מי יתן כל עם ה' נביאים

[סאשי פיש]

בשעת איך האב געלערענט די פרשה די וואך איז מיר בייגעפאלן די געדאנק.

גרשון בן משה קומט צו לויפען מיט איין בהלה צו משה רבינו און שרייט אויס אז עס איז דא צוויי נייע נביאים 'אלדד' 'ומידד' יהושע בעט זיך ביי משה "כלאם" פארלענד זיי
משה רבינו רופט זיך אן צו יהושע דו זארגסט זיך פאר מיך?! אויב יא זארג דיך נישט - ווייל פון מיינעט וועגן "מי יתן כל עם ה' נביאים" זאל גאנץ כלל ישראל זיין נביאים.

איך זע פון דא א מורא'דיגע זאך אז א מענטש וויל באמת העלפען א צווייטע יוד און ער מיינט נאר יענעמס גוטס גייט אים נישט אן צו ער העלפט צו א צווייטער העלפט די עיקר איז נאר אז יענעם זאל זיין גוט און יענער זאל ווערן געהאלפען.

משה רבינו א מנהיג אמת ניטאמאל האט ער בכלל געוואלט אננעמען די פאסטען מיט אלע מינע תירוצים האט ער זיך געוואלט ארויסדרייען, אים האט נישט געבאדערט אז נאך איינער איז א נביא, נאך מער שטייט אין גמרא אז ער האט זיך גאר געפרייט!

כלפי מה דברים אמורים
עס טוט זיך א טומעל און א גערודער היתכן אז פרויען עפענען אן אייגענע הצלה פאר ספעציעלע פעלער.

פרעג איך דיך טייערע הצלה מעמבער אויב דו מיינסט טאקע נאר צו העלפען א צווייטע יוד וואס גייט דיך אן אז ער גייט ווערן געהאלפען דורך א צווייטען?!

די עיקר איז נאר אז ער זאל ווערן געהאלפען, דו וואלסט דיך גאר געדארפט פרייען אז דו גייסט נישט דארפען ארבעטען אזוי שווער (?!)

נאר מוז מען בעל כרחך איינזעצען אז דו מיינסט... נישט אזוי ווייט די צוויטע יוד ווי דו מיינסט זיך?!

איך בין שוין אינגאנצען צומישט איינער קען מיך העלפען? הצלה?! פרויען הצלה!?