שושנים #12: מיין בקשה, איך בעט

[יין שרף]

איך בין ביי אלעמען אין שטוב
יעדער האט מיר זייער ליב
ספעציעל נאך א טאג
וואס איז געווען פול מיט פלאג

בייטאג צי ביינאכט
שטיי איך גרייט
מיט'ן גאנצן פראכט
צו וואונטשן גו"ד ניי"ט

ווייך אדער הארט
ברייט איז די סטאנדארט
אבער צוויי, גאנץ שמאל
נוצט מען ביי כלל ישראל

מצות אויף מיר מ'טוט
צומאל לייגן אויף מיר די היט
די וועש זי לייגט צוזאם
אדער זיצן דערויף סתם

רויבער און בערן
טון זיך מערן
ווען מ'איז אויף מיר
דמיונות אן א שיעור

ווען איך בין קאלט
זיין פנים שטראלט
אבער איך ווער שנעל ווארעם
דאך בלייב איך אנגענעם

די בעסטע עצות
געטראכט אויף מיינע פלייצעס
שווער צו גיין אין מיר
אויסער אויב מ'הערט א שיעור

שווער ארויסצוגיין
ביז די צייט טוט פארגיין
ווען עס גיט א קלינג
ארויס דערפון שפרינג

אירע אויגן פארטרערט
אדער ווען ער קלערט
צו סתם אזוי צעטראגן
צו מיר טוט מען זיך יאגן

איך האב פיסלעך פיר
דאך יעדער ליבט מיר
אסאך וואג איך טאלעריר
שפרינגען אויף מיר פרוביר

פלאץ פאר איינעם אדער צוויי
אדער די מאמע מיט קינדער דריי
מיט תכריכים מיך איינהילן
ווען די קינדער טון שפילן

צו ליינען אויף מיר א בוך
אונטער מיר די שיך
א ביסל וואסער דערנעבן
זיך א וואש קענען געבן

די מאמע טוט שרייען
אבער די קינדער נישט גייען
דער טאטע דארט געשמאק זיך אויפהאלט
די מאמע אן כח אריין פאלט

מ'טוט זיך אין מיר אריינקנעטן
צומאל אפילו אנטרעטן
אין מיר טוט מען אפרעכטן
ווען עס געשעט דאס נעכטן

אויך די פוס געבן א קראץ
ווען איך ליג אויפ'ן מאטראץ
איך זע עס נעמט נישט קיין עק
יא! דאס בין איך דיין בעט...

[פישלע העררינג]

קודם כל, ראשית דבר, געפעלט מיך דער קעפל, לישנא דמשתמע לתרי אנפין, בעט/בעט!...

[berlbalaguleh]

קודם כל, ראשית דבר, געפעלט מיך דער קעפל, לישנא דמשתמע לתרי אנפין, בעט/בעט!...

א "פאן" Pun , אדער א דזשאוק, אדער א פשט'ל קענמען נישט מסביר זיין. אדער מ'כאפט עס אדער נישט....

[פישלע העררינג]

כ'קען נישט גלייבן אז איך האב נאכנישט געמאכט א רעיטינג אויף אזא זיסקייט פון א פאעזיא!

קיוט איז נישט דאס ווארט! ס'איז א לויזע געדאנק, ס'לאזט זיך בייגן. אז מ'טראכט אריין, wow, וואס מ'טוהט נישט אלץ אין א בעט!

זיס ווי צוקער: 5+ כוכבים

ביי-לינגיועל גראמען: 5 כוכבים

אריגענעלע געדאנק: 5 כוכבים

גוט און רייך ארויסגעברענגט: 5 כוכבים

הומאר: 5 כוכבים

וואלט געמעגט אויסלאזן צוויי דריי זאכן: עם, א שיינע פאר כוכבים...

אוועראלל: צוקער זיס, ברענגט גרינגערהייט ארויף א שמייכעל אויף די לעפצן! מיט אפאר שינויים איז עס גוטע סחורה נאכצוזאגן ביי א שבת טיש / חנוכה פארטי. א אמת'ע הנאה צו ליינען!

[לית דין בר נש]

מחבר???[tag]כוכב[/tag]

[יין שרף]

גם אני חלקי אענה
יא דאס איז מיינע
במטתי נפלתי
בחרבי וב'ק"ש'תי

[לית דין בר נש]

די האסט באקומען מיין וואו"ט איך האב זייער הנאה געהאט פון דעם

[מאטי]

גם אני מצטרף.. יין שרף געוואלדיג! כ'האב געשטימט פאר דיר.

[פישלע העררינג]

כ'האב הנאה אז כ'האב דיך געגעבן א מורא'דיגע גוטע רעיטינג. יו סאונד לייק עי נייס גיי.

[יין שרף]