קאווע שטיבל

מיין פנים פלאקערט פאר בושה, אבער קיין ברירה האב איך נישט, גאר אפט וואס איך ליין דא א תגובה און איך טרעף דארט ווערטער וואס אני הקטן ווייסט נישט איר באדייט. איך שאקל מיט מיין קאפ, איך לייק אפילו, אבער איך בלייב אומוויסנד, ולא הביישן למד.
ספעציעל ווען ס'קומט צו די תגובות פון מו"ר. ער באנוצט זיך צומאל מיט עפעס א סארט הויכשטאפלערישן אידיש וואס וואלט נישט פארשעמט 'דער איד' אפילו מיט פופציג יאר צוריק, און מיר בלייבט איבער זיך צו וואונדערן בין איך טאקע דער איינציגטסער נאר וואס פארשטייט נישט?! זען טאקע אלע די מלאכים וואס טאנצן פון איין שטערן צום צווייטן און נאר מיין ראי' איז קורצזיכטיג?!
העמיר איין מאל פאר אלעמאל עפענען אן אשכול וואו מ'קען אנפרעגן, יא אזעלכע פשוט'ע זאכן ווי א טייטש ווארט.

וזה החלי, בעזר צורי וגואלי, להשחיל שיחי, ה' תפתח שפתותי:

ווייסט איינער די באדייט פון "אינפאנטיליזם"?

ס'יז א פעטיש, האסט עס געזען ביי מיין קליפ? ווי אן עלטערער מאן וויל בלייבן א קינד

ווער איז מו"ר?

כ'האב עס געזען אין לעיקוואד'ס תגובה אין אשכול אלו ואלו דברי אלוקים חיים (כמדומה).
ס'איז אן ענגלישער ווארט? זאג מיר ביטע די אויסלאגע אויף ענגליש העל איך עס קענען ריכטיג אויסלייגן אויף אידיש.
וויאזוי לעיקוואד שרייבט עס זעט עס אויס פאר'עברית'ישט.

און גראדע דעי ווארט וואלט היבש פארשעמט דעם 'איד' אפילו 50 יאר צוריק אויב די ווארט האט שוין עקזיסטירט...

להוי ידוע אז בעניני יידושע גראמאטיק (ווי אויך אין נאך עטליכע ענינים ל"ע) בין איך א טאטאלער אנארכיסט. עס גייט מיר אינגאנצען נישט אן וואס איז די ריכטיגע אויסלייג פון א ווארט, א גרויסע חלק ווערטער שרייב איך פשוט איבער פון ענגליש אדער פון עברית און איך פראביר אויסצולייגען לויט די יידושע מהלך מיט אלפי"ן ועייני"ן, אבער איך נעם נישט קיין שום אחריות אז דאס האט עפעס א קראנטער מהלך, אמאל שרייב איך מער לויט ווי מזאגט עס אויף עברית און אמאל מער וויאזוי מזאגט עס אויף ענגליש. און אמאל מאך איך סתם אזוי א טעות סופר און עס גייט מיר נישט אן.

איך מוז דא אגב ארויסברענגען א דאנק פאר די חשובער מנהלים הרוצים בעילום שמם, וואס אסאך מאל באמערק איך אזוי כאילו פון זיך אליינס ווערן געוויסע טעותים פארראכטען, שורות ווערן אויסגעגראדט, און אזוי ווייטער. (שמעקעדיג, דאס ביסטו? עכ"פ, יישר כח רב) דאס מוז זיין איינער וואס לייגט אריין צייט פאר דעם און איך האב נישט געזעהן נאכנישט איינער זאל אנמערקן די נקודה אדער אפגעבן א דאנק דארט ווי עס קומט זיך פאר דעם, איז טוה איך עס דאץ

אויב איז דא נאך אומפארשטענדליכע ווערטער בין איך גרייט צו ענטפערן.

אינפאנטיליזם מיינט אינפאנטילישע (מלשון אינפענט - א קליין קינד) הנהגות און צוגאנג. איך מיין נישט די פעטיש נקודה נאר בכלל.

http://www.thefreedictionary.com/infantile

למעשה האסט עס גוט אויסגעלייגט.
אלס איינער וואס קען זיך א טראפקעלע אויס אין גראמאטיק מערק איך אן ביי טייל ניקים אז די שפעטערדיגע תגובות זענען פארהעלטסמעסיג ריינער און מיט א רייכערן שפראך ווי אין דער פארגאנגענהייט.
איינע פון די מעלות וואס מ'איז קונה פון זיך דרייען דא אויף קאווע שטיבל, אז מ'ווערט אויסגעשארפט אין גראמאטיק און מ'שטייגט אין וואקאבלואר.

מאראנצןזאפט האט געשריבן:אלס איינער וואס קען זיך א טראפקעלע אויס אין גראמאטיק מערק איך אן ביי טייל ניקים אז די שפעטערדיגע תגובות זענען פארהעלטסמעסיג ריינער און מיט א רייכערן שפראך ווי אין דער פארגאנגענהייט.
.

פירוש המילה?

relatively
אבער ס'קומט פארהעלטנסמעסיג, כ'האב ארויסגעלאזט דעם נו"ן בטעות.

נישט פארהאלטניסמעסיג?

וואס דערמאנט מיר א ווערטל, טעקסטן איז גוט סיי פאר ווייבער און סיי פאר מענער,
די פרויען לערנען זיך אויס צו רעדן ווייניגער,
און די מענער לערנען זיך אויס צו ספעלן..

נישט זאלץ מעסטל?

ניין. אויך נישט מיטאס.

זר זהב האט געשריבן:און גראדע דעי ווארט וואלט היבש פארשעמט דעם 'איד' אפילו 50 יאר צוריק אויב די ווארט האט שוין עקזיסטירט...

די ווארט infantilism איז גענוצט געווארן די ערשטע מאל אין 1871. Paul Lorain, וואס איז געווען א פראפעסער אין מעדעצין, האט עס געשריבן אין א הקדמה פון א מעדיקל ביך.

ווייסט איינער די באדייט פון 'נעאפלאטינישער פילאסאפער'?

מאראנצןזאפט האט געשריבן:ווייסט איינער די באדייט פון 'נעאפלאטינישער פילאסאפער'?

ס'איז צאמגעשטעלט פון די ווערטער נעא-פלאטא, מיינענדיג די הייסע חסידים פונעם פיליזאף אפלטון.

מאראנצןזאפט האט געשריבן:ווייסט איינער די באדייט פון 'נעאפלאטינישער פילאסאפער'?

ס'בעסער אויב לייגסט א לינק צום תגובה וואו האסט געזען די ווארט/ווערטער

זר זהב האט געשריבן:

מאראנצןזאפט האט געשריבן:ווייסט איינער די באדייט פון 'נעאפלאטינישער פילאסאפער'?

ס'בעסער אויב לייגסט א לינק צום תגובה וואו האסט געזען די ווארט/ווערטער

אדער אויב די ספעלסט עס אין ענגליש. צו מיר זעעט דיין ווארט אויס ווי neoplatonic.

Neoplatonism איז א mystical school of philosophy וואס, אזוי ווי געפילטע האט שוין געזאגט, איז געbased אויף די תורות פון Plato. א נעאפלאטינישער פראפעסער איז, דאכט זיך, איינער וואס איז א פראפעסער פון א קלאס אויף neoplatonism אדער אפשר געשריבן ביכער אויף דעם טעמע.

אוי, אנטשולדיגט. איך האב געלייענט פראפעסער אנשטאט פילאסעפער.

ווייסט איינער די באדייט פון טאטאליטערינאזים?
הוגה בארירט עס אביסל אבער נישט גענוג קלאר?
#קלאץקאפ

א לאנד וואס ווערט געפירט דורך א דיקטאטור, ער טוט וואס ער וויל 'טאטאל'

למשל נארט קעראע

זר זהב האט געשריבן:א לאנד וואס ווערט געפירט דורך א דיקטאטור, ער טוט וואס ער וויל 'טאטאל'

למשל נארט קעראע

איך וויל נישט ניטפיקן אבער
.totalitarianism* is actually the system of government, not the country that practices it*