קאווע שטיבל

[justify]אל תדון את חברך עד שתגיע למקומו.
איך בין נישט קיין שופט; איך בין קיינעם נישט דן; צופיל פאקטן ווייסעך נישט; פסיכלאגיע האב איך נישט שטודירט, און איבער אלעם: קיינער האט מיר נישט געפרעגט.
אבער אז ס'טוט וויי, שריי(ב)ט מען.

היינטיגע צייטען פארעמען זיך גרופעס פאר יעדע מצב וואס א מענטש קען זיך נאר (אדער זאל זיך נישט) געפונען. ס'הייבט זיך אן מיט א meeting אין א שבע-ברכות-זאל ע"ד ותשועה ברוב יועץ, ביז מ'מאכט א logo און מ'פראוועט שבתונ'ס. ווען אט די מענשטען קומען זיך צוזאם, איז דא איין זאך וואס איז זיי מאחד. אלע פון זיי מוטשען זיך צו פרוכטבארן; אלע פון זיי האבן ליידער פארלוירען א קינד; אלע פון זיי האבן ליידער א געוויסע מחלה, וכדומה. אויסער די איין זאך וואס זיי זענען גלייך, זענען זיי אבער, און וועלן בלייבן, צוטיילט אין אלע אנדערע דברים העומדים על הפרק.
אויפן געדאנק קומט ארויף א תורה'לע אויף פרשת בשלח און יתרו. אויפן פסוק "והנה מצרים נוסע אחריהם", זאגט רש"י "בלב אחד כאיש אחד", צוליב דעם זאגט דער פסוק "נוסע" בלשון יחיד. אלע מצרים זענען געווען אין איין מיינונג אקעגן די אידן. אין פרשת יתרו אויפן פסוק "ויחן שם ישראל נגד ההר", זאגט רש"י "כאיש אחד בלב אחד", צוליב דעם זאגט דער פסוק "ויחן" בלשון יחיד, ווייל אלע אידן זענען געווען איינס. מ'קען אנמערקען אז אויף די מצריים לייגט רש"י אויס "בלב אחד" איידער "כאיש אחד". משא"כ ביי די אידן. האב איך געזעהן אין טללי אורות (הרב רובין ע"ה) בשם ממי_שאמרו (פארגעסען די מקור), אז אידן זענען בעצם "איש אחד" (פרעג מיך נישט וואס דאס מיינט), "לב אחד" איז פשוט א ממילא'דיגע תוצאה פון דעם. משא"כ די מצריים זענען בעצם צוטיילט (מעלמא דפירודא. לעיקוואד, איך זאג עס גוט?), ס'איז נאר די "לב אחד", די איין רצון, אנטקעגן אידן, וואס מאכט זיי כ"איש אחד".

צוריק צום ענין.
ס'איז געווארן אזא מנהג, אז מ'זעצט אראפ עטליכע OTD מיטגעלידער און זיי לאזען זיך וואויל גיין, זאגענדיג זייערע מיינונגען כחפץ לבם. פארשטייט זיך אז זיי פארפעלען נישט נעגעטיווע זאצן אויף דעם "סיסטעם", ווארום, אויב די סיסטעם איז האניג און צוקער, וועלען זיי מוזן ענטעפערן די שווערע שאלה "פארוואס האט איר געטוישט?". פארשטייט זיך אז ס'האט נישט קיין זינען זיך איינצוטענה'נען אויף יעדע פון זייערע טענות באזונדער. באופן כללי, די טענות שפייזען נישט גענוג אויף צו נישט גלייבן אין בורא עולם ותורתו.
די גוישע וועלט וועט אייביג זיין (און אוודאי אויסקוקען) בעסער און געשמאקער ווי די אידישע וועלט, ווי אפען און לינק מ'זאל נאר זיין. ס'איז אסאך מער גרינגער צו זיין א גוי, אוי ווי מ'האקט א לעבן (אויב איז מען נארמאל)! מ'איז מקיים שמח בחור בילדותך מיט אלע מפרשים. והראיה, לויט ווי כ'האב מברר געווען, זענען דא אפגעפארענע אפילו פון אזעלכע קרייזען ווי מ'צענזורט נישט קיין ביכער, שטודירען איז אנגענומען, ענגליש איז די מאמע שפראך, מ'שערט נישט די האר, און מ'date'ט א רויעך, מפלאנט די משפחה, מ'עסט כמעט אלעס, מ'טרינקט ממש אלעס, וכו'.

וואס מיר שטערט איז, אז בעצם יעדער אפגעפארענער האט זיך זיין פערזענדליכע פרשה. איינער איז נשפע געווארן פון א שלעכטע חבר, ביי איינעם האט די תאוה געברענט אזוי שטארק אז ס'האט זיך דערקייטעלט ביז מ'האט אים געמוזט ארויסווארפען פון שטוב וכו' וכו'. איינעם האט געפעלט ווארימקייט אינדערהיים. א צווייטער האט שלעכט חתונה געהאט, א דריטער האט מען גע'רודפ'ט פאר זיין אויפגעקלערטקייט. לא הרי שפרה לאווין כפרידא וויזעל, ולא הרי שאולי פייערוועקער כ[נאמען באהאלטן] וואס האט געטראפן א רלב"ג וואס זאגט - לויט ווי יענער האט פארשטאנען - אז מ'דארף נישט גלייבן אין גאט. הצד השוה שבהם?

וואס איז די "צד השוה"? basically גארנישט, ווען נישט די שם הכולל "OTD". האבן זיי עפעס אין common? ווען נישט Footsteps איז שטארק מעגליך אז זיי וואלטען זיך ניטמאל געקענט. - יעצט אז מ'זעצט זיי אראפ ארום א טיש, און זיי רעכענען אויס די שוואכקייטן פון אונזער סיסטעם, כאילו דאס האט זיי געברענגט צו ווי זיי זענען יעצט. יסכר פיהם! ס'רעגט מיך אויף. טייערע זיסע שיינע מיידעלע, נישט דו און נישט דיין חבר'תה זענען אפגעפארן ווייל מ'לערנט נישט קיין ענגליש אין חדר, אדער ווייל א גרויסע היימישע עולם האט 7-8 קינדער פון וועם זיי שעפען נחת.

אז ס'רעגט מיך מיינט דאס אז איך האלט אז די סיסטעם perfect? ניין, Absolutely נישט! ס'דא סאך וואס צו מתקן זיין. מ'דארף eliminate'ען דאס גאנצע רביסטעווע יחידי'שע authority ; בתי חינוך דארפן טוישן די סדר הלימודים; שידוכים סיסטעם דארף ווערן געטוישט אינגאנצען; creative מענטשען, נישט נאר חזנים, דארפן מעגן ארויסגעבען זייער talent; און בכלל דארף געטוישט ווערן די tolerance level אויף אסאך נידריגער.

אבער ענק טייערע ברידער און שוועסטער, וואס זענען זיך דוגל אונטערן OTD ראשי תיבות, ראו חיים עם הדרך אשר בחרתם, אז איר האט אן עצה וויאזוי צו פארעכטען אונזער סיסטעם, אדברה, מיר זענען גרייט צו הערן. אבער ביטע זאגט דעם אמת ווען מ'פרעגט אייך פארוואס איר האט פארלאזט אידישקייט, פארציילט אייערע שוועריקייטן און מיטמאכענישן, פארציילט וויאזוי ס'האט זיך אנגעהויבן, פארצייל אז דו ביסט אפגעפארן ווייל דיין טאטע איז א משוגע'ער, נישט ווייל דו האסט נישט געזען גאט'ס שטרענגע האנט ווען דו האסט גערויכערט שבת. א.א.וו. - אדער plead the fifth. (די בעסטע Option)

'ך האף איר פארשטייט וואס 'ך רעדט (=סגולה צו באקומען א לייק פון דבילה)[/justify]

פיינע פוינט.

לגבי "טייערע זיסע שיינע מיידעלע" עס איז אפשר פאני אבער גראדע רוב פון די זעהען מיר אויס ווי אזעלכע וואס איך וואלט געהאט א קנאפע תאווה אויף זיי און אסאך פון זיי פון האבען זאגאר בעסער אויסגעזעהן (איך רעד פון א ריין גשמיות'דיגע פערפעקטיוו) זייענדיג פרום. בין איך דער איינציגסטער וואס האט עס באמערקט?

פיין און וואויל, אבער.

קאווע טרינקער האט געשריבן:פארצייל אז דו ביסט אפגעפארן ווייל דיין טאטע איז א משוגע'ער, נישט ווייל דו האסט נישט געזען גאט'ס שטרענגע האנט ווען דו האסט גערויכערט שבת. א.א.וו.

אדער פארצייל אז דו האסט גע'גט'ע עלטערן א טאטע א צרה'לייט און א מאמע א צדיקת וואס האט זיך אוועקגעגעבן בלב ונפש פאר דיר. ביזט געבוירן מיט מדות משחתות באגלייט מיט טפשות און כפיית טובה, די אלע וואס האבן געטון פאר דיר האסטו שטענדיג בארעדט און קיינמאל נישט געווען צופרידן. א גאונות אין עין רעה און שטענדיג נאר געזען ווי יעדער וויל דיר באגראבן און קיינער פארגינט דיך נישט. ליידער צוליב דיין [שרייב נישט קיין אומאיידעלע ווערטער. מנהל] פערזענליכקייט האט מען דיר צוויי מאל א כלה געמאכט מיט די נישט ריכטיגע. איינס איז געגאנגען פייפן צוליב דיין פערדישקייט און די צווייטע ווייל ביזט נעבעך אריינגעפאלן, און נישט צוליב דיינע אלע חלקלקות'ן אויף פעיסבוק און טוויטער.
ווייסט כעדער זאגן, יאשקע האט נישט אזויפיל פארדינט מיט דיר אפילו דיין האר איז פינק און גרין.

.

כ'האב געמיינט צו זאגן אז ווען כ'שטיי אינדערפרי, אין איך זעה "איר האב באקומען א לייק", ווייסעך אז איינער האט הנאה געהאט פון מיר בשעת כ'בין געשלאפען.
בד"וו, איך ווייס וואס דו האסט געטראכט בשעת'ן זאגן סליחות היינט....
צוריק צום ענין.

מעראנצעןזאפט דו מיט קרעקער זענען געזונטע בהמות! [שרייב נישט קיין אומאיידעלע ווערטער. מנהל] נאטארען! !!!!!!!!
וואס איז דאס, אז איינער גט זיך איז עס אנדערשט ווי איינער וואס האט נישט אזוי געטון???
פעראבלימאטישע קינדער קומען נישט פון שטיבער ווי מגט זיך
סקומט פון שטיבער וואס מרעדט אזוי ווי דיר און קרעקער, עקלדיג!
אדער ווי שטיבער וואס די עלטערן רייסען זיך ארום און מוויל זיך נישט גטן

העי!
שפיל לסיפיה דקרא.. "....א טאטע א צרה לייט"...
ער מיינט נישט דיר.

פארגעט איט, קאוועלע. האסט איין ברירה: הער אויף וואטשן טיווי.

יידל האט געשריבן:פארגעט איט, קאוועלע. האסט איין ברירה: הער אויף וואטשן טיווי.

כ'האב עס געזעהן אויף קאווע שטיבל... אן אנדערע ברירה ?

קינות גירושין האט געשריבן:מעראנצעןזאפט דו מיט קרעקער זענען געזונטע בהמות! [שרייב נישט קיין אומאיידעלע ווערטער. מנהל] נאטארען! !!!!!!!!
וואס איז דאס, אז איינער גט זיך איז עס אנדערשט ווי איינער וואס האט נישט אזוי געטון???
פעראבלימאטישע קינדער קומען נישט פון שטיבער ווי מגט זיך
סקומט פון שטיבער וואס מרעדט אזוי ווי דיר און קרעקער, עקלדיג!
אדער ווי שטיבער וואס די עלטערן רייסען זיך ארום און מוויל זיך נישט גטן

איך ווייס נישט וואס דו ווילסט פון מיר. איך האב נישט בא'עוול'טט קיין איין גע'גט'ן דא, בלויז אויסגערעכנט פארשידענע פאקטארן וואס האבן געשפילט א ראלע אין איר צושטאנד.
יא, אז מ'האט א טאטן א צרה'לייט וואס וויל נישט געבן א גט פאר יארן אפעקטירט עס די חינוך פון א קינד לפעמים, און פיק יור נאוז עט יור און ביזנעס קיינער רעדט נישט דא פון קיין גרושים אדער גרושות.
נאטורן שרייבט מען אזוי, והצלחה מרובה, וברכתי מקירות לבי שתמצא זווגתך כאוות נפשך בקרוב ובניקל.

אז מ'רעדט שוין, גם קבלתי ממו"ר באישי אז אשר שמואל'ס פארקריכן דארף מען צום קענטעניס נעמען אז זיינע עלטערן זענען גע'גט. ופשוט הוא, והיינו טעמא דדבורה פעלדמאן היינו טעמא דליבי פאלאק ועוד.
פארוואס ס'איז אזוי אז קינדער פון גע'גט'ע ליידן לפעמים, (ס'דא גענוג און נאך וואס נישט אפשר אפילו דער רוב, איך האב עטליכע חברים אזוינע און ס'פעלט זיי גארנישט ברוח וגשם), איך ווייס נישט, און איך רעד נישט, און זאל השי"ת היטן אלע אידישע קינדער, אבער א קשיא אויף א מעשה.
קינות יו או מי ען אפאלעדזשי.

ווער זאגט אז גע'גט'ע עלטערן איז א סיבה? אפשר איז גע'גט'ע עלטערן בלויז עפעס וואס גיט מער מעגליכקייט? ווער ווייסט וויפיל מענטשן פון נישט גע'גט'ע עלטערן וואלטן אויך אראפ פון וועג, נאר ווילן נישט וויי טון די עלטערן?

יידל, גם כן יתכן, רוף עס סיבה רוף עס מעגליכקייט, או שאר שם וחניכא דאית ליה, ומעולם לא ירדתי לטעמא ועומקן של דברים, ומסתמא שניהם אמת לפעמים.
אויך קאווע זאגט אזוי: באמת וויל יעדער אראפגיין פון וועג נאר דער לאזער האט פשוט א משוגענעם טאטן האט ער זיך דאס געקענט ערלויבן...
אבער וואס קומט דא אריין די אויסברוך פון קינות פאר זיס לעכטיג יאר.

מאראנצןזאפט האט געשריבן:אויך קאווע זאגט אזוי: באמת וויל יעדער אראפגיין פון וועג נאר דער לאזער האט פשוט א משוגענעם טאטן האט ער זיך דאס געקענט ערלויבן...

כ'האב עס נישט געזאגט. אפשר געטראכט.

יידל, ס'איז נישט קיין סתירה מיט מאראנצןזאפט. מה לי צו דאס שטיפט ומה לי צו דאס ערלויבט אים?

אויב דאס שטיפט אים, זאגן זיי דאך ליגנט אויף טיווי, אבער אויס דאס ערלויבט אים האקט קאווע טרינקער סתם אין קאפ.

קאווע קומט זיך א לייק פארן ארויסברענגן דע כשם שפרצופיהן עקזעסטירט איבעראל, און מאכן זשענערעלייזעישאנס, גזירה שווה'ס און דונ מינה ומינהס העלפט פאר איינער וואס שפירט זיך דיפענסיוו אבער ס'העלפט נישט בעסער פארשטיין.

קאווע טרינקער האט געשריבן:

מאראנצןזאפט האט געשריבן:אויך קאווע זאגט אזוי: באמת וויל יעדער אראפגיין פון וועג נאר דער לאזער האט פשוט א משוגענעם טאטן האט ער זיך דאס געקענט ערלויבן...

כ'האב עס נישט געזאגט. אפשר געטראכט.

כ'האב סתם גענוצט דיינע ווערטער צו צייגן אז דער שמועס איז נישט צו ס'איז גורם אדער נאר א תירוץ.
די חברה געבן נישט אן קיין איינע פון די צוויי אפציעס נאר כאילו מיר זענען מענטשן פרעסער.

אין אנדערע נייעס, ס'לעבעדיג דא דער עולם פאסט, כ'האב געוויסט ס'קומט א וועלט מלחמה.

כ'פארשטיי נישט די דראנג צו באצייכענען איינער מיט א "משוגענען" טאטע אלס א לאזער. אויב עפעס איז דער יעניגער א געווינער פארן זיך ארויסזעהן פון א געזעלשאפט וואס לוזער אדער סוקסעס איז געמאסטן לויט די עלטערען'ס קלאסס אין סאסייעטי.

כ'האב נישט פארלאנגט פון יעדען וואס האט א משוגענע טאטע צו גיין אראפ פון וועג.
אבער אז מ'פרעגט דיר דיין עבר, ביטע פארציילט דאס גאנצע מעשה, וזהו.

יואליש האט געשריבן:כ'פארשטיי נישט די דראנג צו באצייכענען איינער מיט א "משוגענען" טאטע אלס א לאזער. אויב עפעס איז דער יעניגער א געווינער פארן זיך ארויסזעהן פון א געזעלשאפט וואס לוזער אדער סוקסעס איז געמאסטן לויט די עלטערען'ס קלאסס אין סאסייעטי.

לאזער איז א נאמען.