שושנים #34: מעשה שיהיה!

[גימפל]

קושיות און ספיקות
געוואלד! אובד עצות
מאחרית לראשית
פרובירט מיין געביין
געבן צו פארשטיין
איך קען נישט אנגיין

דאס הארץ טוליעט
אן ענטפער ס'גלוסט
אלץ לער און פוסט
די סטרונעס שרייען
אנגעפילט מיט ווייען
עד אין סוף זיי גייען

מצדדי ימין ושמאל
זאגן אויף איינמאל
קורה בין עיניך טול
ברורות מוכיחות
בלי שום נגיעות
שיטותינו אמיתות

טיף אין די טונקל
צאנקעט א פינקל
א ליכטיגע שטיבל
מיט חריפות ועמיקות
חקירות אדער דרישות
למצוא את האמיתות

מאמרים מ'האקט
אשכולות מ'בראקט
די גייסט צעקלאפט
מאין יבוא העזרה
ס'הערשט א הסתרה
וואס איז די מסקנה?

והנה 'למעשה' הגיע
הדרך הישר השמיע
לנפש צמאה והומיה
שטראלן פון ליכטיגקייט
חכמה מ'פארשפרייט
טון 'למעשה' מ'גייט

נישט אויסגעלייזט
פארט א טרייסט
לחופש מ'שפרייזט
לגאולה בפרטיות
ועוד ענינו נטיות
לגאולה כלליות

על ראשינו ועל כתפינו
זאגן מיר אלע הננו הננו
'למעשה' לתפארתינו
אוועקלייגן די קשיות
ס'העלפט אויף חרוסת
'למעשה' בראש חוצות!