קאווע שטיבל

אין יעדע קאווע שטיבל הערט זיך כסדר שמועסן איבער נייעס, פאליטיק, ביזנעס, קהילות, וכדומה. און ווי ס'איז די סדר ביי אזוינע שמועסן איז אלץ דא איינער וואס האט עצות פאר יעדן. ער ווייסט פונקליך וואס ביל געיטס דארף טוהן מיט זיין געלט, ער האט א פלאן וויאזוי פטור צו ווערן פון אחמאדינעדשאד, ער האט אן עצה אויף די עקאנאמי, א שאד נאר אבאמא איז נישט דארט אין קאווע שטיבל אויסצוהערן דעם מן דאמר.

נו, למה נגרע? אונזער קאווע שטיבל איז עפעס א ראזשינקע? שעמט אייך נישט,, פיל מאל הערט מען גאנץ געלונגענע איינפעלער אפילו אינעם טישאוויצער קאווע שטיבל.. קל וחומר דא אינעם אבי אבות הקאווע שטיבלעך וועט מען זיכער הערן עצות אזוי צודערזאך אז אבאמא און די פענטיגאן וועלן זיצן דא מיט נאטיץ ביכלעך און אפשרייבן גאנצע מגילות פרייע אומגעבעטענע עצות.

אלזא, טינקט איין דאס פעדער,, אפברעכנדיג א שטיקל קאצקא צוקער, זויגט איין א טיפה קאווע הויך אויפן קול,,, און לאזט זיך עצהנען...