קאווע שטיבל

#אויפרייס!!!! #אבלאווע!!! #דראג באסט!!!!

דאנערשטאג פארטאס 4:00 גאנץ מאנסי איז איינגעהילט און א שטילקייט אלעס שלאפט פיין און רואיג....
אבער און ישבות אור תורה/שאץ האט מען איינגעשפאנט אלע משגיחים מגידי שעורים מנהלים אלע אלע האבן זיך א לאז געטון אויף איינמאל איבער די דאמיטארי מיט קולי קולות אויפגעוועקט יעדעם איינעם און מיט די פארקנייטשטע פיאות מיט די פעטע נעזער פארקלעפטע אויגן פארהארטעוועטע פארגליווערטע שפייעכץ רויטע צייכענעס אויף די שטערן אזוי יעדעם אראפגעיאגט און בית מדרש. מהאט זיך מיט יעדעם באנומען ווי ער איז די פארברעכער אליין. און בית מדרש ביים באלעמער איז שוין געשטאנען די ראש ישיבה אליינס. מיט פריש געמאכטע לאקעלעך ער גרעפסט שוין פון זיין קאווע... ווי נאר יעדער איז געזיצן אוו בית מדרש האלב אנגעטון יעדער קען נאכנישט אפן האלטן די אויגן פון די שטעכעדיגע פליצלינגדיגע ליכטיקייט. ביי אלע אריינגענג פון בית מדרש שטייען עטליכע פארביסענע משגיחים און אין יוצא ואין בא!! סהערשט א טויט שטילקייט אז א חלק בחורים הייבן אן אנידערפאלן זייער מידע קעפעלע אויפן טיש טייל הייבן אן דרימלען..... אבער פלוצלינג!!!!!! א משגיח לויפט אריין און בית מדרש מיט א זאק.... לויפט צום ראש ישיבה און לייגט עס אראפ אוין באלעמער! די ראש ישיבה עפענט אויף די זאק און נעמט ארויס פון דארט אכט! יא איר לייענט גוט!!! די נאמבער "8" סמארט פאון'ס! מיט גרויס כעעעס! הייבט ער אן זעצן אויפן בימה! די גאנצע מקום ווארפט זיך! און מיט א מעכטיגע קול וואס האט געלעכערט יעדע פינטל שטילקייט האט ער זיך גענומען אויסרופען יעמוד...!! פלוני בן פלוני! א געלעקסי עקסיהבט!! שגץ ארויס פון בית מדרש!!! פאק דיר פעק און פאר אהיים!! ווייטער.. יעמוד הבחור החשוב פלוני... א LG ארויס פון דא!!!!! און אזוי ווייטער אלע אכט בחורים זיך געפאקט פעק און די ראש ישיבה האט אויסגעשריגן "ככה יעשה לאיש!!!!!!! " זאל יעדער זעין וואס מטוט מיט אזא איינער! מווארפט אים ווי א הינט אויפן גאס 4:25 פארטאגס און פארטיג!

Cp

די שרייבער זעהט אויס ווי א אינסיידער, זעהט אויס ס'איז איבערגעבליבן דארט א פך שמן.

ראשעקאל: ייש"כ פאר ברענגען אזאלכע הארצרייסנדע רעפארטס. דער עוילעם האט שוין געמעיגט פארבלייבן אין ביהמ"ד צו זאגן סליחות. שלאפן קענמען דאך שוין סייווי נישט. נאר איך וואלט מייעץ געוועין פאר אלע אנדערע בחורים אז זיי זאללן אויכעט פאקן פעק און גיין אהיים. דאס וואלט געוועין א גוטע סורפרייז און א גוטע לעקציע פאר די אלע אזויגערופענע ראשי ישיבה און משגיחים.
נאר כ'האב מורא אז די גאנצע מעשה איז געוועין נישט מער ווי חלום בלהות. א "נייט מעיר" וואס עטליכע בחורים וועלכע באזיצן סמארטפאונס האבן געהאט. טראכטנדיג א גאנצע צייט אויב די משגיחים וועלן אויסגעפונען זענען זיי אויף צרות. ויהי לפלא...

אין אנדערע נייעס ווערט יעצט געמאלדן אז קאווע טרינקער וועט באלוינען אלע וואס וועלן העלפן די פארשעהמטע בחורים טרעפן א צווייטע ישיבה, קולוג', שידוך, דזאב וכו'

לאמיר הערן וואס די חכמי המקום דא האלטען מען זאל טון מיט א בחור וואס טינוף'ט ארום אין אינטערנעט, שלעפענדיג יעדן שני וחמישי נאך עטליכע בחורי חמד צום אינטערנעט סוער.

עס איז שוין דא מב' א חלק.

זייער גיט, כל הכבוד, וואס זיכען די בחורים און א ישיבה??
זאלען זיי גיין ארבעטן אדער און קאלעדזש, סתם זיי משוגע מאכען און ישיבה? די דשאוק מעג זיך שוין אויפהערען

דאס איז דער פראבלעם, מ׳מיינט אז מען דארף טון. שוין גענוג געטון. הייב אן ״טראכטן״ פאר א טשעינדש. הייב אן זען אז פון טיילן פעטש, זרק׳נען פון ישיבה, קאנפיסקירן סעלפאון׳ס וועט זיך גארנישט טוישן. אינטערנעט וועט בלייבן ביי די בחורים, צוזאמען מיט די סייעתא דשמיא וואס וועט בלייבן ביי די איגנאראנטישע מנהלים, וועלכע מיינען זיי זענען קלוגער פונעם מציאות.

מורי ורבותי חברים יקרים
איך האב ליב צי זאגען וואס "איך האלט" און לאו דוקא וואס "די האלסט" דעריבער זאלען אלע מיר מוחל זיין וואס איך גיי שרייבען, ווייל אזוי ווי איך האב ביז היינט געשריבען וואס "איך האלט" בין איך דאס ממשיך בלי מורא

יא דער עולם רידערט מען שעלט דעם שאצער ראש ישיבה א עזות א ווילדקייט א בארבארישקייט וואס נישט? זייט המן איז נאך אזאנס נישט געווען, א היינטיגע רשעות'דיגער אכשיר דרא רעליגיע
אלעס פיין און וואויל, אבער לאמיר אייך פרעגען, טראכט אריין אין אזא פאל: איר זענט א גרויסער מכניס אורח, איר נעמט אריין מענטשען ביי אייך אין שטיב צי עסען וכו, און א משוגעת האט אייך אנגעכאפט און איר זענט מחליט ציליב וועלכע סיבה עס זאל נאר נישט זיין, אבער איר זענט מחליט אז ביי אייך אין שטיב מעג מען נישט אריין קימען מיט "רויטע זאקען", אזוי איר האט דאס נישט ליב און איר ווילט דאס נישט זען ביי אייך אין שטיב,
איך פרעג אייך, איז א מענטש בארעכטיגט צי זאגען אז ער וויל נישט קיין רויטע זאקען אין זיין הויז? יא! ווייל עס איז זיין הויז, און אז די ווילסט דוקא יא גיין מיט רויטע זאקען דעמאלס גיי נישט אריין אין זיין הויז! קיינער צווינגט דיר נישט אריינציגיין דארט! עס איז זיין הויז און ער האט די אלע רעכטען צי באשליסען וואס מען מעג יא אריינברענגען און וואס נישט!
יעדער איז מודה אז עס איז א משוגעת, אבער ער האט רעכט, און ווען א בחור זאל מחליט זיין דוקא יא אריינציקימען מיט רויטע זאקען וועט יעדער זאגען אז דער בחור האט זיך "אליינס ארויסגעווארפען" ווייל ער האט געוויסט אז דער בעל הבית וויל דאס נישט, איז וואס זיכסטי זיך?
דער ראש ישיבה (גראדע קימט עם קרעדיט, עס איז דא א גרויסע מאנגעל פון ישיבות און ער האט מתוך שלא לשמה ציגעשטעלט א גיטע סערוויס, א נייטראלער ישיבה פארען ברייטען ציבור, און ער וועלט זיך נישט אזוי, ער נעמט אריין כמעט יעדעם)
בקיצור ער האט באשלאסען צי געבען פאר די בחורים גיטע סערוויס, ממש אלעס, און די טאטעס צאלען עם געלט אז ער זאל זיין פאראנטווארטליך אויף די שמירה פון זייערע בחורים, ער זאל זיין מחנך זיין, ער זאל לערנען מיט זיי, און די עיקר האלטען א עין פקיחה אז קיינער זאל נישט קאליע מאכען זייער אוצר,
דער ראש ישיבה טרייט זיין בעסט, (איך גיי נישט אריין צי די סיסטעם איז יא אדער נישט גיט, ער טיט די בעסטע וואס זיינע קליענטען בעטען פון עם) ער לערנט מיט זיי דאווענט מיט זיי, געבט זיי צי עסען און צי שלאפען, אלעס
אבער איין טאג ווערט ער געוואר אז א מגיפה נעמט ארים זיין ישיבה, טאטעס ריפען עם אן אז זיין בחור איז געוואר געווארען פון די גרעסטע שמיץ אין די וועלט ציליב א בחור וואס שלאפט אין זיין צימער און האט אפענע אינטערנעט אויף זיין סעל, דער טאטע האט געשריגען צי דער ראש ישיבה "ביי מיר אין שטיב רעדט מען א איידעלע שפראך, ביי מיר אין שטיב געב איך אכטיג אויף מיינע אוצרות מיט זיבען אויגען, איך האב קיינמאל גארנישט געשפארט פאר זייער חינוך, אלעס די שענסטע און די בעסטע, און דא ער גייט אין א ערליכער ישיבה, און טאקע דארט מיז ער קאליע ווערען? ווערען א רודף זימה? ווערען א בחור פיל מיט שאלות אין א אומנה"? דער טאטע האט געשפירט אז עולמו חרב בעדו, עכט א גיטער פיינער טאטע מיז זען ווי די חינוך פון 17 יאר גייט לטמיון אין איין מיניט ווייל זיין זין שלאפט אין איין צימער מיט א בחור וואס האט א אפענער סעל,
אזוי זענען געווען פיל מיט טאטעס וואס האבען געמאכט קולות אויף דער ראש ישיבה, אז זייערע בחורים גייען מטה מטה, עס ווערט ווי א מגפה, איין בחור מאכט נאך דער צווייטער און די פייער ברענט, פון איידעלע תמימותדיגע בחורים ווערען זיי מושחתים בכל הענינים
דער ראש ישיבה וועלכע האט אייביג געלאזט די בחורים לעבען, און נישט געקוועטשט צי שטארק האט יעצט געפילט אז דאס לאזען די בחורים אביסעלע לויז, דאס האט עם געברענגט די מגיפה, און ער האט זיך גענימען געבען דרשות אין ישיבה און פון פריש ערווענט און דערמאנט אז אין זיין ישיבה טאר מען נישט האבען די כלים, און ער האט זיי געזאגט אז דאס איז א תנאי קודם למעשה! א בחור וואס וויל אזא סעל, געזינטערהייט אבער נישט דא! דא וויל איך עס נישט האבען!
ער האט זיך געבעטען צי זיי, געוויינט צי זיי, אבער די 8 בחורים האבען זיך אויסגעלאכט אין די פויסטען, דער ראש ישיבה וויינט די טאטעס וויינען די מאמעס וויינען און 8 בחורים מאכען פורים פון יעדעם
ענדליך נאכען זען אז רעדען מיט שיינעם און בייזען העלפט נישט, האט דער ראש ישיבה באשלאסען אז ער גייט נישט לאזען ציגרינד לייגען "זיין" ישיבה וואס ער האט געבויט מיט בליט און פלייש, און 8 מחוצפים גייען נישט מער קאליע מאכען אנדערע און טין ככל העולה על רוחם, און איין טאג האט ער אריינגעריפען די 8 בחורים יעדער באזינדער און מיט שיינעם געבעטען אז אדער "געבסטי אהער די כלי אדער גיי פון דא, מיסט נישט בלייבען דא קיינער צווינגט דיר נישט, אבער אויב די ווילסט אזוי שטארק דא בלייבען, פליז ברענג עס נישט אריין דא"
די בחורים האבען געלייקענט שטיין און ביין אז זיי האבען דאס, און אין דארמיטארי האבען זיי געלאכט אין די פויסטען פון דער ראש ישיבה,
דער ראש ישיבה זענדיג כי כלתה אליו הרעה, האט ער באשלאסען צי מאכען די אבלאווע

יעצט פרעג איך, האט נישט דער ראש ישיבה גיט געטין?
אמת, די אלע 8 בחורים זענען יעצט גרויסע רחמנותער, אמת זיי האבען נעבעך געליטען בושות, און האבען יעצט נישט ווי צי גיין, נעבעך
אבער האבען זיי ביז יעצט נישט איבערגעצויגען אלע שטריקלעך? האבען זיי ביז יעצט נישט געמאכט א לעבען אויף אלע נבלה זייטלעך און מיט דעם מהנה געווען אנדערע איידעלע בחורים? האבען זיי נישט איגנארט די אלע ווארענינגען? האט נישט דער ראש ישיבה די רעכט צי היטען אויף די בחורים וואס זייערע טאטעס צאלען טייער שכר לימוד? האט נישט דער ראש ישיבה אזוי פיל רעכט צי זאגען אז ער וויל נישט קיין רויטע זאקען אין ישיבה?
בחורל, ווילסט דוקא אזוי שטארק א אפענע סעל, ביטע זייער, אבער פארשטיי אז ער איז בעל הבית דא, און אפגעזען צי ער איז יא אדער נישט גערעכט לגבי סעלפאנס, אבער לגבי צי באשליסען וואס יא און וואס נישט אריינציברענגען אין זיין פראפעטי, דאס האט ער יא רעכט צי פאדערען, און אז די ווילסט נישט פאלגען וואס ער בעט, האסטי מיט דעם "זיך אליינס ארויסגעווארפען", בחור'ל ביסט זיך ערליך ווערד דאס געלט, יא די האסט זיך בידיים אליינס ארויסגעווארפען
וואס גייט יעצט זיין מיט דיין עתיד?
די שאלה איז צי דיר אליינס האט עס יא אמאל בארירט די שאלה, צי די האסט זיך אלץ אויסגעלאכט פון דיין טאטע מאמע מלמד מנהל ראש ישיבה, די האסט אייביג געטין אלעס אינטער זייער ריקען און פארשטאנען קליגער, סא גיי טי וואס דיין הארץ באגערט, טי אלע עבירות און בלעים נישט קיינעם, ביסט א גדול, כמעט 18 און די קענסט שוין באשליסען צי די ווילסט זיך אינטער לייגען אינטער א פארענדיגער טרעילאר צי נישט, דיין דיסישען, ווילסט זיך לייגען אינטער א טריעלאר, ביטע זייער, אבער האב נישט קיין טענות צי קיינעם אז די ווערסט ציפליקט אויף פיצלעך, די האסט געוואלט דאס טין, מען האט דיר געווארנט, מען האט זיך געבעטען צי דיר, אבער די האלסט אז די פארשטייסט בעסער, געזינטרעהייט גיי!
דער בחור איז סתם א צילאזטער פארשוין, אפילו ווען ראשעקאל וועט גיין נעמען געלט און באצאלען קאלעדזש פאר עם וועט ער אויך פליען פון דארט ווייל ער איז א בן בלי עול, און נאכדעם ווען ער וועט זיין טיף אין די ערד גייט ער יעדעם באשילדיגען יעדער וועט זיין שילדיג אין זיין מפלה, יעדער אלע רבנים ראש ישיבות טאטע מאמע ווער נישט? מען האט עם דאך געווארפען אזוי אימשילדיג פון ישיבה, סתם פאר בליט דארשטיגע רשעות!

חברה, ווי האט יענער געזאגט? אלע נח נח'ס זענען משוגע אבער נישט אלע משוגעים זענען נ נח'ס
אמת די ראשי ישיבות טויגען נישט, רבנים זענען קאראפטירט אבער נישט אייביג און נישט אלעמאל זענען זיי שילדיג, עס באשטייט נאך צווישען 150 בחורים 8 חיות 8 בחורים בלי עול 8 מחוצפים וואס מען קען נישט האנדלען מיט זיי ווי מיט מענטשען

איך טיטאניק רייס אראפ זייער אסאך די רבנים, יא זיי זענען אסאך שילדיג, אבער דאסמאל זאלען די בחורים און אלע זייערע שטיצערס פעסען ריעלעטי, און נישט זיך לאזען פאפען, יעדע מצב מיז מען באהאנדלען מיט אמתדיגע אויגען און נישט מיט קיין פילינגס
אמת די ווערטער "א ראש ישיבה האט געווארפען בחורים" הערט זיך זייער זייער אימשילדיג פון די בחורים'ס זייט, אבער נישט אייביג זענען זיי אזוי אימשילדיג

איך ענדיג מיט די ווערטער, מיינע בחורים האבען אויך א סעל, אבער א כשר'ע, און איך וואלט קיינמאל נישט געשיקט מיין זין אין א ישיבה ווי דער ראש ישיבה לאז צי אז בחורים דארט זאלען לאזען אנדערע בחורים קיקען פ*** סייטס
און איך געב גערעכט פאר דער ראש ישיבה, פארען דעס טין ווייל ער האטט רעכט צי זאגען וואס ער וויל יא און וואס ער וויל נישט אין זיין ישיבה

און פארגעסט נישט אז בזמן שבית המקדש היה קיים פלעגט מען האקען קעפ פאר א בחור פון 15 יאר וואס האט מחלל שבת געווען וכו', יא געהאקט קעפ
אמאל זאגט די תורה אז עס איז נישט שייך קיין רחמנות, דער גדול דארף וויסען אז יעדע זאך האט א פרייז
ווילסט א סעל? ווילסט אפענע שמיציגע סייטס, געזינטערהייט אבער האב נישט קיין טענות אויף רב מאסקאוויטש ווייל ער וויל דאס נישט און ער איז דא בעל הבית

אויב ער האט געוואוסט אזוי קלאר אז זיי האבן די סעלס, פארוואס האט ער זיי נישט פריוואט אריינגערופן און געזאגט, גייטס אהיים עטס באלאנגסט נישטא. פארוואס איבערדרייען א ישיבה אינמיטן דערנאכט, און חרוב מאכן זייער עתיד?

אויף דעם זאגט שוין טיטאניק אז ער האט א רעכט צו ווייזן א לעססאן פאר זיין ישיבה ,אויב ער האט טאקע קודם פראבירט אלע שיינע וועגן.

רעדנדיג מיט א בחור פון דארט דעם שבת זאגט ער מיר, אז די מעשה האט א בארד פון דא ביז פאריז.

מען האט אויפגעוועקט די בחורים וואס האבן געהאט סמארט פאונס פירע פארטאגס, און זיי אהיימגעשיקט מיט די זעקסע באס. עס איז געווען פיר בחורים נישט אכט. און קיינער חוץ זייער רומ-מעיטס האבן נישט מיטגעהאלטן די ארויסגעווארפעכטס.

עד כאן העובדה.

איך האלט אז מען וואלט געמעגט צוזאמרופן די גאנצע ישיבה, טרעפן א סמארט פאון ביי א בחור בארעכטיגט אן אבלאווע ווי דראגס. ווען דער בחור זאל האבן דראגס אין ישיבה וואלט מען פארשטאנען דעם אבלאווע. סמארט פאון איז ערגער.
למעשה איז אבער קיין פובליק אבלאווע במציאות נישט פארגעקומען

און...
איך וועל נישט זיין איבעראשט אז האלב פון די בחורים וועט מען צוריק נעמען (אויב נישט אלע) נאך דעם וואס זיי גייען ציזאגען אז זיי גייען "נאמאר" זיין שלעכט
מאכט נישט דים הרב מאסאקאוויטש אזוי שלעכט, איך קען עם גיט, זייער א פיינער מענטש זייער זייער
אבער יעדער מיז אמאל הייבען זיין קול וואס קען מען טין

צדקו דברי [tag]טיטאניק[/tag] וגם אני כתבתי כזה בנוגע א חדר האט רעכט אויסצושטעלן א מהלך, און אוועקשטעלן פרינציפען, אפילו, פרומע פרינציפען, ועיי"ש

וואס איז די עוולה פון אוועקנעמען א כלי וואס פילט אן די מוח פונעם בחור מיט גענוג שטותים אויף נישט איבערצולאזן א חודו של מחט פאר אביסעלע תורה ויראת שמים? מחנך זיין א בחור לתורה ויר"ש האט נישט מיט "אכשר דרא".

הערליך געזאגט טיטאניק


(אין א זייטיגע נאטיץ, כ'האב א איסתפקתא צו דו זאגסט עס נאר יעצט ווייל דו האסט עפעס מיטן ראש ישיבה, אדער וואלסט עס געזאגט ביי א צווייטע ראש ישיבה אויך)

איך האב געהערט פון א ראש ישיבה וואס האט גערעדט ביי א אסיפת ההורים האט ער געזאגט אז ליידער האט ער שוין אפאר מאל ציגענומען סעל פאנס פון בחורים אין טעג נאכדעם האט עס עם געשטערט ביים דאווענען אין לערנען וואס ער האט דארט צאמגעזען .. יעדע בחור ווייסט אז אויב מען כאפט עם מיט א סעל איז ער איוסגעשלאסען פין ישיבה אין אויב מען ווארפט עם קען ער נישט האבען קיין טענות צי קיינעם.

כ'ציטער אז סזאל פאר די בחורים נישט שאטן די בושות וואס מ'האט זיי אנגעטאן...
די ארויסווארפער וועלן זיך עס קיינמאל נישט מוחל זיין

לך לך האט געשריבן:כ'ציטער אז סזאל פאר די בחורים נישט שאטן די בושות וואס מ'האט זיי אנגעטאן...
די ארויסווארפער וועלן זיך עס קיינמאל נישט מוחל זיין

וואס טייטשט לך לך? גיי פאר דיינעטוועגן אם תרצה לך...
דאס איז פשט דא אויך
אודאי איז דאס זייער אימאיינגענעם פאר יעדעם און אויך פארען ראש יעשיבה אבער די בחורים האבען דאס אליינס געוועלט סא צי קיינעם נישט קיין טענות האבען
איך אין זייער פלאץ וואלט אויך נישט ליב געהאט צי פלחען אבער איך וואלט גיט פארשטאנען דער ראש ישיבה

מ'קען ווארפן א בחור אויף א שיינע וועג אויך. ס'נישטא קיין תירוץ פאר די ווילדקייט. איי ווייזן דעם עולם וואס וועט פאסירן אויב... ס'איז גענוג אז מ'זעהט די בחורים זענען מער נישטא. די ראש ישיבה קען אפילו געבן א פלאם פייער דרשה איינמאל די בחורים זענען ארויס פון שטח.

די כלל איז
א עוולה וואס מען באגייט ברבים דארף מען מוחה זיין ברבים

ס'נישט ווערט צו באגראבן יענעמס לעבן וועגן א כלל. ברעכן א כלל איז גרינגער ווי אריינטאנצן אין א כבשן האש.

בד"וו מ'קען מוחה זיין ברבים ווי כ'האב שוין געשריבן, אבער ס'דארף נישט בפניהם.

רויטע וואנצעס האט געשריבן:ס'נישט ווערט צו באגראבן יענעמס לעבן וועגן א כלל. ברעכן א כלל איז גרינגער ווי אריינטאנצן אין א כבשן האש.

בד"וו מ'קען מוחה זיין ברבים ווי כ'האב שוין געשריבן, אבער ס'דארף נישט בפניהם.

זאגסט עפעס
איך בין נישט קיין דיין /רב/מחנך /פסיכאלאג
איך קען נישט די מעשה איך האב נאר געשריבען פון דמיון
אבער וואס איך האב געוואלט ארויס ברענגען איז איין נקודה
נישט יעדע אה טי די איז אייביג הייליג גערעכט און נישט יעדע ראש ישיבה איז א. מאסען מערדער
מען דארף באטראכטען יעדע געשעניש באזינדער
יעדע מטבע האט צוויי זייטען און יעדע פאליטיק האט פיר זייטען
נעמט אייך נישט אייביג אן אזוי הייליג פאר די נושרים
עס זענען דא געניג וואס זענען זיך ערליך ווערד דאס געלט

איינער איז שוין צוריק.