בלאט 1 פון 2

מיר זענען אלע מאדנע

נשלח: דאנערשטאג אוגוסט 29, 2013 1:14 am
דורך הוגה
[justify]אסאך מאל מאכט זיך אז מען האט קריטיק אויף איינעם און מען שרייט יענעם אן ברבים אדער מען מאכט חוזק, אבער פאר די צושויער קומט עס פאר גאר קאמיש היות די שרייער פארמאגט די זעלבע פעלער. א שטייגער ווי ווען א חסיד וועט אויסלאכן די אמיש געמיינדע ווייל זיי זעהן אויס מאדנע און זיי טוען מאדנע מנהגים.

ווען מען האלט מיט אזא סארט פאסירונג גיבט עס אונז א wake up call אז מיר דארפן זיך אליינס בודק זיין. וויפיל מאל שפעטן מיר פון אנדערע בשעת ווען אין די אויגן פון פרעמדע זענען מיר אליין גאר נישט אנדערש. דער התעוררות האב איך באקומען ווען איך האב געליינט די פאלגענדע.

נתן סליפקין האט היינט געשריבן א קורצע אבער געוואלדיגע בלאג ענטרי. די ארטיקל האט זיך באצויגן צו אן ארטיקל אין די משפחה מאגאזין פון דעם פארגאנגענע וואך, איבער די פרויען פון די כת השאלים וואס לויט זייערע נומערן ציילן זיך צו 400 פרויען אין ארץ ישראל אליין.

סליפקין שרייבט אז די משפחה האט - אנדערש ווי געווענטליך - פרובירט זיך צו האלטן אביעקטיוו, און האבן געשריבן אז די פרויען האלטן אז ע"פ גדרי והלכות צניעות דארף מען טראגן קליידער וואס באהאלטן די גאנצע פארם פון די גוף (ולמקצת מהם אפילו די פארם פון די קאפ און פנים). ביים סוף פון די ארטיקל האבן זיי גע'טענה'ט אז די פרויען טוען דאך דאס מחמת צניעות, טראץ דעם וואס ס'נישט פארלאנגט על פי הלכה, און דערווייל טוט דאך זייער מאדנע קליידונג ציען מער אויפמערקזאמקייט פון מענטשן אין די גאס ווי א פרוי מיט געהעריגע קליידער.

סליפקין מערקט אן אז אין די גאנצע ארטיקל ברענגט די משפחה נישט אראפ קיין איין בילד פון די פרויען, נאר אנשטאט דעם האבן זיי געלייגט בילדער פון א דאלי מיט א בורקע. דערנאך ברענגט ער אראפ א שיינע בריוו וואס א באקאנטע זיינע האט די וואך געשריבן צום משפחה:

Dear Editor, Thank you for reporting about women who misguidedly wear burka-type garments to cover over their form. They mistakenly believe that they can only be seen by others if they are totally covered. However it is interesting that Mishpocha Magazine goes further and feels that even fully covered they cannot be seen and hence no pictures of them in the article about them. Sincerely, Noson Yanofsky


סליפקין פירט אויס ווי פאלגענד: אין א קולטור ווי עס איז אסור צו לייגן בילדער פון פרויען, איז עס בכלל נישט קיין חידוש אז פרויען טוען זיך אן בורקעס. און אויב קען מען שוין נישט לייגן אפילו בילדער פון פרויען מיט בורקעס, דאן די נאטירליכע רעזולטאט איז אז די פרויען וועלן זיך אונטער נעמען (און באצווינגען אנדערע) נישט ארויס צו גיין אין גאס!

וואס איך האב ארויס גענומען פון דער ארטיקל איז אזוי. די זעלבע מענטשן וואס לאכן אויס און קריטיקירן די שאלים פרויען, ווערן אליינס אויסגעלאכט פארן טראגן שפיצלעך און bullet proof שטרימפ מיט סיעמס, פארן הענגן מאדנע פראוואקיטיווע פלאקאטן אויף זייערע געשעפטן איבער ווי אזוי מען מעג גיין געקליידעט, איבער די אומפארשטענדליכע איסור פון פרויען דרייווען, און איבער פרויען וואס ווערן פארוואנדלט אין מענער. און בעצם די אלע וואס לאכן פון דער סארט פרומענישן ווערן אויסגעלאכט פון די נעקסטע דרגא אידן איבער זייערע משוגעת'ן.

די נקודה איז, ווייל עס זעהט אויס מאדנע, עקזאטיש, און צודרייט אין דיינע אויגן מיינט נאך נישט אז דו דארפסט עס אפשפעטן, ווייל דיין התנהגות זעהט אויס פונקט אזוי מאדנע, עקזאטיש און צודרייט אין די אויגן פון אנדערע. (פארשטייט זיך אז ווען מען צווינגט ארויף די אייגענע משוגעת'ן אויף אנדערע איז א צווייטע מעשה.)

דאס האט מיר דערמאנט פון אן אנדערע ארטיקל וואס סליפקין האט געשריבן אפאר וואכן צוריק.

ער איז געווען אין די אפריקאנער דזשאנגעל, און ער פארציילט ווי אזוי ער איז אויפגעשטאנען גאר פרי פארטאגס און ער איז ארויס פון די האטעל און ער האט געזעהן עטליכע גאר אינטערעסאנטע עקזאטישע בעלי חיים זיך דרייען פארנט פון די האטעל. די עקזאטישע בע"ח האבן אים אזוי איבערגענומען און באוואונדערט, און ער האט געכאפט בילדער.

שפעטער אביסל האבן זיי זיך געשטעלט דאווענען אין די לאבי פון די האטעל מיט טלית ותפילין. פלוצלינג באמערקט ווי עטליכע אפריקאנער ארבייטער אינעם האטעל שטייען און קוקן זיי אן מיט גרויסע אויגן, כאילו זיי וואלטן געווען aliens. איינער איז אפילו געלאפן ברענגן א קעמערא צו כאפן בילדער פון זיי. פאר די אפריקאנער האט די פשוט'ע מאדערנע איד מיט פשוט'ע טלית ותפילין אויסגעזעהן מער עקזאטיש ווי די זעברא און די ווייסע מאנקיס וועלכער האבן ארום שפאצירט פארנט פון די האטעל.

איך וועל צו ענדיגן מיט א מעשה. ר' אברהם גאלדשטיין האט פארציילט אז איינער פון זיינע גרים וואס ער האט אריינגעשטעלט אין א היימישע קהלה איז געגאנגן אנגעטון מיט מאדנע קליידער. די מנהלי הקהלה האבן אנגערופן אברהם אז ס'שטערט זיי. האט ר' אברהם אנגערופן זיין חבר און ער פרעגט אים וואס גייט פאר מיט זיינע קליידער. פרעגט די חבר צוריק "איז עס נישט אויסגעהאלטן ע"פ הלכה"? זאגט אברהם אז ס'איז אקעי אבער די חסידישע אידן קוקן עס אן פאני. זאגט די חבר צוריק, "זיי קוקן מיר אן פאני? זיי גייען מיט גראסערי זעקלעך אויפ'ן קאפ ווען עס רעגנט!"

היוצא לנו מכל זה, אויב האלטן מיר זיך אויפגעקלערט און מיר טאלערירן אלעס מוזן מיר טאלערירן די אכשר דרא'ניקעס אויך. אז ס'פאני לאכט מען אבער מען דארף זיי קענען טאלערירן.

נ. ב. כ'רעד צו מיר אליינס.






.[/justify]

נשלח: דאנערשטאג אוגוסט 29, 2013 1:43 am
דורך ידען
רעטסט נישט צו דיר אליינס.

עט ליעסט צוויי מענטשען האבען נישט נאר געלייענט נאר אויך הנאה געהאט און געלייקט דיך.

נשלח: דאנערשטאג אוגוסט 29, 2013 2:06 am
דורך קאווע טרינקער
זייער שיין...
איך פיל מיך אביסל אנגעפראסקעט מיט מיין מאדנע אויסזעהן.. כדי צו קאלט מאכן די היץ, מ'דארף מחלק זיין צווישען מאדנע מצד החידוש שבו, פון א מאדנע זאך מצד הזאך גופא. און דאס וואס מ'לאכט נישט איז פשוט מחמת הרגל, אבער מאדנע בלייבט עס.

נשלח: דאנערשטאג אוגוסט 29, 2013 6:13 am
דורך נהורא נפישא
ווען מיר זענען געגאנגען אין א חול המועד צו די אמיש האט זיך געטאן מ'האט נישט געוויסט ווער ס'געקומען קוקן וועם

נשלח: דאנערשטאג אוגוסט 29, 2013 9:09 am
דורך outspoken
דערמאנט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אנגעטון שיינע COVA היטן, איין קאלעגע מיינער איז געגאנגען מיט א אלטע ...(כ'וועל נישט זאגען די נאמען) היט, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט יענעמס היט, און זאגט אז ער א FAN פון איינער אין די 60'גער יארן וואס האט געטראגען אן ענדליכע היט. דערנאך זאגט ער אונז YOUR HAT IS HARD LIKE A ROCK , HOW DO YOU WEAR IT.
זייט דעמאלטס טו איך מיר נישט אן מיין 'שמחה' הוט ביי גוי'אישע מיטינגס, מ'פיצט אויס די אלטע, און מ'בעט די באשעפער 'הצלחה'.

נשלח: דאנערשטאג אוגוסט 29, 2013 9:21 am
דורך דעת תורה
קאווע טרינקער האט געשריבן:זייער שיין...
איך פיל מיך אביסל אנגעפראסקעט מיט מיין מאדנע אויסזעהן.. כדי צו קאלט מאכן די היץ, מ'דארף מחלק זיין צווישען מאדנע מצד החידוש שבו, פון א מאדנע זאך מצד הזאך גופא. און דאס וואס מ'לאכט נישט איז פשוט מחמת הרגל, אבער מאדנע בלייבט עס.


עס איז אוודאי לכאורה נישט אמת, יעדע זאך איז מאדנע, ווייל עס איז נישט די נארמע - נארמאל. מאדנע איז נישט קיין זאך בפני עצמו, מאדנע איז רעלאטיוו.

נשלח: דאנערשטאג אוגוסט 29, 2013 10:16 am
דורך יידל
outspoken האט געשריבן:דערמאנט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אנגעטון שיינע COVA היטן, איין קאלעגע מיינער איז געגאנגען מיט א אלטע ...(כ'וועל נישט זאגען די נאמען) היט, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט יענעמס היט, און זאגט אז ער א FAN פון איינער אין די 60'גער יארן וואס האט געטראגען אן ענדליכע היט. דערנאך זאגט ער אונז YOUR HAT IS HARD LIKE A ROCK , HOW DO YOU WEAR IT.
זייט דעמאלטס טו איך מיר נישט אן מיין 'שמחה' הוט ביי גוי'אישע מיטינגס, מ'פיצט אויס די אלטע, און מ'בעט די באשעפער 'הצלחה'.

דערמאנסט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אלע געפיצט די ציין, איין קאלעגע מיינער איז געגאנגען אן פוצן די ציין און פון זיין מויל איז געגאנגען א געפערליכן קנאבל גערוך, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט זיין גוטן טעיסט אין עסן, און זאגט אז ער איז א FAN פון קנאבלדיגע עסן און ער גלייכט עס זייער. דערנאך זאגט ער אונז HOW COME YOU ALL DON'T SHARE HIS AFFINITY FOR GARLIC?
זייט דעמאלטס פוץ איך נישט מיין ציין בעפאר גוי'אישע מיטינג, מ'שווענקט זיך אויס די מויל, און מ'בעט די באשעפער 'הצלחה'.

נשלח: דאנערשטאג אוגוסט 29, 2013 10:29 am
דורך געפילטע פיש
וגעפילטע עומד ומשתאה, וואס זוכט א הוט ביי א מיטינג?

נשלח: דאנערשטאג אוגוסט 29, 2013 11:04 am
דורך גאנצל
ס'דערמאנט מיך ווען איך בין געווען אמאל אין א גרויסע פארק און געזען אין א זייט אפאר גוים כ'ווייס נישט וועלכע רעליגיע שטייען אין די זייט שפרייטן אויס האנטוכער צו וואס און זיי בוקען זיך דארט און פלאפלען עפעס דארט

זאג איך פאר מיין ווייב "קוק אן ווי אינטערסאנט ווען ער טוט עס קוק איך אים אן פאני און ווען איך דאוון אין די זייט מנחה להבדיל קוקט ער מיר אן פאני"

נשלח: דאנערשטאג אוגוסט 29, 2013 11:21 am
דורך שמעקעדיג
דא האט איינער געהאט א חתימה, קורץ און שארף, וואס טוט סאמערייזן הוגה'ס לאנגע ארטיקל:
"בעסער פון מיר איז א פרומאק, ווייניגער פון מיר איז א שגץ". ודפח"ח.

נשלח: דאנערשטאג אוגוסט 29, 2013 12:44 pm
דורך outspoken
יידל האט געשריבן:
outspoken האט געשריבן:דערמאנט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אנגעטון שיינע COVA היטן, איין קאלעגע מיינער איז געגאנגען מיט א אלטע ...(כ'וועל נישט זאגען די נאמען) היט, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט יענעמס היט, און זאגט אז ער א FAN פון איינער אין די 60'גער יארן וואס האט געטראגען אן ענדליכע היט. דערנאך זאגט ער אונז YOUR HAT IS HARD LIKE A ROCK , HOW DO YOU WEAR IT.
זייט דעמאלטס טו איך מיר נישט אן מיין 'שמחה' הוט ביי גוי'אישע מיטינגס, מ'פיצט אויס די אלטע, און מ'בעט די באשעפער 'הצלחה'.

דערמאנסט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אלע געפיצט די ציין, איין קאלעגע מיינער איז געגאנגען אן פוצן די ציין און פון זיין מויל איז געגאנגען א געפערליכן קנאבל גערוך, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט זיין גוטן טעיסט אין עסן, און זאגט אז ער איז א FAN פון קנאבלדיגע עסן און ער גלייכט עס זייער. דערנאך זאגט ער אונז HOW COME YOU ALL DON'T SHARE HIS AFFINITY FOR GARLIC?
זייט דעמאלטס פוץ איך נישט מיין ציין בעפאר גוי'אישע מיטינג, מ'שווענקט זיך אויס די מויל, און מ'בעט די באשעפער 'הצלחה'.


יידל, אוי מאכסטו מיר לאכען...

ס'דאך א נפק''מ צו מ'שטינקט אדער מ'גייט נישט מיט די היט ארויפגעבויגען ווי אינזער בעסערע ... גייען.

נשלח: דאנערשטאג אוגוסט 29, 2013 2:33 pm
דורך גיבור
עס דערמאנט מיר איינער האט אמאל געזאגט אז ווען ער גייט אין מאנהעטן און זעט שיינע באפוצטע יונגעלייט מיט אפענע רעקלעך וכו' וכו'
און מיינען אז די גוי קוקט ארויף אויף עם ס'הייסט ער איז נישט סתם ער גייט מיט א אפענע רעקל
וויל ער צוגיין עם פרעגן : אז די זעסט א גאנצע גרופע פון אראבער גייען מיט די נייט גאונ'ס און שלאף קאפלעך און די זעסט איינעם גיין מיט א אפענע נאכט העמד
וועסטו ארויפקוקען אויף עם ?
פסססי א פעסטער אראבער !

נשלח: דאנערשטאג אוגוסט 29, 2013 2:35 pm
דורך זר זהב
עקזעקטלי. אבער יענער באקאנטער עסקן הערט נישט אויף צו לייגן דיפעראידו אויף זיינע פיאות

נשלח: דאנערשטאג אוגוסט 29, 2013 2:58 pm
דורך סאשי פיש
[tag]זר זהב[/tag] דו זוכסט דיך?!!
פאריגע מאל האט מען געמעקט ווען דו האסט חוזק געמאכט פון די עסקן..... :lol: :lol: :lol: :lol:
viewtopic.php?f=3&t=4168&p=131685#p131685
viewtopic.php?f=3&t=4168&p=131703#p131703

נשלח: דאנערשטאג אוגוסט 29, 2013 3:42 pm
דורך ממרום שלח אש
[tag]הוגה[/tag]

גוט ארויסגעברענגט, (אייגענטליך סליפקין).

דערמאנט מיר מיין טענה אויף די וויי יו חברה, וואס זענען פערפעקטלי באקוועם אפצושניידן א שטיקל פון א לעבעדיגען ניי געבוירן קינד, אבער ווערן היסטעריש אז די חסידים ווילן ארויסזויגן אביסל בלוט מיטן מויל. זיי פארשטייען נישט די בארבאריזם...

נשלח: דאנערשטאג אוגוסט 29, 2013 4:03 pm
דורך בענדזשאמין פרענקלין
ס'איז דאך ממש גענוי די זעלבע זאך, ווייל כידוע שניידט מען אראפ דעם שטיקל ווייל צוויי טויזענט יאר צוריק האט מען געהאלטען אז עס איז געזונט פאר די צירקאלאציע פונעם בלוט.
קאם אן ממרום

נשלח: דאנערשטאג אוגוסט 29, 2013 4:10 pm
דורך טאמבל סאס

נשלח: דאנערשטאג אוגוסט 29, 2013 5:21 pm
דורך outspoken
די רמב''ם זאגט א טעם פאר מילה ''להחליש את כח התאווה''.

נשלח: דאנערשטאג אוגוסט 29, 2013 7:15 pm
דורך הוגה
ממרום שלח אש האט געשריבן:דערמאנט מיר מיין טענה אויף די וויי יו חברה, וואס זענען פערפעקטלי באקוועם אפצושניידן א שטיקל פון א לעבעדיגען ניי געבוירן קינד, אבער ווערן היסטעריש אז די חסידים ווילן ארויסזויגן אביסל בלוט מיטן מויל. זיי פארשטייען נישט די בארבאריזם...


כ׳זעה אז די עולם האט גוט פארשטאנען די נושא, אבער די קונץ איז צו נוצן דער איידיע זיך צו דזשאדזשען און נישט אנדערע.

בנוגע דיין צושטעל, דו מיזט מודה זיין אז ס׳נישט קיין דמיון פון מילה וואס איז בכלל נישט קיין סכנה פארן קינד און מב״פ וואס איז לשיטתם א גרויסע סכנה און איז אויך נישט מחויב ע״פ תורה. אויב איז עפעס א צושטעל איז עס מצד אז מען נעמט אוועק די בחירה פונעם קינד, אבער דאס האט שוין די באשעפער געטון, משא״כ מב״פ וואס איז מען מעיד לויט אסאך שיטות. איך האב שוין געשריבן אויבן אז ווען איינער איז מזיק א צווייטע איז די גאנצע ענין זיכער נישט שייך.

נשלח: דאנערשטאג אוגוסט 29, 2013 8:23 pm
דורך berlbalaguleh
געפילטע פיש האט געשריבן:וגעפילטע עומד ומשתאה, וואס זוכט א הוט ביי א מיטינג?

גערעכט. אפילו אין בית המדרש גייט מען נישט מיט קיין היט. (מקינות הרב ישראל מ. סופר שליט"א?( :lol:

נשלח: דאנערשטאג אוגוסט 29, 2013 11:10 pm
דורך איינער
יידל האט געשריבן:
outspoken האט געשריבן:דערמאנט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אנגעטון שיינע COVA היטן, איין קאלעגע מיינער איז געגאנגען מיט א אלטע ...(כ'וועל נישט זאגען די נאמען) היט, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט יענעמס היט, און זאגט אז ער א FAN פון איינער אין די 60'גער יארן וואס האט געטראגען אן ענדליכע היט. דערנאך זאגט ער אונז YOUR HAT IS HARD LIKE A ROCK , HOW DO YOU WEAR IT.
זייט דעמאלטס טו איך מיר נישט אן מיין 'שמחה' הוט ביי גוי'אישע מיטינגס, מ'פיצט אויס די אלטע, און מ'בעט די באשעפער 'הצלחה'.

דערמאנסט מיר ווען מיר זענען געגאנגען צו א גרויסע ביזנעס מיטינג, פארשטייט זיך אז מיר האבן זיך אלע געפיצט די ציין, איין קאלעגע מיינער איז געגאנגען אן פוצן די ציין און פון זיין מויל איז געגאנגען א געפערליכן קנאבל גערוך, מיר האבן זיך גערעגט, למעשה ווען מ'איז אנגעקומען צום מיטינג איז די גוי'אישער ביזנעס מאן צוגעגאנגען צו יענער אינגערמאן און געקאמפלימענט זיין גוטן טעיסט אין עסן, און זאגט אז ער איז א FAN פון קנאבלדיגע עסן און ער גלייכט עס זייער. דערנאך זאגט ער אונז HOW COME YOU ALL DON'T SHARE HIS AFFINITY FOR GARLIC?
זייט דעמאלטס פוץ איך נישט מיין ציין בעפאר גוי'אישע מיטינג, מ'שווענקט זיך אויס די מויל, און מ'בעט די באשעפער 'הצלחה'.


אונזערע שיינע סטייל הוטן האט זיך דעוועלעפט ביי אונז, די אלטע ווייכע סטייל איז דער סטייל וואס די גוים זענען אמאל געגאנגען.

נשלח: דאנערשטאג אוגוסט 29, 2013 11:26 pm
דורך קאווע טרינקער
די פראבלעם מיט אונזער הוטען - און נאך אלע אנדערע משוגעת'ן - איז, אז קיינער קיינער, אפילו פון אונז, ווייסט נישט פארוואס מ'גייט אזוי.

פארוואס דארף מען גיין מיט א הוט אויף די גאס? ווייל די גוים זענען אמאל אזוי געגאנגען?
פארוואס דארף מען גיין מיט א וויידל הוט (שטריימל) שבת? ווייל ס'איז אמאל געווען א גזירה פון די גוים ?

מאדנע. ביג טיים.

נשלח: פרייטאג אוגוסט 30, 2013 5:05 am
דורך שליח
סליפקין פארשטייט טאקע נישט דער חילוק צווישן אריינלייגן אין א מאגאזין (וואו ס'איז געמאכט מ'זאל קוקן) ביז גיין אויפן גאס (וואו קיין נארמאלער מענטש קוקט נישט אריין יענעם אין פנים)?

לעצם הענין, רואה אני את דברי [tag]קאווע טרינקער[/tag], מאדנע קען מיינען צוויי זאכן: אנדערש ווי 'נארמאל', וואס איז כמובן רעלאטיוו, און פרעגט יענעם בכלל נישט אפ, און ס'קען אויך מיינען לעכערליך און אפגעפרעגט. גיין אנגעטוהן מיט א זאק ווייל אזוי איז די מאמע געגאנגען (אדער סתם ווייל אזוי וויל זי) איז גארנישט ערגער ווי סיי וועלכע מאדע, גיין אנגעטוהן מיט א זאק ווייל מ'האלט אז נאר דאס הייסט צניעות'דיג איז לעכערליך אין די אויגן פון דער וואס האט גוטע טענות להיפך.