שלום עליכם! לאמיך זיך פארשטעלן פאר אייך

[אתערותא דלתתא]

א חסידישער איד וואס איז נהנה מיגיע כפיו, און זיכט אביסל כשר אונטערהאלטונג, דעריבער בעט איך מען זאל מיר אננעמען כדי אויך צי קענען זיין א טייל פון כלל ישראל, די נעשכיזער איז געוועהן א גיטע איז און מייערען צימעס איז א גיטע מייער.

[נייגעריג]

יונגערמאן אין פערציקער יארן וואס וויל אביסל מיטהאלטן וואס טוט זיך אויף דער וועלט און זען אלטערנאטיווע פערספעקטיוו און מיינונגען
איך ארבעט אלס מענערישער פון א פירמע מיט זייער אנגעצויגענע דזשאב . צו קענען זיך מי טעם פאראן אין אנדערע זאכן וויל איך קומען דא און אנטייל אין דער יידישער דעבאטע

[נעמטא-דאם]

אלס חבר וואס ליינט אסאך און שרייבט אסאך אין אנדערע מקומות מושבותיהם וועלן מיר געבן א געלגעגענהייט און לאזן אונזער פעדער אויסזוגן דאס טינט ביי א היימישע אויסגאבע פאר ערליכע אידן ביינונז אין קאווע שטיבל, און דערפרישן אונזער הארץ און אונזערע חברים'ס צייט בדיבוק חברים See You manyana

[יענקל די בעסט]

א גוטן.
איך בין יענקל, א חסידיש קינד פון א חסידיש שטוב וואס וויל מיטהאלטן אידישע נייעס און א געשמאקן חסידישן קרעמל.
וואס קען זיין בעסער פון דעים.
בשבת אחים גם יחד.

[שלמונים]

איך בין א אינגערמאן וואס ארבעט שווער על המחיה ועל הכלכלה, וואס איז אינטערעסירט זיך אויסצוליפטערן נאך א שווערע טאג ארבעט מיט נייעס אד״ג, אבער צומאל גליסט זיך צוליינען קאווע שטיבל נייעס (אזאנע סארט וואס ווערן בד״כ דיסקוסירט אין אלע היימישע און ערליכע קאווע שטיבלעך). זייער אפט, זענען דיע קריטישע און אקטועלע טעמעס ביים היימישן ציבור וואס לדאבונינו ווערן זיי צענזורירט למחצה לשליש ולרביע אין רוב אנדערע פלאטפארמעס.
איך קוק פארויס צו לייענען און צומאל אויך אריינצוווארפען מיינע צוויי צענט.

[עצות זאגער]

איך בין א היימישער איד מיט א ניגוני צו פרייע נייעס וואס קען נוצען א פלאטפארמע ווי נייעס ווערן אראפגעברענגט אויף א היימישן און זאכליכן אופן מיט א ריכטיגע אפטייטש פין אונזער היימישע קאווע שטיבל אין בית מדרש ווי עס ווערן אויסגעשמועסט אין דיסקוסירט דברים העומדים ברומו של עולם

[ים המלח]

איך בין א יונגערמאן מער פון די נייגעריגע סארט נאטור איך וויל אלעס וויסן און זען, איך ליין שוין א לענגערע צייט דא און איך האב זייער הנאה פון די געוואלדיגע אינהאלט, איך האב געקלערט סאיז שון העכסט צייט זיך געהעריג איינצישרייבן און צוגעבן געדאנקען פון מיין קוק ווינקעל, עס וועט מיר זיין א פארגעניגען צו פארברענגן דא מיט אייך.

[שר האלף]

א גוט יאר! איך ענדזשוי צו נעמען אביסל טיי"ם א"ף אביסל פארברענגען מיט חברים, איבער שמועסן די לעצטיגע נייעס, קרישקעלעך אין אנטוויקלונגען וכדו', דעבאטירן אינטערעסאנטע נושאים אין הערן נייע זאכן. - אין קורצן, - זיצן אין (אויף) קאווע שטיבל... לאמיר פארברענגען אינאיינעם!

[אתערותא דלתתא]

א באנדע סאקערס זענען אנגעקומען דא לאל

[הכנה דרבה]

א באנדע סאקערס זענען אנגעקומען דא לאל

ולמה נקרא שמם סאקערס? ווייל אז מ'שרייבט זיך אריין און מ'שרייבט נישט איז מען א זייגער

[אתערותא דלתתא]

א באנדע סאקערס זענען אנגעקומען דא לאל

ולמה נקרא שמם סאקערס? ווייל אז מ'שרייבט זיך אריין און מ'שרייבט נישט איז מען א זייגער

איך און די האבן שוין זיכער אויף געטוען אז פאר די קומענדיגע חודש גייט מען אונז נישט ווארפן, עכ״פ, פארן נישט האבן גענוג תגובות

[מרדכי אס]

א פשוטע עמך איד וואס נוטיגט זיך אין א ווארעם גלעזל קאווע צו דערפרישן אביסל די מידע ביינער,
א איד וואס טוט גארנישט מיטן טאג פשוט ווייל דער טאג האט מיר גארנישט געטוהן אז איך זאל אים דארפן צוריקטוהן...

[בן נח]

איך בין א ליינער און א קאמענטירער, גיווענליך נישט קיין גאר לאנגע תגובות אבער איך פראביר עס זאל צוגעבן צום שמועס אבער קיינמאל נישט קיין נערישע ענטפערס בלויז צו וויזען אז איך קען אויך עפעס זאגן. איך בין אינטערסירט אין נייעס און ארטיקלען וואס נען זעט נישט אין אנדערע פלעצער.

[חננאל]

שלום עליכם טייערע ידידי השטיבל! א חשובער איד דא צו לערנען, שמועסן און פארברענגען אינעם שטיבל. שוין לאנג געווען א ליינער דא און געשעפט הויפענעס מיט אינפארמאציע און חיזוק אבער קיינמאל ניש גענומען די מיה זיך איינצושרייבן, מיר האפן צי אנטייל נעמען און ווערן אן אקטיווער מיטגליד אינעם שטיבל

[שיינע איד]

איך בין א שיינע איד אין די מיטעלע 40 יאר וואס מאכט חתונה קינדער ווי עס פאסט מיט געלט וואס איך האב נישט, מיין שאיפה איז מען זאל מיר אנערקענען מער פאר מיין תורה ווי פאר מיין גדולה. אמאל האב איך זיך פארופען א חסיד פון א רבי (ווען עס איז געווען איינס) היינט געהער איך נאר צי די מוסדות פין מיינע קינדער

[חכמה ומוסר]

איך בין א אפסטעיטער אינגערמאן, גלייך צו ליינען און הערן און באקומען אינפורמציה אין תורה יהדות חכמה מוסר הגיון והיסטוריה. זייענדיג איינשטימיג מיט אסאך פון דע מיינונגען וואס ווערן דא געלופטערט ווי אויך זייענדיג נייגעריג צו זען די צווייטע צד וואס ווערט ארויסגעברענגט אין די תגובות האב איך מיך דא איינגעשריבן. איך פלאן בעיקר צו באקומען דא ידיעות מער ווי צו שעירן מיינע ידיעות און תגובות. יישר כח.

[זייערשיין]

א אינגער אינגערמאן וואס האט ליב זיך אין אויך ליב צו ליינען און שרייבן, פארברענגן אינאיינעם מיט חברים ידידים מיט א הייס גלעזל קאווע על דא ועל הא, פון נייעס ביז היסטאריע, וועלטליכע אין אידישע

[ארץ ומלואה]

איך בין א היימישע חסידישע יונגערמאן, איך ארבעט ווי א פערד צו שפייזן מיין געזונדעל, אבער איך פרוביר שטארק נישט אריינצופאלן אין א וויקטים מענטאליטעט, איך חלום נאך אז איין טאג וועל איך זיין א גרויסע עושר, איך וויל איך דרייען דא אין שטיבל בעיקר צו קענען שמועסן אין טעמעס וואס זענען צענזורירט אויף אייוועלט

[שטילערהייט]

שלום לכל,
א חסידישער נייגערע יונגערמאן איך גלייך צו וויסן אלעס און האבן א מיינונג.
איך האב הנאה צו לייענען נייעס ספעציעל היימישע נייעס.

איך האף הנאה צו האבן און צו קענען מהנה זיין דעם ציבור.

[טיפערמאן]

איך וויל זען צו עס איז דא נאך מענטשן וואס טראכטן אזוי ווי מיר אדער איך בין איינציג מיט מיינע מיינונגען. איך בין א פחדן אין איך לייד שטארק פון סאשל פרעשור אין איך האף אז איך וועל זען אז איך בין נישט איינציג וועל איך מיך קענען אסאך מער עפענען אן א פחד און זאגן מיינע מיינונגען.

[מענטש]

איך גלייך צו ליינען די ארטיקלען וואס זענען געשריבען אין א שיינע און רייכע אידיש. איך בין א בעל הבית און טאטע, איך דאווען דריי מאל א טאג. איך האב א שיעור א יעדען טאג

[צובראכן]

איך בין א אינגערמאן און די צוואנציגער יארן וואס האט אביסל איבריג צייט און טאג און וואלט הנאה געהאט צו זיין אויף א פלאץ וואס איז נישט אזוי עקסטרעם.
איך קען מיר אויס און גאר אסאך נושאים (אזוי האלט איך)
איך וויל ווערן אפראווד ווי שנעלער.

[זילבער]

איך בין א ישיבה-בחור. איך קום פון דער לאומי רעליגיעזער קהילה, אבער איך האב זייער ליב אן עכט חסידישן יידיש, און איך וויל צוריקגיין צו זיין ווי מיין אלטער זיידע ז''ל, וועלכער איז געווען א גער חסיד, וואס האט עולה געווען פון פוילן און אין זיין הויז האט מען גערעדט בלויז יידיש. מיין גאנצע לעבן האב איך נאר ליב געהאט די חסידישע אידישקייט, אידיש און אידישע קולטור.