קאווע שטיבל

שניי זי איז ווייס,
שניי זי איז נאס,
שניי רואיגט דעת,
שניי ברענגט כעס.

שניי קינדער בענקן,
שניי גרויסע שעלטן,
שניי דיקע פעלצן,
שניי שטארקע קעלטן.

שניי שטיוול הויעך,
שניי שוואך קיין כח,
שניי נעפל און רויעך,
שניי פאפרוירן די מח.

שניי אראפ די אויגן,
שניי די ריקן געבויגן,
שניי ברעקלעך פון אויבן,
שניי איר גלייך אויפהויבן.

שניי זאלץ אן צוקער,
שניי פאלן אן שיכור,
שניי נאטור'ס מוטער,
שניי ווער שוין שיטער.

איין מעלה האט שניי,
פאר אזא רויטער ווי דיר,
אז דיין נעבעכדיגע האר,
טוישט כאטש דאס קאליר,

אנדערש ווי געווענליך,
ביסטו א ווייסער אדם,
נישט קיין צוקלאפטע,
רויטע פאדעם.

געלייקט אפילו איינס פאר'ן לעצטן שורה איז נישט אויסגעהאלטן



.

אפטעמיסט האט געשריבן:...

פאר דיינע חיזוק רייד א דאנק,
מיין ווייסע וואנצעס א געשאנק,
איך פיל ווי סאנטא אויפן שליטן,
מער נישט קיין ביליגע בליקן.

דער (פינטעל) איד האט געשריבן:געלייקט אפילו איינס פאר'ן לעצטן שורה איז נישט אויסגעהאלטן



.

אריין אין העמק דבר.

מי שאמר לעולמו שניי יאמר לצרותינו די. נאך איז אן די וועי.

שוין בעסער די היצען,
ענדערש דאס שמאלץ,
ווי א שניי'יגע ווינטער,
אין א שטאט אן זאלץ.

די שטאט איז סדומית אן די מלח.

וואו גארבעדזש און [שרייב נישט קיין אומאיידעלע ווערטער. מנהל]
קיינער קאלעקט
די שטאט אנגעלייגט
דע בלאזיא שווייגט

שנייאיגע גראמען
אויסטרעפן צוזאמען
ביי זיך אין געצעלט
ווייט פון די קעלט

דער שניי וויל נישט קומען היי יאר צו ניו יארק סיטי. מ'האט אים אזוי צאמגעשאלטן לעצטע יאר, ער איז באליידיגט.

GOOD FOR US

קוקט אויס ער האט זיך איבערגעבעטן און קומט מיט א פעסטקייט.