שטיבל, און רע מיינעך טאקע שלעכט שלעכט שלעכט....].
און מ'וואלט בעיקר [שטייצעך אויכעט אויף פילטער'ס כדכתבתי לעיל, איך רעד נישט פון צווינגען נאר מעורר זיין] געדארפט מעורר זיין דער עולם אז מ'זאל וואטשען אויף וואס מ'קוקט, סיי אין גאס אין געשעפט צו אויפן אינטערנעט!
----------------------
לעיקוואד האקט
בערך ברוך שכוונתי!

לעיקוואד האט געשריבן:k9 איז זייער זאכליכע פילטער, און סאיז בחנם אויך, וואס דארף מען מער פון דעם?

גערעכט אז ס'איז זייער גוט, און איך פלעג עס האבן.
און איך הער אז אין א נייע אפדעיט האבן זיי אפילו צוגעלייגט א פילטער אין יו-טוב, דהיינו ס'מוז נישט זיין אדער אפען אדער פארשפארט, ס'איז א מורא'דיע אויפטוה!
נאר היות איך בין אביסל צו טעק שעווי זענען די אלע סאפטווער פילטער'ס כקליפת השום, נוץ איך היינט א עין רואה מאנעטערינג סערוויס!

נייגעריגער האט געשריבן:נאר היות איך בין אביסל צו טעק שעווי זענען די אלע סאפטווער פילטער'ס כקליפת השום, נוץ איך היינט א עין רואה מאנעטערינג סערוויס!

און דער עין רואה איז ווי א קליפת מאראנץ?

און וואס איז ארויסגעקומען פון די נעכטיגע-מעכטיגע אסיפה??

א קליפ פון עטליכע מינוטן פונעם נעכטיגן אסיפה.

gehlungen האט געשריבן:

שעפטל האט געשריבן:און וואס זענען די רעזאלטאטן פון די פרישע צוזאמקום?

I think they came up with the idea that every kehillah should make there own ahseefeh !

מ'האט באשלאסן ביי די אסיפה, אז מ'גייט מאכן אן אסיפה.

אךשמח האט געשריבן:א קליפ פון עטליכע מינוטן פונעם נעכטיגן אסיפה.

איי, די איראניע. אויף דעם קליפ וואס מיר האבן בע"ה אראפגעלאדנט פון דעם אינטערנעט, האקט נחמיה גאטליעב אויף די קליפס וואס מ'שטעלט ארויף אויף דעם אינטערנעט...

דער "מומחה" גאטליעב ברענגט ארויס פאר די רבנים אז יעדער האט א קאמערא און מ'קען מאכן א ווידעא און ארויפשטעלן אויף דעם אינטערנעט, און פאלגנד זענען דריי דוגמאות פון דעם "פראבלעם" און וואספארא חורבן דאס ברענגט אפילו פאר ערליכע מענטשן:

א) עס איז פאראן אויף דעם אינטערנעט א ריזיגע פראדוקציע פון "ליצנות קליפ", צום ביישפיל, מ'עסט מצות און ס'רינט פון אלע זייטן, אדער מ'האלט א ריזיגע זאך און מ'זאגט אז דאס איז א כזית. און אזוי מאכט מען ליצנות פון יעדן דבר שבקדושה (איינער ווייסט פון וואס ער רעדט?).

ב) סתם מאכן ווידעא ביי חתונות איז א פראבלעם פאר זיך, אבער עס זענען דאך דא ערליכע אידן וואס מאכן ליידער יא ווידעא, און מ'שטעלט דאס ארויף אויף יו-טוב. מ'זעט דארט יעדע כלה, מיט'ן חתן. יעדער קען דאס זען, ממש א בחינה ווי "תיבעל להגמון תחילה" (איר הערט ווערטער? דער איד דארף א פאר פילעכלעך ווי פריער).

ג) סתם ווידעאס זענען אויך א פראבלעם. דער משגיח איז שארף קעגן סתם קליפס, אפילו "כשר'ע". אינטערנעט מעג מען נאר נוצן "באימה וביראה", און אפילו אויב עס איז גארנישט שלעכט מיט די קליפס קען עס חרוב מאכן.

דער עיקר איז אז האדמו"ר רז"ל מסאטמאר שליט"א האט געהאט א געזונטן שינת צהריים.

ווינע רב האט מציע געווען הצעות פאר די רבנים און ראשי המוסדות ווי אזוי ארויפציצווינגען די תקנות וואס איז נתקן געווארען איבערן לויף פינעם יאר. ס'איז אויך געבליבן אז יעדע קהילה גייט מאכן אן עקסטערע אסיפה ווי אזוי אויסצופירן הלכה למעשה ווינע רב'ס עיצות.
הכינו לטערראר ולאלימות.

כ'פארשטיי נישט, מען האט דאך שוין אלעס פרובירט, עס איז נאך געבליבן עצות אין ארסאנאל? מען האט שוין געסטראשעט מיט די קינדער, מיט די מוסדות, מיט די ווייבער, נישט מוציא זיין תקיעת שופר און קריאת המגילה, און אזש פסל'ען די שחיטה פון די וועלכע האבן עס.

וואס נאך גייט מען טון? אומלעגאלע טעראר?

די היימישע צייטונגן זענען איבערגעפילו מיט כזיתים-פליסיגע רעקלאמעס. גייט מען ארויסווארפן פון די מוסדות ליינערס פון דער איד און דער בלאט?