קאווע שטיבל

ווי באקאנט האט רבי ברוך'ל מגארליץ נישט געוואלט מחבר זיין א ספר פון זיינע תורות, זאגעניק: "זיכער אז מענטשען וועלען נעמען זיין ספר אין דאס ליינען אין בעט, אין איך וויל אבער נישט שלאפען מיט איהם". אין לויט ווי מ'דערציילט האט ער אמאל מוסיף געוועהן: "אז דער ספר [ווען מ'שלאפט אן דערמיט] גייט אראפ פאלען אויף דער ערד, אין איך וויל אבער נישט אז יענער זאל זיין העכער מיך". אזוי ווערט געברענגט אין ספר דברי ברוך - גארליץ.

איך האב נאר געקלערט וואס וואלט געוועהן לו יצוייר ווען דער הייליגע חת"ס האט אזא מחשבה, וואלטן מיר טאקע נישט געהאט זיינע ספרים? איז דא א איסור צו זיין מיט א ספר אין בעט. איך שטעל מיך פאהר אז עס איז לכאורה נישט קיין 'כבוד', אבער זיכער קיין איסור איז נישט דא דערביי. קיינע האט זיך נישט מונע געוועהן פון דריקען זיינע תורות צוליב אזא חשש, איז אויב אזוי פארוואס דייקא האט רבי ברוך'ל גארליצער חושש געוועהן דערויף?