קאווע שטיבל

לעצטענס שפיר איך אז דער אויבערשטער איז נישט צופרידן מיט מיר זאכן האבן זיך מיר גענומען גיין מיטן פיטום אראפ אנגעהויבן ביי פרנסה און געענדיגט ביי כל מיני צופאלן וואס איך שפיר אוואו איינער פון אויבן זאל מיר פרובירן צו מרמז זיין אויףעפעס נישט גוט און מיין התנהגות יעצט איך זאג נישט אז איך בין דער גרויסער צ אבער פארט קען איך נישט טרעפן עפעס א מוראדיגער מאוו לרעה וואס איך זאל האבן געמאכט לעטלי {חוץ מיין ארויפגיין אויף קאווע} יעצט איז מיין שאלה איז דא עפעס א וועג עפי דרך הטבע.סגולה,קבלה ,צו געוואר ווערן ? אן להוי ידוע איך האב נישט קיין שום שייכות מיט עני גראבונגען\גיוס אדער סיי וואס פון די לעצטיגע פירצות

עס איז גאנץ קלאר וואס גאט וויל פון דיר. גאט וויל אז ס'זאל דיר גיין שווער וזהו. די וועלט זאגט אז God has a sick sense of humor. איך ווייס נישט אויב דאס איז אמת, אבער פארוואס מיינסטו אז ער שוקט דיר מעסידזשעס אז דו דארפסט דיך פארבעסערן? מיינסט אז ווען ער וויל דיר ווען שוקן א מעסעדזש האט ער נישט בעסערע וועגן עס צו שוקן? למשל אין פאסט, אדער דורכן דיר געבן א מיליאן דאלער. בקיצור, איך זעה נישט פארוואס דו דארפסט זעהן אין דיין מצב מער ווי א שווערע דורכגאנג (רוף עס נסיון) און נישט מער.

איך ווינטש דיר אז זאכן זאלן גיין צום גוטן ווי אמשנעלסטן.


.

אפשר איז פשוט באשערט פרנסה פאר דיין רבי אדער פאר קופת העיר

דער טאטע און הימל וויל דיין גיט'ס , דע קשיא וואס די פרעגיסט פארוואס פינק יעצט איז קיין קשיא נישט (אפילו יא אינטערסירט מער אויך נישט ווייל הצור תמים פעלו)ווייל עס קען פשוט זיין אז ער ווארט שוין א לאנגע צייט אויף דיין פארבעסערונג פשוט ווייל ער איז א ארך אפים,נאר ער זיעט אז טיסט זיך נישט פארבעסערן כאטש ער געט דיר אזוי פיל גיטס, טרייט יעצט אויף דע מהלך

קענסט דע ניגון פין יונתן שווארץ מיט דיעם וואס ער אראפ געשאסען געלט און מען האט זיך נישט וויסענדיג געמאכט, האט געמיזט ווארפען שטיינער אז מען זאל כאפען אז ווארט אויף אים

hotel האט געשריבן:וואס וויל דער אויבערשטער פון מיר

פרעג אים אליין.
כאפ א שמועס מיטן רבש"ע, דערצייל אים די גאנצע מעשה, זאג אים דעם אמת אז דו ווילסטיך פארבעסערן אבער דו ווייסט נישט וואס דו טוסט ראנג, און בעהט אים אז ער זאל דיך פירן אויפן ריכטיגן וועג, ער זאל דיר אנווייזן וואס דו האסט צו טוהן.
אילמלא הקב"ה עוזרו לא יכול לו.

עס איז מסתמא פשוט צדיק ורע לו! אבער אה, זאגסטעך אז ביסט נישט דער גרויסע צ', סאו ווייסעך נישט....

לאמיתו של דבר, לב יודע מרת נפשו. קיינער וועט נישט וויסן דעם תירוץ בעסער ווי דער מענטש זעלבסט.

נאר ווי הוגה שרייבט שוין (אפשר אביסל צו ברייט לויט מיינע פשוט'ע השגות), זאכן זענען נישט אזוי בלעק-און-ווייט, עס מיינט נישט אז אויב וועסטו זיך פארבעסערן מיט א געוויסע זאך גייט דיר אויטאמאטיש זאפארט בעסער ווערן, זאכן האבן טיפערע חשבונות ווי פשוט'ע שכר ועונש אויף דער וועלט, הגם מען קען נישט מחלק זיין מיט מדה כנגד מדה, ובמדה שאדם מודד מודדין לו וכו', אבער עס איז נישט קיין ספק אז הרבה עשו כרשב"י ולא עלתה להם, נישט יעדער באקומט א בינטל מטבעות פאר יעדע מצוה, אין פאקט כמעט קיינער נישט.

דער מענטש דארף זעהן צו טון זיינס, מיט חשק און ענטוזיאזם. פרובירן מקבל זיין בשמחה זיין גורל, און טון דאס בעסטע אונטער די אומשטענדן (איך רעד יעצט צו מיר אליין. @שמעקעדיג, דו הערסט? אדער איך ציה דיר ביי די אויערן!), יעדער נברא גייט אדורך שוועריגקייטן און מען דארף זיך לערנען צו מתמודד זיין דערמיט, נישט חלומ'ען און פאנטאזירן פון פטור ווערן און אנטלויפן פונעם פראבלעם און דערווייל נישט טון וואס מען קען לפי המצב.

--
ברסלבר האקט

ער האט דיר זייער ליב!

את אשר יאהב השם יוכיח


.

דער (פינטעל) איד האט געשריבן:ער האט דיר זייער ליב!

את אשר יאהב השם יוכיח


.

וויאזוי לייקט מען א האלבע תגובה?

ער האט דיר ליב! גוט געזאגט.

את אשר יאהב השם יוכיח, גוט נאכגעזאגט א פסוק. אבער וואס מיינט דאס? דאס הייסט אז איך דארף גיין אין גאס און קוקן זעהן דער וואס ס'גייט אים גוט האט אים גאט פיינט און דער וואס ס'גייט אים שלעכט האט גאט ליב?

און טאמער כ'וועל דיר זאגן אז את אשר ישנא ה' יוכיח מיינט דאס שוין אז דו קענסט גיין אין גאס און זען אז יעדער וואס האט צרות האט אים גאט פיינט?
די פוינט איז אז ס'איז דא אמאל וואס יסורים קענען קומען מחמת אהבה, וויילט גאט וויל מ'זאל פאררעכטן די מעשים אדער אפקומען אויף די וועלט פאר די הארבע חטאת נעורים. בקיצור ס'איז א win/win strategy. אויב איז דער בעל יסורים א צדיק איז עס יסורים של אהבה, אויב איז ער א בעל עבירה, איז עס א ביטערע עונש. אזוי ארבעט אייביג די לאגיק פון רעליגיע.

דער ענטפער איז אז קיינעם גייט נישט אלעס גוט. יעדער האט פראבלעמען. איך בין נישט מקנא דעם וועם ס'גייט גוט פון אלע זייטן


.

דער (פינטעל) איד האט געשריבן:דער ענטפער איז אז קיינעם גייט נישט אלעס גוט. יעדער האט פראבלעמען. איך בין נישט מקנא דעם וועם ס'גייט גוט פון אלע זייטן


.

בקיצור, צרות ווייזן אויף גארנישט. נישט ביי א יחיד און נישט ביי א רבים.

זיכער נישט. דער צדיק ורע לו איז דע שווערסטע אבסטעקיל פאר אונזער אמונה


.

דער מופת חותך צו וויסן אויב עס קומט טאקע נאר מחמת אהבה איז, אז די יסורין של אהבה געליטענע האבן א טשויס צו זאגן "לא הן ולא שכרן"...
פרוביר עס אויס: ארבעט עס, איז א סימן אז ס'איז פון אהבה; אויב נישט, דאן you do the math

דער (פינטעל) איד האט געשריבן:איך בין נישט מקנא דעם וועם ס'גייט גוט פון אלע זייטן.

איך יא! just being honest.

איך מיין אז די וויכטיגסטע זאך איז צו זיין זייער אויפריכטיג מיט זיך אליין, עס איז אמאל זייער באקוועם אנצולייגן זאכן אויפ'ן אייבערשטען, אבער מען דארף זיך זייער זייער שטארק מתבונן זיין צו איז די זאכן נישט א סימן אז עפעס איז מיט אייך נישט אין ארדענונג, [איר ווייסט אוודאי וואס יענער האט געזאגט מה עשה הקב"ה, כ'האב אים אראפגעלאזט א פאטש]
ווען א מענטש זעהט אז פארשידענע זאכן גייען אין די נישט גוטע ריכטונג דארף מען קודם זיך אליין באטראכטן, אפשר איז אייער מאטיוואציע געפאלן? אדער זענט איר ווייניגער קאנצעטרירט אין אייערע פריאריטעטן? [איר שרייבט אז איר זענט ארויף אויף קאווע שטיבל ]
אוודאי גלייבן מיר אז אלעס איז מן השמים אבער דאס מיינט נישט אז מיר מעגן מיט א האר אוועקקוקען פון אונזער אייגענע אחריות אויף אונזער גורל.

איך האב אויך אסאך מאהל אזעלעכע תקופות. איך וועל שרייבן מיין פערזענליכע צוגאנג. דאס איז פשוט אויב ווייס איך פון זאכן וואס דארפן תיקון, דארף איך טוהן כל מה שביכלתי לתקן אותו. דאס איז נישט אפהענגיג און דעם צו עס גייט מיר גוט אדער להיפך. ווידער בנוגע ווען עס גייט נישט גוט, קודם דארף איך זעהן צו איך האב נישט פארנאכלעסיגט געוויסע זאכן בגשמיות, וואס דאס איז גורם אז עס גייט נישט גוט. איך וועל קיינמאהל נישט מתקן זיין א זאך נאר ווייל די רבש"ע האט מיר געפליקט, ווייל אויב ער וויל זאל ער רעדן צו מיר שיין. אויב איך פיל א דרוק צו מתקן זיין עפעס, ווייל איך פיל אן התעוררות, וועל איך זיכער מאכן אז איך נעם נישט קיין גרויסער סטעפס. איך פיר מיר צו זאגן פארן רבש"ע די ווערטער פון די רבי ר' זושא, 'אז ווען מען איז אין די בלאטע קען מען נישט זיך רייניגן, ווען דו וועסט מיר ארויס נעמן פון די קלעם וועל איך זעהן וואס איך קען טוהן'. והעיקר, איך מאך זיכער צו האלטן די מוט אויף די העכסטע וואס איז שייך, ווייל אויב מען איז דאון, קען מען זיך נישט ריקן פאראויס.

איך האב א צווייטע שאלה. פארוואס גייט מיר דאס לעבן אזוי גוט?
כ'בין נישט דער גרויסער צדיק אז כ'זאל ס'קענען תולה זיין אין דעם, און כ'בין אויך נישט אזא רשע אז מ'זאל זאגן רשע וטוב לו.
די לעבן גייט ב"ה בעסער ווי געפלאנט, פארוואס טאקע?

אפשר ווייל דו ביסט אן אפטימיסט?

יעצט באקומען א פריוואטער מעסעדזש. ער וויל איר זאלט שוין תיכף ומיד ארויסגיין פון שטוב נאר מיט אן אונטערהעמד און טאנצען א קאזאטשקע אין די גאס פראנט פון דיין הויז. טאמער טוסטו דאס נישט יעצט סטראשעט ער ער האט נאך פראבלעמען צו שיקען.

אוי געוואלד, גאט האט זיך געעפנט א ניק אויף קאווע שטיבל! וואס טוט מען דא ווייטער?

יאיר האט געשריבן:אוי געוואלד, גאט האט זיך געעפנט א ניק אויף קאווע שטיבל! וואס טוט מען דא ווייטער?

מלא כל הארץ כבודו, כי הוא יחיד ואין יחידות כמוהו, ס'נישט דא עפעס אויסער גאט. ס'נישט דא קיין לעיקוואד, יאיר אדער א קאווע שטיבל, ס'נאר דא גאט. אזוי האט אונז די בעש"ט געלערנט.

הוגה, איך בין דאך גאט אליין לויט'ן בעל שם טוב, ממילא ווייס איך גאנץ גוט אז דו רעדסט נארישקייטן.

יאיר האט געשריבן:הוגה, איך בין דאך גאט אליין לויט'ן בעל שם טוב, ממילא ווייס איך גאנץ גוט אז דו רעדסט נארישקייטן.

לאמיר נישט פארפירן די שמועס אין העמק דבר אריין ווייל האטעל האט דא אן ערענסטע נושא אויפן טיש. אבער למען השלמת הענין, ווי קאמיש איז צו זעהן ווי גאט זאגט פאר גאט אז ער רעדט נערישקייטן.