ווי לייגט מען דאס אויס?

[קרעמער1]

דאס ווארט קען מען טרעפן - אויף גוגל און אין דזשורנאלן - אויסגעלייגט:

1) איבערמידליכע
2) אומערמידליכע
3) אימערמידליכע
4) אונערמידליכע
5) אומדערמידליכע

וועלכע איז ריכטיג?

ליבי אומר לי: אומערמידליכע
אבער איך ברויך א הסכמה פון יודעי שפה

[ונבנתה העיר]

איך בין נישט פון די יודעים, אבער לכאורה איז מער מסתבר 'איבערמידליכע', 'איבער' מלשון מער [איבערמידליכע כוחות].

[קאווע טרינקער]

אומדערמידליכע, מלשון ער ווערט נישט דערמידעט - ער גייט ווייטער אן.

וואס מיינט דערמידעט?

[Kool man]

איבערמידליכע מיינט מ'איז איבער מיד, אווער טייערד בלע"ז
אימערמידליכע מיינט מ'איז אימער מיד, שטענדיג איז מען מיד
) אונערמידליכע איז נישטא אזא ווארט, אבער די וואס פארטוישן א מ מיט א נ וועלן אשטאטץ אומערמידליך זאגן אונערמידליך
אומדערמידליכע איז די זעלבע ווי אומערמידליכע, מיט א צוגעלייגטען דלת, ווי פיל מענטשען וועלען זאגען פערזענדליך אשטאטץ פערזענליך, געווענדליך אשטאטץ געווענליך וכו'

ליבי אומר לי: אומערמידליכע
דיין ליבי זאגט דיר גוט, ריכטיג! אומערמידליך, מ'ווערט נישט מיד, מ'ארבעט איבער די כוחות, וזהו!

[Kool man]

אבטולמוס זאגט פיין, העסטו מיר ווען געלייקט העט'ך דיך ווען צוריק געלייקט

[כוכב]

די מעלות האט געהאט א שמועס דערפון אין פאפולערן קאלום מאמע לשון.
זיי זאגן אז עס קומט אומערמידליכע.

[קרעמער1]

פלוצלינג = 63,300 אויף גוגל
פליצלונג = 296
פלוצלונג = 14,700
פליצלינג = 615

די מיט די מערסטע רעזאלטס מיינט אז ס'איז די ריכטיגע?

[כוכב]

פלוצלונג איז די ריכטיגע.

[כוכב]

אבטולמוס, איך האב נאך 'קיינמאל' נישט געזען איינעם שרייבן אומדערמידליכע.

[רויטע וואנצעס]

פלוצלונג איז די ריכטיגע.

איך האב אויך אזוי געהאלטן אבער דאס איז נאר אין היימיש אידיש. אין אידישע דיקשענאריס ווי אויך גוגל טרענסלעט זאגט פלוצלינג. וועגן דעם מסתמא האט עס די מערסטע רעזולטאטן אויף גוגל, צוליב די אידישסטע צייטונגען.

[קינד_אן_קייט]

איך בין נישט פון די יודעים, אבער לכאורה איז מער מסתבר 'איבערמידליכע', 'איבער' מלשון מער [איבערמידליכע כוחות].

ס׳ווענדט זיך אוודאי אויף וואס מען וויל ארויסברענגן, לכאורה איז דער כוונה אז יענער טוט למעלה מכוחותיו, וויל מען דאך ארויסברענגן זיין שבח, טא אויב אזוי איז:

איבערמידליך דער ריכטיגער אפטייטש, ווי [tag]ונבנתה העיר[/tag] האט ערווענט,
אומערמידליך קען אויך ווערן גענוצט, מלשון ״אומערצויגן״, דהיינו, יענער ווערט נישט מיד,
אימערמידליך וואלט געמיינט אז ער איז כסדר (ווען אימער) מיד, לגמרי נישט קיין שבח,
אונערמידליך איז ענליך צו אומערמידליך, דהיינו, אן ווערן מיד (מיט א דייטשע הבהרה),
אומדערמידליך וואלט באדייט דאס זעלבע ווי אומערמידליך.

כנלפע״ד.

[לאליפאפ]

פלוצלונג איז די ריכטיגע.

איך האב אויך אזוי געהאלטן אבער דאס איז נאר אין היימיש אידיש. אין אידישע דיקשענאריס ווי אויך גוגל טרענסלעט זאגט פלוצלינג. וועגן דעם מסתמא האט עס די מערסטע רעזולטאטן אויף גוגל, צוליב די אידישסטע צייטונגען.

זיכער פלוצלינג.
פון ווי נעמט כוכב פלוצלונג ווייס איך נישט..

[ביבער]

phenomenon זאגט זיך 'פענאמענאן' אבער איך זעה עטליכע שרייבער דא לייגן עס אויס 'פענאמען', לכאורה סתם א טעות.

[כוכב]

אויף אידיש זאגט מען פענאמען.

[קרעמער1]

באגנוגן
באגענוגן
באגענוגען
באגענוגענען

איך נוץ בדרך כלל די צווייטע

[כוכב]

באגנוגן.

[שמעקעדיג]

עס איז לעצטנס אריין אין סטייל צו נוצן דעם ווארט פענאמען. דער מאמענט, צב"ש, פארפעלט נישט א וואך מיט דעם ווארט (דער שרייבער 'שלמה וואלף' נוצט עס אפט).

אריין אין דעם אשכול........
viewtopic.php?f=10&t=6966

[בשבילי!]

ענליך אדער ענדליך

לעצטענס זעט מען דא שרייבער שרייבן ענדליך במקום ענליך, אפשר איז די טעות צוליב ענדלט

[כוכב]

ענדליך איז דער באס אנגעקומען
אתרוג איז ענליך צו א לימאן

[בשבילי!]

יא, אבער דו ענדלסט זייער אין דיין טאטן, קומט שוין מיט א דל''ת. אפשר דאס ברענגט דעם טעות

[ישובניק]

דאס ווארט קען מען טרעפן - אויף גוגל און אין דזשורנאלן - אויסגעלייגט:

1) איבערמידליכע
2) אומערמידליכע
3) אימערמידליכע
4) אונערמידליכע
5) אומדערמידליכע

וועלכע איז ריכטיג?

ליבי אומר לי: אומערמידליכע
אבער איך ברויך א הסכמה פון יודעי שפה

די איינציגע ריכטיגע זענען
אומערמידליך
אומדערמידליך

ביידע מיטן זעלבן משמעות. דער חילוק איז נאר צי מ'ניצט א ד' צי נישט, אזוי ווי ביי אנדערע ווערטער, ווי אנדערע האבן שוין דערמאנט. אויב איר וואלט געשריבן ערמידליך (טעארעטיש - ווייל פראקטיש איז נישטא אזא ווארט), איז אומערמידליך. דערמידליך - אומדערמידליך.
די אנדערע ווערטער זענען נישט קיין ווערטער.

[ישובניק]

די מעלות האט געהאט א שמועס דערפון אין פאפולערן קאלום מאמע לשון.
זיי זאגן אז עס קומט אומערמידליכע.

אומדערמידליך איז אויך בארעכטיגט (אזוי ווי דערוואקסן, דערהאלטן, אומדערשעפליך), נאר ווייניגער פאפולער.

[ישובניק]

פלוצלינג = 63,300 אויף גוגל
פליצלונג = 296
פלוצלונג = 14,700
פליצלינג = 615

די מיט די מערסטע רעזאלטס מיינט אז ס'איז די ריכטיגע?

פלוצלינג