קאווע שטיבל

מיר האלטן טאקע שוין צוויי וואכן דערויף, אבער איך האב פונדעסטוועגן געוואלט מיטיילן אן אינטערסאנטע געדאנק לערנענדיג איבער די מחלוקת קרח ועדתו, כ'וועל עס מאכן אין קורצן.
מיר געפונען קרח'ן צו זיין א געמישטער פערזענליכקייט, פשטות אין פסוק ווי אויך אין חז"ל ווערט ער באטיטולט אלס א רשע (חטאים האלו בנפשותם) א לץ (מתלוצץ מציצית ומזוזה) א כופר (בנבואת משה ותורה מן השמים) א בעל מחלוקת שלא לש"ש (נישט ווי בנות לוט פוטיפר פנינה ועוד שלש"ש נתכוונו) אבער בחדא מחתא א חכם גדול דער מנהיג פון די ר"ן ראשי סנהדראות, א שטיקל נביא, וביותר פון תורת הסוד ווער אין אים געזעהן א צדיק, א נשמה גבוה, וואס דוקא לעת"ל וועט מען זיין ראוי אז ער וועט ממונה ווערן אלס כה"ג, די דורשי רשומות מערקן אן צדיק כתמר יפרח ס"ת קרח, פונדעסטוועגן נישט ווי ביי ראובן שאול דוד בני עלי שלמה ועוד ווי חז"ל זענען זיך מתייגע צו עלימענירן אדער מינימיזירן זייערע חטאים, איז אבער דא ביי קרח פרשה זו יפה נדרשת.
אלזא וואס מזעהט לכאורה פון דא ועוד מקומות אז פערזענליכקייטן קענען זיין מער קאמפליצירט ווי סתם זיי באטיטולן אלס רשע אדער צדיק, סקען אמאל זיין אז מקען זיין ביידע בבת אחת, לדוגמא א רשע מיט דעם וואס ער פארלעצט דיני התורה אבער צו די זעלבער צייט א צדיק מיט דעם וואס ער טשעמפיאנירט פאר אידישע ווערדן און צוועקן.

פרשה זו יפה נדרשת!

[justify]

נהורא נפישא האט געשריבן:סקען אמאל זיין אז מקען זיין ביידע בבת אחת

איך הער וואס דו זאגסט, און ס'ליגט עפעס אמת דערונען. למעשה זעהט מען אבער אז ער האט געהאט א ביטערן סוף, אלא מאי קען מען נישט זיין קיין פוסח על שני סעיפים.[/justify]

עס שטייט אז קרח האט געהאט גאר א גרויסע נשמה, און גאר אסאך מעלות בתורה ובעבודה און די כלל איז אז ווען דער באשעפער וויל געבן א מענטשן א גרויסע מתנה הראוי לו, גיבט ער עם קודם א נסיון און אויב קען ער ביישטיין די נסיון באקומט ער די מתנה
די ענין זעט מען זייער אסאך אין תורה נביאים כתובים מאמרי חז"ל און סיפורי צדיקים
די פראבלעם פון קרח איז געווען טאקע דאס אז ער איז נכשל געווארן אין די נסיון, ווייל ווען קרח פאלט נישט דורך וואלט ער באקומען גרויסע מתנות אזוי ווי עס ווערט געברענגט אין מדרשים און אין ספרים הקדושים

ווי פלעגט דער הייליגער חוזה מלובלין זי"ע זאגן? דער הייליגער זיידע קורח שיינט אין גן עדן און די באבע ברענט

זייער שיין.
פון מדרש איז משמע אז ס'האט זיך אנגעהויבן מיט א טעות. קרח איז נישט געקומען לחלוק על משה לכתחילה, ער האט זיך טועה געווען מיט א חשבון, און געהאלטן אז ער דארף זיין נשיא.

לפי דעם קען מען זעהן נאך א זאך פון פרשת קרח, אז אמאל אויב מ'מאכט א טעות מעג מען מודה זיין, טעיתי, און נישט ווערן פארקראכן פון גאות, און זיך האלטן ביים דעה און פירן מחלוקת.

נהורא נפישא האט געשריבן:מיר האלטן טאקע שוין צוויי וואכן דערויף, אבער איך האב פונדעסטוועגן געוואלט מיטיילן אן אינטערסאנטע געדאנק לערנענדיג איבער די מחלוקת קרח ועדתו, כ'וועל עס מאכן אין קורצן.
מיר געפונען קרח'ן צו זיין א געמישטער פערזענליכקייט, פשטות אין פסוק ווי אויך אין חז"ל ווערט ער באטיטולט אלס א רשע (חטאים האלו בנפשותם) א לץ (מתלוצץ מציצית ומזוזה) א כופר (בנבואת משה ותורה מן השמים) א בעל מחלוקת שלא לש"ש (נישט ווי בנות לוט פוטיפר פנינה ועוד שלש"ש נתכוונו) אבער בחדא מחתא א חכם גדול דער מנהיג פון די ר"ן ראשי סנהדראות, א שטיקל נביא, וביותר פון תורת הסוד ווער אין אים געזעהן א צדיק, א נשמה גבוה, וואס דוקא לעת"ל וועט מען זיין ראוי אז ער וועט ממונה ווערן אלס כה"ג, די דורשי רשומות מערקן אן צדיק כתמר יפרח ס"ת קרח, פונדעסטוועגן נישט ווי ביי ראובן שאול דוד בני עלי שלמה ועוד ווי חז"ל זענען זיך מתייגע צו עלימענירן אדער מינימיזירן זייערע חטאים, איז אבער דא ביי קרח פרשה זו יפה נדרשת.
אלזא וואס מזעהט לכאורה פון דא ועוד מקומות אז פערזענליכקייטן קענען זיין מער קאמפליצירט ווי סתם זיי באטיטולן אלס רשע אדער צדיק, סקען אמאל זיין אז מקען זיין ביידע בבת אחת, לדוגמא א רשע מיט דעם וואס ער פארלעצט דיני התורה אבער צו די זעלבער צייט א צדיק מיט דעם וואס ער טשעמפיאנירט פאר אידישע ווערדן און צוועקן.

עס נישט דווקא קרח, זמרי בן סאלי איז דאך אויך געווען, א גרויסער איד, געוואלט מתקן זיין מיט עובר זיין, און לשה"ק ווערט דאס גערופען עבירה לשמה, עים איי רייט?

פון ישמח משה זאגט מען נאך אז אויב וואלט ער געלעבט אין יענע צייט וואלט ער געשטאנען אין די זייט נישט גענומען א צד. יא?

דער הייליגער ישמח משה זי"ע האט געזאגט אז ער איז געווען אויף די וועלט 3 מאל
איינמאל זייענדיג א שעפעלע אין יעקב אבינו'ס סטאדע, און ער איז געווען די מעשר בהמה, און האט געוויזן אז ער האט נאך א רויטע צייכן פון די שמיץ מיט די ריט וואס מען פלעגט שמייסן דער צענטער מיט א ריט וואס איז געווען איינגעטינקען אין רויטע פארב אז די מעשר זאל זיך נישט אויסמישן מיט אנדערע שאף
די צווייטע מאל ביי די מעשה פון קרח, האט מען עם געפרעגט "וועלכע צד איד דער רבי געווען"? האט ער גענפערט אז ער איז נישט געווען אויף קיין איין צד און ער איז דעמאלס געשטראפט געווארן אז זיינע אייניקלעך וועלן זיך קריגן מיט די גאנצע וועלט, אפילו אויב זיי וועלן זיין א וואלד וועלן זיי זיך קריגן מיט די ביימער.
די דריטע מאל איז ער געווען ירמיהו הנביא, און דערפאר האט ער אריינגעלייגט אזא עבודה אין קלאגן אויף די חורבן און אויף צפייה לגאולה
די פערטע מאל איז יעצט אלץ אוהלער רב

ג

ישמעאל הכהן האט געשריבן:פון ישמח משה זאגט מען נאך אז אויב וואלט ער געלעבט אין יענע צייט וואלט ער געשטאנען אין די זייט נישט גענומען א צד. יא?

איך ווייס נישט פונקטליך וויאזוי דאס ארבייט, ווייל היינט איז דאך שוין א הלכה אז מען דארף גלייבען און משה רבינו בתור נביא, איז וויזאוי וואלט ער געשטאנען און די זייט ווען דבר ה' ווערט געהערט, כ'מיין און איך דאס ניצען ביי די צייטען פון ירמי', אז בשעת ווען ירמי' האט געזאגט מוסר פאר די יידן בין איך געשטאנען און די זייט, וויסט עטס דען וואס פארא סודות די יידן האבן מכוון בשעת'ן זינדיגען, וואס זענען די גיידס ליינס