קאווע שטיבל

וואס איז דער שאלה, אויב אפי מיט די אלע תנאים זיל מען אפשר נאך אלס נישט?

איך קען נישט רעדן פאר יענעם, אבער איך גיב רשות מיר מספיד צו זיין לאחר פטירתי. לכאורה וועט מיין ק"ש הספד זיין די איינציגסטע אויפריכטיגע הספד. איך האב שוין מצווה געווען מיין ווייב מדפיס צו זיין מיינע מאמרים, כל הזכויות שמורות.

פאר מיר וואס קאווע שטיבל איז א לייכט טורעם אין א פארטונקלטער וועלט איז א כבוד צו באשריבן ווערן דא אלס איינע פון די זאכן וואס כ'האב עוסק געווען אבער פאר די קומענדיגע דורות וואס אין א וועלט וואס קוקט אלעס אן מיט אנדערע ברילן קען עס מאען פראבלעמען ברויך מען זייער אכטונג געבן מיט נישט לאזן אן עפענונג געוואויר צו ווערן די אמת'ע אידענטיטעט פונעם בר מינן.

ווי לאנג דער באשרייבונג בא'עול'ט קיינעם נישט, פארוואס נישט?
אויב יא, דארף מען דאך אוודאי זיכער מאכן אז מען זאל נישט קענען כאפן ווער דער נפטר איז און אביסל פארדרייען/צולייגן/אראפנעמען פאקטן.

איך קען נישט וויסען וואס איז ריכטיג פאר אנדערע. בעצם בין איך אנטקעגן די גאנצע מושג פון באהאלטענע ניקים און האלט אז עס פעלט נישט עכט אויס. אבער איך בין א דעת יחיד אין דעם, פונקט ווי אין אסאך אנדערע נושאים.. און איך קען נישט זאגען פאר אנדערע וואס צו טוהן, איך מוז היטען די אידענטיטעט פון אנדערע וואס האלטען עס שטארק וויכטיג פאר זיי. און אפשר איז עס חשוב אחר מאה ועשרים אויכעט זאל די סוד אז עס איז דא אויף די וועלט א חסידישער איד וואס האט אינטערנעט און דערוואגט זיך אמאל צו טראכטען עפעס אליינס אן פרעגן א רב אדער רעבע פאר דעם מיטגיין מיט עם אין קבר און קיינמאלנישט ארויסרינען.

ווידער שרייבען אזוי א הספד בעילום שם האט גאנץ ווייניג פשט. ווי אויך פראבירען מטשטש זיין פרטים, ממה נפשך ווייס איך נישט וואס איז די תכלית פון אזא זאך.

מען קען זיך לערנען פון אנדערע פורומען ווי למשל עצכח ווי זיי פירען זיך אין אזא פאל. למעשה אין יעדער פארום איז דא א קבוצה פון חברים וואס קענען זיך איינער דער צווייטער, און ביי זיי האט א פשט די סארט זאכען. אין עצכח למשל איז דא פילע אשכולות ווינטשען מזל טוב איינער די צווייטער אויף א שמחה, אדער ביי א צרה מנחם זיין וכו'. מען שרייבט דאס פשוט מיט די ניק נעמען און די וואס קענען זיך ווירטואליש אדער פיזיש ווינטשען זיך און זענען זיך מנחם, און די נענטערע קענען מברר זיין אין אישי ווי איז די קידוש/ברית/חתונה/ניחום אבלים. איך זעה נישט פארוואס מען זאל נישט קענען דאס טוהן דא.

איך האלט אז א ווירטואלישע קהילה דארף זיך פירען מיט די זעלבע מענטשליכקייט ווי יעדער אנדערע קהילה, און אז א חבר הא א שמחה איז מען זיך משתתף, וכן בשעת צער ואבל. דאס דארף נישט צונעמען די סודות, עס איז געיוג צו שרייבען אז משכיל איז אוועק און מען געט איבער תנחומים פאר די משפחה. עס איז נישט קיין נפקא מינה בעצם ווער דאס איז געווען מיר קענען דער ניק משכיל אלץ א חשובער ניק אין קאווע שטיבל און עס איז נאר מענטשליך מען זאל זיך וויסענדיג מאכען אז ער איז אוועק. אז מען וועט נישט שרייבען מער פרטים איז דאס זיכער בסדר, עס שטארבען גענוג מענטשען אין בארא פארק יעדער וואך אז קיינער וועט נישט פון דעם אנקומען ווער דאס איז.

עכ"פ, לגבי מיר קען איך דאך יא מחליט זיין, ווען איך שטארב, אחר מאה ועשרים בלא בלא בלא, בין איך דא מוסר מודעה, זאל מען שרייבען אויף מיר א גרויסער הספד, מיט מיין נאמען און מיין טאטע'ס נאמען, און מען זאל אלעס באשרייבען און נישט שוינען גארנישט. בעצם אפשר אויך בחיי, אויב איינער וויל דווקא. עכ"פ לאחר מותי זיכער. און מען זאל גארנישט אויסלאזען. נישט צענזורירען נישט די מצוות און נישט די עבירות. אלעס איז כתוב וחתום אויף די אינטערנעט סייווי.

אז מ'רעדט שוין, איז וויכטיג אז יעדער זאל זיך מסדר זיין א digital will וואס זאל קובע זיין וואס געשעהט מיט זיינע אלע אנליין נכסים/ אקאונטס/פראפיילס, איך ווייס נישט פונקט וואס מ'דארף טוהן. גוגל האט עפעס א סעטינג וואס מ'קען אנשטעלן וואס זאל געשעהן/צו וועמען עס זאל אריבערגיין. וואס איז מיט אנדערע? [tag]געפילטע פיש[/tag] ווילסט אפשר העלעפן?

שוין אפאר מאל געווען אין די נייעס דיונים איבער דעם, ס'דא אזעלכע קאמפאניס וועם דו קענסט איבערגעבן דיינע אקאונטס און וואס דו ווילסט ס'זאל געטוהן ווערן דערמיט לאחר מאה עשרים ואחד.

נח בער האט געשריבן:פאר מיר וואס קאווע שטיבל איז א לייכט טורעם אין א פארטונקלטער וועלט איז א כבוד צו באשריבן ווערן דא אלס איינע פון די זאכן וואס כ'האב עוסק געווען אבער פאר די קומענדיגע דורות וואס אין א וועלט וואס קוקט אלעס אן מיט אנדערע ברילן קען עס מאען פראבלעמען ברויך מען זייער אכטונג געבן מיט נישט לאזן אן עפענונג געוואויר צו ווערן די אמת'ע אידענטיטעט פונעם בר מינן.

ר' נח בער שליט"א עד מאה ועשרים שנה: דו דארפסט מאריך ימים ונשים זיין דא אין קאווע שטיבל. דו זאלסט נאכנישט טראכטן פון הספדים און לאחר מאה ועשרים. ווייל דו האסט נאך זייער ווייניג געשריבן דא. נאכדעים וואס דו וועסט אי"ה האבן געשריבן 10,000 תגובות, און דער עוילעם וועט שפירן א חלל ווען דו וועסט אויפהערן (ח"ו) צו שרייבן. דאמאלס קענמען אנהייבן טראכטן פון הספדים. ביזדערווייל, לאמיר הנאה האבן פון דיינע חידושים והגהות. ייש"כ.

כאילו מיין מיינונג מאכט אויס; איך זעה 101 טעמים אויף נישט.
כדי מ'זאל זיך נישט דינגען מיט מיר, וועל איך כולל זיין אלע טעמים אונטער "טעם הכמוס". סגור.
---
בלוט פון יתומים איז נישט הפקר.
א ניק וואס וויל איבערלאזן זיינע קינדער זיינע כתבים, וועט שוין טרעפן אן אנדערע וועג.

לעיקוואד,
וויאזוי זאל מען זיך פירן אויב למשל דיין טאטע/ווייב בעט זיך ברחמים אז מען זאל אראפנעמען דעם נאמען ווייל עס טוט זיי פארשעמען, זאל מען זיך מוסר נפש זיין צו היטן אויף דיין צואה און זיי איגנארירן אדער נישט? וואס איז אין אזא פאל די פליכט פון די הנהלה דא, וואס איז די הלכה, וואס איז די מאראל, און וויאזוי וואלסטו גע'פסק'נט למעשה?

לעקוואד,
אלזא דו גיבסט מיר רשות צו שרייבן דיין נאמען אויך בעודך חי?
באמת?

הילל
יא, מען זאל זיך מוסר נפש זיין היטען אויף מיין צוואה און זיך נישט לאזען פון פרעשור פון מענטשען מיט זייערע שמאלע אינטערעסען.

למעשה מיין איך לגבי מיר וועט נישט אנקומען לידי כך, אבער ביי אנדערע יא, אויב איז קלאר רצון המת עס זאל מפורסם ווערן איז נישט ריכטיג זיך צו רעכענען מיט קליינקעפיגע אינטרעסען פון אנדערע.

היימישער, פראביר..

למעשה מיין איך אז עס איז נישט קיין גרויסער סוד, ווער עס איז שטארק אינטרעסירט קען זיך נאכפרעגן אפילו ביי מיר און איך פארצייל עם אלעס חוץ מיין סאשיל סעקיוריטי נאמבער. און ווער עס קען מיר פון אנדערע מעדיע ווייסט אז עס איז גאנץ א אפענער סוד. פונקט צו שרייבען דא אז לעיקוואד דאס איז יאנקל בן זרח פעלט נישט אויס מסיבות שונות.

ס'איז וויכטיג צו לאזן וויסן פאר די קאווע קהילה אז א חבר איז ליידער אוועק. זיין אמת'ע פרטים, ווי אלט ער איז, ווען פונקטליך ער איז אוועק, איז אבער גענצליך איבריג און פראבלעמאטיש ווי קאווע טרינקער שרייבט.

איך וואלט מציע געווען אז אויב די הנהלה באקומט א קראנטע ידיעה פון א ניק'ס פטירה ה"י, זאל מען ארויפלייגן א אשכול: "ברוך דיין האמת / חברינו משכיל ז"ל". אלטס די ערשטע הודעה זאל מען טרעפן און ארויפלייגן לזכרו איינע פון זיינע בעסטע מאמרים, און דערנאך במשכ'ן אשכול קען די עולם סיי אפגעבען תנחומין, פאזיעס, קינותים, ווי אויך ארומשמועסן איבער זיינע אקטיוועטעטן דא אויף קאווע שטיבל, און לינקן צו זיין קנאק'דיגע סחורה. באטאם ליין, ס'זאל זיין א אשכול איבער זיין וואורטואלע לעבן.

כ'האב גארנישט געוואוסט אז לעיקוואד, יענקל און זרח, דאס איז אלעס איינס.
-----------
יא, און אויכעט זאל יעדער נאכברענגען לכה"פ איין תגובה פונעם נפטר, וואס ער שפירט דער נפטר האט אים דערמיט מהנה געווען.

לעקוואד,
מען וועט פארציילן וועגן דיר, און דיינע קינדער וועלן דורך דעם נישט קענען לייכט טרעפן א שידוך. און מיר וועלן דארפן באצאלן פאר די אנדערע צד אז זיי זאלן מסכים זיין צום שידוך.
איט דאזנט פיי.

נישט ריכטיג.

אני מאמין אז ק''ש וועט שטארבן פאר מיר, עט ליעסט די ניקס ביזנעס.

איך נעם נישט קיין שטעלונג, איך וויל נאר ארויסברענגען א נקודה, איך מיין אז פארן כבוד אכסניא אונזער חשובער שטיבעל, לוינט זיך זייער מען זאל יא באשרייבן אז א אדם חשוב האט זיך ערלויבט אריינצוקומען דא, ווען אין שוהל שפילט איינער פארן צווייטן אז ער וויסט אפילו נישט וואס קאווע שטיבל איז, איז זיס אמאל צו הערן אז אפילו רבנים האבן זיך דא געדרייט.

מיין שאלה איז אזוי:

וויאזוי ווייסט טאקע די הנהלה דא אז דער און דער נפטר איז ניק פלוני אלמוני?

ווער איז דער באשטעטיגער מיט א וודאות?

[tag]שמערל[/tag], אויב די מענטש לאזט נישט איבער משפחה ביסטו גערעכט. אויב אבער לאזט ער איבער משפחה האלט איך אז זייער כבוד וועגט איבער א שטיבל'ס כבוד.

ווי לאכעדיג סהערט זיך, מען זוכט זיך כבוד מיט הספדים ווען מען וועט ליגען איינגעשמאלצען און דעם דיקען ווייסען חאלט שטיקעדיג און דעם האלרצענעם ארון, די ראטען און די מויז וועלן מאכען א חיים טובים מיט יעדן שטיקעל בשר, און מען דאגה'ט און מען דעבאטירט אויף תענוג כבוד בזיונות וואס מען גייט סייווי נישט מיט האלטען, רעכטפארטיג וואלט געווען צו פרעגן די קינדער וואס זיי האלטען, זיי גייען דורך שוויצען די בזיונות, זיך פראסקען און בייכעל שישו..

פישל'ע העררינג האט געשריבן:נישט ריכטיג.

אל כבוד המכון וכו',

קבלתי לנכון את הסעיף הנ"ל, ולאור התקנה החדשה הנני מבטל את המעמבערשיפ עמכם,

בשורות טובות ישועות ונחמות.

מהאט פיינעלי געטראפן א טאפיק וואס מקייט צים ערשטען מאל. וואס ווילסטו נאכמאל סיסטעם מאלעסטשען רביס?