מיר ווייסן אלע אז דער אלגעמיינער יודישער עולם אין אמעריקע זענען שטארקע ליבעראלע חברה. די דעמאקראטישע פארטיי ווייסט שוין פון אסאך יארן אז נישט קיין חילוק וואס דער רעפובליקאנער אפאנענט וועט נאר צוזאגן פאר די יודן בשעת די עלעקשאנס, און נישט קיין נפק"מ ווי שטארק א קאנסערוואטיווער וועט זיך אנעמען פאר איזראעל וועלן נאך אלץ די יודן בלייבן געשוואוירענע דעמאקראטן. פאקט איז פאקט.
נא פארוואס איז עס אזוי. עס קומען דאך כסדר צו גיין אזעלעכע רייסערס ווואס האלטן זיך פאר תלמידים מובהקים פון ראש לימבאו און פארדעם פון באב גרענט און אפי פון העניטי און קויפן אפ יעדעס ווארט וואס זיי זאגן פאר גוט געלט, און זיי טענהן אז דער קאנסערוואטיווער וועג איז דער יודישער וועג. זיי זענען גוט פאר יודן און נאך בעסער פאר חסידישע יודן אא"וו איי וואס וועט זיין מיט אלע פראגראמן וואס איז בכלל נישט תופס מקום ביים רעפוליקאנעם. דאס איז דאך נאר א קלייניגקייט קעגן די גאלדענע שיינער מהלך החיים וואס דער רעפובליקאנער שטעלט אהער און סאיז מתוק בדבש וויאזוי ער צושמירט די דעמאקראטן אה ממש א מחי און יעדע שטיק צייט קען מען טאקע זעהן ביי אונזער קומיוניטי א קליינער גרינער שטעלט זיך אהער ווי דער יודישער קאנסערוואטיווער. און סגיסט זיך פון אים שטיקער ראש לימבא מיט שטותים אינאיינעם נישט וויסענדיג ווי ווייט ער פארשטייט נישט קיין היסטאריע.
סאיז נישט מעגליך אריינצוקריכן אין אלע פאקטן און באשרייבן די היסטאריע פארוואס סאיז אזוי געווארן אז די יודן זענען געשוואוירענע דעמאקראטן אבער כוועל עס פרובירן צו שרייבן אין אפאר שורות. ועוד חזון אויף שפעטער.
די יודן נאכן זיך אנליידן פון שרעקליכע רדיפות און פראגראמן פלעגען זיך צאמנעמען און גרינדן פארשידענע פארטייען. פארשטייט זיך נישט די ערליכע. די יודן האבן געהאט א גרויס חלק אין אלע מיני פארטייען אנגעהויבן פון קאמוניזם און געענדיגט ביי ליבעראליזם. די חשבון איז זייער פשוט עס טאר נישט זיין קיין דיקטאטאר, יעדער איז איקוואל. יעדע גרופע מיז געהערט ווערן. די אלע סיוויל רייטס יוניאנס זענען אנגעפיקעוועט מיט יודען. צו איך האלט יא פון געיס צו נישט מיז איך מיך אנעמען פאר זיינע רעכטן. און אזו"וו האבן זיך יודן דערזעהן ארויסגעקראכן פון זייערע לעכער. נעם די נוי יארק טיימס יודן. זיי זענען פון די סארט וואס בויען זיך שוין איבער הונדערט יאר אויף די מהלך.
אין איין ווארט ליבעראליזם איז פרייהייט קיינער קען נישט אונטערדריקן. יעדער איז בארעכטיגט אויף אלעם. קאנסערוואעטיזם איז פשוט אום פראסט נאצים און שלעכטיגקייט קענסט עס באציקערן אויף א שטיקל צייט. קענסט זאגן אז די שטיצסט ארץ ישראל ווייל די האסט א פארקרומטע אגענדע אבער צום סוף ווייסן מיר וואס די ביסט.
נוגע לענינינו.
די ראש לימבא תלמידים פלעגן זיך פרייען מיט זייער שמוציגן טעבלויד די נ"י פאוסט. און די ליבעראלע טיימס איז געווען אראפגעקוקט. יעצט
נאדיר א גוטע עקזעמפעל וויזוי די פאוסט פליקט אונז אראפ שוין עטליכע יאר פאר גארנישט און פארנישט פלעין ווייל אזוי וויל איך. אמת מקען אסאך דעבאטירן איבער וואס כהאב געשריבן אבער די אלגעמיינע יודישע וועלט איז אויך נישט משוגע.
פון א תורהדיגן יודישן שטאנדפונקט איז שוין אלעס אן אנדערע מעשה.
פארוואס זענען יודן ליבעראל געשטימט
דער אשכול פארמאגט 8 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
רעגיסטרירן איינשרייבן