צוריק צום קעפל:
עליאט שפיטצער, זעהנדיג ווי ענטאני ווינער איז צוריק אריינגעטאנצן אין פאליטיק, האט ער גענומען די קוראזש און געמאלדן אז ער שפרינגט אויך אריין צוריק אין פאליטיק, און וועט לויפן פאר ניו יארק סיטי קאמפטראלער נאכדעם וואס דער איצטיגער קאמפטראלער דזשאן לו לויפט פאר מעיאר פרובירענדיג איבערצונעמען מייקל בלומבערג (טאמער ער וועט נישט לויפן פאר א פערדע טורם..)
נו איז וואס? ווער איז דאס דער שפיטצער? וואספארא חסיד איז ער? שטייטעלעך...
- Eliot_Spitzer.jpg (73.67 KiB) געזען געווארן 2051 מאל
עליאט שפיטצער איז געבוירן אום יוני 10, 1959, צו זיינע עלטערן בערנארד און עננע שפיטצער, אין די בראנקס ניו יארק, זיינע זיידעס זענען געווען אידן פון גאליציע, עליאט, די אינגסטע פון דריי איז נישט אויפגעוואקסן אידישליך, און נישט געהאט קיין בר מצוה, געלערענט האט ער אין פרינסעטאן יונעווערסעטי און אין הארווערד יונערווערסעטי. אין יארע 1987 זייענדיג אלט 28 יאר האט ער חתונה געהאט מיט זיין ווייב סילדע וואל שפיטצער, (עלטער געווען ווי אים מיט צוויי יאר). און האבן דריי טעכטער.
עליאט איז געווארן א לויער, קודם געארבייט אין א פירמע אין מאנהעטאן בערך צוויי יאר, און אריבער ארבייטן פארן מאנהעטאן עטארני דזשענעראל, ער איז באוויסט געווען ווען ער איז געווען אינוואלווד אין אפשטעלן געוויסע גאמבינא מאפיא קרימינאלן אין 1992.
דערנאך איז ער צוריק אריין אין לויער'ס פירמע'ס.
אין 1994 איז שפיטצער געלאפן פאר עטארני דזשענעראל, און פרובירט צו קריגן די נאמינאציע אינעם דעמעקראטישן פארטיי אבער אן ערפאלג, און שפיטצער האט נישט געקענט לויפן ביי די דזשענעראל עלעקשאן. אבער צוליב דעם וואס א ריפאבליקאנער האט געווינען איז שפיטצער נאכאמאל געלאפן פיר יאר שפעטער און געווינען, ווערענדיג דער 63'סטער עטארני גענעראל אין ניו יארק, א פאזיציע וואס ער האט אנגעהאלטן פאר 8 יאר ביז ער איז געלאפן און געווינען די 2006 וואלן צו ווערן גאווערנער אוו ניו יארק .
אלס עטארני דזשענעראל איז שפיטצער באקאנט געווען אלס גאר שטרענגער און שטייפער מענטש, זיך געשלאגן מיט די וואל סטריט מאגנאטן, אנדערשט ווי רוב עטארני גענעראלן וואס נעמען נאר קער פון לאקאלע אישוס און קאנסומער רייטס, האט שפיטצער אויך קער גענומען פון ווייסע-קאלער קריים, אינטערנעט שווינדלן, סעקיוריטיס שווינדלן און אינווייערמענטאל פראטעקשאן.
שפיטצער האט זיך אויךאריינגעמישט אין די באקאנטע ענראן קעיס, ווי ער האט אייגענטליך געניצט א גאר אלטע געזעץ אים צו געבן רעכטן צו ווערן פארמישט.
סוף 2004 האט שפיטצער געמאלדן אז ער לויפט פאר גאווערנער, אנפאנג 2006 האט ער אויפגענומען דעם בלינדן דאן ניו יארק סטעיט סענאט מענארעטי לידער (און שפעטערדיגן גאווערנער) דעוויד פעטטערסאן אלס זיין מיטלויפער און לויעטענענט גאווערנער.
סוף 2006 האט ער שוין געמאלדן אז ער וועט לעגאלייזן געי מערידזש..
אין נאוועמבער 7 האט ער געווינען! ווערענדיג דער 54'סטער גאווערנער אין ניו יארק, איבערנעמענדיג גאווערנער דזשאורדזש פאטאקי (אן אנגערישער...).
איינע פון זיינע סקאנדאלן איז געווען ווען ער האט געהייסן זיין ממלא מקום עטארני גענעראל ענדרו קאומאו (היינטיגער גאווערנער) נאכצוקוקן סטעיט מעדזשאראטי לידער דזשאוסעף ברונא (וואס אגב איז געווען זיעער אקעגן געי מערידזש) ווען ער איז געווען אין ניו יארק, ניצענדיג סטעיט פאליציי דערפאר. און ער האט זיך שטארק אנטשולדיגט דערפאר.
נאך א סקאנדאל וואס ער איז אדורך, איז געבן דרייווערס לייסענס פאר אומעדענטעפעצירטע אימיגראנטן. נאכדעם וואס די סטעיט סענאט האט דאס אנידערגעשטימט האט ער ריווייזט זיין פלאן.
אין מארטש 10 2008 האט דער ניו יארק טיימס געבראכן די נייעס אז דער גאווערנער איז געווען פארמישט אין פראסטעטושאן, ווי שפיטצער האט געצאלט בערך 80 אלפים אין אפאר יאר ניצענדיג א גאר טייערע סערוויס אינטערן נאמען 'קלייענט ניין'.
צוויי טאג שפעטער האט שפיטצער אויפגעטרעטן מיט זיין רעזיגנאציע דרשה, אינדערצייט וואס זיין ווייב פאר איבער 21 יאר איז געשטאנען נעבן אים.
שפיטצער האט געזאגט אז זיין פרעזענדליכע דורכפאל קען נישט אפעקטירן די מענטשן'ס ארבייט, איבער די יארן פון מיין פאבליק לעבן האב איך אייביג געהאלטן, און כ'גלייב אזוי אז מענטשן דארפן נעמען אחריות אויף זייערע שלעכטע זאכן, דעריבער רעזעגניר איך אין 5 טעג. אין לויטענענט גאווערנער דעוויד פעטטערסאן איז געווארן גאווערנער.
פרוי קריסטין דעוויס, איז געזיצן 4 חדשים זייענדיג אינוואלווד אינעם סקאנדאל. (זייענדיג דער שדכן...)
אין מעי 31 2013 האט ער זיך צוטיילט פון זיין ווייב.
נעכטן יולי דעם זיבעטן האט שפיטצער געמאלדן אז ער לויפט פאר ניו יארק סיטי קאמפטראלער, און גייט אנהייבן צאמצונעמען אינטערשריפטן דערפאר, ער מיז אויפקומען מיט 3,750 אינטערשריפטן ביז יולי 11.
שפיצטער זאגט אז ער בעהט און האפט אז די ניו יארקע וועלן אים פארגעבן און דערלאנגן א צווייטע שאנס נאכן האבן אזא גוטע רעקארד אלס עטארני גענעראל. 'די ניו יארקע זענען פארגעבערס, גוטע מענטשן, כ'האף נאר אז מ'וועט מיר אזוי ווייט פארגעבן'
שפיטצער לויפט בעיקר קעגן דעם שוין כמעט פארזיכערטער געווינער סקאט סטרינגער, דער מאנהעטאן בארא פרעזידענט, וואס האט שוין אריבער דריי אהאלב מיליאן דאלער אינעם קאמפיין קאסע, סטרינגער האט היינט געזאגט אז שפיטצער זיכט צו קויפן א פאזיציע מיט די רייכע פאמיליע געלטער..
אינטערסאנט איז נאך, אז קריסטין דעוויס וואס איז געזיצן וועגן זיין סקאנדאל לויפט אויך פאר דעם פאזיציע אויפן ליביטעריען פארטיי (זי איז שוין געלאפן און פארלוירן אין 2010 פאר גאווערנער...). און זי האט שוין טאקע היינט געשריגן אז זי וועט האלטן אין איין ארויפברענגן שפיטצער'ס סקאנדאל ... 'איך האב געטוהן שלעכטס און באצאלט דערפאר, איך האב סערווירט צייט אין טורמע, ער נישט! ס'נישטא קיין אנדערע געזעצן פאר ערוועלטע מענטשן ווי פאר ציווילע בירגער...'.
(כאשוין נישט קיין נערווען צו שרייבן נאך...)