זייט פארזיכטיג! "ווינדאוס" טעלעפאן שווינדל

[אנאליזירער]

א פרישער שווינדלערישער טעלעפאן רוף האב איך היינט באקומען וואו א פרוי האט זיך אנגעגעבן ווי א רעפרעזענטאטיוו פון "ווינדאוס", און האט מיר געווארנט אז מיין קאמפיוטער האט פראבלעמען וואס וועלן גורם זיין אז עס זאך קראכן בקרוב, און אז זי רופט כדי אויסצוגעפונען פונקטליך וואס דער פראבלעם איז, און ווי אזוי מ'גייט עס פאררעכטן. זי האט מיר געהייסן גיין צו RUN און אריינטייפן פארשידענע קאודס, וואס איך בין זיך משער אז דאס שיקט מיין אינפארמאציע צו די שווינדלער אויף די אנדערע זייט טרייבל.

איך האב איר געפרעגט פון וואנעט זי האט מיין טעלעפאן נומער, האט זי געזאגט אז אז זי האט דעם נומער אין דעם סיסטעם, וויבאלד איך האב געגעבן מיין נאמען פאר דעם "דיעלער" פון וועמען איז האב געקויפט דעם קאמפיוטער. האב איך איר געפרעגט אויב זי ווייסט אויך מיין נאמען, האט זי געענטפערט אז יא, און געזאגט דעם נאמען פון דעם מענטש וואס האט געהאט מיין טעלעפאן-נומער פאר אכט יאר צוריק.

איינמאל איך בין געווען זיכער אז עס איז א שווינדל, האב איך איר אויסגע'מוסר'ט אז מען טאר נישט טאן אזא זאך, און אז עס איז נישט קיין יושר פאר די מענטשן וועמען זי באשווינדלט. זי האט מיר געפרעגט ווי אזוי איך ווייס אז זי איז נישט טאקע פון ווינדאוס, און כ'האב איר איינפאך געענטפערט אז "איך האב מיינע וועגן."