קאווע שטיבל

נשלח: **מאנטאג מערץ 17, 2014 11:24 am**

נו עס איז געווען פורים מ'האט געהאקט א לעבן.... ס'איז געווען .....אוי האסטו פארפאסט... די האסט איהם געמוזט זעהן..... הא הא האסט נעבעך געהערט וואס ער האט זיך פארעדט?... האסט נעבעך געמוזט זעהן זיין ווייב איז נעבעך אזוי רויט געווארן... יעדעס יאר מוז ער זיך מאכ'ן שיכור, שוטה וואס ער איז, ער האט סאך הכל געטרונקען קדם 144.......

בקיצור עס איז לוסטיג און לעבעדיג. אבער נאך אלע מעשיות, וואס איז יעצט? וואס האט מען פון דעם יעצט? אז עס רייסט מיר די בויך אזש אז עס האלט ביים פלאצען, אז פוטין קען מיך ניצען אויפצורייסן אוקריינא, עס וועט זיך גיסען סלייסעס פרישע סעלמאן פיש נאך פון פרייטיג צונאכטס ביז די צווייטע סעודה ממחרת יום הפורים, דריי קאנטעינערס טאמעיטא דיפ, וואדקע פון לחיים פרייטיג צונאכטס, היימישע טשיקען זופ, דריי טעלערס, זכר בונדלעך, רעטעך,קאמפאט, איימערצויבעל, לעבער, גאלע ( גראדע גאנץ גוט געווען) טשאלענט פון טועימיה און שבת צופרי, (אבי זונטאג נאכט האט מען נישט געקענט געבן די איבער...נעכטיגע טשולענט) האלאפטשיס נאך פון דארנישטיג נאכט, וואס די שוויגער האט געשיקט למען השם צו פארזיכען, דריי פעסער וויין ועוד ועוד ועוד, בקיצור די אוקריינער וועלן זיך מחי' זיין ....!
בקיצור רבותי, איך דארף חיזוק, דער פורים איז נישט געלינגען במלאו מובן המולא, און יעצט האב איך בלויז בויך שמערצען און קאפ דרייענישען,
אקעי גיי מיר כאפן א מנין אין מונקאטש, זייטס מיר געזונט.

אה, כמעט פארגעסן, צו אלע צרות, איז די הכנות יעצט נישט געלונגען...

נשלח: **מאנטאג מערץ 17, 2014 12:33 pm**

און מקיים זיין מצוות איז גארנישט? אלס הייבט זיך אן און לאזט זיך אויס אין געדערעם? אלעזר און איתמר נאכ׳ן עסין א האלבע קו און באלד פערציג מצות און חלות פון די קרבנות חינוך האבען זיך אויך אפגערעדט וועגען הכנות? שעם זיך פאר׳ן פארשאנדעווען די הייליגע עבודות פון חאליפשעס און אייערצוויבעל!

נשלח: **מאנטאג מערץ 17, 2014 12:51 pm**

ליטוואק פון בודאפעסט האט געשריבן:און מקיים זיין מצוות איז גארנישט? אלס הייבט זיך אן און לאזט זיך אויס אין געדערעם? אלעזר און איתמר נאכ׳ן עסין א האלבע קו און באלד פערציג מצות און חלות פון די קרבנות חינוך האבען זיך אויך אפגערעדט וועגען הכנות? שעם זיך פאר׳ן פארשאנדעווען די הייליגע עבודות פון חאליפשעס און אייערצוויבעל!

אנטשולדיגט רבי פון בודאפעסט, איך האב נישט געוויסט די גייסט מיך אפלערנען ווי א ליטוואק, (צו אלע צרות נאך פון בודאפעסט), ווער האט אפגעלאכט חלילה פון די מצוות היום
מען האט זיך נאר געדארפט אביסעל אויסרעדן וואס ליגט אויפ'ן הארצ'ן.
האב א שמחת תמיד!

נשלח: **מאנטאג מערץ 17, 2014 1:10 pm**

איזהו חכם הרואה את הנולד. אז מ'עסט און מ'טרינקט מיט א חשבון אז מארגן איז אויך א טאג, האט מען נישט חרטה נאכדעם. מיינטץ נישט אז אזוי האט מען נישט קיין ריכטיגע שמחת פורים. מ'טרינקט אביסול נאכדעם עסט מען נאכדעם טרינקט מען וחוזר חלילה ביז די גאנצע וועלט ווערט חוזר חלילה און דערנאך גיט מען זיך אויס.
די פראבלעם הייבט זיך אן ביי די וואס מאכן אפ פון פריער אז ביים סעודה וועל איך זיין שיכור אז ס'עט גיין א רויך און כ'על דרשענען אז די עולם וועט זיך ווארפן פאר געלעכטער. למעשה הייבט מען אן צו טרינקער און מ'פילט נאכנישט געניג שיכור מיינט מען אז מ'מיז ווייטער טרינקן נאך און נאך און נאך ביז מ'דערזעט זיך מיט עטליכע ליידיגע פלעשער און ביי דעט טיים מאכט מען אפ אז ב"ה ס'יז געלינגען און דאס שיכרות איז שוין דא. נעמט מען זיך רעדן וואס עס לאזט זיך, ווייל איך בין דאך שיכור, און מ'רעדט זאכן וואס שפעטער האט מען חרטה. ווען עווריטינג איז אווער שפירט מען זיך ווי די גרעסטע חוזק.

מ'דארף וויסן אז עס נעמט צייט אבל סוף השיכרות לבא. אז מ'טרינקט ווערט מען שיכור מ' דארף נאר געבן אביסול צייט ס'זאל ארבעטען נאטירליך. און ווען מ'איז באמת שיכור שפירט מען נישט אז מ'מיז רעדן צו ווייזן אז מ'איז שיכור ממילה פאררעדט מען זיך נישט אזוי.
.

נשלח: **מאנטאג מערץ 17, 2014 2:29 pm**

פיין געזאגט דריידל
איך ווייס נישט פארוואס מענטשן נעמען דאס איבער די מאס, זענען זיי ביי אנדערע מצוות אויך מקיים מיט אזא הידור און א שמוץ אריבער (חוץ די אתרוג..)? זיך אנטרונקען אזש ביזן ברעכן אויפן גאס און איינשלאפן אויף יענעמ'ס סטעפס ביז 3 פארטאגס?
איך טרונק אויך, אבער מיט א מאס, מען ווערט הייפער, בגילופין, מען פאררעדט זיך אביסל אבער נישט געפערליך, מען טאנצט זיך אויס, און ביז עטליכע שעה איז מען צוריק אויפן טרעק כאחד האדם.

געדענק, טרינקען וויין איז [tag]מצטמק ויפה[/tag]

נשלח: **מאנטאג מערץ 17, 2014 3:14 pm**

שמעקעדיג האט געשריבן:פיין געזאגט דריידל
איך ווייס נישט פארוואס מענטשן נעמען דאס איבער די מאס, זענען זיי ביי אנדערע מצוות אויך מקיים מיט אזא הידור און א שמוץ אריבער (חוץ די אתרוג..)? זיך אנטרונקען אזש ביזן ברעכן אויפן גאס און איינשלאפן אויף יענעמ'ס סטעפס ביז 3 פארטאגס?
איך טרונק אויך, אבער מיט א מאס, מען ווערט הייפער, מען פאררעדט זיך אביסל אבער נישט געפערליך, מען טאנצט זיך אויס, און ביז עטליכע שעה איז מען צוריק אויפן טרעק כאחד האדם.

געדענק, טרינקען וויין איז [tag]מצטמק ויפה[/tag]

יעדע מצוה וואס האט אין זיך אביסל גשמיות ציען מענטשן אריבער די מאס, און מען זוכט יוצא צו זיין אלע שיטות, דוק ותשכח במאחורי הפרגוד

איך בין איינגעשלאפן זיצנדיג אין ביה"כ, געשלאפן באלד דריי שעה, איך בין נאך אין מיין לעבן נישט געשלאפן אין אזא פאזיציע

נשלח: **מאנטאג מערץ 17, 2014 4:48 pm**

דיה למצוה בשעתה.

נעכטן עסט מען, היינט הכנות'ט מען דאס עסן.

נעכטן טרינקט מען, היינט שלאפט מען.

נעכטן ברעכט מען, היינט וואשט מען אויס די בגדים.

נעכטן קאלעקט מען געלט, פון היינט ביז פסח געבט מען אויס געלט.

דיה למצוה בשעתה.

נשלח: **מאנטאג מערץ 17, 2014 10:09 pm**