קאווע שטיבל

יאנקל האט געשריבן:איך גלייב אז די אסיפה וועט זיין גענוג גוט אויספלאנירט אז א ריזיגער ציבור וועט ווערן עמאציאנעל, און וועט אוועקגיין פון דארט מיט פעסטע החלטות זיך צו באווארענען פון דעם אינטערנעט. טראכט אריין, מ'דארף נישט זיין דער גרעסטער געני צו קענען נוצן אזא מעמד אויף צו שפילן מיט די געפילן. צענדליגער טויזנטער מענטשן וועלן שרייען "שמע ישראל", "ה' הוא האלוקים" - מ'וועט צוזאמען זאגן תפילת השל"ה וכו'. ס'וועלן דארטן זיצן מענטשן וועלכע וועלן זיך ארומקוקן און זען צענדליגער טויזנטער מענטשן פון פילע שיכטן און קרייזן פון כלל ישראל, ס'וועט זיי ארומנעמען א געפיל פון "שאי סביב עינייך, וראי כולם נקבצו באו לך." גענוג מענטשן וועלן קומען מיט אן ערנסטקייט צו הערן וואס די רבנים האבן צו זאגן, און וועלן פון דארטן אוועקגיין דערהויבן.
דעריבער קען מען זיך גרייטן אז אין לויף פון עטליכע חדשים נאך דער אסיפה וועלן זיין מענטשן וועלכע וועלן זיין עקסטרעם לגבי דעם ענין פון אינטערנעט. איר וועט זיי בכלל נישט קענען דערציילן אז איר האט עפעס געזען אויף יו-טוב. זיי וועלן אייך אנקוקן ווי רשב"י וועלכער האט ביים ארויסגיין פון דער מערה געקוקט אויף אנשים שחורשים וזורעים את שדותיהם, און געזאגט "מניחין חיי עולם, ועוסקים בחיי שעה".
איך בין מסכים מיט ראשעקאל אז א יאר-צוויי נאך דער אסיפה וועט גארנישט זיין; ווייל אפילו א טאג נאך דער אסיפה גייען נישט זיין קיין ממשות'דיגע שינויים, חוץ א התעוררות אויף פילטערס און נישט צו נוצן דעם אינטערנעט נאר אויף דברים הכרחיים דווקא - וואס די זאכן זענען בעצם נישט די לייזונג פאר דעם גרויסן פראבלעם.

קארל האט געשריבן:

אלבערט האט געשריבן:קארל, אין די ערשטע טעג נאך די אסיפה האסטו נישט געשיינט צו זיין אזוי אנציקט.

איך בין נאך אלץ נישט אנציקט. פילטערס איז א געוואלדיגע זאך און א וויכטיגע זאך, אבער ווייט נישט דער גרעסטער חלק פון דעם פראבלעם. איך האלט נישט אז די די אויפטו פון דעם כינוס, נעמליך פילטערס, איז גענוג צו בארעכטיגן די אסטראנאמישע סכומים געלט און ענערגיע וואס אריין דערין. מען קען זיך אבער נישט פארהוילן פון דעם מציאות. ווי יאנקל האט אזוי אקוראט פאראויסגעזאגט, האבן די עסקנים מצליח געווען צו נוצן דעם כינוס מעורר צו זיין איבער פילטערס, און די דאזיגע פאזיטיווע ערשיינונג האב איך דא באשריבן.  

איינער האט געשריבן:אמת א טייל פונעם עולם, האבן פון גוטן ווילן אינסטאלירט פילטער'ס, אבער אסאך א גרעסער טייל איז עס בחינה פון "כפה עליו הר כגיגת" די טעראר וואס א גרויסער חלק רבנים/עסקנים פראקטעצירן אדער פלאנען פאר צוקופנט, איז נישט צו אויסצוהאלטן.

זיי ניצען די כינוס צו פארבאטן די אינטערנעט און צו אינפארסירן דעם פארבאט מיט פארשידענע טעראר מיטלן, וואס איז נישט צוגלייבן אז עס קען פאסירן און 2012 אין אמעריקע.

דבילה האט געשריבן:צו דער עולם האט אויפגעגעבן די אינטערנעט איז זייער א גרינגע זאך צו דערגיין. אויב וואסאיזנייעס, ישיבהוועלט, אייוועלט, מצב, וכדו' פארנעמען א פארלוסט אין וויזיטארס, דאן איז אמת אז ס'איז בכלל דא אן עולם וואס האט "עפעס" אויפגעגעבן. אויב די אלע וועבזייטלעך פארנעמען נישט קיין שום פארלוסט, איז די גאנצע מעשה להד"ם.

בן תמליון האט געשריבן:

דבילה האט געשריבן:צו דער עולם האט אויפגעגעבן די אינטערנעט איז זייער א גרינגע זאך צו דערגיין. אויב וואסאיזנייעס, ישיבהוועלט, אייוועלט, מצב, וכדו' פארנעמען א פארלוסט אין וויזיטארס, דאן איז אמת אז ס'איז בכלל דא אן עולם וואס האט "עפעס" אויפגעגעבן. אויב די אלע וועבזייטלעך פארנעמען נישט קיין שום פארלוסט, איז די גאנצע מעשה להד"ם.

וואס טוט זיך טאקע מיט אונזער קאווע שטיבל? האט זי פארלוירן באזיכער זייטן כינוס, די זעלבע, אדער גאר מער?