זאב ברענער שאו

[חקרן]

ווי באקאנט איז פאראן יעדע מוצאי שבת דער זאב ברענער שאו אויפן ראדיא, וואו מען טוט דורך דברים העומדים ברומו של עולם. די שאוס זענען זייער אינטערעסאנט און ציעט שטארק אונזער היימישע עולם צו הערן.

וויבאלד יעדע וואך איז פאראן נאך א נושא אויפן טיש, וואס מען באהאנדלט דארט, עפן איך אן אשכול וואו מען וועט קענען מיטטיילן וואס עס קומט פאר די וואך דארט, און אזוי אויך וועט מען קענען דאבאטירן אויף זיינע אינטערוויוס און שאוס דארט.

וחפץ ה' בידינו יצליח, להגדיל תורה ולהאדירה.

[דריידל]

פאר מען דעבאטירט א געוויסע אינטערוויא קען מען דעבאטירן די שאו בכלליות. פאר יארן פלעג איך וועכענטליך מיטהאלטן זיין מוצאי שבת פראגראם און אויפזיין ביז צווייע פארטאגס און איך קען זאגן אז וואס איך ליין איין טאג אויף קאווע שטיבל איז סאך מער אינפארמאטיוו ווי דאס וואס איך האב דארט געהערט במשך עטליכע יאר. זאב איז גאנץ א קנאפע ידען אין חרדישע ענינים, און ער האט א גרויסע שנאה צו חרדים און ער קען נישט באהאלטן זיין שמחה ווען ער באהאנדלט אן עולה וואס א פרומער איד איז באגאנגען.
בכלל איז די שאו זייער אנפראפעשינעל. ווער רעדט נאך פון די אדווערטייזמענטס וואס גריצעלט מיר נאך אין די אויערן.

[ישמעאל הכהן]

א בר נש וואס האט "ראדיא אויערן" איז פשוט נישט מעגליך אויסצוהערן אזא אומבאלימפערטן שוי ווי עס איז זאב ברענער שוי. ערשטענס איז ער בכלל נישט געמאכט צו זיין אויפן רעדיא, ער האט 0 קוואליפיקאציעס וואס א ראדיא האוסט דארף צו האבן, צווייטענס איז דער טעכנישע חלק פון זיין שוי קיינמאל נישט מסודר, אסאך מאל קומט ער אריין אזוי ווי איינער רעדט אריין פון איין פלעסטיג גלעזעל צום צווייטן מיט א בענדל באהאפטן אזוי ווי קינדער אין חדר שפילן זיך.

קאנטרי יוסי איז שוין א צווייטער מעשה, ער טויג יא.

[פאטעטא טשיפס]

פאר אייער אינפארמאציע, לויפט די "זאב ברענער" שאו, א גאנצע וואך פון מאנטאג ביז דאנערשטאג.
מען קאן אים הערן אויף 620 אויף אייער ראדיא דייעל אדער אויף talklinecommunications.com