קאווע שטיבל

אין מיין לאנגער זוך און געיעג נאך אן ערליכער גאטס פארכטיגער מאן וואס זאל אויך קענען זאגן עתידות, איינער וואס די שליסלען פון פרנסה זענען פארבארגן אין זיין האנט, וואס אלע טויערן פון הימל זענען פאר אים אפן אין אלע צייטן, וואס קען היילן מענטשן אן נוצן הייל מיטלען וואס קען האבן סייד עפעקטס, אלעס מיני סגולות ליגן אים אונטער דער ארבעל גרייט ארויסצוגעבן סיי ווען ועוד ועוד האב איך ענדליך געפונען מיין הארץ באגער.

דאס איז נישט קיין צווייטער ווי הרב הצדיק ר' שמואל ארי' עקשטיין שליט"א וואס האט אנגעהויבן מיטן ארויסהעלפן אידישע קינדער מיט די נסים'דיגער עין הרע אוועקקלאפער און פליגל שנעל זיך אויסגעברייטערט צו א מלאך המושיע אין מענטשליך פלייש צום וואונדער פון דאס מענטשהייט וואס קען נישט גלייבן אז אין אזא דור שפל וואס לאזט זיך נישט איינרעדן פון אזעלכע געוואלדאוונע דמיונות זאל זיך קענען אריינגליטשן אזא סארט געהויבענער איד.

אומגלויבליך אבער א פאקט וואס ווער עס איז זוכה אריינצושמירן דעם ריכטיגן מטבע אין הענט פונעם צדיק וואס דארף עס חלילה נישט פאר זיך אדער זיין אייגן געברויך נאר האט פשוט א חשובע משפחה וואס ער האט מיט זיין גרויס צדקות גענומען אויף זיין צובראכענע פלייצע צו שפייזן און געבן אלעס וואס פעלט זיך זיי אויס.

יעצט קומט דער גרויסער פריידיגער מעלדונג פון בית הצדיק אז דער קדוש וטהור וועט רוען אין בארא פארק די גאנצע וואך און אויפנעמען אידישע קינדער בעצה ותושיע, געפלאכטן מיט אפענע און באהאלטענע מופתים גלויים.

כאפט אריין ווי לאנג דער צדיק אין בעיר!

איך וויל אריינשטעלן דער הודעה פונעם צדיקס קומען, עס איז צו א גרויסע פייל.

ביסט א גיטע לץ! אבער גיי אריין צו עים אין נאכדעעם וועלמיר רעדן רעלעידיגט?

און ניין איך האלט נישט ער איז א צדיק אדער ווייסאיךוואס ער האט זיך געלערנט אויף עפעס 'און ער קען עס גיט'!!!

לצינות פון יחיד איז נישט ערלויבט

[tag]טיטאניק[/tag] קען עים גיט זאל ער זאגן מה טיבו

וואס איז דער פראפעסיאנעלער עין הרע לעשער שולדיג אז ער הייסט נישט טייטלבוים, רוקח, אדער אבוחצירא?

פרוביר נאכאמאל אדער מאך כאטשיק א פיקטשער פונעם עד און לייג עס ארויף. משא"כ יעצט מאכסטו ליצי ליצנות פון א יוד א מקובל וואס קומט זוכען פרנסה. אויב וועסטו אריינלייגען זיין מודעה וועט שוין די ליצנות געטאן ווערן ע"י אחרים

אט איז דער אנאנס.

וועלכער ווארט פון מיר איז שקר?

דאס איז ממש וואונדערליך. איין מענטש זאל זיין אזוי טאלאנטפול?

אינטער שבילי החינוך, האב איך געהאפט צו זעהן צו ער העלפט מיט קינדער וואס ווילן גלעזער, א שאד ס'שטייט נישט.

יאיר האט געשריבן:דאס איז ממש וואונדערליך. איין מענטש זאל זיין אזוי טאלאנטפול?

אט דאס מיינען מיר דאך:

א געטליכער מאן!

נולד מאוחר האט געשריבן:לצינות פון יחיד איז נישט ערלויבט

מיר האבן עס באשריבן אויף א שיינעם אופן.

ווער עס נעמט עס אויף מיט ליצנות, האלט דעם יעניגן אלס ליצן און באטריגער און באשווינדלער פון נארישע נאאיווע טפשים.

איך האב מורא אז דער מלמד פון שאול בערלין'ס כתב יושר איז נישט קיין אנדערער ווי אונזער הרב הצדיק שליט"א:

כתב יושר האט געשריבן:אני סופר סת"ם, קורא, בעל תוקע, מוהל, מבקר חולה וקברן, ויש לי ידיעות ג"כ בחכמות הרפואה שהתירה התורה, ולא יאמין אדוני שח"ו למדתי חלילה החכמה הזאת בספרי הגויים וכנסיה שלהם, כמו שיעשו פריצי בני עמנו חלילה! האם אין ספרי רפואות בישראל עד שנלך לדרוש מחכמי הגויים, הלא יש ספרים הרבה מאוד כמו מפעלות אלהים ושער אפרים מלאים סגולות ורפואות שאין לכל חכמי הגויים השגה לדעת דבר מהם כי הם למעלה מהטבע, ואנכי יודע להסיר עין הרע בלחש, ולרפא חולי הקדחת בכתיבה על שקדים, ולשפוך עופרת לחולי הבהלה, ולהשתיק נזילת הדם על ידי השבעה וכיוצא באלו.

כמאמר החכם דער וואס רעדט ווייסט נישט, און דער וואס ווייסט רעדט נישט!

נח בער האט געשריבן:

יאיר האט געשריבן:דאס איז ממש וואונדערליך. איין מענטש זאל זיין אזוי טאלאנטפול?

אט דאס מיינען מיר דאך:

א געטליכער מאן!

דאס מוז זיין מער ווי פשוט'ע געטליכקייט. איך וואלט געזאגט אז אזא בעל מופת האט מען נאכנישט געזען זינט ישו הנוצרי.

פארוואס נאר דעם ציבור הרחב? דארע מענטשן זענען עפעס געמאכט פון ראזינקעס?

ווייל דארע מענטשן לאזן זיך נישט קאסטן געווענליך. און ער וויל מאכן געלט אויך איך פארשטיי עם.

נולד מאוחר האט געשריבן:לצינות פון יחיד איז נישט ערלויבט

ס'דא א סברא צו זאגען אז א רעליגיעזע פיגור פארלירט די פראטעקשען פון א יחיד.

זאגסט א סברא

אלעס ווייסט ער דער איש פלא, מיט א מיליטערישע פונקליכקייט. נאר די powerball lottery נומער איז אים קיינמאל נאכנישט געלונגען צו דערגיין. והא ראיה אז דער מוטשעט זיך נאך

ער ווייסטעס! ער ווארט אויף דער וואס וועט אים גיבן א פעטע מטבע דערפאר. וואסטע געמיינט.

טאמבל סאס האט געשריבן:ער ווייסטעס! ער ווארט אויף דער וואס וועט אים גיבן א פעטע מטבע דערפאר. וואסטע געמיינט.

קען ער דאך עס קויפן פאר זיך און האלטן די commission

אה, מ'העט אים דאך עס נישט געבן. מ'וועט טענה'ן ער האט שוין געוואוסט. קיין קונץ נישט.