בלאט 1 פון 2
זענען אינזערע ישיבות געזעצלאז? ווי אין א 3'טע וועלטס לאנד?
נשלח: דאנערשטאג מאי 08, 2014 10:02 pm
דורך חרבונה
[justify]יעצט איינגענימען עטליכע פרעשור פילען ווייל ס'מיר שווער צו דערהייבען אזוינע שוידערליכע שמועות מבהילות.
איך האמיר נאר יעצט אנגעהערט איבער עטליכע ישיבות שומו שמים!! דער אייבערשטער זאל אינז באהיטען פון די היינטיגע פוסעים על ראשי עם קודש.
שוין.. למעשה ווייסט איינער ווי מען קען איינגעבן א אנקלאגע נגד איינער וואס האט גענימען אויף זיינע לייצעס הינדערטער בחורים און טוט כאוות נפשו אהן קענען אפילו איינגעבן א קלאגע און געריכט, ב"ד, וכדומה, אפילו אן אימעיל צו א פי או באקס איז נישטא ווי צו שיקען די בלוטיגע זוידיגע טרערן בכתב.
ווי אימער איך האב נאר פרובירט נעמט קיינער נישט אהן אזוינע קלאגעס, דאס אז מען גייט אים ווארפען אין עטליכע יאר ארום און דאן וועט מען זיך אפרעכענען איז מיר נישט גענוג, איך ברויך יעצט וויסען וואס צו טון להציל הנעשק מיד עושקו.
איז מעגליך דא אויסצולופטערן בדרכי נועם אהנע דערמאנען שמות פרטיים קלאגעס וואס כ'האב און נאך פילע האבען, קעגן געוויסע הנהגות פון א.ג. פירער פון ישיבות?
"אין יעדע נארמאלע משפט היינט צוטאגס איז דא אן אדוואקאט א פראסעקוטער א שופט און א דשזורי און יעדער האט זיין פליכט אינעם משפט, און יעדער בר דעת פארשטייט אז אויב וועט פעלן איינע פון די פאקטארן איז דא זייער שוואכע שאנסן אז עס זאל ארויסקומען א משפט צדק.
היינט אין די ישיבה וועלט איז געווארען א מצב וואס דער מנהל איז דער סניגור קטיגור דער שופט און דער זשורי, און צו דעם אלעם האט ער נאך א טוץ נגיעות אויך, און מען רעדט נישטא פון דיני ממנות דא מען רעדט פון דיני נפשות ה"י אידיש בלוט איז ממש הפקר ! ! ! דאס אומדערהערטע דארף זיף אפשטעלן, אבער באצייטנס פאר דער המון עם וועט נעמען די זאך אין די הענט... און בלוט וועט זיך גיסן אין די גאסן פון מצרים.."
דאס איז אן אזהרה חמורה איר זאלט נישט זאגען מען האט אייך נישט געווארענט, ווייל די כותלי ה'קאווע וועלן קומען לדין מעיד זיין אויף אייערע התראות.[/justify]
נשלח: דאנערשטאג מאי 08, 2014 10:08 pm
דורך טאמבל סאס
זעץ דיך אראפ, כאפ דיך דעם אטעם, מאך א טיי, בארוהיג דיך, רעדט שטאט און קלאר. וואס האט פאסירט? פארצייל...
מ'האט נישט אנגענומען דיין זוהן אין ישיבה?
נשלח: דאנערשטאג מאי 08, 2014 10:08 pm
דורך איך אויך
שלום עליכם. ביטע שרייבט ארויס קלארער (אסאך קלארער) אויף וואס און ווען איר רעגט זיך אזוי.
נשלח: דאנערשטאג מאי 08, 2014 10:10 pm
דורך חרבונה
איך האלט מיר נאך אינמיטען בארואיגען, צו זיך קומען, איך וועל מער פרטים איבערגעבן שפעטער.
נשלח: דאנערשטאג מאי 08, 2014 10:32 pm
דורך חרבונה
[justify]די מעשה איז אזוי, עס האנדעלט זיך פון אידישע נפשות, נישט מיינע קינדער, נאר דעם אויבערשטענ'ס קינדער בני ק-ל חי, וואס זענען אריינגעפאלען אין מאנסטערישע נעגל, וואס ווייסען נאר יעצט אין די ימי בין הזמנים אז עס איז דא א חובת חינוך אויף די צאן קדשים וואס ווערן נתחנך בבי מדרשא דרב.
(די עצם מעשה איז נישט אזוי נוגע ווייל עס האנדעלט זיך מער אין דיטעיל'ס וואס איז דערווייל נישט כדאי צו מפרסם זיין)
איך וואלט אים געוואלט פרעגן דעם א.ג. פארשטייער, ביסטו טאקע פטור דעם גאנצען זמן החורף וזמן הקיץ א קיימא לן פון 'צען' חדשים ''פערציג'' וואכען צו מחנך זיין די בחורים? פארוואס לערנט מען נישט דעם בחור איבער וויאזוי צו שטיין מיט א פעסטקייט און שטארקייט ווייט פון די כלי השחתה היינט?
פארוואס איז די איינציגסטער גאול אינעם ישיבה פאר'ן בחור אז עטליכע קנייטשען ודיוקים וואס דער מגי''ש לערנט פאר דאס און זירא מער פון דעם ברויך ער וויסען?
פארוואס לאדענט מען נישט אהן דעם בחור אין משך פון די צען חדשים גענוג ווארע אז ווען די שטן פארלייגט זיך אין די צוויי חדשי החופש אין די אכט בין הזמנים וואכען, זאל ער האבען מה להשיב.
מנהל ומחנך היקר, מיינסטו אז נאר יעצט מיטען שפילען שטרענג, און טעראר, אימה ופחד, נאר אזוי גייסטו אים מדריך זיין וויאזוי צו בויען זיין אידישער עתיד?
ווען ער וועט נאך די חתונה זיך אנשטויסען בינו לבין קונו מיט שוועריקייטען חלומסטו אז ס'ועלן אים די שארפע בליקען באגלייטען? א מכה.[/justify]
נשלח: פרייטאג מאי 09, 2014 12:00 am
דורך דריידל
די מיינסט טאקע אז די מנהל איז אינטערעסירט מחנך צו זיין דעם בחור? אבערוואס!
רוב מנהלים און מגי"ש זענען דא צו באקומען זייער פעיטשעק און אויפציבויען זייער נאמען אלץ א מנהל פון א גיטע ישיבה. וויבאלט ס'איז נישטא דאס מינדעסטע געפיל, טראגט די היינטיגע חינוך אזא פנים.
איך זאג "רוב" מנהלים און מחנכים, ווייל איך קען פערזענטליך עטליכע וואס געבן יא א חינוך מיט געפיל. אבער אפילו די געציילטע, זענען אויך לימיטעט. וויבאלד זיי זענען איינגעשטעלטע אונטער אן אדמו"ר אדער א. ג. ראש ישיבה. האבן זיי נישט די מעגליכקייט אויפצובויען דעם תלמוד, ווייל מ'שטעלט עים אינטער פיסלעך און אויב ווערט ער צו פאפיולער צווישן די בחורים וועט ער פליען.
איך האב שוין געשריבן אין אן אנדערע אשכול אז מ'שטיימיר פאר א קאטאסטראפע. די איינציגסטע סאלושען וועט זיין אויב ס'וועלן זיך עפענען קלענערע ישיבות געפירט דורך תלמידי חכמים ויראי ה'
נשלח: פרייטאג מאי 09, 2014 12:03 am
דורך נאך א פשט
זענען אינזערע ישיבות געזעצלאז?
לדאבונינו, יא.
עס איז געווארן אזא מצב היינט ווי יעדע מוסד קוקט זיך אהן ווי א ביזנעס ווי די איינציגסטע זאך וואס איז וויכטיג איז די באדעם ליין – וויפיהל מצוינים זיי האבן געמאכט.
נישט בין אדם לחבירו, און אפילו נישט בין אדם למקום. איין זאך מצוינים 'ישיבה למצוינים'
וואס געשענט צו די בחורים גייט קיינעם נישט אהן. ביסטו א מצוין הרי טוב, אז נישט ארויס. איי וואס ווען געשעהן מיט דעם בחור אויב די ווארפסט עם ארויס? נאט מיי פראבלעם
א גוי האט מיר אמאהל געפרעגט וואס מיינט "יעשיווע" האב איך עם מסביר געווען אז עס איז א ראביניק היי סקול. נאכדעם האב איך צו מיר געטראכט, "סקול"?! וואס סקול ווען סקול?! אין א סקול געט מען עדזשעקעישן – מ'לערענט עפעס אויס. ליינען, שרייבען, זינגען, טאנצען, מאהלען, ספורטס, ארטס, היסטערי, סייענס, וכו'. נישט אלעס אבער כאטשיק עפעס.
וואס לערענט מען אין "יעשיווע"? גארנישט! מ'שטיפט די צייט, מדרייט מיט די פינגער און נאכדעם האט מען נאך די חוצפה עס צו רופן 'מוסדות החינוך'
נשלח: זונטאג מאי 11, 2014 1:01 am
דורך עפל סיידער
@חרבונה איך זעה מען האט ערגעץ שוין דערהערט דיין צעקה דער שערי יושר ראש ישיבה פארפירט אצינד אז עס איז עק וועלט און מען ברויך מער אויפארבעטן די מגי''ש ומלמדים אויפצובויען אינזערע קינדער.
נשלח: זונטאג מאי 11, 2014 10:40 am
דורך יאסל ראקאווער
לעצטענס איז מיר אויסגעקומען צו זעען אן אנאנס אין א לעיקוואדע צייטונג פון די "וועד הלעיקוואד" וואס רופט צו אלע עלטערן וואס האבען א קינד וואס איז נישט אנגענומען געווארן דורך כאטש איין לעיקוואדע מוסד זיך צו מעלדען צו זיי.
זאגט מיר א לעיקוואדע איינוואינער אז ווי לאנג עס איז דא איין מיידעל אדער אינגעל וואס האט נישט ווי צו לערנען עפענט זיך נישט קיין איין מוסד אין לעיקוואד פאר די נייע זמן.
אויב ס'איז אמת וועט משיח ווייזען מיט די אצבע צרדה אויף די וועד; די זענען די אידען וואס האבען מקרב געווען די גאולה.
פארשטייט זיך אז די רבי ז"ל הבטחה וועט נישט גיין לטמיון, און ער וועט קומען ווייזען קיין וויליאמסבורג אויך.. אבער האט שוין סיני מאלעביצקי פארענטפערט דעם דברי יואל, אז אויף אונז וועט ער ווייזען מיט די מיטעלסטע פינגער..!..
נשלח: זונטאג מאי 11, 2014 12:06 pm
דורך חרבונה
אן אמת'ע נקודה פון א פארווייטאגטער בחור
town1 האט געשריבן:א שטיק צייט האב איך עוסק געווען מיט לערנען פריוואט מיט בחורים במשך די צייט בין איך נאנט געווארן מיט א גאר חשובע בחור, איין טאג טרעף איך דעם בחור אין איך זעה ווי ער שפילט זיך ארום מיט א סמארטפאון, געב איך אים זאג נאר די ווייסט דאך איך מיין נישט דיין שלעכטס די ביסט דאך א גאר חשובע בחור פארוואס דרייסטו דיך ארום מיט א סמארטפאון?, ענפערט ער מיר די וויייסט דאך צו זיצן ביים מגיד שיעור אין כיתה האב איך נישט קיין טראפ נערווען זיץ איך אויפן סמארטפאון, איך הער אזויפיל דרשות אז מען טאר נישט האבן סמארטפאון אבער וואס מען זאל יא טון הער איך נישט פארענדיגט ער מיט זיין זיין ביטער הארץ,
נשלח: זונטאג מאי 11, 2014 12:09 pm
דורך outspoken
א (וואויל) בחור פון 20 יאר פארציילט מיר, ער האט באקומען א לא נתקבל אין די פאסט, ער איז אראפ צום אפיס, האט מען אים געזאגט, ער דארף אונטערשרייבען קאלעדז פראגרעם , טעפ און געבען העד טשעקס אויף אגאנצען זמן,און ער מעג נאר קומען נאכמיטאג סדר, ער איז א קלוג בחור האט ער געזאגט פארן טאטע אז ער וועט בלייבען אין כולל א גאנצע טאג, האט אים זיין טאטע געזאגט, ' ס'האט מיר געקאסט הונדריטער אלפים דיר אויפצוציען זאלסט טון א גוטע שידוך וועל איך נישט פאר אפאר אלפים (וואס ער האט נישט) פארהארגענן מיין אינוועסטמענט.
דאכט זיך קאמענטירן זענען איבריג.
נשלח: זונטאג מאי 11, 2014 12:13 pm
דורך פאלשע פיש
א קליגער בחור ווייס איך נישט, אבער א קליגער טאטע דאס יא
נשלח: זונטאג מאי 11, 2014 12:20 pm
דורך outspoken
פאלשע פיש האט געשריבן:א קליגער בחור ווייס איך נישט, אבער א קליגער טאטע דאס יא
גוט געזאגט, קליגער בחור אז ער פארשטייט אז something smells wrong און א קליגער טאטע אז ער ווייסט אז ער איז נאר איין אקס אין די סטאדע און וועט נישט טוישען די סיסטעם אויף זיין בחור'ס קאפ.
נשלח: זונטאג מאי 11, 2014 9:07 pm
דורך berlbalaguleh
נשלח: זונטאג מאי 11, 2014 9:36 pm
דורך חרבונה
א שק ברויך מיר זיך אלע אנקליידען על שבר בת עמי אז אינזערע קינדער ווערן נתחנך אזוי אהן אחריות.
גיווואאאללללדדדד !
נשלח: מיטוואך מאי 14, 2014 2:42 am
דורך הדד בן בדד
איך וויל דא פרעגן א פלעינע קשיא, אבער ענטפער נאר מיט אמת. איך קען עס נישט קאנטראלירן, יעדער קען דאך שרייבן דא און זאגן אז ער זאגט אמת, אבער איך בעט אייך דאך.
וועלכע פון די שרייבער דא, האט א זוהן וועלכער איז צווישן דרייצן און זעכצן יאר אלט, און איז (באמת) גרייט אים ארייצושטעלן אין א ישיבה - א חסיד'ישע פארשטייצעך - וועלכע גייט זיך עפענען נעקסטן זמן, און גייט אפיציעל זיין א תורה עם דרך ארץ ישיבה. מען גייט האבן א פעסטן סדר הלימודים, גמרא, הלכה, חומש רש"י, מוסר, חסידות און השקפת היהדות, און צו דעם וועט מען געהעריג לערנען סעקולערע לימודים, אז דער בחור זאל ענדיגן די ישיבה מיט א פולן היי סקול דיפלאמע פון איין און צוואנציג און אהאלב קרעדיטס.
לאמיר זאגן עס גייט זיך עפענען אזא ישיבה. וויפיל טאטעס זענען באמת גרייט אריינצושטעלן זייערע קינדער אין אזא ישיבה?
נשלח: מיטוואך מאי 14, 2014 10:11 am
דורך שמעקעדיג
איך האב אויפגעהויבן די האנט.
נשלח: מיטוואך מאי 14, 2014 10:41 am
דורך ישמעאל הכהן
שמעקעדיג האט געשריבן:איך האב אויפגעהויבן די האנט.
נשלח: מיטוואך מאי 14, 2014 11:46 am
דורך עפל סיידער
ישמעאל הכהן האט געשריבן:שמעקעדיג האט געשריבן:איך האב אויפגעהויבן די האנט.
פארוואס נישט מאכען ווי רבי מיכאל בער ז"ל, צו וואס דייקא סעקולרא לימודים, ?
אינעם משנה טוב תורה עם דרך ארץ מיז נישט דייקא ליגען סעקולארע למודים, מען קען פשוט לערנען טעכנישע למודים וויאזוי צו האנדלען, קענען וואקסען א שטארקע ביזנעסמאן אויפען עמעזאן וועלט, צו אפילו מדריך זיין וויאזוי צו ניצען טעכנעלאגיע בטהרה, אהן זיין עדיקטעד צו די תועבות הגוי.
נשלח: מיטוואך מאי 14, 2014 2:11 pm
דורך berlbalaguleh
ישמעאל הכהן האט געשריבן:שמעקעדיג האט געשריבן:איך האב אויפגעהויבן די האנט.
פרעיגט תוספות א קשיא. "מאי חידשת"? שמעקעדיג'ס מאמר האמיר דאך געזעין. (עכ"פ די וועלכע האבן געוואלט זעהן(...
נשלח: מיטוואך מאי 14, 2014 2:16 pm
דורך berlbalaguleh
עפל סיידער האט געשריבן:ישמעאל הכהן האט געשריבן:שמעקעדיג האט געשריבן:איך האב אויפגעהויבן די האנט.
פארוואס נישט מאכען ווי רבי מיכאל בער ז"ל, צו וואס דייקא סעקולרא לימודים, ?
אינעם משנה טוב תורה עם דרך ארץ מיז נישט דייקא ליגען סעקולארע למודים, מען קען פשוט לערנען טעכנישע למודים וויאזוי צו האנדלען, קענען וואקסען א שטארקע ביזנעסמאן אויפען עמעזאן וועלט, צו אפילו מדריך זיין וויאזוי צו ניצען טעכנעלאגיע בטהרה, אהן זיין עדיקטעד צו די תועבות הגוי.
עפל סיידער: "סעקולערע לימודים" מיינט נישט דווקא. "עוואלושאן" און "שעיקספיער" (ימ"ש). ס'קען מיינען שרייבן און רעדן נארמאל ענגליש, און "מעטה", וכו'...
נשלח: מיטוואך מאי 14, 2014 2:24 pm
דורך smartinof
איך הייב אויף מיין האנט און איך לייג עס שנעל צוריק אראפ, צו דעם פאדערט זיך אז עס זאל זיין אבזאווירט דורך א דורכגעטראכטער ערנסטער מענטש, כדוגמת הגאון רבי יוסף דוב סאלאוויטשיק ז"ל, זיין ברענדיגער און פלאמדיגער אהבת התורה איז שווער ארפצולייגען, און זיין דראנג צו אמת און ריכטיקייט איז אויך געווען זייער גרויס, ווען די תלמידים זענען געזעצען ביי זיין שיעור האבן זיי געזען א פארצייטישע בריסקער למדן, אזא איינער קען פירען אזא פלאץ, ווען זיי זענען געזעצען און קאלעדזש און אפילו יא ביי סעקולארע לימודים, האט זיי נאך געקלינגען און אויערען די ווערטער פוינעם רב,
נשלח: מיטוואך מאי 14, 2014 7:35 pm
דורך חיימקה
איך הייב אויך אויף מיין הענט
נישט אזוי ווייט פאר די סעקולערע לימודים נאר פאר די אנדערע לימודים וואס מען גייט דארט לערנען וואס מען לערענט נישט מיט אינזער קינדער.
