קאווע שטיבל

[justify]בשעת ווען אידן האבן געהערט גאט זאגן "ואבדיל אתכם" האבן זיי געפילט גאר special אז גאט וועט זיי אפטיילן פון אנדערע פעלקער, זיי האבן עס בכלל נישט אנגענומען אלץ א ציווי זיך מתבדל צו זיין פון די גוים און אוודאי נישט פון אנדערע אידן. עס איז אבער יא מעגליך אז ס'דא אנדערע סיבות והסברים פארוואס אידן זאלן האלטן אז זיי מוזן זיך אפשיידן פון נישט ערליכע אידן.

די סברא זאגט אז מיר מוזן זיך אפטיילן פון נישט ערליכע אידן כדי מיר זאלן נישט מושפע ווערן פון זיי. אבער די זעלבע סברא זאגט אויך אז מיר זאלן זיך דייקא יא מתחבר זיין צו רשעים כדי אז זיי זאלן נשפע ווערן פון אונז. עס איז אמת אז אויב די פרומערע געמיינדע וועלן זיין אויסגעמישט מיט די ווייניגער-פרום געמיינדע וועלן א געוויסע פראצענט פאלן צו די אנדערע צד. אבער אין די זעלבע צד וועלן א געוויסע פראצענט פון די שוואכערע אבער אויך נתחזק ווערן.

א באקאנטע ווערטל גייט אזוי. די סאטמארער רב און די ליובאביטשער רבי האבן ביידע געהאט א אומבאגרעניצטע ליבשאפט צו אידישקייט. די סאטמארער רב האט מרוב אהבתו עס פראבירט צו פראטעקטן מיט כל מיני הגבלות און self insulation. די ליובאביטשער רבי האט מרוב אהבתו עס געוואלט עפענען און מאכן accessible פאר א יעדע איינציגע איד.

מיר טרעפן די פארגאנגענע וואך אין די פרשה אז גאט האט געשטראפט יעקב מיט די פרשה פון שכם ווייל ער האט באהאלטן דינה פון עשיו, און זי וואלט אים געקענט מחזיר בתשובה זיין. וואס וויל די תורה אונז לערנען מיט דעם פרט? ווייסט דען נישט די תורה אז יעקב איז געווען בארעכטיגט צו וועלן באשוצן זיין טאכטער פון אזא בלוט-דארשטיגער מענטש ווי עשיו? נאר די תורה וויל אונז לערנען אז אפילו אזא רשע ווי עשיו דארף מען אויך מקרב זיין און נישט מרחק זיין.

איך וויל אבער גיין צו א צווייטע נקודה. נניח אז מיר מוזן אפטיילן א פרומערע געמיינדע פון א שוואכערע געמיינדע כדי אז עס זאלן נישט פארפאלן ווערן פון די "גיבורי השם" צו די "חלשים". הייסט אז קנאים זאלן זיך נישט דרייען מיט אגודיסט'ישע חסידים, וועלכע טיילן זיך פון ליטווישע, וועלכע טיילן זיך פון מאדערנע, וועלכע טיילן זיך פון מאדערן - ארטאדאקסן וכו'. וואס איז אבער בנוגע צוזאמענ-ארבייטן פון הונטער די קוליסן, אדער אין געוויסע פונקציעס וואס קען בעניפיטירן אלע. דא טרעפן מיר א גאר שטארקע היפאקרעסי.

בשעת די האלעקאוסט זענען פיר הונדערט רבנים פון אלע דינאמענאציעס אין אידישקייט צוזאמען ארויף געגאנגן קיין וואשינגטאן די סי צו שתדלן פאר הצלת יהדות אירופה. די זעלבע פיר הונדערט אידן וואלט מען קיינמאל נישט געקענט צוזאמען ברענגן צו מטכס עצה זיין וואס מען קען טון צו לינדערן די עקאנאמישע קריזיס ביים פרומע געמיינדע, אדער די tuition קריזיס אין די מוסדות התורה. ותשועה ברוב יועץ מיינט נישט צוזאם ברענגען אסאך יועצים פון די זעלבע באקס מיט די זעלבע דעה. ותשועה ברוב יועץ מיינט צוזאם ברענגען אסאך יועצים מיט אנדערע דעות, איינער קען לערנען פון דעם צווייטענ'ס עקספיריענס וואס יא אדער נישט צו טון.

אנשטאט צו נעמען אדוואנטידזש פון די ריבוי הדעות וואס עס איז פארהאנען אין כלל ישראל, שפילט מען די אלטע מסורה'דיגע בת היענה שפיל, און מען איז זיך מתבדל מיט די זעלבע רבנים און די זעלבע פראבלעמען, און מען רעדט זיך איין מען מיינט עס ערענסט, ווען בעצם זעהט עס אויס ווי גאות און היפאקרעסי.

לאמיר אייך געבן א current דוגמא. פאר אפאר וואכן צוריק האט יח"ת אויפגענומען א נייע ראש ישיבה, און לכבוד די הכתרה האבן זיי געהאט א פאנעל comprised פון ארטעדאקסישע, קאנסערוויטיווע און רעפארמער רבנים, זיי זענען געפרעגט געווארן חוו"ד בנוגע רבנות און מנהיגות. א גרויסע ויצעקו איז געהערט געווארן מצד די פרומערע רבנים היתכן מען זיצט צוזאמען מיט קאנסערוויטיווע און רעפארמער רבנים. די אגודה האט ארויסגעגעבן א שטארקע פארדאמונג אקעגן יח"ת. יענע וואך האט יונתן ראזענבלום געשריבן א לענגס און א ברייטס אקעגן יח"ת בכלל, ובפרט איבער דער פרשה.

הערטס א מעשה. פאר בערך א וואך צוריק האט די גרויסע מקנא קנאת ה' צבאות - ראביי ראזענבלום אליינס אפגעהאלטן א פאנעל מיט פירער פון אנדערע אידישע דינאמענאציעס. וואס איז פלוצלינג געשעהן? וואס איז מיט די איסור פון רבי משה ז"ל צו זיצן מיט רעפארמער? פארוואס האט אגודה נישט ארויסגעגעבן א פארדאמונג? אין זיין וועכנטליכע קאלום האט ראזענבלום די וואך זיך פראבירט צו פארענטפערן בדברי הבל, עיי"ש.

איך בין נישט קיין בלינדע חסיד פון יח"ת וחכמיה, עס זענען דא אספעקטן וואס איך פארשטיי נישט. די נקודה בין איך אבער גאר שטארק מחשיב, אז טראץ דעם וואס זיי זענען אן ארגעניזאציע וואס איז ארטאדאקסיש און משועבד לתורה והלכה כתיקונה, האבן זיי ריספעקט פאר יעדעם, און זיי זענען גרייט צו הערן פון אלע אויב עס איז דא עפעס וואס זיי קענען פארבעסערן אדער זיך אפלערנען, בבחינת "מכל" מלמדי השכלתי.

דער עפיזאד מיט יונתן ראזענבלום גייט אן אויף א יעדע level. צו איז דאס ווען סאטמארער רב האט גענוצט רבי משה שערער און די אגודה ווען עס האט אים אויסגעפעלט. אדער ווען ער האט גענוצט קאסטנער כידוע. די זעלבע איז ווען רביס נוצן מאדערנע רבנים וקהלותיהם פאר פאנדרעיזינג צוועקן, וכדומה.

אבער ווען עס קומט בנוגע די ריכטיגע issues וואס כלל ישראל טוט face'ן, דא פלוצלינג קומט די התבדלות מרשעים גאר שטארק צוניץ. עס גייט מיר נישט אריין אין קאפ!



.[/justify]

ייש"כ הוגה.

פון מיין נקודת מבט איז די מכריע צו יא אדער נישט זיצען מיט אנדערע סארט אידן תלוי ווי שטארק און זיכער מ'איז ביי זיך מיטן אייגענעם פראדאצירטער אידישקייט. די פרומע ווייסען גאנץ גוט אז די תירוצים וואס מ'קען פארקויפען צווישען אונז, הערט זיך לעכערליך אין אן אינדערויסענדיגער אויער, דערפאר וועט ער פון גרויס פחד זיך נישט זעצען אויף איין טיש מיט אן א.ג. שוואכערע איד ווי אים.

אן אריינגיין אין די נושא, די ווערטל איבער לויבאוויטש און סאטמאר קומט פון לויבאוויטשע רבי'ן אליין.

וואס זאג איר צו די ראדיקאלער פלאן מען זאל צאמשטעלן צוזאמען א זיצונג פון די פירער פון די פארשידענע אידישע דאמינאציעס, אפילו די גאר ווייטע, ווי למשל סאטמער סקווער באבוב בעלז און חיים בערלין, אז זיי זאלען רעדן וועגן די טשעלענדזשעס פון אידישקייט?

יעצט ערנסטערהייט, קען איך אפשר פארשטיין וואס איז דא די מדובר? פון יונתן רוזנבלום? א בעל תשובה וואס קיין בלאט גמרא ווייסט ער נישט צו לערנען אליינס? פון איינער פון די נאך ווייטערע אידישע סעקטעס וואס איך האב דערמאנט, וועם מ'קען נישט צאמשטעלן זיי זאלען האבען א נארמאלער שמועס וועגן וועלכער קאליר מען זאל פארבען דער דאך אויף די לעוועל פון צוויי מעטשור מענטשען?

די נושא האשכול און די אשכול גופא זענען לפענ"ד צוויי באזונדערע נושאים. מ'קען האבן א דיבעיט ,ווי הוגה איז שיין מסביר ביידע זייטן פון יא אדער נישט, ארבעטן צוזאנען מיט "רשעים", אבער דער פראבלעם געשעט ווען אונזער סאסייעטי טוט וואס זיי קענען בעסט - קראקטעזירן יעדער וואס טראכט א משהו אנדערש ווי מיר אלץ "רשע". ווען אגודה'יסטן זענען רשעים ביי סאטמער, און ארטאדאקסן זענען נישט קיין "היימישע" ביי חסידישע און איינער וואס באט א סמארט פאון איז פסול לעדות ווייל ער איז א רשע וכו', דארף אונזער גאנצע קאררעקטערעזעישען סיסטעם א מעידזשער ריוויא...

[justify][tag]לעיקוואד[/tag], דו ביזט געוואלדיג גערעכט. מיר האבן שוין געשריבן וועגן דער פראבלעם מערערע מאל דא אין ק"ש. מיר האבן נאך נישט געהערט אז עס זאלן זיך אוועק זעצן רבנים (די זעלבע רבנים וואס האבן צייט אויף מיטינגס בנוגע אינטערנעט, קאלירטע פרויען קליידער וכדומה) און דן זיין אויף די ענינים וואס פלאגן די פשוטי המון עם, ווי לדוגמא די פרנסה קריזיס, די שוואכע (קארופטירטע) חינוך וואס מען גיבט די קינדער, און די שטותים וואס מען פארקויפט אונז אנשטאט דעם אמת. דיין טענה איז ריכטיג, איידער איך זעץ צוזאם רבי אהרן מיט ראביי לערנער פון די OU און איידער איך שטעל אויס א פגישה צווישן רבי זלמן לייב און רבי אליהו פינק, און איידער מיר מאכן א פאנעל קאמפרייזד פון נאווימינסקער רבי, רבי אבי ווייס און רבה נעמי לווי תליט"א, דארף מען קודם פאוקעסען צו מאכן א מיטינג צווישן רבי אהרן, רבי זלמן לייב און די נאווימינסקער רבי צו דיסקוסירן ערענסטע ענינים.

מיין טענה איז נישט צו יונתן ראזענבלום פערזענליך, מיין טענה איז אז ער איז דאך די שופר פון די "גדולים" און ער שרייבט נאר וואס ער ווייסט אז זיי ווילן זעהן געשריבן. דאס צייגט אין די היפארעסי אין וואס מיר לעבן.

[tag]ודי למבין[/tag], גוט געזאגט. עס איז אבער איינס תלוי אינעם אנדערע. די סיבה פארן קארעקטיזירן און לעיבלן איז כדי מען זאל האבן א תירוץ זיך מתבדל צו זיין.[/justify]

.

הוגה, אין מיין עפעניען די סיבה פון לעיבלן און קארעקטערייזען איז פשוט וועגן דאס איז די איינציגעוועג וואס זיי קענען ווייזען אז זיי זענען "בעסער" ווי דיאנדערע, אויב נישט אגודה זענען רשעים, מיט וואס זענען די אנטי-אגודה בעסער ווי זיי? לפי"ז מתבדל זיין און לעיבלן איז א וועג צו קענען דעמאנסטרירן Supirisim

ודי למבין האט געשריבן:הוגה, אין מיין עפעניען די סיבה פון לעיבלן און קארעקטערייזען איז פשוט וועגן דאס איז די איינציגעוועג וואס זיי קענען ווייזען אז זיי זענען "בעסער" ווי דיאנדערע, אויב נישט אגודה זענען רשעים, מיט וואס זענען די אנטי-אגודה בעסער ווי זיי? לפי"ז מתבדל זיין און לעיבלן איז א וועג צו קענען דעמאנסטרירן Supirisim

דאס איז גאר גאר טיעף! ס'אייגענס ?

דא זעהט מען אז התחברות מיט אנדערע שיכטן און קרייזען, ברענגט נאר LIKES מיט HITS.

דא קענט איר זעהן ווי שפיצער, איינע פון די גבאים פון איינע פון די ספינקע רביס, טאנץ מיט רב אבי ווייס.

[youtube]http://www.youtube.com/watch?v=4mRfm62ukZ8[/youtube]

ווי איז דאס געשעהן?

גנדי האט געשריבן:ווי איז דאס געשעהן?

פון די ווידיאו דעסקריפשאן אויף יוטוב:

It's the end of a kumsitz for a special week of learning at Yeshivat Chovevei Torah Rabbinical School - Torah, song, food. We had just benched and were getting ready to leave. All of a sudden, Rav Avi bursts in the room, arm in arm with a chossid. Rav Avi was on his way back from Williamsburg. He had been making a shiva visit to the family of Menachem Stark, a Satmar chossid who was brutally murdered, leaving behind 7 children. As he was leaving, the gabbai of the Spinka Rebbe asked him if he could drive him anywhere. Rav Avi asked to be taken to the train. The chossid would hear of no such thing, and drove him all the way to Riverdale. From Brooklyn. Though the chossid had to get back to Brooklyn for a dinner that he was chairing to support the poor, he made the time to share words of bracha, a song and a tantz. In tragedy, glimmers of hope. In division, unity. In darkness, light.

טאקע א קידוש השם!

מיר קוקן מער ארויף דעם אבי ווייס פארן טאנצן מיט דעם חסיד ווי פארקערט.

די מאמר/מעשה ווייזט ענליך צו די חילוק אין worldview לגבי יהדות צווישן דעם סאטמאר רב זצ״ל און ליובאוויטשער רבי זצ״ל.
http://www.eldadh.co.il/tora/פניני-הרבי-פושעי-ישראל-מלאים-מצוות-כרי/?print=print


Sent from my iPhone using Tapatalk

און די לעצטע 10 יאר ווען די אינטערנעט איז שטארק און אסאך אידן האבן נישט די משומר פילטער׳ס וכדומה, און זעהן פאר זיך א נייע וועלט, איז דא א גרויסע קראך אינעם שיטות ההתבדלות, און דאס איז קלאר אז פון טאג צו טאג ווערן מיר אלס מער Open minded, טאקע וויינוג, אבער פארט רוקט זיך עס, די רבנים הערן נייע סארט שאלות וואס אמאליגע רבנים האבן נישט געחלעמנט פון הערן, עס איז אונטערסאנט צו זעהן ווי אזוי די באן ריקט זיך, כידוע ביי אונז חרדים זענען מיט די יארן שוין אריין ביי אונז גענוג שינויים אבער מיט א שטילקייט אן קיין רעש, זאל נאר דער נודע ביהודה זעהן וואס גייט היינט פאר ביי אונז, אונז אלע רעדן שפת המדינה, אסאך פרויען ביי אונז דרייווען א קאר, די שייטעלעך וועט אים זעכער נישט געפעלן, און וואס וועט ער זאגן צום שטערן/שפאקטיוו לכאורה איז עס זעכער נישט לרוחו, וואס וועט ער זאגן אז אינגעלעך הייבן אן לערנען תוספות ערשט און כיתה.. און וואס וועט ער זאגן צו כיתות בכלל, ישיבה קטנה? וואס מיינט דאס, ביי אים איז מען שוין געקומען לערנען ביי די דרייצען יאר, וואס וועט ער זאגן בכלל צו אונזער פארגרעבטע גשמיות׳דיגע לעבן ער וואלט עס זעכער נישט אויסגעהאלטן זאל ער נאר אריינגיין און א געשעפט און זעהן אלע נאש דארט, ער וואלט זיך איבערגעדרייט, אדער זאל ער אריינגיין און די Loft restaurant, וואס וועט ער זאגן צו אונזער מאדערענע Fancy הייזער, אבער למעשה אזוי גייט עס צייטן ריקן זיך, איך בין זעכער אז אין 50 יאר ארום וועלן מיר אויך נישט גלייבען וואס מיר זעהן..


Sent from my iPhone using Tapatalk

ווען דער נו"ב זאל היינט אריינגיין צו א חתונה, וואלט אים נישט אריין אין קאפ וואס די גהינם עס פעלט אויס א מחיצה.

אגרות צפון האט געשריבן:ווען דער נו"ב זאל היינט אריינגיין צו א חתונה, וואלט אים נישט אריין אין קאפ וואס די גהינם עס פעלט אויס א מחיצה.

זיי זיך מסביר מער ביטע


Sent from my iPhone using Tapatalk

חוקר ודורש האט געשריבן:זאל נאר דער נודע ביהודה זעהן וואס גייט היינט פאר ביי אונז, אונז אלע רעדן שפת המדינה

מיר רעדן נאכנישט אזוי גוט ווי דער נודע ביהודה האט געוואלט מיר זאלן רעדן.

שליח האט געשריבן:

חוקר ודורש האט געשריבן:זאל נאר דער נודע ביהודה זעהן וואס גייט היינט פאר ביי אונז, אונז אלע רעדן שפת המדינה

מיר רעדן נאכנישט אזוי גוט ווי דער נודע ביהודה האט געוואלט מיר זאלן רעדן.

יישר כוח פארן מעורר זיין, איך האב דאס געשריבען געבויט אויף וואס איך האב געזעהן אויף א פלאץ, בנוגע זיין מלחמה מיט וויזעל וועגן לימודי חול פאר קינדער, אבער מן הסתם האבן זיי איבערגעטריבען


Sent from my iPhone using Tapatalk

חוקר ודורש האט געשריבן:

אגרות צפון האט געשריבן:ווען דער נו"ב זאל היינט אריינגיין צו א חתונה, וואלט אים נישט אריין אין קאפ וואס די גהינם עס פעלט אויס א מחיצה.

זיי זיך מסביר מער ביטע


Sent from my iPhone using Tapatalk

איך האב אנגעכאפט די נו"ב ווייל דו האסט פונקט גערעדט פון אים, אבער איך מיין נישט דווקא אים. איך רעד בכלליות פון די מצב דעמאלטס, מחיצות ביי חתונות האט בכלל נישט עקזיסטירט אין יענע צייט כמבואר אין אלע ספרי המנהגים, און נאכמער עס איז אפילו געווען פלעצער ווי ליל שבת שענק וויין {שבת שבע ברכות} נאך די סעודה האט יעדער גענומען זיין ווייב און געטאנצן.