קאווע שטיבל

כלל ישראל איז דורך געגאנגען פארשידענע שווערע תקיפות ווי די רשעים האבן זיך געוואלט פארמעסטן אויסצורייסן כל הקודש לנו ולא יזכר שם ישראל עוד ח"ו. געווען אזעלכע וואס האבן געהרג'ט און גערצח'ט במלא מובן המלה און אנדערע וואס האבן געוואלט עוקר זיין את הכל בבחינת מיתת נשמה והגוף קיים.

והיא שעמדה לאבותינו וכו' והקב"ה מצילנו מידם. די הבטחה פון כי לא תשכח מפי זרעו - חס ושלום שתשתכח תורה מישראל, איז אלץ אנגעגאנגען און טראץ אלע שטערונגען מבית ומבחוץ איז די באן געפארן לשם ולתפארת.

ביז ס'איז געקומען אותו רשע הצורר הגרמני ימ"ש, און מיט א סיסטעמאטישע רציחה אויסגעהארגעט גאנצטע קהילות מיט זייערע מנהיגים פון מערערע מדינות אשר כמוהו לא נהיתה מאז היתה ישראל לגוי. מיליאנע קדושים מסלתה ומשמנה פון וואס כלל ישראל האט פארמאגט, זענען אומגעקומען על קידוש השם.

געבליבן זענען א קליין הייפעלע צאמגעבראכענע אידעלעך, אחד מעיר ושנים ממשפחה. שווארץ קוקער האבן פארגעזאגט אז די חרדישע לעבן שטייגער איז א פארגאנגענהייט - איטס אווער! מיט גרויס שוועריקייט און אסאך סיעתא דשמיא איז אבער מקיום געווארן דעם ואחריתך ישגה מאד ווען פון די פאר צעבראכענע אידן איז אויסגעוואקסן א לגיון של מלך פון שווערע טויזענטער וואס שטרעבן ווייטער אנצוהאלטן דעם גלאררייכן אמאל.

כלפי מה דברים אמורים? חרדישע מידיא קוועלער זענען אנגעפילט מיט בילדער, ווידיאס און לייוו הוקאפס ווי מ'זעט און מ'הערט ווי גדולי רבנים ואדמורים זענען מקיים מצוות השם מדי שבת בשבתו ומדי מועד במועדו. מי פלל ומי מלל אז זיבעציג יאר נאך די ביטערע אושוויץ וועלן נאך זיין רבישע אייניקלעך וואס מאכן הבדלה? איך מיז אייך זאגן אז טרערן זענען גרינען פון מיינע אויגעליך הערענדיג אדמו"ר מ'שאראשפאטיק ליינט די מגילה בעצם יום הפורים.

ס'האט זיך אקוראשט אנגעהויבן די ימי החנוכה און שוין קומען צו פליען קליפס פון אלע זייטן ווי יעדעס צווייטער בנשקל איז מדליק את הנרות!

א נקמה אין היטלער!

דאס גרעסטע נקמה אין היטלער איז נאך לכאורה געווען דעם קליפ וואס איז ארומגעפארן פון דעם קרעשטינצער צדיק שליט"א, ווי ער שפילט מיט'ן פידל נאך הדלקת הנירות, ווער וואלט זיך דאס געגלייבט אז "בזמן הזה" וועט נאך זיין אזאנא "בימים ההמ'ניקערס" נישט אויפגעבן אויף קיין תג כל שהוא.

פונקט געוואלט שרייבן איבער דעם. יעצט זע איך ס'איז ממש זה נהנה וזה בענענע. יעדער טרואמפירט מיט זיין נקמה, והכל על מקומו יבא בשלום.

זאגן זיי, די איפכא מסתברא'ניקעס אזוי: כאטש ס'איז פאר דעם היטלער'ן נישט געלונגען אויסצופירן אלע זיינע פלענער, האט ער פארט א נקמה אין מיר פשוטי עם, חוטבי קוגל ושואבי ח"י ראטל.

זיין נקמה פלאן איז געווען זייער פשוט: לאז לעבן אחד מעיר, און גיב אים נאר אהין שנים במשפחה. וכך הווה.

ווען מ'האט איבערגעדרייט א וועלט מיט די כינוס כלל ישראל מיט אזעלכע לאזונגען אז דאס אידישקייט גייט אינטער וכדומה, האט מיר איינער געזאגט אז ער איז נישט באזארגט ווייל אויב אידישקייט איז נישט אינטערגעגאנגען נאך די צווייטענ וועלט מלחמה, וועט די אינטערנעט עס זיכער נישט אינטערברענגן.

יואב האט געשריבן:זה נהנה וזה בענענע

דריידל האט געשריבן:ווען מ'האט איבערגעדרייט א וועלט מיט די כינוס כלל ישראל מיט אזעלכע לאזונגען אז דאס אידישקייט גייט אינטער וכדומה, האט מיר איינער געזאגט אז ער איז נישט באזארגט ווייל אויב אידישקייט איז נישט אינטערגעגאנגען נאך די צווייטענ וועלט מלחמה, וועט די אינטערנעט עס זיכער נישט אינטערברענגן.

יואב האט געשריבן:ס'איז ממש זה נהנה וזה בענענע.

יואב האט געשריבן:מיר פשוטי עם, חוטבי קוגל ושואבי ח"י ראטל.

יואב האט געשריבן:לאז לעבן אחד מעיר, און גיב אים נאר אהין שנים במשפחה.

טיפיקל [tag]יואב[/tag]! איין קליינטשיקע תגובה'לע, טשאק פול אוו הומאר...