קאווע שטיבל

איך קען נישט דעם איד, מיטן עפענען אן אשכול בשמו, וועלן די וואס ווייסען מער קומען און מעיר זיין איבער דעם איד.
אבער כדי די אשכול זאל נישט פארשפארט ווערן מיטן אויסרייד אז די תגובה האט נישט קיין תוכן, וועל איך ברענגן די נייעס איבער זיין נסיעה קיין טאהש.
http://ladaat.info/article.aspx?artid=6501

טאשע רבי פלעגט אייביג גיים אן א היט אדער סאיז נאר לעצטענס??

ער פלעגט אלץ גייט מיט אן הוט, נאר לעצטענס טוט מען אים אויס די הוט, והבן כי קצרתי.
צוריק צום ענין.

פון דעם בלאט קוקט אויס אז ער איז פון די סארט וואס דו גלייכסט...

זעהט מיר אויס ווי ס'ווערט (מלשון שוה) אן אשכול פאר הרב שניצלער...
בנוגע הרב שטיינער, לאנג צוריק האב איך געהערט זאגן אז ער איז א גרויסע עובד..
כ'וואלט געוואלט וויסן מער איבער אים. קיינער ווייסט נישט?

איך האב אים שוין כמה פעמים געטראפן דאווענען ביי א שמחה, ער לייגט אראפ אן עבודה כחד מקמאי, ברענט פארן באשעפער.
איך ווייס נישט צופיל מער פון דעם.
וואו איז מאראנצןזאפט? אפשר האלט ער אינמיטן שרייבן אן ארטיקל?

איך געדענק איהם ווען ער האט נאך געדאוונט אין וויזשניץ און ער האט און ער האט זיך געווארפן און גערעדט ווערטער אין מיטן דאווענען ווי משיח זאל קומען וכדו' און עס איז מיר געבליבן איינגעקריצט אין זכרון, יא ער איז א הייליגע יוד, כידוע איז ער אויך פון די מורדים

איך מיין איר האט א טעות, ער איז נישט געווען פון די מורדים.

איך דענק אז יא

קען מיך איינער מסביר זיין וואס דא גייט פאר אין וועם האט מען מורד געווען?

אה ווי אלט זענט איר? כ'האב פונקט געקלערט מיינע אייניקלעך וועלן מיר פרעגן זיידי געדענקסט די מעשה פון לייבי מושל'ע נחמן גלויבער וכו' די אלע קאודס, די זעלבע זאך "מורדים" איז א אלטע קאוד פון אמאל

ווען מען רעדט פון די וויזניצע מורדים מיינט מען די וואס האבן מורד געווען אין די אמרי חיים נאכדעם וואס ער האט אויפגענומען זיין זוהן כ'ק בעל ישועות משה זצ'ל אלץ ראש הישיבה.

קאווע טרינקער האט געשריבן:זעהט מיר אויס ווי ס'ווערט (מלשון שוה) אן אשכול פאר הרב שניצלער...
בנוגע הרב שטיינער, לאנג צוריק האב איך געהערט זאגן אז ער איז א גרויסע עובד..
כ'וואלט געוואלט וויסן מער איבער אים. קיינער ווייסט נישט?

קענסט אים טרעפן אויף פעיסבוק, איך האב א שטיק צייט צוריק געהאט מיט אים א טעלעפאן געשפרעך, זייער צוגעלאזן און פארשטענדליך.
ער וואוינט היינט אין פלארידע, ער איז א ירא וחרד לדבר ה'. ער פלעגט האבן א טעגליכן שיעור מיט זיין פאטער ע"ה פאר 2 שעה יעדן פארטאגס.
ער האט געהאט פארשידענע מעברים אין זיין לעבן וואס איך בין נישט אזוי באקאנט.

מורדים איז דער טיטל וויאזוי מען רופט זיי אין אמעריקע, די אריגיענעלע נאמען איז "נדחים".

שמעקעדיג האט געשריבן:איך האב אים שוין כמה פעמים געטראפן דאווענען ביי א שמחה, ער לייגט אראפ אן עבודה כחד מקמאי, ברענט פארן באשעפער.
איך ווייס נישט צופיל מער פון דעם.
וואו איז מאראנצןזאפט? אפשר האלט ער אינמיטן שרייבן אן ארטיקל?

ער איז א זון פון ר' יוסף אלי שטיינער דומ"ץ קהל עדת יראים וויען. ווי די זאגסט ער לייגט אראפ אן עבודה ביים דאווענען וואס מען זעט כמעט נישט.
בשנות הנו"ן האט מען כסדר געזען זיין חתימה מיט די רבנים וואס האבן באקעמפט דעם דיסטריקט און נאך פירצות בשעתו, די לעצטע 10 יאר האט מען זעלטן פון אים געהערט בעניני סאטמאר.

איך מיין ער איז א שטיף זין פונעם וויענע דיין.

געהערט פון א איד וואס האט געלערנט מיט אים אין ישיבה אז אלץ בחור פלעגט ער דאווענען מיט אזא התלהבות און מיט אזוילכע קולות, אז די בחורים האבן אים אמאל צוגעבונדן פאר עטליכע שעה צו א בענקל כדי ער זאל אויפהערן, וכן נוהגין.

ממש אזוי?
כנראה אז ס'האט נישט געהאלפן.

וואו איז ער אן איידעם?

איך מיין ער איז אן איידים ביי לעפקאוויטש, ער איז א שוואגער מיט ר' משה לעפקאוויטש פון מאנסי,( כפרות)

לאליפאפ האט געשריבן:געהערט פון א איד וואס האט געלערנט מיט אים אין ישיבה אז אלץ בחור פלעגט ער דאווענען מיט אזא התלהבות און מיט אזוילכע קולות, אז די בחורים האבן אים אמאל צוגעבונדן פאר עטליכע שעה צו א בענקל כדי ער זאל אויפהערן, וכן נוהגין.

הרה"צ ר' מרדכי האט א שוהל אין מאנסי ס'הייסט בית מרדכי, אונטערסאנט איז אז ער דאווענט כמעט נישט אויף זיין פלאץ, בעסער געזאגט אויפן פלאץ וואס מ'האט אים געלייגט אן עמוד... ער דאווענט געווענדליך ביים שאנק אויף מעריב ביי דרום פון זיין שוהל, רבי מרדכי דאווענט מיט בהשתפכות הנפש, בכיות נוראות, מלא תחנונים, ווי אויבן דערמאנט הערט מען פון אים כסדר קרעכצן "אוי באשעפער העלף" "הייליגער טאטע" "ווי איז משיח?!" ועוד.

די לעצטע פאר יאר האבן זיך אסאך אידן צוגעטשעפט צו אים אן זיי דערציילן (אז דו פרעגסט..) גרויסע זאכן וואס מ'זעהט ביי אים.

נאך אינטערעסאנטער איז, אז טייל פון די וואס האבן זיך צוגעכאפט צו אים זענען דוקא אזעלכע וואס ווערן אין אונזער ציבור אנגערופן "שוואכע" אדער "דראפאוטס". און דוקא דער כניאק איז זיי געפאלן.

איך זע אויך אסאך מאל אין שול אזעלכע מינע חברותות איך קען נישט טראכטען ווער עס האט זיי צאמגעשטעלט