קאווע שטיבל

דעם פארגאנגענעם מיטוואך האט ליידער ווידעראמאל פאסירט א טעראריסטישע אטאקע אין ארץ ישראל, ווען אן אראבישער רוצח האט ארויפשפאצירט אויף א אוטובאס אין צענטער פון תל-אביב, ארויסגעצויגען א מעסער, און זיך גענומען שטעכן מענטשן פון אלע זייטן. 9 מענטשן האט דער אראבישער רוצח אזוי געשטאכען, ביז דער 'נהג', א איד מיטן נאמען העצל ביטמאן, האט אים אומשעדליך געמאכט.

9 מענטשן האט דער קאלטבלוטיגער רוצח אנגעיאגט צו דערשטעכן, פון דעם זענען 3 גאר קריטיש פארוואונדעט געווארן, און געפינען זיך אצינד אין דעם תל-השומר שפיטאל, ווי זיי ערהוילן זיך מיטן אייבישטענס הילף.

געוואלד געשריגען, די פארגאסענע בלוט פון די טייערע אידן פון פראנקרייך זענען נאך נישט געהעריג איינגעזאפט געווארן אין דער ערד, די בלוט פון די קדושים וואס זענען ברוטאליש ערמארדעט געווארן דורך די אראבישע רוצחים זידן נאך, די בלוט פון די 3 טייערע פארכאפטע בחורים שטייט אונז נאך פאר די אויגן, דאס אלעס איז נאר פון דאס יאר אליינס, ווי לאנג נאך גייט דאס אנהאלטן? ווער איז שולדיג אין דעם? וואס קען מען טאן דאס אפצושטילן? לבי לבי על חלליהם....

ליידער לעבן מיר ווי דער בארימטער בת היענה, מען שטעקט זיך דעם אין דער ערד אריין, און מען שרייט שלום עלי נפשי. דאס גלייכגילטיגקייט וואס מיר צווינגען זיך ארויף אויף אונז, פארטעמט אונז די געפילן, געוואלד ווען וועלן מיר זיך אויפוועקן? ווען מיר וועלן שוין שטיין אין די בהמה וואגאנען אויפן וועג צו די גאז קאמערן? עס איז אזוי קאמיש ווי דאס קלוג און געריבן אידיש פאלק גייט איבער נאכאמאל די זעלבע טעותים וואס אונזערע עלטערן אין אונגארן זענען באגאנגען אין דער נישט לאנג צוריק געוועזענער שואה, מען איז געזעצן אין הודו-נאנאש און געפראסן גולאש מיט הייסע קראמפירן, און אין שאראש-פאטאק האט מען זיך פארסמאקעוועט אין שטאפ-גענץ, און אין דער שכנות'דיגער פוילן האט שוין היטלער געשאכטן און דערשטיקט צום טויט אנשים נשים וטף אין די מיליאנען, די באן שינעס וואס פירן קיין טרעבלינקע, מיידאנאק, און בעלשיץ האבן זיך שוין געריבן און געגריצט אין גרויסן, און אנשטאט מען זאל זיך הייבן די פוס און מאכן א ויברח, האט מען זיך אריינגעשטעקט דעם קאפ אינעם טעלער פאפריקאש, און זיך פראבירט איינצורעדן אז קוטשע פייע נעקי עס גייט גארנישט געשעהן.

רבותי עס חזר'ט זיך אקוראשט איבער... דער עולם גולם רעדט זיך איין אז דער שווארבערישער נתניהו מיט זיין מושטירטע מוסד, און פעפערדיגע ש"ב, און טרענירטע געשולטער צבא, וועלן אונז באשיצן פונעם אראבישן שכן וואס דרייט זיך מיטן לאנגען מעסער אין די הויפט גאסן פון ירושלים.... גיוואלד לאמיר זיך אויפוועקן.... לאמיר זיך ארויסנעמען דעם קאפ פון אונטער דער ערד, און לאמיר קוקן דאס מציאות אין פנים אריין.... בעפאר מיר וועלן זיך דערזעהן אין די גאז קאמערן....

לאמיר כאפן א בליק וואס עס האט זיך אפגעטאן אין די גאסן פון בערלין אין די דרייסיגער יארן:

מען שטעלט אפ א גוי אויפן גאס, און מען פרעגט אים, זאג נאר, פארוואס הרג'עט מען אויס די אידן?
ענטפערט ער תיכף ומיד, ווייל די אידן דאמינירן די וועלטס עקאנאמיע, און קאנספירן ארויסצורייסן די קעשענעס פון די ריינע ראסע, דערפאר מוז מען זיי עלימינירן און עקסטערמאנירן מיט ציקלאן בי גאז.

און היינט ווען מען שטעלט אפ א גוי אויפן גאס און מען פרעגט אים, זאג נאר, פארוואס טעראריזירען די אראבער די וועלט?
ענטפערט ער, ווייל די וועלט שטיצט מדינת ישראל מיט אירע אומלעגאלע רדיפות קעגן די אראבער.

די גאנצע וועלט קוקט אן די מדינה של גיהנם אלס דער נומער איינס פראבלעם, וואס אדאנק איר איז געשעהן סעפטעמבער 11, א דאנק איר האט אמעריקע אינוואנדירט אפגאניסטאן ווי שווערע טויזענטער אמעריקאנער זעלנער זענען שוין אומגעקומען, און עס האט חרוב געמאכט די עקאנאמיע, א דאנק איר האט אמעריקא אינוואנדירט איראק און פארלוירן טויזענטער זעלנער, א דאנק איר הערשט אזא געפאר אין די וועלט אז איראן וועט זיך באוואפענען מיט נוקלעארע וואפנס.

שטעלט אייך פאר וואס פאר א סארט שנאה עס ברענט אין הארץ פון יעדן גוי בכלל, און אראבער בפרט, קעגן כלל ישראל, בלויז צוליב דעם עקזיסטענץ פון מדינת ישראל.

גאנץ רעכט אין די מיטל-אלטער תקופה, און ווי אויך אין נאצי עפאכע, האבן זיך די אידן גארנישט געקענט העלפן, ווייל דאס אז זיי זענען קלוג, און האבן באזיצט אלע פראפעסענאלע פאזיציעס, איז גארנישט געווען זייער שולד. אבער ווער זאגט אז מיר דארפן היינט צו טאגס געשטאכן ווערן און גע'הרג'עט ווערן אין די גאסען פון באמביי, און פאריז, אדער אויף אוטובאסען אין תל-אביב, אדער גאר אין בית מדרש אין הר נוף אינמיטן דאווענען, צוליב די תאווה פון עטליכע אפיקורסים און משומדים צו שפילן לאנד און רעגירונג? און האבן נישט קיין שום פראבלעם צו באצאלן פאר זייערע תאווה מיט אידיש בלוט, אזוי ווי זיי האבן טאקע געטאן ביים שואה.

ווי אזוי האט נאר געזאגט דער פארזעעהניש נתן שוואלב שר''י? "אויב מיר וועלן נישט געבן קיין בלוט, וועלן מיר נישט קענן פאדערן קיין לאנד פון די וועלט" עפ''ל, ווער בעהט דיר צו פאדערן א לאנד? צו וואס דארפסטו עס האבן? און ווער גיבט דיר דאס רעכט צו נוצן מיין בלוט דערוועגן? דארף נישט קיין לאנד, און לאמיך לעבן, דו הונט איינער!

וואס וואלט ווען פאסירט ווען ארץ ישראל פארבלייבט ווען אונטער דעם בריטשען מאנדאט?
וואס וואלט ווען פאסירט ווען ארץ ישראל איז אונטער א יו.ען. טראסשיפ? עס איז דאך געווען אזא פלאן, נאר אבא איבן האט זיכער געמאכט אז דאס געשעהט נישט.
וואס וואלט ווען געשעהן ווען ארץ ישראל איז אונטער די קעניגרייך פון ירדן? דער קעניג אבדלה האט דאס פארגעשלאגן פאר גאלדא מאיר, וואס האט דאס קאטעגאריש אפגעווארפן בלויז צוליב די סיבה ווייל זי האט געוואלט א לאנד, צו קענן שפילן הויז- רעגירונג.

דאן וואלט דאך נעמליך נישט געווען קיין גערעכטער סיבה פארן גוי אונז צו האסן און מארדן.
מדינת ישראל איז דער אומנויטיגע אומזיסטע סיבה, פארוואס מיר ווערן געשאכטן אין די גאסן, און פארוואס מיר גייען מאסענווייז אויסגע'שחט'ען ווערן....
עס איז שוין העכסט צייט צו פארמאכן שאפ, און פטור צו ווערן פון דעם ווארצל, פון דעם שורש פורה ראש ולענה צו אלע פראבלעמען, וואס רופט זיך איזראעל.....

וואס דאן וועט נתניהו קענען פארבלייבן אין ישראל אויסצומענטשלען די חרדים, און נישט דארפן מאשירן אין די גאסן פון פאריז מיט די אלע בלאפערס וואס שטעלן זיך ארויס לפנים קעגן אנטיסעמיטיזם....

ווי כאילו פארדעם האט מען נישט געקוילעט אידן אין די גאסן
נישטער אין די אידישע היסטערי פון מעמד הר סיני ביז פאר הרצל איז געבארן
מדינה? טאקע א גוטע תירוץ פאר שונאי ישראל אבער ווען נישט די מדינה וואלט געווען אנדערע תירוצים אזוי ווי זיי האבן אלס געהאט

בא גד האט געשריבן:ווי כאילו פארדעם האט מען נישט געקוילעט אידן אין די גאסן
נישטער אין די אידישע היסטערי פון מעמד הר סיני ביז פאר הרצל איז געבארן
מדינה? טאקע א גוטע תירוץ פאר שונאי ישראל אבער ווען נישט די מדינה וואלט געווען אנדערע תירוצים אזוי ווי זיי האבן אלס געהאט

יא! אבער פארוואס דארף מען זיי געבען א אומנויטיגע סיבה? נעם א וועק די סיבה.... לאמיר כאטש טאן וואס מען קען....

סיני שמשם ירדה שנאה לעולם
א מזל ביסט נישט געווען ביי מעמד הר סיני

בא גד האט געשריבן:סיני שמשם ירדה שנאה לעולם
א מזל ביסט נישט געווען ביי מעמד הר סיני

איך מיין אז די האסט מיך נישט גענפערט.

לאמיר דיך פרעגן, ווייל דער גוי האט מיך ממלא פיינט, דארף איך אים נאך צוגעבן א (גערעכטע) סיבה פארוואס ער זאל מיך נאך פול מער פיינט האבן????????

א אלטע מחלוקה צו די מדינה איז יא א טובה אדער נישט
קלוגערע פון מיר האבן געהאלטן אז עס איז נישט קיין טובה
און קלוגערע פון דיר האבן געהאלטן אז עס איז יא א הצלה
אסאך טינט איז שוין פארגאסן געווארן די לעצטע 70 יאר לכאן ולכאן
טא וואס קומט איר דא מחדש זיין?
שטארקע סברות כאן ולכאן גאט איז אבער נאך יא געבליבן בעל הבית לאמיר בעטן גאט פאר א ישועה שלימה

בא גד האט געשריבן:א אלטע מחלוקה צו די מדינה איז יא א טובה אדער נישט
קלוגערע פון מיר האבן געהאלטן אז עס איז נישט קיין טובה
און קלוגערע פון דיר האבן געהאלטן אז עס איז יא א הצלה
אסאך טינט איז שוין פארגאסן געווארן די לעצטע 70 יאר לכאן ולכאן
טא וואס קומט איר דא מחדש זיין?
שטארקע סברות כאן ולכאן גאט איז אבער נאך יא געבליבן בעל הבית לאמיר בעטן גאט פאר א ישועה שלימה

מיין חידוש איז:

אז מיר טיען גארנישט און מיר קענען ווען טאן מער. דהיינו ווען כלל ישראל וועט זיך נישט אינדעפעצירן מיט מדינות ישראל, וועט דאס שטארק אפשוואכען די שנאה פון די וועלט, און פון די אראבער צו אונז. און אידישע לעבנס וועל פארשוינט ווערן.....

[tag]קאך_לעפל[/tag]
לייען איבער די בריוו איינמאל און נאכאמאל ביז די וועסט גוט פארשטיין וואס ער זאגט, און דעמאלטס וועט דיר אלעס ווערן פארענטפערט.
א אפענע בריוו צו די וועלט

גיבור האט געשריבן:[tag]קאך_לעפל[/tag]
לייען איבער די בריוו איינמאל און נאכאמאל ביז די וועסט גוט פארשטיין וואס ער זאגט, און דעמאלטס וועט דיר אלעס ווערן פארענטפערט.
א אפענע בריוו צו די וועלט

גענדיגט.... גארנישט פארענפערט.... ער איז גערעגט אויף ג-ט פארוואס ער האט אונז געשיקט אין גלות..... און די גוים ברעכן אונז אן די ביינער..... ער שרייט אז אויב וועלן מיר האבן א אייגן לאנד וועלן זיך די פעטש אויף הערן..... פיין מיר האבן שוין א אייגן לאנד......... די פעטש האבן זיך גאר אויף געהערט...... אדער זענען גאר געווארן שטערקער????????????

און אנדערע ווערטער די אלע פראבלעמען וואס ער זאגט זענען ריין ריכטיג..... אבער זיין לעזונג צום פראבלעים איז קיין לעזונג, עס מאכט נאר ערגער דער מצב ווי געשריבן.....

די פוינט איז אז די לייגסט אהן די שנאה און רציחה צום יוד אין א געוויסע פראבלעם, און אויב וועט די פראבלעם מער נישט זיין וועט די שנאה מער נישט זיין און די רציחה ועט זיך אויפהערן, ליידער האט היסטאריע אונז באוויזן אנדערש,
פארשטייט זיך אז איך האב גארנישט געזאגט אויב די ווילסט נישט טאקע איינזעהן צו דאס איז אמת צו נישט, נאר די ווילסט דווקא באשילדיגען א געוויסע זאך אין די פראבלעם, וועגן וועלכע ריזען עס זאל נאר נישט זיין.

געפעלט מיך די ליניע:

קאך לעפל: "וואס וואלט ווען געשעהן ווען ארץ ישראל איז אונטער די קעניגרייך פון ירדן? דער קעניג אבדלה האט דאס פארגעשלאגן פאר גאלדא מאיר, וואס האט דאס קאטעגאריש אפגעווארפן בלויז צוליב די סיבה ווייל זי האט געוואלט א לאנד, צו קענן שפילן הויז- רעגירונג."

אזא ליניע איז לצנות ממש. איך גיי נישט פראבירן צו שטעלן צימעס ענינים נאנט צו דיין הארץ אפצושפיגלען אזא סארט אידילאגיע וואס שיינט צו זיין איינס פלאס איינס.

ס'טייטש קומט נישט זאגן מ'האט ענק נישט פארגעשלאגן אן פלאן צו אנטלויפן. דער קעניג פון ירדן איז דאך "יא" געווען גרייט איבערצונעמען דאס לאנד. איז געקומען די חצופה גאלדא מאיער, און דאס קאטעגאריש אפגעווארפן. פארוואס? זי האט דאך געוויסט אז דאס איז א שפיל מיט פייער וואס גייט אונטערצינדן א שואה נומער צוויי און זיין דער גורם צו טייכן אידיש בלוט? איז דער תירוץ: "בלויז ווייל זי האט געוואלט א לאנד, און שפילן רעגירונג-הויז. ועל זה דווה לבנו.

לגופו של אותו פראפאוזאל, מיין איך אז די רעדע איז נישט געווען איבער גאנץ ישראל. נאר קודם איבער דעם מערב ברעג און מזרח ירושלים, מיט א אויג אויף עזה שפעטער. ישראל האט אבער געהאט מער סיבות ווי "בלויז" צו שפילן רעגירונג-הויז דאס אפצוזאגן. נישט אז איך זאג זיי זענען גערעכט, לדעתי ברויכן זיי צוריק געבן אלע אקופירטע שטחים אזוי ווי ס'איז געווען בעפאר 1967, אבער יא האלטן דאס לאנד אזוי ווי מ'האט צעטיילט אין 1948. אבער דיין מהלך אין דזשורנאליזם איז צום שטוינען.

און בנוגע אנטיסעמעטיזם, האבן שוין אנדערע דא געזאגט. ס'איז קיין ספק אז די מדינה גיבט אויל צום פייער; אנטיסעמעטיזם וואלט אבער געווען ריגארדלעס. אגב, קרית יואל מיט זייער היינטיגער מנהיג, אויך זיין ברודער, און אפילו דער אלטער סאטמערער רבי קענען זיך אויך אלע קלאפן אשמנו פאר א שיין ביסל אנטיסעמעטיזם וואס זיי האבן אנגעבראכט אויף דער וועלט. ספעציעל לאקאלע.

קאך_לעפל האט געשריבן:מיין חידוש איז:

אז מיר טיען גארנישט און מיר קענען ווען טאן מער. דהיינו ווען כלל ישראל וועט זיך נישט אינדעפעצירן מיט מדינות ישראל, וועט דאס שטארק אפשוואכען די שנאה פון די וועלט, און פון די אראבער צו אונז. און אידישע לעבנס וועל פארשוינט ווערן.....

1) פון וועמען רעדסטו? ווער איז דאס דער כלל ישראל וואס זאל זיך נישט אידענטיפיצירן? רוב פונעם אידישן פאלק אידענטיפיצירט זיך דערמיט, נישט צוליב פראגמאטישע סיבות, נאר צוליב דער אנערקענונג אין דעם עצם פראיעקט. ביי זיי וועסטו אודאי נישט קענען פועל'ן זיך אפצוזאגן פון מדינת ישראל, ווייל אידישקייט און ציוניזם איז ביי נישט אפטיילבאר.

איז וועמען מיינסטו? נאר אונז, די חרד'ישע אידן? ד.ה. די פראצענט חרדי'שע אידן וואס איז טאקע נישט אידעאלאגיש אידענטיפיצירט מיט דער מדינה? איך גלייב זייער שווער אז אונזער אפזאגן זיך פון דער מדינה וועט אפשוינען דעם "כלל ישראל" פון אטאקעס. אויב עפעס וועט עס נאר צולייגן אויל צום פייער, ווייל די שונאים וועלן דאס ניצן ווי א "באווייז" פון אידן קעגן אידן.

2) כאטש אינדיע איז אין קאנפליקט מיט פאקיסטאן דארף נישט יעדער אינדיאנער איבער דער וועלט דערקלערן אז "ער האט נישט קיין שייכות מיט אינדיע" כדי ער זאל נישט ליידן פון מוסולמענער אטאקעס, וויבאלד קיינער האלט נישט יעדן אינדיאנער פאראנטווארטליך פאר די פאליסיס פון זיין לאנד. ווען מ'האט טענות קעגן א רעגירונג, איז זייער זעלטן אז מ'זאל צוליב דעם באקלאפן יעדן מענטש וואס געהערט צו יענעם פאלק סיי וואו איבער דער וועלט. אויב ביי אידן האלט מען יא יעדן איינעם פאראנטווארטליך פאר די פאליסיס פונעם לאנד, פארוואס מיינסטו אז אפזאגן זיך פונעם לאנד וועט אונז שיצן?

לגופו של ענין, צי די מדינה האט בעסער געמאכט פאר אידן אדער פארקערט, האט בא-גד גוט געזאגט.

בעתו ובזמנו: אינעם 'עמי' מאגאזין איז דא יעצט אן אפהאנדלונג פארוואס אידן זענען מער געזיכערט פון טעראר אין ארץ-ישראל ווי אין אייראפע. מילא ס'איז נישט אזוי נוגע צום עצם שמועס (ווייל מיר רעדן נישט יעצט וועגן מאמענטאלע זיכערהייט מיטלען וואס רעגירונגען נעמען אן, נאר וועגן דעם אלגעמיינעם גרעסערן בילד פונעם אידישן פאלק אין ליכט פון הקמת המדינה). איז לאמיר רעדן וועגן דעם וואס איז יא נוגע.

קאך_לעפל האט געשריבן:גאנץ רעכט אין די מיטל-אלטער תקופה, און ווי אויך אין נאצי עפאכע, האבן זיך די אידן גארנישט געקענט העלפן, ווייל דאס אז זיי זענען קלוג, און האבן באזיצט אלע פראפעסענאלע פאזיציעס, איז גארנישט געווען זייער שולד. אבער ווער זאגט אז מיר דארפן היינט צו טאגס געשטאכן ווערן און גע'הרג'עט ווערן אין די גאסען פון באמביי, און פאריז, אדער אויף אוטובאסען אין תל-אביב, אדער גאר אין בית מדרש אין הר נוף אינמיטן דאווענען, צוליב די תאווה פון עטליכע אפיקורסים און משומדים צו שפילן לאנד און רעגירונג?

איך פארשטיי פון די ווערטער אז בעצם איז פארהאן א מקום צו סימפאטיזירן מיט די טענות פונעם מיטלאלטער, ווי אויך אין די נאצי עפאכע, נאר אידן האבן זיך פשוט נישט געקענט העלפן, ווייל די טענות קעגן זיי זענען בעצם געווען געצילט קעגן א נאטור פון אידן (ווי למשל: זייער חכמה). אויב דו האלטסט אזוי, דארפסטו לכאורה קומען צו א מסקנא אז אידן-פיינטשאפט איז בעצם אומפארמיידבאר, נישט ווייל די וועלט זוכט זיך סתם קעגן אונז, נאר ווייל די נאטור פון אידן רעגט זיי אויף מאיזו סיבה שהיא.

כאטש איך האלט נישט אז די סיבה פאר דער פיינטשאפט איז געווען צוליב אידישער חכמה, נאר ענדערש צוליב אנדערע אידישע אייגנשאפטן, בין איך אבער גרייט מסכים צו זיין מיט דיר אז ס'איז דא עפעס אין אידן וואס שאפט אן אנגעצוינגקייט צווישן זיי און געוויסע גויים, און מיר זענען נישט ממש בכח עס צו טוישן, סיידן מיר זענען גרייט אויפצוגעבן אויף אונזער אידענטיטעט עד הסוף און זיך אסימילירן – אבער די פראבלעם איז אז די דערמאנטע מחיצה צווישן אידן און גויים דערלאזט נישט אז מ'זאל קענען בכלל אנקומען ביז אהין, צו דער פולקאמער אסימילאציע, און אזוי שאפט זיך א ציקל פון שנאה.

בכל אופן, נניח אז די טעאריע וואס דו זאגסט איז ריכטיג, הייסט דאס אז ס'איז נישטא קיין אויסוועג פון אידן פיינטשאפט. אין ארץ-ישראל וואוינען היינט מיליאנען אידן וואס האבן א אידישע אידענטיטעט (וואס ווערן אגב אויך אלץ מער פרום) בשעת וואס אין אמעריקע זענען מיליאנען אויפ'ן וועג צו אסימילאציע. וואו וואלטן די מיליאנען "אידן" פון ארץ-ישראל געוואוינט היינט צוטאגס ווען נישט מדינת ישראל? אדער וואלטן זיי געוואוינט אין אמעריקע און וואלטן אויך געווארן אסימילירט, אדער וואלטן זיי געוואוינט אין אייראפע, און זייער אידענטיטעט וואלט זיך אויפגעהאלטן א דאנק דער ארומיגער שנאה קעגן זיי – פונקט ווי ס'איז געווען בימים ההם.

לעת עתה זענען דא נאר ווייניג אידן אין אייראפע לפי ערך, און ווען נישט מדינת ישראל איז טאקע מסתבר אז ס'וואלטן געווען נאך אפאר מיליאן אידן אין אייראפע. אויב דיין טעאריע איבער שנאת ישראל שטימט, איז דאך מסתבר אז נאך אפאר מיליאן אידן אין אייראפע וואלט געמיינט נאך שנאה קעגן אידן, און נאך מיליאנען אידן אין סכנה. דאס ממש איז דאך געווען די סיבה צו דער גרינדונג פונעם אידישן לאנד, כדי ס'זאלן נישט פארבלייבן צופיל "אידיש-באוואוסטזיניגע מענטשן ווי א מינאריטעט אין פיינטליכע לענדער". אפילו אויב ס'מאכן זיך טעראר אטאקעס דא דארט, איז דאך זיכער אז מיר קענען נישט פארגלייכן די היינטיגע סכנות קעגן אידן סיי וואו אין דער וועלט, צו דעם וואס אידן זענען אויסגעשטאנען אין אייראפע אינעם לעצטן יאר-הונדערט (אפילו נאך איידער דעם נאציזם). צי ווייסטו למשל אז טויזנטער אידן זענען אומגעקומען אין פוילן צוליב טעראר אטאקעס?

בקיצור, טראץ דעם אלעמען וואס מיר זעען יעצט, סיי אין פראנקרייך און סיי אין ארץ-ישראל, שיינט עס נאך אלץ צו זיין די בעסטע תקופה פאר'ן אידישן פאלק אין איר היסטאריע, און ס'לאזט זיך שטארק זאגן אז דאס איז צו פארדאנקען דעם מציאות פון א אידישן לאנד פאר אלע אידן וואס ווילן אנהאלטן זייער אידישע אידענטיטעט אן זיין אויסגעשטעלט צו די סכנות פון אנטיסעמיטיזם אויף א טאג-טעגליכן שטייגער.

מוזט עס נישט רופן גאולה, אפילו נישט אתחלתא דגאולה, איז אבער נישט ארויס פון וועג דאס צו באטראכטן ווי א "וואונדערליכע מאדיפיצירונג פונעם גלות". אודאי קען מען קלערן "וויאזוי וואלט געווען ווען ס'וואלט נישט געווען קיין מדינה" און צי ס'וואלט געווען בעסער, אבער דער מציאות איז אז פארדעם איז געווען גיהנם פאר אידן (הונדערטער טויטפאלן פון אידן יערליך אין פרידנסצייטן), און נאכדעם איז געווארן ניינציג פראצענט בעסער. ווילסט גלייבן אז ס'וואלט געקענט זיין נאך בעסער ווען נישט אט די אזויגערופענע "מאדיפיצירונג"? עליך להביא ראיה... כאטש אלעס איז מעגליך צו דעבאטירן איז עס אפשר צו היפאטעטיש.

***

אגב, איך מיין אז דער קעפל פונעם אשכול וואלט זיך געמעגט טוישן אויף "האט די מדינה געברענגט א בענעפיט פאר כלל ישראל?" אדער עפעס ענליך צו דעם.

אויב זיין רעליגיע פארלאנגט אז מ.י. דארף זיין א דורכפאל ווי אזוי ס'זאל נאר נישט זיין לויט מקורות פונעם ויואל משה אין זיינע הוכחות, דאן איז א שאד די לאגישע וויכוחים! ס'דארף פשוט אזוי זיין! ס'איז פשוט דאס פערצנטע אני מאמין.

עס איז דא א מצווה פון כיבוש ארץ ישראל בלי שום קשר צו דעם אז גולדה מאיר וויל שפילן רעגירונג, און דאס איז גענוג א גוטע סיבה צו געבן א סיבה פאר די טערראריסטן למיניהם.

עם עקש תתפתל.

יואב האט געשריבן:געפעלט מיך די ליניע:

קאך לעפל: "וואס וואלט ווען געשעהן ווען ארץ ישראל איז אונטער די קעניגרייך פון ירדן? דער קעניג אבדלה האט דאס פארגעשלאגן פאר גאלדא מאיר, וואס האט דאס קאטעגאריש אפגעווארפן בלויז צוליב די סיבה ווייל זי האט געוואלט א לאנד, צו קענן שפילן הויז- רעגירונג."

אזא ליניע איז לצנות ממש. איך גיי נישט פראבירן צו שטעלן צימעס ענינים נאנט צו דיין הארץ אפצושפיגלען אזא סארט אידילאגיע וואס שיינט צו זיין איינס פלאס איינס.

ס'טייטש קומט נישט זאגן מ'האט ענק נישט פארגעשלאגן אן פלאן צו אנטלויפן. דער קעניג פון ירדן איז דאך "יא" געווען גרייט איבערצונעמען דאס לאנד. איז געקומען די חצופה גאלדא מאיער, און דאס קאטעגאריש אפגעווארפן. פארוואס? זי האט דאך געוויסט אז דאס איז א שפיל מיט פייער וואס גייט אונטערצינדן א שואה נומער צוויי און זיין דער גורם צו טייכן אידיש בלוט? איז דער תירוץ: "בלויז ווייל זי האט געוואלט א לאנד, און שפילן רעגירונג-הויז. ועל זה דווה לבנו.

לגופו של אותו פראפאוזאל, מיין איך אז די רעדע איז נישט געווען איבער גאנץ ישראל. נאר קודם איבער דעם מערב ברעג און מזרח ירושלים, מיט א אויג אויף עזה שפעטער. ישראל האט אבער געהאט מער סיבות ווי "בלויז" צו שפילן רעגירונג-הויז דאס אפצוזאגן. נישט אז איך זאג זיי זענען גערעכט, לדעתי ברויכן זיי צוריק געבן אלע אקופירטע שטחים אזוי ווי ס'איז געווען בעפאר 1967, אבער יא האלטן דאס לאנד אזוי ווי מ'האט צעטיילט אין 1948. אבער דיין מהלך אין דזשורנאליזם איז צום שטוינען.

און בנוגע אנטיסעמעטיזם, האבן שוין אנדערע דא געזאגט. ס'איז קיין ספק אז די מדינה גיבט אויל צום פייער; אנטיסעמעטיזם וואלט אבער געווען ריגארדלעס. אגב, קרית יואל מיט זייער היינטיגער מנהיג, אויך זיין ברודער, און אפילו דער אלטער סאטמערער רבי קענען זיך אויך אלע קלאפן אשמנו פאר א שיין ביסל אנטיסעמעטיזם וואס זיי האבן אנגעבראכט אויף דער וועלט. ספעציעל לאקאלע.

איז אזוי אויף די פארזענדליכע ריטאריק האב איך נישט וואס צו ענפערען, און אויף דעם וואס די שרייבסט לגבי סאטמאר וויל איך נישט אצינד קאמענטירן, אבער אויף די שרייבט בנוגע גולדא מאער גיי איך יא ענפערן,

איך ווייס נישט פון ווען די רעדסט, אבער איך וועל דיר זאגן פון ווען איך רעדט:

אין יאר 1947 אין די תקיפה וואס ווערט אנגערופן די המדינה בדרך תקופה, איז דער דעמאלסדיגער פירער פון די הגנה דוד בן גריון ימ''ש געווען זייער באזארגט איבער א דירעקטע מיליטערישע קאנפליקט מיט די אראבישע לענדער וואס האבן דאן פארמאגט מער ארגענעזירטע ארמיי'ען פון די פרימיטיוואע הגנה און אירגן קעמפער, ווי אויך פארגעשריטענע געווער, האט ער דאן געוואלט פארמיידן כאטש איין פראנט, האט ער געשיקט גולדא מייער וואס האט געהאט באציאינגען מיט קעניג אבדלה פון ירדן, אים אפצורעדן אז ער זאל נישט מיטשטיין מיט די אראבישע ליגע, אזוי ארום וועט דאס אפשוואכען די כוחות פון די אראבישע ליגע, האט איר דאן אבדלה מסביר געווען אז ער קען דאס נישט טאן, ווייל עס וועט אים קאסטן זיין לעבן, אבער ער האט איר געזאגט אז אויב מען וועט נישט פראקאלאמירן די מדינה וועט ער נעמן ארץ ישראל אונטער זיין שוץ, אין די אידן וועלן קענן לעבן אומגעשטערט אזוי ווי זי האבן געלעבט אומגעשטערט אין אלע אראבישע לענדער.
אבער גולדא האט דאס קטאגאריש אפגעווארפן און אים געזאגט אז די פראקאלאמאציע פון די מדינה גייט געשעהן אין דעם טאג וואס די בריטשע מאנדאט לויפט אפ, האט ער איר גענפערט אז אויב עס איז אזוי קען ער גארנישט טאן, און די פראקאלאמירער פון די מדינה וועלן דארפן צאהלן די פרייז און ליידען די קאנציקווענסן פון זייערע אקטען. וכך הוה און מיר באצאהלן נאך אלע די פרייז דערפון עד היום הזה, ועד בכלל, ותוציאיו מי ישורנה.....

און אויף נאכאמאהל קלאר צו מאכן:

די גוים האבן פיינט די אידן זייט מעמד הר סני דאס איז א מציאות:
די גוים וואלטן פיינט געהאט די אידן, אפי אן קיין מדינה דאס איז אויך א מציאות:
די מדינה איז נאך א סיבה פארוואס דער גוי בפרט די אראבער האבן "פול מער פיינט דעם איד" דאס איז א מציאות:
אויב מען וועט אפטאן די סיבה וואס ריפט זיך איזראעל, וועט עס פול מיניזירן די שנאה דאס איז אויך א מציאות:
טיען מיר עפעס צו מיניזירן די סיבה? ניין! פארקערט גאר מיר גייען לאביען פאר די מדינה אין וואשינגטאן, מיר שטעלן זיך צו צו די ציוניסטשע פראוואקאציעס, מיר סימפאטאזירן מיט די מדינה בכל עת ועונה:
דער פועל יוצא איז: מערדערייען און שטעכערייען, און אידיש בלוט גיסט זיך אין די גאסן,
פארוואס מיר טיען נישט גארנישט? די זעלבע סיבה פארוואס אונזערע עלטערן האבן נישט געהויבן פוס און געמאכט פליטה פון אונגארן, ווען דער נאצי שווערד האט שוין געפאכעט אין די ליפט.....

ווען אלע פרימע אידן פון די וועלט זאלן אונטער שרייבען א פעטיציע אז מיר האבן גארנישט מיט די מדינה, עס איז בלויז א פאר כופרים וואס ווילן שפילן לאנד, און זיי רעדן נישט און האבן גארנישט צו טאן מיטן כלל ישראל, וועט גאר אסאך צו העלפן אפצושוואכען די שנאה און האס וואס די גוים שפירן צו אונז. עס וועט זיין תיקן השלום? ניין! אבער א תיקון וועט זיין! אלזא? פארוואס ווארטן מיר???????? פארוואס זאלן מיר נישט פארמיידען דעם שואה השני ווען מיר קענן נאך?????

גוט געזאגט
פארוואס אונזערע עלטערן האבן נישט געהויבן פוס און געמאכט פליטה "קיין ישראל" פון אונגארן, ווען דער נאצי שווערד האט שוין געפאכעט אין די ליפט
אויך פ'וו האבן זייער עלטערן זיי נישט אויסגעלערנט ווי מ'האלט א ביקס