קאווע שטיבל

אזויווי אסאך מענטשן ליידן אויף עסיד ריפלאקס, וגם אני בתוכם, וואס כידוע איז דאס גורם שטארקע אומאנגענעמנליכקייטן פאר דעם באטרעפענדן און זיינע ארומיגע. וואלט כדאי געווען אויסצושמועסן בדיבוק חברים וואס עס קען געטאן ווערן צו בארוהיגן די ריפלאקס.

אני כשלעצמי ווען איך כאפ א אטאקע נעם איך אפאר טאמס און אויב עס ווערט נישט בעסער נעם איך א זאנטעק. ווי אויך האב איך מיר געמאכט א שטיקל ליסטע פון פראדוקטען וואס זענען מיר גורם מאגן ברענערייען לדוגמא; מאראנצן זאפט וואס איז לא יפקד ולא יזכר... (נישט דער ניק, אים טרינק איך אויס אין איין אויגנבליק ווי א שיכור א גלעזעל ברוינפן צו א הונגעריגער מוצאי תענית!)

לאמיר הערן פון אייער ערפארונג וואס טוט איר צו פארמיידן די ריפלאקס, און איר בארוהיגן אויב עס האט אייך אנגעכאפט א אטאקע. איך גלויב אז דאס איז אזאך אויף וואס אסאך שטיבל שרייבער ליידן, איז פארוואס זאלט איר האלטן אייער עקספיריענס מיט אייך? זאלן אנדערע אויך הנאה האבן דערפון!

אין אנדרע ווערטער רופט מען דאס מאגן ברענינג? אדער דאס איז עפעס אנדרזש?

אטעם אפאר מאל אריין טיף, און ארויס, ויעבור והנה איננו ותבקשהו ולא נמצא

די נאמען דערפאר אין ענגליש איז Heart burn.

איך לייד אויך אויף דעם, נאך שארפע עסן, ווי צוויבל, האַט פעפער, אד"ג...
די מערסטע קאמאן ביי אונז היימישע אידן, איז שבת נאכן שלאף צו האבן שטארקע הארט בוירנ"ס, און די סיבה איז אז מ'לייגט זיך פלאך גלייך נאכן טשולנט, נאך פאר עס פארדייעט זיך, א טייל פון דאס עסן בלייבט אין מאגן, בעיקר די טשולענט באנדלעך, און דאס איז גורם צו פראדוסן אסאך עסי"ד אין מאגן, און ס'קומט ארויף איינמאל מ'שטעלט זיך אויף.
די פשוט'סטע זאכן צו נעמען איז אוודאי די אויבנדערמאנטע טאמ"ס אדער רענ"י.
ווי אויך איז דא צו באקומען א גאר גוטע ליקוויד דערפאר געוויסקא"ן Gaviscon, וועלכע ארבעט מורא'דיג און שטילט אפ דאס ברענעריי און אפאר מינוט ממש. (סאיז אויך דא טעבלעטס דערפון).
דא קען מען זעהן וויאזוי סארבעט: Gaviscon

ס'איז אויך נעטראל זאכן וואס העלפן ווי א גלעזל קאלטע מילעך, וועלכע ארבעט אויך צו שטילן דאס ברענעריי.

די עיקר איז, ווען סמאכט זיך צווישן מענטשן אזא דורכפאל, און סקומט ארויף די האט ספייסי ביף סטעי"ק, זאגט מען א שיינע אנטשולדיגונג, און מ'מאכט א ווערטל דערפון.
Nothing to do, we're all human beings.

עס איז א געוואלדיגע זאך אז מען העלפט זיך ארויס דא

ס'ווערט אבער אויך צוגעשריבן צו איבערוואגיקייט

נישט לאנג צוריק האט מעקסי העלט אדווערטייזט דערוועגן, מיט א בילד פון א פייערלעשער (!...),איך האב עס דאן פרובירט, און עס האט גרינגער געמאכט.
בעיקר וואס איז מיר גורם איז טאקע מאראנצן דזשוס, און טשאקאלאד (והמסתעף... למשל קאקאש קעיק).
ווי אטגאן (?) שרייבט שוין אויבן, גיין שלאפן תיכף נאכן עסן איז אויך א גרויסער גורם. מען דארף האבן א גוטע שעה-צוויי לכה"פ צווישן א פעטן סעודה און דעם שלאף.
אויב מוז מען גיין שלאפן ווייל היום קצר, נעמט עטליכע קישענעס און שלאפט מער זיצענדיג. די עסן דארף אראפפארן זיך צו פארדייען, און ליגעדיג ארבעט עס נישט.

יא דאס איז קלאר אז גיין שלאפען תיכף נאכן עסן איז גורם ברענערייען.
@קופערניקוס, עס איז לאו דוקא מיין ווייטאג, ווען א איד האט מאגן ברענעריין אין ווייטן אויסטראליע טוט מיר עס וויי...

איך וועלט צעטיילט מאגן ברענען פון עסיד ריפלאקס.
מאגן ברענען איז וואסמ 'האט מוצאי שבת ס'שטעכט אביסל ביים גארגל פון די מלאכים וואס ווערן באשאפן ביים עסן טשאלנט און זיי זינגען שירה, און פון ממאכט א געגרעבעכטס קומט ארויף אזא זויערע פארזאלצעניש.
ריפלאקס איז פרעשור ביי די טשעסט כאילו מ'גייט כאפן א הארץ אטאקא און קען צומאל זיין ממש פעינפול.
ווייסט איינער א געהעריגע עצה? וואס יא צו עסן און וואס נישט?

איך מיין אז די דרוק ביי די טשעסט איז דמתקריא געז אטאקע וואס איז טאקע עפעס אנדערש פון עסיד ריפלאקס וואס איז לכאורה די זעלבע זאך ווי הארט בורנס (נישט זיכער) אדער זענען זיי אפשר דריי באזונדערע זאכן.

מאראנצן זאפט האט רעכט, די 2 זאכן זענען טאקע פון די זעלבע משפחה, אבער אינגאנצן אנדערע אומשטענדן. איינער וואס האט ריפלאקס קען אזוי נישט מיר נישט דיר נישט אויסברעכן א גאנצע סעודה אויף א איידעלן, אבער פיינפולן וועג.

איך לייד אסאך פון אזא פלוצלינגדיגע ספעזם אטאקעס אזא מין שטאך ביי די טשעסט וואס קען זיך אויך שפירן ביים רוקן, איך שפיר ווי א שטיינדל ליגט שטעקן דארטן, אסאך מאל גייט עס אוועק מיט געבן א בייג דעם גאנצן גוף, אדער מיטן טרינקן א גלאז וואסער גייט עס גלייך אוועק, וואס איז דאס? ס'קומט פלוצלינג און אסאך מאל זייער פעינפול

דא.

ווען מען לייגט אריין וואסער אין מאראנצן זאפט מיין איך אז עס מאכט נישט מאגן ברענעניש

וואס אסאך מענטשן ווייסן נישט איז אז אחוץ די אומאיינגענעמליכקייטן וואס עסיד מאכט, קען עס אבער אויך זיין זייער מסוכן, די וושט איז נישט אויסגעשטעלט צו באהאנדלען די שארפע עסיד, און צוביסלעך קען די וושט טישוס ווערן אויסגעברענט און דאס וואקסט קיינמאל צוריק, און אז סיז אויסגעברענט און אפגעשוואכט קען עס כאפן אלע קרענק רח"ל אריינגערעכנט קענסער.

עס איז שוין היינט דא צובאקןמען מעדיצין ווי למשל prevacid (עס פלעגט אלס מוזן ווערן פרעסקרייבד) , היינט איז עס שוין אווער די קאונטער, די מעלה פון מעדיצין איז אז עס היילט דעם מאגן, אנדערש ווי טאמס וואס לעשט עסיד, אבער טאמס איז אויך וויכטיג.

אזוי אויך קען דאס ברענגען צו אלטסער וואס שאפט א לאך אונעם מאגן און איז זייער פיינפאל.
א עיטור יד וואס געוואוינט זיך איין צו שרייבן מיטן רעכטן האנט האלטן אסאך פוסקים אז עס ווערט דרכו בכך...

כאב יעצט געענדיגט לאנטש.... קאוקאש קעיק מיט אראנדזש דזשוס... איך ציטער. די טאמס ליגט שוין גרייט.

ס'דא אידן וואס פירן זיך אז ווען מען עסט הערינג מיט אייער קוכל, לייג מען שוין צו גלייך די טאמס דערויף, להקדים רפואה למכה.
והחוט המשולש לא במהרה ינתק...

שמעקעדיג, וואס זוכטו דיך צרות, פארוואס רייצסטע אן דעם הינט. נאכדעם האסטו טענות אז ער נעמט זיך בילן....?

ס'אמת איז, אל תדין את חבירך...

קאווע איז א קילער, שאקלטס ענק אפ פון קאווע וועט שוין לייכטער ווערן.
די זעלבע אלעס מיט קעפין און די ענערגיע דרינקס למיניהם.
מ'קען עס ריפלעיסן מיט פלעין ווארעמע מילך מיט צוקער.
טשאקאלט, געפעפערטע מאכלים, און געפרעגלטע זאכן זענען אויך נישט גוט.
רייכערן העלפט אויך נישט ארויס.
מיט א באלאנסירטע דיעטע קען מען זיך בעז"ה היטן.
דער עיקר מ'פרעסט נישט מכל הבא ביד און אין בעסטן פאל וועט מען שוין פארלירן אפאר פונט אויך און זיך ארויסדערזען פון א וואכנאכט נאך איידער מ'האלט שוין ביי גסיסה.

2-3 גלעזלעך קאווע (עקסקלודינג די צוקער) איז גאר געזונט, לויט אסאך לעצטיגע שטודיעס.

די זאכן טשענדזשן זיך טעגליך איין טאג איז צוקער אומגעזונט, א טאג נאכדעם איז עס זייער געזונט לתתא איז ברויט אומגעזונט און סאי זייער געזונט על אף יאהרן לאנג געווען באוואוסט אז נישט
רעד איך צו א דאקטאר היינט זאגט ער מיר טשולענט האסטו געגסן פאר לאנטש זייער פיין זייער געזונט קיפ אפ

1. מאנדלען (almonds) נישט געבאקענע אדער געזאלצענע. נעם עטליכע שטיק, ס'איז געזונטער ווי טאמס און פארמאגט אויך אסאך קאלציום.
2. עסט 1-2 עפל. גוט צוקייען.
3. עפל וויניגער (חומץ). איך ווייס אז ס'קלינגט מאדנע. ס'טייטש? גיסן אויל צום פייער?!
אבער ס'ארבעט. 1 גרויסע לעפל אין א ביסל וואסער. פאר ערנסטע פעלער: 2-3 לעפל אין א האלב גלאז וואסער.
ביז 2 סעקונדעס לעשט עס אויס דאס ברענען.
ועוד ועוד.