בלאט 1 פון 3

אטעיסטן, אגנאסטיקס און גאטהייט

נשלח: זונטאג יוני 23, 2013 1:31 am
דורך הוגה
[justify]איתן קאבער האט די וואך געמאכט אן אינטערעסאנטע אבזערוואציע אין זיין וועכענטליכע קאלום אין די ענגלישע משפחה מאגאזין.

די מעשה גייט אזוי. נאכן פארלירן זייערע געריכטליכע פראצעס צו באזייטיגן די עשרת הדברות מאנומענט פון די גארטן פארנט פון א פלארידא געריכט הויז, האבן א גרופע אטעיסטן געמאלדן אז זיי גייען דארט אויפשטעלן א מאנומענט מיט זייערע אייגענע עשרת הדברות.

קאבער זאגט אז דער אקט מצד די אטעיסטן טוט צייגן א פאזיטיווע מעסעדזש. איך וועל ציטירן זיינע ווערטער.

Once in place, the godless gang's slab of stone will silently declare a basic fact of life: "it's every man and his deity". Z


Diety מיינט א העכערע אומנאטירליכע כח.קאבער זאגט אזוי: ביז היינט האבן מיר געמיינט אז נאר רעליגיעזע מענטשן גלייבן אין עפעס העכערס, משא''כ אטעיסטן - כופרים, זיי גלייבן אין גארנישט. יעצט אבער אז מען זעהט אז אפילו אטעיסטן האבן אן אייגענע עשרת הדברות, איז דאך פשט אז זיי גלייבן אין עפעס, זאל עס זיין אז זיי גלייבן אין זייער כפירה, אבער דאך גלייבן זיי. און אזוי קומט ער צו זיין מסקנה אז א יעדע מענטש האט עפעס העכערס וואס ער גלייבט אין דעם.

א שיינע דערהער, נישט שלעכט. אבער דאך וויל איך אים אפפרעגן. קען זיין אז בעצם רעדט מען דא פון א גרופע אגנאסטיקס, מענטשן וואס זענען נישט זיכער, זיי מיינען נאר אז זיי זענען אטעיסטן. און די סיבה פארוואס זיי האבן זיך געשלאגן צו באזייטיגען די עשרת הדברות מאנומענט פון די פאבליק אויסשטעל איז ווייל זיי ווילן נישט נשפע ווערן דערפון, זיי האבן מורא אז זיי וועלן גלייבן דערין אן קיין ראציאנאל. יעצט אז זיי האבן פארלוירן די געריכטליכע פראצעס ווילן זיי ארויסשטעלן די אטעיסט'ישע עשרת הדברות, אבער נישט ווייל זיי גלייבן דערין, נאר כדי אז עס זאל זיין א leveled playing field.




מדי דברי בו, איך האלט אז אטעיסן זענען (אין דער זין) די מערסטע אראגאנט מענטשן אויפן וועלט. מילא רעליגיעזע מענטשן, זיי זאגן כאטש אז זיי גלייבן. אגנאסטיקס זאגן אז זיי ווייסן נישט. אבער אטעיסטן טענה'ן אז עס איז א פאקט אז ס'נישט דא קיין גאט. ס'האט מיר אלץ געבאדערט ווי אזוי עס קען בכלל עקזעסטירן אזא מושג ווי אן אטעיסט. מילא אן אגנאסטיק, ער זאגט אז ער איז נישט זיכער. אבער ווי אזוי קען אן אטעיסט אויף ווייזן אז עס איז זיכער נישט דא א גאט?



למאי נ''מ דאס אלעס? ס'נישט קין נ''מ, נאר סתם א שמועס.[/justify]

נשלח: זונטאג יוני 23, 2013 1:45 am
דורך פידלער
Bill Maher טענה'ט די זעלבע אין זיין דאקיומענטערי Religulous. ער רופט זיך אן אגנאסטיק ווייל ער פילט אז זיך רופן אן אטעיסט איז אראגאנט און נאריש.

נשלח: זונטאג יוני 23, 2013 1:46 am
דורך זר זהב
און פונקט ער וויל נישט זיין אראגאנטיש? לאל, ער דארף זיך קוקן אין שפיגל מער אפטער

נשלח: זונטאג יוני 23, 2013 2:12 am
דורך קאווע טרינקער
דער געדאנק אז יעדע אתאיסט איז א מאמין, שרייבט הרב נוגרשל אין "והשבות אל לבבך".

נשלח: זונטאג יוני 23, 2013 2:19 am
דורך הוגה
@פידלער
כ'האב טאקע געזעהן religulous פון מאהר, איך געדענק אבער נישט קיין סאך דערפון אויסער אז עס האט מיר אויסגעזעהן מער א קאמעדי ווי אן עדזוקעישאנאל דאקומענטרי.

@קאווע טרינקער
איר קענט ביטע ציטירן אדער נאכשרייבן זיין געדאנק אין דער נושא?

נשלח: זונטאג יוני 23, 2013 2:31 am
דורך פידלער
ס'איז טאקע בעיקר געווען א satire. איך מיין אז זיין ציל איז געווען צו ווייזן אז די רעליגיעזע האבן נישט קיין ענטפערס ווען מ'דרוקט זיי צו צום וואנט, נישט צו אויפקומען מיט חידושים איבער רעליגיע אדער אטעיסם.

נשלח: זונטאג יוני 23, 2013 2:39 am
דורך נולד מאוחר
אגנאסטיק איז נישט אלץ אן אפציע אמאל מיז מען מאכן א באשלוס.
מווארפט דיר אריין און קאלעך אויבן אויב די ביקסט זיך נישט צים צלם וואס טוסטו?

אז איך זאג דיר אז און מיין בעק יארד וואקסט געלט בוים. וואס ענטפערסטו, קען זיין כווייס נישט, וויאזוי קען איך זאגן זיכער אז נישט, אדער די זאגסטו כגלייב דיר נישט?
פארוואס איז די אטעיסט אנדערשט?

נשלח: זונטאג יוני 23, 2013 2:51 am
דורך הוגה
נולד מאוחר האט געשריבן:אגנאסטיק איז נישט אלץ אן אפציע אמאל מיז מען מאכן א באשלוס.


איך פארשטיי נישט, ווען מוז מען מאכן א באשלוס?

נולד מאוחר האט געשריבן:אז איך זאג דיר אז און מיין בעק יארד וואקסט געלט בוים. וואס ענטפערסטו, קען זיין כווייס נישט, וויאזוי קען איך זאגן זיכער אז נישט, אדער די זאגסטו כגלייב דיר נישט?
פארוואס איז די אטעיסט אנדערשט?


אויב מיליאנען מענטשן גלייבן אז דו האסט א געלט בוים, און איך בין אין דיין בעק יארד נישט געווען, דאן וואלט איך געזאגט אז איך גלייב אז דו ביסט א ליגנער, אבער כ'בין נישט הונדערט פראצענט זיכער.

נשלח: זונטאג יוני 23, 2013 2:51 am
דורך לעיקוואד
קאווע טרינקער האט געשריבן:דער געדאנק אז יעדע אתאיסט איז א מאמין, שרייבט הרב נוגרשל אין "והשבות אל לבבך".

וקדמו בזה הרה"ג ר' פאול בספרו אגרת אל הרומיים וזלה"ק "the faith God has distributed to each of you"

נשלח: זונטאג יוני 23, 2013 2:54 am
דורך הוגה
לעיקוואד האט געשריבן:
קאווע טרינקער האט געשריבן:דער געדאנק אז יעדע אתאיסט איז א מאמין, שרייבט הרב נוגרשל אין "והשבות אל לבבך".

וקדמו בזה הרה"ג ר' פאול בספרו אגרת אל הרומיים וזלה"ק "the faith God has distributed to each of you"


כ'זעה נישט וואס דו זעהסט אין פאול'ס ווערטער, ביטע ערקלער.

נשלח: זונטאג יוני 23, 2013 2:57 am
דורך לעיקוואד
די ספרים הקדושים זענען מסביר און מדייק אז דא שטייט אז יעדער מענטש האט גאט באשאנקען אמונה, נישט קיין חילוק צו ער ווייסט דערפון צו נישט, און נישט אין זיין זכות אדער ווייל ער פארשטייט אזוי, נאר במתנת האל.

כרגע טרעף איך נישט קלאר דער ערשטער מקור צו דער הסבר, אנסה לחפש עוד.

נשלח: זונטאג יוני 23, 2013 3:01 am
דורך נולד מאוחר
הוגה, אז די גלייבסט אז איך זאג ליגענט מיט די בוים און מיין בעיקיארד זאגסטו אין אנדערע ווערטער אויף וויפיל סאיז שייך צי וויסען ווייס איך אז סאיז נישט אמת און דאס זאגט דער עיטיעסט. משא''כ דער עגנאסטיק זאגט כווייס נישט סקען זיין.

נשלח: זונטאג יוני 23, 2013 3:09 am
דורך הוגה
לעיקוואד האט געשריבן:די ספרים הקדושים זענען מסביר און מדייק אז דא שטייט אז יעדער מענטש האט גאט באשאנקען אמונה, נישט קיין חילוק צו ער ווייסט דערפון צו נישט, און נישט אין זיין זכות אדער ווייל ער פארשטייט אזוי, נאר במתנת האל. כרגע טרעף איך נישט קלאר דער ערשטער מקור צו דער הסבר, אנסה לחפש עוד.


דא האב איך געשריבן דער געדאנק בשם ר' חיים שלום דייטש, בהוספת נופך משלי.

אבער איך מיין אז דא רעדן מיר פון א גאנץ אנדערע געדאנק. דא רעדן מיר אז ביי די אטעיסטן איז די כפירה זייער faith און זייער deity.

@נולד
ס'זעהט אויס אז דו האסט נישט גערעדט מיט קיין אטעיסטן. זיי האלטן טז ס'זיכער נישטא קיין גאט. ביי זיי איז נישט דא קיין שום צל של ספק. זיי האלטן אז pascal's wager איז שטותים.

נשלח: זונטאג יוני 23, 2013 3:16 am
דורך לעיקוואד
אה, ריכטיג, אבער דאן פארשטיי איך נישט וואס הייסט אז די כפירה איז זיין גאט? איז דען כפירה אן ענטיטי? איך האב געמיינט אז ער מיינט צו זאגען אז פון דעם וואס ער הענגט זיך אן אין עפעס א כפירה'דיגע שיטה איז א הוכחה אז בעצם האט ער אין זיך די מידת האמונה נאר ער פארטוישט עס אויף נארישקייטן, סתם צו זאגען אז כפירה=אמונה איז דאך סתם שטותים. נו אוודאי גלייבט ער אז עס איז נישטא, דאס מאכט עם אבער נישט פאר קיין מאמין.

נשלח: זונטאג יוני 23, 2013 3:28 am
דורך זר זהב
Michael Savage > Quotes > Quotable Quote

“So you’re an atheist and you say, “Well how do you know there’s a God?” So what is there, nothing? So nothing created you? So you believe in nothing? Therefore, you believe in something – but that’s nothing. You believe in nothingness. I believe in God. That’s all. How can you believe in nothingness? How is it possible to believe in nothingness? How can something come from nothing? It’s a violation of all the laws of physics! Something cannot come from nothing. It violates physical science, biological science, and theological science. It violates all the laws of reason! It violates all the laws of nonreason.”

Michael Savage, Train Tracks: Family Stories for the Holidays

http://www.goodreads.com/quotes/695228- ... ell-how-do

נשלח: זונטאג יוני 23, 2013 9:36 am
דורך יידל
לגבי זר'ס ציטאט פון מעכל שבת: כ'האב מורא אז זיין מימרא אז עפעס פון גארנישט פארלעצט די געזעצן פון פיזיקס איז נישט אמת וויבאלד היינט ווייסט מען איבער קוואנטום פלאקטשועישאנס וואס מיינט אז קוואנטום פארטיקלס ווערן באשאפן יש מאין און ווערן גלייך דערנאך צוריק אויס. כך שמעתי מפי לאורענס קרויס, ואם קבלה הוא נקבל.

נשלח: זונטאג יוני 23, 2013 11:06 am
דורך פידלער
לעיקוואד האט געשריבן:אה, ריכטיג, אבער דאן פארשטיי איך נישט וואס הייסט אז די כפירה איז זיין גאט? איז דען כפירה אן ענטיטי? איך האב געמיינט אז ער מיינט צו זאגען אז פון דעם וואס ער הענגט זיך אן אין עפעס א כפירה'דיגע שיטה איז א הוכחה אז בעצם האט ער אין זיך די מידת האמונה נאר ער פארטוישט עס אויף נארישקייטן, סתם צו זאגען אז כפירה=אמונה איז דאך סתם שטותים. נו אוודאי גלייבט ער אז עס איז נישטא, דאס מאכט עם אבער נישט פאר קיין מאמין.


איך האב שוין אפאר מאל געהערט די אויסדרוק אז ביי אטעיסטן איז זייער אטעיסם זייער גאט. ווי איך האב עס פארשטאנען, האט דאס געמיינט אן אפגאט, אן idol, (א metaphorical גאט), עפעס אויף וואס זיי קריגן זיך און ווערן הייס פונקט ווי די רעליגיעזע ווערן איבער די טעמע פון רעליגיע אדער גאט. זיי זענען וויליג אויסצוגעבן געלט צו פארשפרייטן זייער מעסעדזש פונקט ווי די קריסטן אדער ליובאוויטשער צוב"ש. און זיי וועלן זיך צושלאגן מיט חברים און משפחה אזוי ווי, צוב"ש, די וואס האבן געמאכט ר' אהרן אדער ר' זלמן לייב זייערער אפגעטער.

נשלח: זונטאג יוני 23, 2013 12:15 pm
דורך לעיקוואד
אגב, דער עיקר וואס איך האב דא צוגעברענגט ר' פאול'ן איז ווייל עס איז מיר געווען א חידוש אז איך האב זיך באגעגנט מיט דעם וואס אין קריסטנטום איז אנגענומען צו טייטשען דער פסוק אז ער רעדט וועגן דער 'פינטעלע אמונה' וואס איז דא אין יעדער איינער, בשעת וואס אין יידושקייט איז דאס לכאורה מער א שפעטער'דיגע געדאנק, איך האב אבער נישט מצליח געווען קלאר נאכצוגיין די מקורות פון דער געדאנק ווייל בעו"ה קען איך זיך גאר ווייניג אויס בתורת ישו הנוצרי ותלמידיו וממשיכיו, אפשר קען איינער פון אונזערע ידענים גאונים אלץ-ווייסערס און גוגל-עקספערטן מיר ארויסהעלפן מיט מיין שאלה?

נשלח: זונטאג יוני 23, 2013 12:45 pm
דורך זר זהב
יידל האט געשריבן:לגבי זר'ס ציטאט פון מעכל שבת: כ'האב מורא אז זיין מימרא אז עפעס פון גארנישט פארלעצט די געזעצן פון פיזיקס איז נישט אמת וויבאלד היינט ווייסט מען איבער קוואנטום פלאקטשועישאנס וואס מיינט אז קוואנטום פארטיקלס ווערן באשאפן יש מאין און ווערן גלייך דערנאך צוריק אויס. כך שמעתי מפי לאורענס קרויס, ואם קבלה הוא נקבל.

http://www.youtube.com/watch?v=-BTT62YJCI8

נשלח: זונטאג יוני 23, 2013 2:18 pm
דורך הוגה
@לעיקוואד,
פידלער האט שיין ארויסגעברענגט וואס קאבער (און איך זעלבסט) האט געמיינט מיט דעם אז אטעיזם איז א גלויבונג.

ווען איינער איז פארגלייבט אין עפעס אדער איינעם וועט ער שוין טרעפן הסברים און תירוצים צו פארענטפערן אלעם און אלעס כדי אז זיין גלויבונג סיסטעם זאל בלייבן שטיין. משא''כ אויב גלייבן איז נישט קיין ארטיקל אקעגן פאקטן דאן דארף מען דאך גארנישט פארענטפערן. אויב איינער ווייזט מיר אויף אז מאטאמאטיש בין איך א דומם אדער א צומח דארף איך עס נישט פארענטפערן ווייל איך ווייס אז איך בין א מדבר. משא''כ אויב איינער ווייזט אויף אז מאטאמאטיש קען א גאט נישט זיין, דאן קען איך אדער אויפווייזן און פארענטפערן זיין קושיא, אדער קען איך זאגן אז איך גלייב נאך אלץ.

די זעלבע איז מיט די פאקט אז א גלויבונג סיסטעם מוז לייגן גדרים אין פלאץ צו באשוצן די גלויבונג. פאר דעם איז דא א תורה, א סאסייעטי וכדומה. אטעיזם פארמאגט די זעלבע קארעקטיריסטיקס. די חילוק צווישן גלויבערס און אטעיסטן איז אז אטעיסטן זענען נישט גרייט צו זאגן אז זיי גלייבן, נאר אז עס איז א פאקט, און אויף דעם ארויף קומט זיי די טיטל אראגאנט.

זר'ס קליפ ברענגט אויך - בין השורות - ארויס די נקודה.

בנוגע די מקור איבער די נקודת האמונה, ס'קען זיין אז פאול איז טאקע די ערשטע געשריבענע מקור, אבער קיין חידוש איז עס נישט. עס איז איינס פון די טבעיות'דיגע פאקטן וואס א יעדע בר דעת ווייסט

נשלח: זונטאג יוני 23, 2013 2:38 pm
דורך לעיקוואד
נו, יש ויש.
עס זענען דא אראגענט גלויביגער פונקט ווי עס זענען דא אראגענט אטעאיסטען. און עס זענען דא מאמינים ענווים וישרים פונקט ווי עס זענען דא אטעאיסטען אזעלכע. די עצם מושג אטעאיזם איז נישט מער אראגענט אדער גלויבונג ווי דער מושג גלייבן.

נישט יעדער זאך וואס "יעדער בר דעת ווייסט" איז מוכרח אז אלעמאל האט מען אזוי "געוואוסט", און עכ"פ איז אינטרעסאנט צו פארשען די השלשלות פון דער געדאנק. נישט אז עס פרעגט עפעס אפ אדער איז מוכיח עפעס, סתם אלץ היסטאריע איז עס אינטרעסאנט.

נשלח: זונטאג יוני 23, 2013 2:41 pm
דורך יאיר
די קלוגע אטעאיסטן זאגן נישט אז זיי ווייסן אז ס'איז נישטא קיין גאט, נאר אז זיי האבן נישט קיין שום סיבה צו גלייבן אין גאט, ממילא היות א ראציאנעלער מענטש איז בהכרח א סקעפטיק, גלייבן זיי נישט אין גאט. אזוי ווי דו גלייבסט (האפנטליך) אז דער ספעגעטי מאנסטער האט נישט באשאפן די וועלט, אזוי גלייבן זיי אז גאט האט נישט באשאפן די וועלט.

נשלח: זונטאג יוני 23, 2013 2:52 pm
דורך יידל
זר זהב האט געשריבן:
יידל האט געשריבן:לגבי זר'ס ציטאט פון מעכל שבת: כ'האב מורא אז זיין מימרא אז עפעס פון גארנישט פארלעצט די געזעצן פון פיזיקס איז נישט אמת וויבאלד היינט ווייסט מען איבער קוואנטום פלאקטשועישאנס וואס מיינט אז קוואנטום פארטיקלס ווערן באשאפן יש מאין און ווערן גלייך דערנאך צוריק אויס. כך שמעתי מפי לאורענס קרויס, ואם קבלה הוא נקבל.

http://www.youtube.com/watch?v=-BTT62YJCI8

ברענגסט מיר פון א פילאזאף און א קריסטליכער אפאלאגיסט (וועלכער האלט צווישן אנדערע אז ישו איז אויפגעשטאנען תחיית המתים) איבער וואס קוואנטום פלאקטשועישאנס זענען? לגבי קוואנטום פיזיקס, וואס איז ער מער ווי איך און דו?
(אגב אויף יוטוב קענסטו זען די צוויי חברה זיך טענה'ן איבער רעליגיע).