בלאט 1 פון 1

דזשעק ווערטהיימער: מיהו חרדי

נשלח: דינסטאג יולי 01, 2014 7:28 pm
דורך יידל
מה לעשות, די מידיא גלייכט אונז. ווייזט זיך אויס אז מיר זענען סחורה ווי גאלד, און עס גייט נישט דורך קיין טאג וואס די אלגעמיינע מידיא אדער די סעקולארע אידישע מידיא זאל זיך פאראינטערסירן מהנעשה והנשמע ביים יהדות החרדית. דזשעק ווערטהיימער פון קאממענטערי מאגאזין האט אפגעשריבן א לאנגס און א ברייטס איבער אלעס און אלעם חרדיש.
פאר מיר איז געווען אינטערעסאנט די לעצטע פאר פאראגראפן ווי ער טענה'ט - מיט רעכט - אז די חרדים זענען גארנישט אזוי עקסטרעם ווי מיר שטעלן זיך אוועק, און בעת ובעונה וואס א מכלומר'שטע "אכשר דרא" גאלאפירט פאראויס, זענען דא פיל נקודות מתחת לפני השטח ווי די חרדים ווערן מאדערניזירט, א שטייגער ווי גיין אין קאלעדזש וואס איז אין פאריגן דור געווען כמעט גענצליך בבל יראה וימצא און איז מער פאפולער ביי חרדים ווי סיי ווען. נקודה למחשבה.

נשלח: דינסטאג יולי 01, 2014 7:53 pm
דורך טיטאניק
די פארסט צי שנעל, איך האלט נאך ביי א'
די פרעגסט וועגען חרדים און איך פרעג: מיהו יהודי?

קען איינער זיין א הצלה מעמבער ווען ער וויל נישט רירען בליט?
קען איינער זיין א שומרים ווען ער האלט נישט ביים כאפען פארברעכער?
קען איינער זיין א איד ווען ער האלט נישט ביים היטען געוויסע חלקים פון די תורה?

קען זיין אז יא, אבער שכל זאגט דאס נישט

גאנצע קהילות ווערען היינט געפירט קעגען די תורה בפירוש, למשל די גאנצע "עבודה זרה" משוגעת אין ר' מענדלע וויזניצער'ס קהילה, צו די גאנצע "שיכון סקווירא" קהילה מיט אלע אירע סקאנדאלען, אדער די סאטמארע באוועגינג, ווען עס איז לכתחילה מותר געווארען חילול שבת ויו"ט ווען עס גייט קלעפ אין ביהמ"ד,
די גאנצע מושג פון "ותרנות" "שלום" "ואהבת לרעך כמוך" אדער די איסורים (מן התורה) פון "לשון הרע" "גניבה" "שקר" "ערכאות" וכו' די אלע זאכען איז לכתחילה נישט קיין שום פראבלעם ביי רוב קהילות פארקערט גאר א דזשיאהד מלחמת מצווה (נאר מיט אראבער טאר מען נישט לוחם זיין ;) )

איך רעד שוין נישט פון דעם אז "גילוי עריות" איז גאר געווארען א הייליגע זאך ווען אסאך אסאך רבי'ס טיען קלאר שיצען אויף מנובלים וואס זענען פוגע קינדער, אדער סתם באוויסטע נואפים
איך האלט נאך ביי די ווארט "איד" מיהו יהודי? ווער? יעדער אדער נאר דער וואס היט די תורה?

און אז די באקלאגסט זיך :lol: אויף די חרדים, וויל איך דיר זאגען איין סטעיטמענט איבער זיי, די היינטיגע חרדים טוישען זייערע הויט יעדע שני וחמישי די גאנצע אפטייטש פון חרדים איז אין מיינע אויגען "היפערקריטערס" היינט אזוי מארגען אזוי אן קיין שום ציל און סענץ
לייג דיר נישט אריין די קאפ אין די שאלה "מיהו חרדי" ווייל דיין קאפ וועט זיך שפאלטען פון אלע סברות און שיטות און שינויים אין פאלעסי יעדע רגע